الموضوع: دانه تبحث عن مساعده لتحقق حلمها بالسفر الى اميركا

السلام عليكم ورحمة اللله وبركاته

قررنا انا وزوجي السفر الى امريكا

بصراحه ماندري وشلون ننسق الرحله

سفراتنا لاوروبا وشرق اسيا كانت اقتصاديه وتطلع مرررره حلوه

الحين نبي نطبق نفس الشي في امريكا

انا ودي اسافر للديره اللي فيها سجن الكتراز هذا اولا
وبعدين اروح لوس انجلوس وبعد ابيي اروح نيويورك لاني سمعت عنها مدح عجيب

ابي اسوي مغامره مع زوجي وهي انا نستأجر سياره من ولايه ونتجه لولايه ثانيه بعيده عنها ولكن نوقف في اكثر من قريه او محافظه نرتاح يوم ونكمل

يعني نبي نسوي مثل ذاك الفلم اللي كانو ماشين في طريق كله خضره وفجاه طلع لهم جني

عسى فهمتوا شرحي المتباين

قريت لكم كم موضوع لكن مالقيت المختصر اللي احتاجه من تكلفه وتنقلات

موعد السفر 15 نوفمبر

ومدة الرحله مابين اسبوعين الى 18 يوم بالكثير

ابغى اسال عن الوجبات السريعه هناك هل سعرها مثلنا والا اقل

اكيد بتسالون عن الشنقن حقت امريكا

امرها سهل ان شاء الله على كلام زوجي

مواضيع عشوائيه ممكن تكون تعجبك اخترناها لك:

• ابي اطلع فيزا بريطانيا من امريكا
• الاجواء المتقلبه في امريكا
• مهم وعاجل انتهاء صلاحية اليوزر
• ضروري القى جواب قبل الساعه
• سؤال مستعجل جدا جدا
• السفر ب كروز من فورت لودرديل الى جزر الكاريبي هل يحتاج فيزا؟؟؟
• نقاط البيع و بطاقة الصراف
• استفسارات على الطااير
• ابغي معلومات عن السياحة في جزيرة برمودا الفزعه يا شباب
• تكفون بسرعه قبل المغرب تسجيل الجوازات
• سؤال عن معادلة الدبلوم هااام جدا
• فيزتي دراسية ، وأبي أروح سياحة
• ال
• حاله الفيزا بعد التقديم
• ممكن مسااعدة في خط سير لا هنتوا
• لكل زائر للولايات المتحدة الأمريكية اليك ارقام السفارة والقنصليات
• شباب دقيقه جم سؤال على الماشي
• اي استفسار عن نـــــــيـــويـــــــوركـــ تفضل
• طلب تخطيط يوم في ال
• في احد يتكفل يطلع لنا فيز امريكا

تختلف الوجبات السريعه منها الرخيص ونها الغالي
اما ماكدونلز فهي ارخص من السعودية والمطاعم في امريكا كثيره
وفيه مطعم تشيز كيك فاكتوري على حسب ما ذكروه الاعضاء المطعم حلو ومشرفنا امباكت مسوي تقرير عنه اتفضلي
http://www.arabtravelersforum.com/travel183892/

http://en.wikipedia.org/wiki/Alcatraz_Island


http://www.inetours.com/Pages/SFNbrhds/Alcatraz.html


السجن يقع بمدينة سان فرانسسكو , اما التنقلات بين المدن والولايات فممكن الاطلاع على التقارير يوجد العديد منها سوف تفيدك بجميع استفساراتك , , ,





بالتوفيق , , ,

لو سمحتوا هل من الممكن حد يتفضل علينا و يقول لنا : لماذا هذا السجن مشهور الى هالدرجة ؟

و ماهي قصته ؟

ملاحظه : فيزا امريكا مو شنغن !
وأمرها مو سهل دائما ! , شوفي هنا ناس لهم على شهرين و 3 شهور ماطلعت فيزتهم

هي أول شي تبدون اجراءتكم فيه

اما ماكدونلز فهي ارخص من السعودية والمطاعم في امريكا كثيره



هذا الكلام غير صحيح
والله انا كنت قبل أسبوع في اورلاندو, وقيمة وجبة الماكدونلز اغلى من السعودية , والحال نفسه على مطاعم الدومينز بيتزا, والصب واي, ,,,الخ

المشاركة الأصلية كتبت بواسطة key606
http://www.arabtravelersforum.com/tr...1/#post4090041

هذا الكلام غير صحيح
والله انا كنت قبل أسبوع في اورلاندو, وقيمة وجبة الماكدونلز اغلى من السعودية , والحال نفسه على مطاعم الدومينز بيتزا, والصب واي, ,,,الخ




صحيح اغلى من السعودية !!

