الموضوع: السكن في باريس وجدولي فيها التنقل بالقطار بين لندن وباريس

السلام عليكم
اول شيء حبيت اسالكم عن باريس والسكن فيها علماً اني ابي اسكن بشارع الشانز ولو فيه فندق ثلاث نجوم امن ونظيف ومرتب ويوجد به غرف مطله على برج ايفل وقوس النصر واحنا اربع اشخاص تقريبا يعني لو ناخذ غرفتين كل ثنين بغرفه مايهم 3 نساء ورجل

الشيء الثاني طبعا احنا بكون متلثمين وبعبايات ملونه بالوان هادئه لاتجذب الانظار المهم الان انا ماكنت ابي احط محطه وصولي باريس لان تعرفون مطارها متشدد على تغطيه الوجه انا ابي يكون خطتي 7 ايام في لندن وبعدين ثلاث ايام في باريس وبعدين نرجع للندن حتى نرجع لارض الوطن

وجدولي هو باريس : اول يوم نتمشى بالشانز ونقعد عند برج ايفل - وثاني يوم ديزني لاند - ثالث يوم نروح لقوس النصر ونرتاح
ماخترت قصر فيرساي ولا متحف اللوفر لانهم يمنعون دخول الي مايكشفون وجيهم طبعا هذا مو موضوعنا

الحين ابي اعرف كيف انتقل بين لندن وباريس سالفه الشنغن كيف يعني ! وكم التكلفه لاربعه اشخاص ♥️♥️

الله يسعدكم ويرزقكم الجنه الفردوس من الموبايل

مواضيع عشوائيه ممكن تكون تعجبك اخترناها لك:

• خبراء باريس تفضلوا لو تكرمتوا
• رحلتي من أسبــانيــا الى عـــــاصمة النـــور والجمـــال باريـــس
• اية رايكم بفندق Warwick champs elysees
• استفسار عن تسليم السياره في مطار فرنسا
• الحي الاتيني باريس
• الان في كومو ورحلتي الى فرنسا يوم السبت القادم، ارجو المساعدة
• استفسار بخصوص تاسيرة فرنسا
• باريس التي رأيتذكريات ومشاهدات من عاصمة النور والجمال
• من اين أأخذ التاكس الفري ؟
• ساعدوني في التخطيط لرحلتي
• الطريق الى استركس بارك، لم يتبقى سوى أربعة ايام
• الشنغن هيليب
• بافليون اوبرا في احد سكن فيه قبل كذا وايش رايكم
• استشارتكم ون اروح باروبا وبالتحديد باريس
• مساعدة في تخطيط رحله
• استفسار عن الاماكن السياحية
• فنادق دمشق القديمة تراث معماري أصيل وعامل جذب للسياحة السورية
• أرجو المساعده في هذا البرنامج المقترح
• اهل الخبره في اسبانيا و فرنسا وسويسرا وايطاليا تفضلو مشكورين
• التكلفه

احس جاني لحسة بمخي شلون فندق بالشانز يطل على ايفل :/
الله يثبتك بس ترا محد متشدد على تغطية الوجه اشوفهم متنقبات
ولما دخلنا المطار فيه وحده كانت متلثمه ماقالولها شي اني وي تاكدي
الشانز فيه مطاعم ومقاهي وسيفورا ونهايته اللوفر وفوقه قوس النصر
يعني قوس النصر بس تطالعين فيه مافيه شي يشد واذا بتطلعين له شفت ناس طالعين
بس ماحسه يحمسس ثاني شي قلبي ايفل يمديك تروحين له بنفس اليوم او انك تكملينه باللوفر
حتى لو مادخلتي اللوفر ترا جنبه حديقه حلوه اجلسي عندها تقهوي
ديزني لاند قبلها الاوت ليت روحي له اذا تبين شوبنق بس ترا ماحولك احد طقينا مشوار له وتهزأنا وعودنا
ديزني لاند اذا معكم بزارين روحولها مامعكم لاتروحين

فيزا فرنسا غير عن فيزا لندن
لا تضيعون الايام في التنقل يعني خلصو من لندن وبعدين نزلوا باريس ماله داعي الرجوع للندن مع انه شخصيا افضل تبدون بباريس والعوده تكون من لندن

ما قصرن البنات

هلا قلبي ماشفت منقبات ب الجاليري لافييت بس شفتهم بالشانز وبالمطار وبكذا مكان ناسيتهم
جربي تشيلين النقاب والله ان يتوسع صدرك تحسين الهوا يهفهف عليك ههههه استغفر الله
الجاليري زحممممه وكل الماركات هناك يعني تبدين من الكبيره لين ترقين للصغيره
ديزني حلوه بس اقري وش انتي واقفه عنده لاتشوفين الناس صافين وتصفين معاهم تخيلي صفينا بلعبه ثلاث ساعات
ونحتري بس متى نلعب يوم جاء دورنا طلع تصوير مع اميره ديزني ؟؟؟؟؟ مانسى نظره امي لي
مالقاها الا اخوي طلع يعرفها واستانس عليها
لا حلو لندن وباريس بينهم ساعتين وشوي
بس لندن لها فيزا وباريس لها فيزا
الشنغن تدخلين فيها دول اوربا باريس سويسرا ايطاليا المانيا النمساا واسبانيا
واذا تبين تطلعين مثلا من سويسرا لباريس يبيلك بالقطار بينهم خمس ساعات الظاهر
يصير تاخذون شنغن متعدده يعني تدخلين وتطلعين وتدخلين
اذا ماتبين شغل الغرامه روحي لندن ترا حلوه بالعيد والصيف وحفلات وشغل يوسع الصدر
او روحي سويسرا وايطاليا حول بعض
بتنبسطييين والله لاتشيلين هم اذا وصلتو لحل ارسلي لي خاص
بديت اقط معكم بسفرتكم خخخ
بالتوفيق حبيبتي

الله يوفقك اختي هههههه اهم شي يهفهف عليك ؛ اممم انا راح اكون متلثمه يعني احس افضل شوي من النقاب بنظرتهم مع اني احسه نفس الشيء بس احاول اقنع نفسي ^_^ انه غير

انا شايله هم الغرامه بس احس ثلاث ليالي شويه يعني غير ان قعدت ايام كثير بيلاحظوني () والجاليري احتمال كبير ماروح له

بس ممكن توضحين وش هي شنغن متعدده ؟

ياليتك تجين معنا ♥️♥️♥️ ترا للحين قاعدين نخطط مافكرنا نروح من الموبايل

الشنغين متعدده يعني تروحين عدة مرات
والاغلب للخليج بلا شك متعدده

ان شاءالله ما فيه غرامه
ما عمري سمعت عن غرامه للخليجين