الموضوع: طلب مساعدة و استفسار تنظيم رحلة في انترلاكن وماحولها

السلام عليكم ورحمة الله وبركاته ، مبروك عليكم الشهر الكريم
لكن للضرورة أحكام
أنا عندي رحلة بآخر 10 أيام من شهر أغسطس القادم إلى زيورخ (الذهاب والعودة)
لذلك لو ساعدني أحدكم بترتيب برنامج لي و صديقي (يعيني عزاب
-----------
أما الاسفتسار يعني ماقضيت
فهو بخصوص القطارات من زيورخ، كيف أعرف إلى أي مكان توصل القطارات هذي ، خصوصاً الدولي منها ؟

مواضيع عشوائيه ممكن تكون تعجبك اخترناها لك:

• استفسار عاجل وضروري للاهمية
• مصافحة اولى لاوروبا ولا نستغني عنكم
• لو سمحتو إحداثيات جنيف القديمه
• جدول لانترلاكن لمدة ايام
• استفسار مهم بالنسبة للشنجن
• الشنغنمن السفارهالألمانيهوبروح لأنترلاكن عادي ؟
• المساعدة بخصوص رحله بسيطة لمدة اسبوع في سويسرا انترلاكن بغا رايكم بالله
• خمسة ايام في جنيف ساعدوني
• فزعتكم تبقى على سفرنا ايام لسويسرا اريد فيلا اوكوخ ريفي بشكل عاجل
• ارائكم في فندق بجنيف ضروري
• استفسار عن سويسرا ؟؟؟
• متى يبدأ الخريف في سويسرا ؟
• مين يخدمني الله يجزاه الجنه ؟؟
• رايكم بهذا الباكيج باريس سويسرا ايطاليا
• يعطيكم العافية ممكن مساعدتي بتوضيح أهم الفعاليات و أشهر المعالم السياحية في سويسرا
• استفسار عن فندق في
• مساعدة في شهر العسل في اوروبا
• خطتي بسويسرا واحتاج مساعدتكم
• ضبطوني بجدول ورد ع استفساري واضبطكم
• ما هي اهم معالم المطلوب زيارتها في انترلاكن

وعليكم السلام ورحمة الله وبركاته

برنامجكم يعتمد على الاماكن اللي تريدون زيارتها
واكيد قرأتوا التقارير الموجودة في المنتدى

حددوا اللي تريدونه في سويسرا والجميع ما بيقصرون معاكم
ومن وجهة نظري 10 ايام تخصصونها لسويسرا ودولة ثانية واحدة فقط
مثل فرنسا او والمانيا او ايطاليا او النمسا

والقطارات من زيورخ توصل لكل مكان منها قطارات مباشرة ومنها قطارات مع توقف وتغيير قطارات
وبما انكم شباب فأنصحكم بإستئجار سيارة لان التقل بها اسهل واسرع وله متعته الخاصة

وبالنسبة للقطارات هذي تقارير بتفيدكم
http://www.arabtravelersforum.com/travel574214/
http://www.arabtravelersforum.com/travel792975/

http://www.arabtravelersforum.com/travel62167/

وبالتوفيق

السلام عليكم ورحمة الله و بركاته



أتمنى منكم مساعدتي في ترتيب الرحلة لي ولصديقي ، في آخر عشر أيام من شهر أغسطس القادم.
لو لكم ملحوظات على الجدول أو طريقة الترتيب ياليت تبدونها ، وأكون لكم من الشاكرين
- الوصول والعودة من مطار زيورخ.
- بعد الوصول بأخذ سيارة وانطلق إلى إنترلاكن
- المكوث في إنترلاكن لمدة 5 أيام ( راح تكون مركز إنطلاق للأماكن اللي حولها ) .
- راح أمشي بالسيارة من إنترلاكن في اليوم الخامس و أتوجه لباريس في رحلة مدتها 6 ساعات تقريبا بالسيارة ، و بحثت عن أماكن أقدر أريح فيها يوم بالطريق ، و يفضل تكون داخل فرنسا لكن ما وجدت ! و أتمنى مساعدتكم هنا
- باريس 3 أيام لو ما فيه مكان نوقف فيه قبل نوصل، أو يومين إذا توقفنا.
من باريس إلى رست (غوست) الألمانية
- غوست الألمانية 3 أيام
من غوست إلى زيورخ
- النوم في زيورخ آخر يوم إستعداد للرجوع .