لاكن بشئ بسيط !!

اغلب المطتعم الامريكية مشابهة للي عندنا في اسعارها او اغلى !!

اتمنى لكم التوفيق

المشاركة الأصلية كتبت بواسطة alderhim
http://www.arabtravelersforum.com/tr...8/#post4089378

لو سمحتوا هل من الممكن حد يتفضل علينا و يقول لنا : لماذا هذا السجن مشهور الى هالدرجة ؟

و ماهي قصته ؟




شوفي الفلم هذا و إنتي تعرفي قصة السجن

http://ar.wikipedia.org/wiki/%D8%A7%...A%D9%84%D9%85)

المشاركة الأصلية كتبت بواسطة دانه77
http://www.arabtravelersforum.com/tr...3/#post4088861

السلام عليكم ورحمة اللله وبركاته

قررنا انا وزوجي السفر الى امريكا

بصراحه ماندري وشلون ننسق الرحله

سفراتنا لاوروبا وشرق اسيا كانت اقتصاديه وتطلع مرررره حلوه

الحين نبي نطبق نفس الشي في امريكا

انا ودي اسافر للديره اللي فيها سجن الكتراز هذا اولا ( سان فرانسيسكو )
وبعدين اروح لوس انجلوس وبعد ابيي اروح نيويورك لاني سمعت عنها مدح عجيب

ابي اسوي مغامره مع زوجي وهي انا نستأجر سياره من ولايه ونتجه لولايه ثانيه بعيده عنها ولكن نوقف في اكثر من قريه او محافظه نرتاح يوم ونكمل

يعني نبي نسوي مثل ذاك الفلم اللي كانو ماشين في طريق كله خضره وفجاه طلع لهم جني

( سافروا من نيويورك إلى أورلاندو - تقريباً 1000 ميل - لكن الخوف لو طلع لكم الجني من جد )

عسى فهمتوا شرحي المتباين

قريت لكم كم موضوع لكن مالقيت المختصر اللي احتاجه من تكلفه وتنقلات

موعد السفر 15 نوفمبر ( يمديكم من الآن تقدموا على الفيزا لأمريكا )

ومدة الرحله مابين اسبوعين الى 18 يوم بالكثير

ابغى اسال عن الوجبات السريعه هناك هل سعرها مثلنا والا اقل

اكيد بتسالون عن الشنقن حقت امريكا

امرها سهل ان شاء الله على كلام زوجي





الله يعينكم و بالتوفيق

المشاركة الأصلية كتبت بواسطة دانه77
http://www.arabtravelersforum.com/tr...3/#post4088861

قررنا انا وزوجي السفر الى امريكا
سفراتنا لاوروبا وشرق اسيا كانت اقتصاديه وتطلع مرررره حلوه
ودي اسافر للديره اللي فيها سجن الكتراز هذا اولا
وبعدين اروح لوس انجلوس وبعد ابيي اروح نيويورك لاني سمعت عنها مدح عجيب
ابي اسوي مغامره مع زوجي وهي انا نستأجر سياره من ولايه ونتجه لولايه ثانيه بعيده عنها ولكن نوقف في اكثر من قريه او محافظه نرتاح يوم ونكمل
موعد السفر 15 نوفمبر
ومدة الرحله مابين اسبوعين الى 18 يوم بالكثير
ابغى اسال عن الوجبات السريعه هناك هل سعرها مثلنا والا اقل
اكيد بتسالون عن الشنقن حقت امريكا
امرها سهل ان شاء الله على كلام زوجي

أولا موفقين وياعساها مثل روحاتكم أوروبـــــا وأزيــــــــــــــن ....
المــــدح موجود بكل ولايات أمريكا.... ولاتظنينه محصور بولايه دون أخرى.....
سفرتك من لو أنجلوس لنيويورك .... مرة بعيده.... نتكلم بـر... كانك طالعه من جدة للشرقيه ورادة جـــــدة مرة ثانيه ثـــلاث إلى أربــع مرات .... يعني طيران فقط ممكنه.. والميزة بالطيران فقط ممكن يفرق السعر معك لو كانت بداية رحلتك من الرياض ونهايتها من نيويورك للرياض فقط 200 ريال عن السعر النهائي لو كانت مباشرة.... بس أنبهك السعوديه ماتروح لا لوس انجلوس ولا سان فرانسسكو.... يعني مالك غناة عن الطيران الخارجي....
التاريخ اللي ذكريتيه يعني الشتاء... دخل... من وقــــت... ولأهل الرياض يعتبر هالوقت قريب لهم مع إنه برودة أقسى بشوي من برد نجـــــــد...
الوجبات السريعه وكل شئ بأمريكا إسمه أكل إلا ماندر .... شوفي كم قيمته بالسعوديه وإضــــربيه بـــ 4 أو 5 وتحصلين على قيمتها النهائيه بالسعـــــودي...
18 يــــــوم تبي لها مصاريف ومع التمشيات يبي لها قروش... لكن مو مشكله وفروا سفرة السنه الجايه وإدمجوا مصاريفها مع هالسنه...
أمريكا مالها شنقن... وكلام زوجك على العين والراس... بس بالأول حجز موعد ومتى يكون موعدكم شهرين أو ثلاثه أو أكثر ... وبعدها بالكثير شهر يكون وصلكم الجواز وعليه الفيزا..
من الأن نقول بداية ثمانيه .... ولأربعة شهور قـــدام حتى تجهز الفيزا.... نقول ممكن رحلتكم تكون بتوقيتها لو حجزكم بكر له شويتين... والله يوفقكم...

