الموضوع: ببوركاي ومتوهق؟؟الفزعة

مساءكم ورد..

أحب أشكركم على ماقدمتوه لكل من يرغب السفر الى اي وجهة في العالم...والكلام يعجز عن وصف ذلك
تكفووون يالنشامى أبي فزعتكم
معي بطاقة صراف الراجحي وعيت تصرف وخويي كذلك بطاقة بنك الاستثمار ونفس الشئ كل مارحنا لصرافة ترفض
السؤال هو كالتالي
1-من وين أقدر أصرف اي بنك؟ تكفون ضروري
والله بدينا انا وخويي ماعاد نطلع من الفندق

تصدقون دقيت ع السفارة وسألتهم..تدرون وش قال الموظف؟؟ وش تبيني اسويلك؟؟
اووم الغبنة ياناس
يحسبني اشحذ....عالعموم
أي احد يدلني تكفون((((أنا متواجد في بوركاي)) الحين والجو مررة روعة بس بدون صرافات ماله سنع

مالي بعد الله الا انتم..فاتح النت انتظر الجواب

مواضيع عشوائيه ممكن تكون تعجبك اخترناها لك:

• الفلبين وموقعها من التميز بين تايلند واندونيسيا
• مشكله بموقع الطيران الداخلي
• مدينة الحياة مانيلا
• استفسار يا اخواني
• فيزا اسبوع من ماليزيا للفلبين
• يا باغي الخير اقبل " الفلبين "
• رحلتي القادمة الثالثة إلى الفلبين في منتصف نوفمبر اريد اراء الخبراء
• محتار و أبي الوناااااسة
• الفلبين على خطى المغامرين, كما لم تروها من قبل
• الخطوط الفلبينية تلغي رحلاتها الى السعودية
• خوفتوني
• استفسار بسيط مرحباً فيكم
• تكفون تكفون علشان مانكنسل الحجز
• كم تبعد ماليزيا عن مانيلا
• استفسار بسيط جدا بوراكاي
• اخواني انا رايح وحداني بعد ثلاثة اشهر
• باب ماجاء في ذكر الفلبين تجربه سريعه بالاسعار
• للخبراء ممكن المساعده
• صور ومقتطفات مختاره من الفلبين
• عاجل اول مره اسافر الفلبين ارجو المساعدة

مرااحب يا مغترب متوهق

شف وأنا أخوك في مثل حالتك ما فيه حل إلا إنك تتواصل مع بنكك الراجحي، تدق عليهم وتبلغهم بمشكلتك، وطبعا خويك برضه يدق على السعودي للاستثمار ويسوي نفس المشكله..

طبعا أنا داري إنهم زلايب وما همهم وضعك بس انشب له إنه يسوي أحد هالأمرين:

يفعل بطاقتك ويخليها (glopal use) بمعنى إنك تقدر تستخدمها في صرافات الفلبين.

الأمر الثاني إنه يحول اللي برصيدك على Western Union طبعا هذا حق الحوالات الماليه، يتيح لك الأمر إنك تروح لأقرب بنك في الفلبين وتصرف الفلوس من حسابك الجاري عن طريق تقديم جوازك بس..

إذا غلبت الروم وماااش دقرت السالفه مع البنوك، خل أحد يحولك عن طريق Western Union باسمك وتسحب من البنوك هناك برضه من خلال الجواز


الأمر له حل ولا تضيقون صدروكم، وشباب هالمنتدى مهوب مقصرين بالاقتراحات

والله الان اللي صار صار ولا المفروض اخذ كاش كافي لا تعتمد على الصرفات في الجزر عموماً الحين تقدر تدخل على حسابك وتدق على واحد من الشباب وتحول بحسابه مبلغ وبس يستلمه يروح وستر يونيون ويحوله باسمك وقبل لا حول روح اسال وش المطلوب لانه قد يكون يطلبون اثباتين يعني رخصه بالانجليزي والجواز وتنتهي العمليه وكان الله في عونكم واذا تبي شي ابشر بعزك

اخوي جرب هذا البنك (مترو بنك) لانه اغلب البنوك الفلبينيه ماكانت تعطيني الا هالبنك دائما اسحب منه عادي جربه شوف وانشاء الله تقدر تسحب منه واتصل كذلك بالبنك مالك ممكن يكون في مشكله بالحساب او يوم السبت والاحد المكاين فاضيه مافيها فلوس لانه ايام اجازه بس حاول بالبنك اللي قتلك عليه لانه هو المضمون

أبشركم الأمور زانت الحمدلله..وبطاقتي صرفت..والله لايهينكم على كل حال ماقصرتوا..وكل من رد علي أقول له الله يرحم اثنين جابوك..بس الظاهر جزيرة بوركاي مافيها أي مطاعم عربية أو عالمية..وإلا؟؟؟
ياليت اللي عنده علم يرد لي خبر
مشكورين والله ع التفاعل والله يجعله في ميزان حسناتكم

المشاركة الأصلية كتبت بواسطة متغرب متوهق
http://www.arabtravelersforum.com/tr...8/#post5702808

أبشركم الأمور زانت الحمدلله..وبطاقتي صرفت..والله لايهينكم على كل حال ماقصرتوا..وكل من رد علي أقول له الله يرحم اثنين جابوك..بس الظاهر جزيرة بوركاي مافيها أي مطاعم عربية أو عالمية..وإلا؟؟؟
ياليت اللي عنده علم يرد لي خبر
مشكورين والله ع التفاعل والله يجعله في ميزان حسناتكم




المطاعم في المول وشيك الفنادق

المشاركة الأصلية كتبت بواسطة متغرب متوهق
http://www.arabtravelersforum.com/tr...8/#post5699752


تصدقون دقيت ع السفارة وسألتهم..تدرون وش قال الموظف؟؟ وش تبيني اسويلك؟؟
اووم الغبنة ياناس
يحسبني اشحذ....عالعموم

توضيح :

حبيبي السفاره ما لها اي شغل في موضوعك انت عندك مشكله مع بنكك وش يدخل السفارة !!!!

والشئ الاخر لو تصفحت تقارير الاخوان لوجدت كذا تعليق وكذا استفسار يتكلم عن الصرف في بروكاي