الموضوع: مسافرين ضايعين سنغافورة

السلام عليكممرحباااا يا اهل العرب المسافرون
طبعا اناا عضوة قديمه بس يوزري القديم مدري وش فيه ما يدخل شكلي نسيت كلمة المرور


الموهيم ماعلينا




طبعا زي ما انتو شايفين في العنوان


اناا مسافرة لسنغافورة بعد 3 ايام و شوي تايهه وعندي استفسارات كثيرة ياريت تساعدوني وبالذات من اهل الخبرة وطبعا ما انقص من حد كلكم فيكم الخير و البركة




اول شي مخطط رحلتي راح تكون


من ابوظبي - كوالالمبور
وعدد الاشخاص
4 كبار و اعمارهم 33 - 25 - 22-21
و 2 صغار 2ونص - 10 شهور


حجزنا بيكون
3 ليالي سانتوسا فندق ذا روك
ليلتين فندق سن واي برايمير
4 ليالي كوالالمبور فندق e&o ريزيدينس




اول استفسار
الحين يوم بننزل في كوالالمبور كيف نوصل لسنغافورة نقدر نآجر سيارة من كوالالمبور و تدخل لسنغافورة ؟؟ او في حل ثاني غير الطيران ؟؟


2- فنادق ريزورت ورلد سانتوسا يوم تحجز في فنادقهم هل يتضمن تذاكر دخول الاماكن الترفيه مثل اليونيفيرسل و غيرها من الاماكن نفس يورو ديزني اذا حجزنا في فندقهم ندخل ديزني لاند ببلاش ؟؟


يكفي الحين هالاستفسارات اذا في شي بجي اطلب مساعدتكم و ان شاء الله ما تقصرون معاي

مواضيع عشوائيه ممكن تكون تعجبك اخترناها لك:

• استفسار عاجل عن سوريا
• العودة الى اوزبكستانرحلة صيفية بنكهة الفواكة
• صور ومقاطع فيديو لرحلتي العائلية في عيد الفطر
• استفسار اقرب دولة قريبه من الخليج جدول ٥ ايام
• سؤال عن فندق في سنغافورة ، وكيفية السفر إلى جوهور ماليزيا بالتاكسي
• جدول سياحي 8 أيام سنغافورة
• تايوان موضوع بالخرائط عن السياحه في تايوان
• رحلتي العائلية الى هونج كونج و مكاو في بداية شهر اكتوبر
• الأكل الحلال بسانيا؟؟؟
• رحلتي إلى اليابان
• نداءالمشرفين وجميع الأخوةاستفسار لو سمحتم
• تقرير بالـفـيـديــو لـرحــلــتــي إلـى الساحرة هـــــونـــــغ كــــونـــــغ
• تقرير رحلتي لكوانزو بتاريخ ديسمبر
• اسشارة آسيوية
• سؤال استيراد بضاعة شخصية من الصين
• استفسار من الاحباب عن السفر الي سنغافورة شهر يناير والفنادق
• صلنفة تقرير مصور
• ابوقبيس طبيعة لاتفاوم
• شكرا
• يوميات عليانمتسند على سور الصيناحم

طيب وكمان في كم استفسار دام طولتوا في الرد

اليونيفيرسل كم سعر تذكرة الدخول ؟ و هل تكون شاملة سعر الالعاب والا سعر الالعاب غير ؟؟

و ايش افضل الاماكن في سنغافورة الي تستحق الزيارة ؟؟

وعليكم السلام

هلا بالعضوه القديمة

بالنسبة لاستفساراتج :

1- في سيارات وباصات تاخذكم من كوالالمبور إلى الحدود مع سنغافورة ، بس الطريق متعب وطويييييل ما انصح فيه نهائيا !!
الطياره افضل بمليون مره وسعرها رخيص جدا ومدتها 50 دقيقة فقط لا غير


2- إذا كان الحجز عادي فلا يوجد تذاكر مجانية ولا شي ، لكن انا حاجز مع وجود عرض ، وكان العرض :
غرفة عائلية مع الإفطار + تذاكر يونيفيرسالستوديوز + تذاكر s.e.a. أكواريوم + تذاكر دخول ادفانجور كوف ووتر بارك
مثل ما قلتلج هذا عرض وكان إلى مده محددة ، مادري إذا خلص العرض ولا لأ
لكن بدون العرض لا يوجد تذاكر لأي مكان نهاااااااائيا

