السلام عليكم
للمنتدي الاكثر من راع
اول مره اكتب تقرير عن سفرتي
والي دفعني للكتابه مساعدتكم لي الي تستحق الشكر
الشكر لي اعضاء المنتدي الي استفدت منهم الكثير
والشكر لعرب لنك علي التعاون والمساعده والمصداقيه في كل شي
اولا كان حجزي عن طريق عرب لنك فندق كاسيلز البرشاء
الفندق مره حلو والغرف واسعه والخدمات متوفره يعني تطلع من الفندق قدمك
محطة المترو (شرف دي جي ) ومن باب الفندق تطلع تشوف سوبر ماركت ومغسلة الملابس
والسعر الي ماكنت اتوقعه ولا عمري جيت دبي وسكنت بهسعر الحلو 275درهم
وسيلة الموصلة كانت المترو والباص ومره حلو وتوفر الكثير
بس حبيت اقول لكم شغله عن الموصلة نقطتين بس
الاولي اذا بتروح سوق مرشد الي هو سوق الذهب او سوق نايف
تركب المترو وتنزل في محطة الاتحاد وتاخذ تاكسي بعشر درهم يوصلك سوق نايف
عشان انا هذا اليوم لحبطت وصارت لي سالفه نزلت في محطة الكرامه
والنقطه الثانيه اذا تيغي تروح اتلانتس
تنزل محطة مرسي دبي وتاخذ تاكسي الي اتلانتس بعشرين درهم
هذي من خبرتي البسيطه الي سويتها
وعندي صور للفندق وسكي دبي واتلانتس بس اعذروني معرف انزل الصور
ونسيت اقولكم مره حلو كتاب انترناشونال فملي
ويوجد في مكتبة مول دبي او مول الامارات او ستي سنتر
شوف ايش اقرب لك عشان انا رحت مشوار طويل بس عشان الكتاب الي ستي سنتر
وهو قريب من عندي في مول الامارات ومول دبي
وفي مول دبي مطعم حلو واسعاره حلوه تروح تجلس تتعشي وتشوف عرض النافوره
خيال وهم اكله حلو
طلبنا تكا دجاج وسلطة خس وشوربة خضار وكرات اللحم وكان حلو والسعر بنسبه للاكل ومشاهدت العرض
مره رخيص اذكر طلع 176 درهم علي مااتوقع
اسم المطعم dean &deluca كافيه
سامحوني طولت عليكم
مواضيع عشوائيه ممكن تكون تعجبك اخترناها لك:
رد مع اقتباس
المفضلات