فعطوني رأيكم ولا أحد يستحي
و ربي يعافيكم على مساعدتكم لأخوانكم الأعضاء

الله يعافيك يا أخوي، الصراحة أعجبتني فكرة السيارة و دورت في أكثر من موقع و صار بتكلفني تقريبا 2000- 2500 ريال قيمة إستئجار فقط ، وشكلي باستأجر لأنك شجعتني الصراحة :d

لكن لو تعرف موقع يقارن بين أسعار آجار السيارات في سويسرا خصوصا أكون لك شاكر
و ياليت لو حصلت وقت تلقي نظرة على الاستفسار اللي نشرته عن ترتيب رحلتي

الله يعافيك اخي الكريم

والسيارة في سويسرا غير والتنقلات بها ممتعه

والافضل تدخل على مواقع الشركات وتشوف الاسعار وانصحك بموقع يوروبكار وسكست
وممكن ايضا تشوفون موقع ايفيس وهيرتز وتقارنون الاسعار بينهم

وبالتوفيق

جدولكم ممتاز اذا كنتوا تريدون زيارة باريس
وفي الطريق من انترلاكن الى باريس ممكن ترتاحون في ديجون او تقضون فيها كم ساعه وتواصلون طريقكم
الى باريس ,, والافضل انكم تاخذون راحتكم بالرقاد اخر يوم في انترلاكن وتطلعون منها بعد الساعه 11 الصبح
لان الطريق طويل وبما انكم شباب فما عليكم من طول الطريق ,,

ومن وجهة نظري اذا تريدون باريس في المخطط ,, يكون مطار الوصول باريس والمغادرة زيورخ
وتنتقلون من باريس الى زيورخ بالقطار ,, ومن زيورخ تستأجرون سيارة وتزورون انترلاكن ثم رست
وللعلم في باريس ما تحتاجون للسيارة وايضا المواقف في معظم فنادقها بفلوس

وبالتوفيق

متفق تماماً معك ، لكن إذا كان مكان الوصول و المغادرة واحد بيكون طبعاً أرخص و حنا حبينا تكون رحلتنا بشكل دائري o :]
و شاكر لمساعداتك أخوي مقدام

طيب لو تعرف مكان أو شيء قريب من إنترلاكن و يكون أقل زحمة و الفنادق متوفرة فيه ؟

متى تاريخ تواجدكم في انترلاكن

من 22 - 26 أغسطس.

هذي بعض الفنادق المقترحة بالقرب من انترلاكن
واختار منها اللي يناسبكم

http://www.booking.com/hotel/ch/berg...ml?aid=1329869
http://www.booking.com/hotel/ch/gast...ml?aid=1329869
http://www.booking.com/hotel/ch/kreu...ml?aid=1329869

http://www.booking.com/hotel/ch/seer...ml?aid=1329869
http://www.booking.com/hotel/ch/stra...ml?aid=1329869
http://www.booking.com/hotel/ch/brie...ml?aid=1329869
http://www.booking.com/hotel/ch/hirs...ml?aid=1329869
http://www.booking.com/hotel/ch/bahn...ml?aid=1329869
http://www.booking.com/hotel/ch/bell...ml?aid=1329869

جميل الله يعطيك العافية ..