وإن شاء الله تروحون وترجعون بالسلامة

افااا يعني ع الفاضي حاجزين في الفندق ><

طيب في احد عنده اي معلومه بخصوص سيارات الايجار تدخل لسنغافورة والا لا اذا اجرناها من مطار كوالالمبور

انا بصراحه اول مره اسافر شرق اسيا فا ما اعرف وش نظامهم


وعندي هالاستفسارين
اليونيفيرسل كم سعر تذكرة الدخول ؟ و هل تكون شاملة سعر الالعاب والا سعر الالعاب غير ؟؟

و ايش افضل الاماكن في سنغافورة الي تستحق الزيارة ؟؟

سعر تذكرة اليونيفيرسال ستوديوز = 74 دولار سنغافوري
والتذكرة شاملة الدخول + جميع الألعاب


بالنسبة لأفضل الأماكن في سنغافورة انصحج بقراءة هذا التقرير


http://www.arabtravelersforum.com/travel688383/


حيث يحتوي على أغلب الأماكن السياحية الموجودة في سنغافورة وأسعار تذاكرها وطريقة الوصول إليها

وإذا تحبين تعرفين أفضل الأماكن السياحية في جزيرة سانتوزا انصح بقراءة هذا التقرير


http://www.arabtravelersforum.com/travel723065/


حيث فيه أكثر من 17 مكان سياحي بجزيرة سانتوزا واسعارهم وموقعهم وطريقة الوصول اليهم ومواعيد العمل وكل المعلومات المهمة للسائح

جزاك الله خير اخوي ابو سعود

انا قرات موضوعك تبع سانتوسا ومنها حددت وش الاشياء الي لنا اهتمام فيها وايش الي لا يعني حدائق الحيوانات و هالسوالف ما افكر اروحهاا
حاجه حابه اسآلك هالمطار ماليزيا سهل اجرائتهم وسريعه ؟؟ لان حجزت بطيران اسيا لسنغافورة و بيكون وصولنا الساعه 2 الظهر و اقلاع لسنغافورة بيكون الساعه 3 الظهر يعني الفرق ساعه هل بينقدر نلحق ؟؟


بس موضوع سنغافورة الصور موب ظاهره للاسف بس تقريبا حددت مكانين الي هو شارع ريتشارد مدري اذا صح والا لا و بشوف مكان ثاني


الحين ابى الموقع تذاكر حقت يونيفيرسل عشان احجز من الحين ولا اروح اتبهذل


و اخر شي هل يكفي مصروف يومي 1000 دولار سنغافوري ل 4 اشخاص كبار و 2 اطفال تحت ال3 سنوات ؟؟

جزاك الله خير اخوي ابو سعود

انا قرات موضوعك تبع سانتوسا ومنها حددت وش الاشياء الي لنا اهتمام فيها وايش الي لا يعني حدائق الحيوانات و هالسوالف ما افكر اروحهااحاجه حابه اسآلك هالمطار ماليزيا سهل اجرائتهم وسريعه ؟؟ لان حجزت بطيران اسيا لسنغافورة و بيكون وصولنا الساعه 2 الظهر و اقلاع لسنغافورة بيكون الساعه 3 الظهر يعني الفرق ساعه هل بينقدر نلحق ؟؟

لا لا لاالفرق بين الرحلتين ساعة وحده !! فرق قلييييييييل جدا جدا وما راح تقدرين توصلين بالوقت المحدد !!

أولا مطار طيران آسيا مو نفسه مطار كوالالمبور !! يعني بعد ما توصلون كوالالمبور لازم تاخذون تاكسي أو باص ينقلكم من مطار كوالالمبور إلى مطار آسيا واسمه

LCCT

ثانيا طيران آسيا يغلق الكاونتر قبل الرحلة ب40 دقيقة !!

