وعليكم السلام ورحمة الله وبركاته
طبعا باين انك حاجز كل شيء وخالص ولا كان قتلك انه 3 ايام لكل ديره غير كافيه وخصوصا كوالا وبانكوك
على العموم طريقه التنقل من سنتوسا الا خارجها يكون عن طريق عده خيارات مثل الباص والتلفريك والتاكسي الي يجي عند الفندق
وجزيره سنتوسا عامتا غير مسموح فيها قياده السيارات الا للفنادق وباماكن مخصصه
اقرب محطه مترو لسنتوسا هي هاربر فرونت وبعدها تتمشى شويه وتصعد التلفريك بعدين للجزيره
اما بخصوص جدول الزيارات فهو يعتمد على ذوقك واختياراتك لكن انا ابي اعطيك الجدول الي افضله بالنسبه لي
اليوم الاول :
1 - الذهاب للمارينا باي ساندس وركوبه من الاعلى
2 - رحله الكروز في المارينا
3 - الذهاب لشارع العرب والغداء والتسوق هناك
4 - ركوب الفلاير في المارينا ليلا
اليوم الثاني :
1 - جوله في جزيره سنتوزا من قبل الظهر الى قبل المغرب
2 - الذهاب لشارع الاورشارد للتسوق والعشاء
اليوم الثالث :
1 - زيارة اليونفيرسال في سنتوزا ( يفضل زيارتها باكرا لانها تسكر الساعه 7 مساءا )
2 - زيارة النايت سفاري ومن ثم العشاء في المارينا
طبعا تقدر تضيف وتعدل على الجدول مثل ما انت تحب وانصحك تشوف بعض المواضيع وتشوف صور الاماكن
تقبل تحياتي
رد مع اقتباس
المفضلات