*******************
أي استفسار يخص الفيزا يوجد موضوع مثبت في بوابة http://www.arabtravelersforum.com/travelarab327/
وهذا رابط الموضوع
http://www.arabtravelersforum.com/travel889672/
# أبو نورة #

السلام عليكم ، و كل عام و الجميع بصحة وعافية

بما انها زيارتي الأولى لسويسرا ، فأتمنى منكم مساعدتي في تنظيم الرحلة اللي راح تكون بإذن الله من 22 - 26 أغسطس .. لشخصين شباب و معهم سيارة


الوصول راح يكون لمطار زيورخ ، و أتوقع راح نوصل إنترلاكن على الساعة 5:30 مساءً ..
يعني يوم 22 نخليه يوم إستكشافي للمنطقة و راحة بعد السفر بما انه أول يوم ، لكن إذا كان فيه شيء بالطريق من زيورخ لإنترلاكن و ترون انه يستحق المرور ، فياليت تجيدون علينا به
أما باقي الأيام فحقيقةً إلى الآن ما حددت جدول واضح ، و شفت كثير من إستفسارات الأعضاء هنا و خصوصاً اللي مثلي أول مرة يروحون ، جايبين العيد بالجدول
و إذا حسيتوا أن اليوم زحمة ولا شيء، تذكروا أننا 2 شباب و معنا سيارة


يوم 23
يوم 24
يوم 25


يوم 26 - راح يكون الخروج و التوجه بإذن الله لمدينة ديجون (Dijon) الفرنسية ..


فكرت أننا نجرب الطيران الشراعي أو "سكاي-دايفينق" بهذا اليوم لكن أكثر اللي أشوفه سعره غالي ، يعني فوق 400 فرانك !! ، لو فيه شيء أرخص ياليت تدلونا عليه


وشاكر لكم مساعداتكم من البداية ** المرفق فيه صورة تبين مكان السكن ، تقريبا يبعد عن إنترلاكن 15 دقيقة بالسيارة، حبيت أرفقه عشان يكون الموضوع مكتمل

وعليكم السلام ورحمة الله وبركاته ::


حياك الله اخوي سيجا ...الاسم قلب المواجع




يا طويل العمر ..بالنسبة لنشاط بين زيورخ وانترلكن ..عندك خيارين :
الاول الجلوس في لوزيرن كم ساعة ..ثم الوصول الى انترلكن .


والا المرور على التلفريك المكشوف في قرية ستانس .


واذا كان موعد وصولك قبل الساعة تسعة مساءا ..زور مرة وحدة مطل الهاردركلم .


مع انه صعب تزوره وترجع مرة ثانية السكن .


فانصحك تزور لوزيرن الى نهاية اليوم وتتعشى فيها ثم الذهاب الى السكن .


===


اليوم الثاني :


عندك خيارين ..زيارة قمة اوروبا وقيمة الشخص 170 فرنك .
او
زيارة تتلس .


اذا القمة الاولى ...فراح تزور شلال التروميل باخ اولا ..ثم تروح محطة قطار لوتربرونن ..وتطلع للقمة .


اذا القمة الثانية ..فتمر على مطل بحيرة لونجيرن ..ثم الوصول الى قمة تتلس ..وقيمتها 90 فرنك .




ولك الخيار .


============


اليوم الثالث :


زيارة مصنع الشوكولاتة + قلعة جريير + شلال الجان .

التوجه الى مصنع الشوكولاتة واللي يفتح الساعة 10 صباحا.

=============




اليوم الرابع :


زيارة شلال الجس باخ + كهوف ساينت بيتس الملحية + بحيرة الاوشنسي والزحليقة + بحيرة البلاوسيه .







=============



ولمزيد من الانشطة :


http://www.arabtravelersforum.com/tr...b=user_related


ولي عودة معك .


وبالتوفيق

بالنسبة للسكاي دايف ...هذا ارخص واحد ...




http://www.skydiveinterlaken.ch/inde...ngy-skydive-en




=========


فيه البارجلايدنج ..يعني زي السكاي دايفنج ..بس من مرتفع اقل ..وقيمته من 170 فرنك ..


وهذه بعض الشركات اللي توفر هذه :


http://www.interlaken.ch/en/activiti...nterlaken.html




تواصل معاه عبر الايميلات والمواقع الاكترونية ..وان شاء الله تجد ضالتك .




وبالتوفيق

الله يعطيك العافية يا أخوي ميدو ، و آسف على تقليب المواجع


أنا إن شاء الله بعتمد جدولك للرحلة ، لكن عندي سؤال إذا لك خبرة..
بالنسبة للسويس باس و اليورو باس - هل تتوقع اني بستفيد منها ؟ يعني لشخصين و السفر لمدة 10 أيام 5 منها في سويسرا ؟

شكرا الله يعطيك العافية على هالاطراء ..