اضطريت اسجل مره ثانيه لان اسمي رافض يدخل

كفتيو ووفيتو اخواني خواتي وانا اليوم بعد دراسه مستفيضه لتقارير المنتدى وردود المشرفه هدى عبدالله والمشرف امباكت وبقية الاخوان طلعت بهذه الخطه ولكن اعتمادها عائد لكم

بسم الله نبدأ

نيويورك ليلتين
ومنها بالطياره الى سان فرانسيسكو والبقاء ليلتين....تكفيها ليلتين لزيارة اهم المعالم؟
تأجير سياره من سان فرانسيسكو والاتجاه الى لوس انجلوس
طبعا هنا بتبدا المغامره
من سان فرانسيسكو الى مونتري اربع ساعات وننام ليله في فندق ترشحونه لنا مايكون غالي
وثاني يوم نتجه الى سان سيمون ونجلس فيها الى العصر مثلا
,ونطلع منها الى سانتا باربرا ليله
وبعدها نتجه الى لوس انجلوس
نجلس فيها ست ليالي تتخللها زيارة سانديققو يوم كامل
واخر المطاف لاس فيغاس ثلاث ليالي ثم العوده الى نيويورك بالطياره وننام ليله في فندق قرب المطار وبعدها نرجع للرياض الحبيبه

جدولنا صار كذا
نيويورك ليلتان
سان فرانسيسكو ليلتان
مونتيري ليله
سانتا باربرا ليله
لوس انجلس ست ليلي
لاس فيغاس ليلتان
نييورك ليله .
الرياض سنه باذن الله

طبعا الخطه هذه سرقتها حرفيا من ردود الغاليه هدى عبدالله HudaAbdullah مشرفة اللغات ماشاء الله عليها ردودها من احسن الردود تعطيك الاجابه اللي تريحك
والمشرف الغالي امباكت بعد سرقت منه سالفة الامان في الاقامه في المناطق على الطريق
وماانسى بقية الاعضاء مايقصرون

الحين عندي ثلاث اسئله محرجه
السؤال الاول
اذا المخطط حقي اوكي بليز اعتمدونه لي

السؤال الثاني
لو أجرنا سياره من سان فرانسيسكو وسلمناها بلوس انجلوس كم ممكن تكلفنا
زوجي قال اذا وصلنا لوس انجلوس نروح فيها ساندييقو يوم وبعدين نرجعها ونكمل بالتكاسي
تتوقعون كم بتطلع علينا ايجار اربع ايام والبنزين ممكن ناخذ سياره ديزل حسب كلام بعلي عشان نوفر اذا توافقونه الراي لان البنزين بيكلفنا كثير

السؤال الثالث
الفنادق في كل ولايه ومنطقه بنزورها بترك الموضوع لكم لترشيحها
وميزانية الفنادق خصصنا لها ثمان الاف ريال فقط تنقص ماتزيد
وطبعا نبي الفنادق اللي مانحتاج فيها تاكسي يعني تكون بوسط البلد او قريبه من الاماكن السياحيه وتراني احب المشي وفي بباريس سكنا في الكونكورد وهو يبعد عن الشانز ثلث ساعه مشي تقريبا يعني حاجه بسيطه خاصه بوجود طريق امن للمشي
وقيسو عليها في اميركا

الاثنين باذن الله بنقدم على الفيزا عن طريق مكتب سياحي

المشاركة الأصلية كتبت بواسطة دانه32
http://www.arabtravelersforum.com/tr...5/#post4092235


الاثنين باذن الله بنقدم على الفيزا عن طريق مكتب سياحي



المكاتب السياحية ماتطلع لك فيزا لأمريكا ؟
لازم تعبين النموذج بنفسك من الانترنت وتحجزين موعد وتروحين للمقابله

