الموضوع: اكل كويتي

لو سمحتوا ياجماعه انا ابي مطعم بالكويت يبيع الرز والبرياني يعني طبخ كويتي لان انا دائم اذا جيت ناكل بميس الغانم والبردوني والميجانا

بس ناويه اجي بالصيف وبطول فابي مطعم يبي رز لان عندي الوالد العزيز مايحب الرز الابيض الي في هالمحلات على انه رز ميس الغانم لايعلى عليه ( ميس الغانم كله يهبل )

مواضيع عشوائيه ممكن تكون تعجبك اخترناها لك:

• انا بالكويت
• منو جرب السفر مع قروب؟
• أوقات الزيارة
• مساعدة عن مكاتب العقارات لو سمحتوا
• نودعكم بحفظ الله ورعايته
• افضل الفنادق القريبه من ابراج الكويت
• مطعم الإيراني غاردن
• اماكن بيع فساتين السهره ناعمة وفيها فخامة و مصممات في الكويت
• حدث لأول مرة بالكويت يوم الطيران برعاية ريد بول
• وين أحصل فساتين حفلات ؟
• أسعار مخفضة تطرحها طيران الجزيرة في الشتاء
• تقسيم الشوارع الطرق الدائرية
• استفساااااااااااارين للخبراء
• مجمع غير
• أهم المعارض المقامة بمشرف من سنة إلى سنة
• هوم سنتر
• لافينوز
• زين اروح فالكويت الحبيبة جدول اربع أيام بليز
• شارك فـّوٍضـٍٍوٍيـّ عن الكويت
• المساعده بليـــــــــــــــــــــــــــــــــــــــــــــــ ــــــــز

مطاعم...
مغل محل
فريج صويلح

مطعم الخالدية
للبريانى الدجاج واللحم فظييييييييييع
وكل اكله طيب
وفيه عنده خدمة التوصيل مجانا
وهذا رقمهم 4882244

اذا تحبين خدمه التوصيل عندك مطاعم البراحة منتشرة بكل مكان فهو متخصص بالطبخ الكويتي

واي رقم هاتف لأي مكان رقم البدالة التجارية 808080

فريج صويلح - شارع سالم المبارك...
(السالمية)

مطعم النوخذه - كراون بلازا...
(الفروانية)

مطعم و بوفيه أبراج الكويت - شارع الخليج...
(مدينة الكويت)

تحياتي.

الله يعطيكم العافيه


بس بسال ( مغل محل ) وينه فيه

مطعم شاطيء الوطية بادارة الطباخه ام حبيب الفيلجاوي
مطعم متخصص بالاكل الكويتي صاير صوب الكنيسة

المشاركة الأصلية كتبت بواسطة daloolh
http://www.arabtravelersforum.com/tr...7/#post1051767

الله يعطيكم العافيه


بس بسال ( مغل محل ) وينه فيه



أختي...
معطعم مغل محل هو هندي و ليس بـ كويتي...

و له العديد من الفروع أبرزها...

1- ماركس & سبنسر(ألطابق الخامس) ، شارع سالم المبارك بجانب المارينا، السالمية.

2- الشرق، مدينة الكويت.

3- إحد المطاعم السريعة في المارينا مول.

:24:

المطاعم الهنديه تفي بالغرض

في مطعم اشاز روعه
في المرينا كرسنت"المرينا كرسنت الجزء المقابل للمرينا على البحر"


======

808080
اتصلو عليهم

وبتحصلون مطاعم كويتيه وايد

بحاول اجمع ارقامهم :d

اخوي الكريم شكرا لتفاعلك


بس اذا بتبحث ابحثلي عن مطاعم يكونون موجودين بالسالميه عند الستي سنتر

هلا والله ...
يشرفني تقديم بعض المطاعم الكويتيه والخليجيه بدولة الكويت وهي كالتالي ...

الديوان الكويتي 4823888
الزعفراني 2644421
الشروق 4752300
الطبق الكويتي 2611313
الفنر 2626205
اللواء للمأكولات الكويتيه 5632089
المشاهير 3721116
المطبخ السعودي 4721113
بلاليط 2634342
حار بحار 3711757
راعيها 4896652
ساكت عجيب 4734614
عيال الفريج 3924800
من زمان 2614345
مركز المطبخ الوطني 2622265

والقائمة طويلة جدا جدا ....


تحياتي .