السويس باس مهم للي ما عنده سيارة .


لكن ممكن تاخذون السويس هاف فير كارد ..اللي تعطيك خصم 50 % على المواصلات العامة .





فاذا كان مجموع تنقلات الفرد الواحد بالمواصلات العامة اكثر من 220 فرنك ..راح تستفيد منها .




راح تقولي كيف ؟اعطيك مثال:

الصعود لقمة اوروبا مثلا ..يكلف للشخص 170 فرنك ..مع زيارة شلال بالصعود له 10 فرنكات ..مع صعود لقمة اخرى ب 90 فرنكالمجموع = 270 فرنك ....بدون بطاقة الهاف فير.

ولو معاك البطاقة ..قيمتها 120 فرنك + نفس الانشطة اللي فوق بس 50 % من قيمتها .يعني :120 + 85 + 5 + 45 = 255 فرنك .

فيبقى انتم استفدتم من البطاقة بتوفير (270 - 255 = 15 فرنك )

ترى هذا مثال بسيط ..وممكن تكون تنقلاتكم اكثر من كذا .

===================




اليوريل باس تفيدك اذا كان تنقلك بين الدول كثير ..والا انت فقط روحة وردة بس







وبالتووفيق

ماشاء الله جدول روعه

بالنسبة لليوم الثالث
زيارة مصنع الشوكولاتة + قلعة جريير + شلال الجان .

ما أعجبنا ياخي ..
لذلك لو تعرف شيء ثاني ممكن يكون بديل لهذا اليوم ياليت ترشدنا له

تروح سويسرا ..وما تتلذذ بالشوكولاتة هناك ..لألألأ ..مستحيييييل ..


اصلا بتذوق شوكولاتة ...بتندم على كل ريال حطيته في الجالكسي






على العموم ..اعطيني وش جوك ..تبغى ريف ولا مدن ولا قمم ..عشان اقترح لك مكان مناسب .


والا اللي براسي ألحين اقولك روح زيرمات ..


بنتظر ردك يا غالي




على فكرة ..الطريق من انترلكن الى بروك اللي فيها مصنع الشوكولاتة ..جبلية وجدا روعة ..والمصنع عبارة عن متحف في بدايته ..ويخليك تشوف تاريخ الشوكولاتة وكيف اكتشفت ومين اول ناس ادخلوها لأوروبا ورؤساء المصنع العتقية ..بعدين تشوف عملية التصنيع والتغليف ..وتشوف حبوب الكاكاو والبندق واللوز فريش ثم تروح لصالة التذوق ..من كل نوع تاخذ حبة حبتين ..ثم تروح لصالة الشراء ..ولا تنسى الكوفي قلبت المواجع


القلعة برضو جميلة وايضا الشلال وكلهم قريبين من بعض .




وفي انتظارك

هههههههه والله انك شجعتنا ياخي .. الله يعطيك العافية ، ما قصرت أبداً ، خلاص بنمشي على الجدول الجميل ..

و اعتذر عن الـتأخير بالرد ، تعرف حوسة إذا قرب الوقت و كذا

الله يعافيك والشر ما يجيك ..


بيني وبينك ..عشان تتأكد اكثر ..شوف مقاطع اليوتيوب الخاصة بالمصنع ..او التقارير الموجودة في البوابة ...حتى يطمئن قلبك

لا الحمدلله تأكدنا .. أحيانا الواحد إذا قرأ بزيادة تبدأ الحوسة و التضييع ..


بس بسألك إذا لك إطلاع .. هل ممكن أستخدم شريحة إنترنت في سويسرا و فرنسا و ألمانيا؟
أو هل فيه طريقة ، يعني مثلا أشحنها ل 10 قيقا .. و تكفيني للثلاث دول .. يعني أنا أبي شريحة إنترنت (بيانات) ، موب شريحة إتصال ..

شريحة ليبارا هي المناسبة ..وتشحنها بالمبلغ اللي تبغاه ..


http://www.arabtravelersforum.com/travel831103/