يعني عندكم فترة 20 دقيقة فقط من وصولكم إلى كوالالمبور لازم تخلصون فيها الجوازات والتفتيش وتستلمون الشنط وتطلعون بره وتاخذون تاكسي وتروحون للمطار الآخر وبعدين تسألون وين مكان رحلتكم و و و .... مستحيل كل هذا خلال 20 دقيقة مستحيل

عزيزتي لازم تكون الفترة بين الطيارتين 3 ساعات أو 4 ساعات

ساعة وحده لا تكفي صدقيني وراح تطير عنكم الطياره لو استمريتي بفترة ساعة وحده

بس موضوع سنغافورة الصور موب ظاهره للاسف بس تقريبا حددت مكانين الي هو شارع ريتشارد مدري اذا صح والا لا و بشوف مكان ثاني

والله توني شيكت على الصور ظاهره عندي كلها !!مادري ليش مو ظاهره عندجعموما ، الشارع اسمه اوشارد رود وهو شارع حيوي جدا وفيه كل ما يهتم فيه السائح من مجمعات وفنادق وكافيهات ومطاعم وسينمات ومحلات بيع ومحطات اندرقراوند ومحطات للباص وحتى بعض المساجد موجودة بهذا الشارع

الحين ابى الموقع تذاكر حقت يونيفيرسل عشان احجز من الحين ولا اروح اتبهذل

تفضلي هذا موقع تذاكر اليونيفيرسال ستوديوز في جزيرة سانتوزا

http://www.rwsentosa.com/language/en...udiosSingapore

و اخر شي هل يكفي مصروف يومي 1000 دولار سنغافوري ل 4 اشخاص كبار و 2 اطفال تحت ال3 سنوات ؟؟

العفو اختي المبلغ كبير جدا !!1000 دولار سنغافوري مصروف يومي ؟؟؟ جدا المبلغ كبيربس اتوقع ان 500 دولار سنغافوري كافيه جدا لليوم الواحديعني نص المبلغ الي ذكرتيه

اخوي زين اني ما تهورت وحجزت كنت متردده و قلت خلني انتظر ردك

خلاص قررت انا و الي معااي ان راح نحجز يوم نوصل ان شاء الله

و الحين برجع اشيك على الموضوع امكن لان امس دخلت عن طريق التلفون


و الحين راح احجز تذاكر الدخول

وجزاك الله خير

اختي الافضل انكم تحجزون من الحين للطيران
عشان تاخذون ارخص الاسعار
إذا حابه اني اساعدج بحجز الطيران انا حاظر

بوسعود يعطيك العافيه ما تقصر

بس حصلت الحجز قريب ال2000 مدري استغليته

تقريبا لو رحنا بتاكسي كم بيكلفنا ؟؟

اليوم طيارتنا و احس راسي بيعورني اول مره اسافر شرق اسيا معرف كيف نظامهم ><

يعني في اوروبا حلاته انه تآجر سياره و تروح كل الدول محد يقول لك شي بس اسيا معرف كيف نظامهم نحن كنا على اساس ان ناجر بس ما عرفنا وش وضعهم قلنا بنروح نشوف هناك اذا عادي واذا لا بناخذ طياره

هلا أختي
ان شاء الله تروحون وترجعون بالسلامة
والله ما أدري كم يكلف بالتاكسي بس أكيد غالي لأن المسافة كبيره
الباص ارخص من التاكسي
لكن بكلى الحالتين التعب كثير ، الله يكون في عونكم
بما ان اليوم طيارتكم ، أول ما توصلون مطار كوالالمبور على خير وتخلصون من اجراءات الدخول روحي الدور الثاني
هناك مكتب طيران آسيا وغيرها من الخطوط
سأليهم عن اسعار التذاكر وسأليهم عن أفضل طريقة للذهاب سواء بالتاكسي أو بالباص وان شاء الله بيفيدونك
وإذا احتجتوا أي شي من ماليزيا أو سنغافورة انا حاظر وبالخدمة
مع خالص تحياتي

جزاك الله خير وما تقصر وان شاء الله نخدمك في اوقات ثانيه

المشاركة الأصلية كتبت بواسطة mbushra
http://www.arabtravelersforum.com/tr...9/#post7862899

جزاك الله خير وما تقصر وان شاء الله نخدمك في اوقات ثانيه





تفضل من هنا تحجز تذاكر اليونيفرسال

http://www.rwsentosa.com/Homepage/Th...udiosSingapore