السلام عليكم ورحمة الله وبركاته

هناك مطعم في خيطان وايضا لديهم فرع في جمعية الفحيحيل التعاونية، مختص للاكلات الكويتية الاصلية
شركة النبراس للتجهيزات الغذائية

اكلهم حلوووووو وايد ويمتاز بالنظافة

ارقامهم
فرع خيطان : 4768455 - 4723410
فرع الفحيحيل : 3923507 - 3923507

تفضلو بقبول فائق الاحترام

:24:

مطعم فريج صويلح بشارع سالم المبارك

مطعم شاطئ الوطية بجانب الكنيسة

بصراحه رقم واحد بالنسبه للطعم
الزعفراني 2644421
في منظقة حولي يعني مطبق زبيدي والبرياني عجيب
والا المموش والدقووس اف اف اف شي ما صار
مرقة نقرور وعيش مشخووول اخييييييييييييه راح تنهارين من فرط اللذه

ولكن طبعا الطلب تيك اوي لانه لو تنزلين هالمطعم راح ياكلونج
وحياج الله اختي بالكويت وعيدج مبارك

ما شاء الله الشباب ماقصروا,,,,, يعطيهم العافية,,,,,

وحياج الله اخت دلوله,,,,

بالتوفيق ان شاء الله

مطبق الزبيدي حلاته في مطعم "المرسى" بفندق ماريديان..

حدهم يمي


فريج صويلح مارحتله
بس م الاكلات الكويتية

1- "المموش - عيش و ماش(ماش=عدس اسود)"
2- المعدس - "عيش و عدس (لونه اصفر العيش p
3- مطبق الزبيدي
4- جريش & هريش
5- مرقوق
6- قبوط
^
^
5 و 6 نفس اكله المطازيز تقريباً ^^

7- الدقوس - معجون طماط

8- المربيّـن - عيش و ربيان




9- باجلاء (باجلا) = حبات الفول @@
10 - نخي ^^ يمي خصوصا اللحين بالشتا ^^

و لاتنسى تذوق الحلويات الكويتيه




مثل :
الرهش و الغريبّه و الزلابيه و القبيط و المحلبيه و الكسترد"الإلبا = بر الوالدين"

* الدرابيل و البقصم مع الحليب ^^

والله اكلنا الشعبي البيتي لايعلاا علية بس الحين مع الاسف الجيل الجديد قام يستبدل كل ماهو جميل ومن الماضي الي كل ماهوا جديد وبدون طعم وضررة اكثر من نفعة........................مثال............الريوق بالسابق درابيل وبقصم والحليب والقيمر والعسل وكثير من الاشياء اللذيذة وبالوقت الحالي كروسان ونسكافية وبتونسالية....................خربيط من هالشكل وعلي بوانها مسوية رجيم.....................والغدا قبل.....مرقوقة ولاا مموش ولاا داك المطبق اللي ريحتة تترس الفريج زبيدي وبالول ....................ولاا حكوكة المشخول مع صبور ولاا ميد مشوي...........................مجبوس اللحم والدياي بالزعفران والحشو شغل عدل....................الحين همبرجر بيتزا لازنيا وخرابيط وايد .................حتي عيال هالوقت لو تقولة الغدا سمج قال وع بطلب من برة................ياليت نرد لاكلنا الاولي الصحي النظيف اللي تسوية الام لعيالها مو تبربسة الخدامة والله واعلم شتحط فية.................انا عن نفسي معودة عيالي علي الاكل السنع وما ياكلون الامن ايدي اهم وابوهم الله يحفظة لنا...............ولله الحمد يحبون كل انواع الاكل ...........بس مشكلتنا بالريوق مع الدرابيل والله علبتين كل يوم تصدقون وقولو مشالله(ومنا الي درابيل الشمالي يسون لنا خصم خاص علي الدرابيل والبقصم)ههههههههههههههههه
وبغيت اسال مين يعرف العصيدة لاني كل مااسال احد يستغرب ويقولي شنو هذي محسسيني اني وايد قديمة............مع اني من مواليد اواخر السبعينات

السلام عليكم اختى so swet انشالله باجر راح توصلج الطريقه الاصليه للعصيده وبالعافيه مقدما

مشكور مشمش الكويت وفي انتظار الطريقة .................لاني اسويها بطريقة معينة وابي اقارن ...........والله كل ما اول لاحد عصيدة يقولونلي يعني شنو ...............اضطر اني اسويها لهم ويجربوها يلاا يعرفونها.....................لاا ويقولون اول مرة ناكلها ..........محسسيني اني من كوكب ثاني مو من الكويت.......................زين اني لقيت احد يعرفها

اذا تبي توصيل فيه مطعم اسمه منهنه حلو وايد

لا اختي العصيده معروفه وانتي لا قديمه ولا شي والوالده الله يحفظها على طول اتسويها
ولا يهمج اسالها عن الطريقه والرد راح يكون عن قريب
وصحتين


:106: حرم الملك:106:

الله يا حلا الشوربه عند فريج صويلح

البرياني و المجبوس بكل مكان ...
مغل محل
فريج صويلح

صراحة اختي الكريمة مالج الا فريج صويلح وراح تدعين لي

فريج صويلح
النوخذه في منتج النخيل