كثرة التنقل ... تضيع حلاوة الرحله ومتعتها.... خلاف خسائر تضاف لكم دون داعي ... أسكن فندق أو موتيل شغلة ساعه او ساعتين وتحسب علي بملغ يقارب لليله كاملة بفندق خمس او اربع نجوم لو إمتددت إقامتي لليله كامله... عدا كذلك مفاجاءات الطريق... على برنامجكم الوقت اللي تقضونه بالسيارة او القطار او الطائرة اكثر من الوقت الي تقضونه ليله واحدة بغرفه.. العذره على عجله كتبت ردي لكن اعدك بمعاودة الرد من جديد

ماك ماتتعدى الخمس دولار وعليها كم سنت الوجبه
والبيتزا هت وبابا جونز على 10 دولار الكبيره اي بيتزا
والدومينوز 12 دولار
والتاكو ارخص شي
وارخص شي في امريكا البيض والحليب ههههههههههههه
ولي اسبوع الحين ساكن في فله ثلاث غرف عشر دقايق عن ديزني ب 89 دولار
واعرف واحد ساكن بدبل تري سويت بنفس السعر بداون تاون ديزني
ووالسياره بحدود 1300 الشهر انا معي جيب 7 ركاب وعلى كلام الاعضاء فيه ارخص
طبعا هالكلام باورلاندو
واللي يحجز بدري بيلقى ارخص مني بكثير
اللي بوصله امريكا رخيصه للي يبي الوناسه

ســؤال وإعذروني ... اللي يبي الوناسه يقضي له 18 يوم ماك وبيتزا وتاكو وبيض وحليب وعليها كم سنـــــت الوجبـــــه.... ماأظنه حق أترك النعمه هنا والأكل الزين والسنع ويالله لك الحمد.. لأجل شئ إسمه وناسه.. وأكل معلب وأكلات كلها مطبوخات مقليه وأحاسب بالسنت .. وروحاتي ومشاويري كلها على رجولي لأجل أوفر كم دولار حـــق ليله إضافيه أقضيها..... وخلاف هذا كله وعكســــه أنا هنا ببلــــدي يالله لك الحمد ماينقصني شئ... السفر من سعه

بالنسبه للوجبات السريعه انا جربتها يوم اروح ماليزيا وكانت رحلتي كلها من ماكدونالدز والسبب ان اكلهم ماحبيته

ووفرت كثير بالمصروف لاني اعتمدت على الوجبات السريعه في كل المناطق اللي زرتها

حنا نروح نتمشى ونغير جو والاكل ماهو مهم عشان نشيل همه

بالنسبه للفيزا بعض المكاتب السياحيه تجيب لك موعد فقط اما التأشيره اعتمادها الكلي علي حضورك الشخصي للسفاره

مغامرتك عجبتني اخت دانه وراح اسوي مثلها بالضبط باذن الله

احييييييك :|

http://www.arabtravelersforum.com/travel142672/

المشاركة الأصلية كتبت بواسطة NOONY.alone
http://www.arabtravelersforum.com/tr...9/#post4095399

احييييييك :|



الوجبات السريعة حلوه برجركنغ والماكدونالد والكنتاكي مانصحكم فية طعمه غير والله يديم النعمه مطعم كييس كيك فكتوريه قمه المطاعم واحلالها بامريكا كلها اسل مجرب و ستيك هاوس و العديد من المطاعم متع نفسك وصرف وجرب المطاعم وتمتع باللاطعمه لا تحرم نفسك ماراح تاخذ منها شي بس 18 يوم شوي والمسافات بعيده مايمدي تفرون الولايات كلها راح تتعبون ركزو علي كاليفورنيا 18 تكفي من لوس انجلس وسان دياغو وسان فرانسيسكو ولاس فيجس

طيب شيكاقو محد طراها ؟؟؟؟وش رايكم فيها ؟؟؟وايش جنبها ممكن الواحد يروح؟؟؟
مضطرة عليها للاسف

السجن الاكتروز يقع في جزيرة مقابل سان فرانسيسكور تم بناء بداية الثلااثينات او العشرينيات من القرن الماضي وكان من المستحيل الهرب من السجن لشدت الحراسه و وصعوبه الهرب من كثر العراقيل ولكونه في جزيرة كانت و معاملة السجناء في قمه القسوة و التجويع وقد هرب من السجن 3 سجناء في الستينيات او اواخر الخمسينيات وعدم التمكن من معرف طريقة هروبهم و الامساك بهم وتم اغلاق السجن بعد ذلك واصبح مهجور وتم عمل العديد من الافلام السينمائه داخل السجن واصبح مشهور ومقصد للسياح من العالم وهو مقابل رصيف رقم 39 في سان فرانسيسكو المشهور بالمطاعم ومحلات التحف