الموضوع: شوي بس تعالوا ولاتهونون

مرحبا

وحشتني سويسرا والبوابه السويسريه

ابي مساعده لوسمحتوا وانا ماستغنى عنكم لاني تعبت وانا افكر وين انروح

انا ابي سويسرا مع اني لفيتها الا اني ابيهااا احس السفره ماتكتمل بدونها

ابيها اتكون اخر محطه لنا

للعلم انا سبق وسكنت في جنيف ومره في مونترو ومره في لوزيرن ومره في زيورخ ومره في لوغانوا وبعد هالسفره ابي سويسرا ماشبعت منها وين تنصحوني اسكن للعلم معاي هالمره شخصين جداد ولدي وبنتي وهم صغار 5 سنين و 4 سنين واول سفره لهم لااوروبا وماتتخيلون حماسهم اشلون انهم بيسافرون علشان كذا قد مانقدر نبيها سفره حلوه لهم

انا خاطري في زيرمات وين تنصحوني اسكن لوابيها او تنصحوني بمنطقه جديده حلووه

للعلم سبق وزت جيكس-ايفواغ-ديفون-مجيف-غرير-فلام او فلوم-زوغ -انترلاكن-شامونيه -لوزان-منطقة هايدي-انسي-افيان-فيفي وامممممممم وماتحضرني المناطق الباقيه

وين تنصحوني بمكان غير ويكون حلوووو بليز هيلب مني وماعندي مشاكل يكون حول جنيف او حول زيورخ او في الوسط المهم يكون شي حلووو


السفره بتكون بعد رمضان ان شاءالله وشكرا من القلب لكل شخص بيساعدني

مواضيع عشوائيه ممكن تكون تعجبك اخترناها لك:

• مساعده في جنيف
• الطريق من لوقانو الى جنيف
• محتاره بالمناطق والتنقلات
• خبرتكم تساعدني افيدوني ؟
• ابي فندق في انترلاكن كلها فل
• مساعده بسيطه لوسمحتو
• مشورتكم في جدول سويسرا
• سفرتي بعد اربع ايام ومحتاج فرعتكم
• قطار أو ترام من مطار زيورخ إلى مركز المدينه
• جـديـد احـداثـيـات تـهـمـك فـي سـويـسـرا
• هل يوجد تزلج بجينيف ؟
• جننوني الخطوط ومادري وش السالفه
• مساعدة في سويسرا
• ممكن فزعتكم
• كم يوم يكفيني لزيارة اهم اماكن سويسرا؟
• تجربتي مع مكتب ركسون للسياحه بجده
• ياخبراء ديفون وحدود سويسرا شوركم اسكن في فيلا دو لاك او بارك اند سويت
• اريد أكواخ في سويسرا
• الفزعة يالربع في سويسرا
• عاجل انا مسافر لجنيف الفزعه يا خبراء جنيف

ما شاء الله عليك
زرتي كل ذا الاماكن ومش عارفه وين تسكنين
حنا المفروض نستشريك
ممكن الحيره لاعبه دورها

المهم
انا سكنت في انترلاكن
وعجبتني واجد وانصح فيها بقوه
لانه فيها اماكن سياحيه كثيره

وبالتوفيق ان شاء الله

اضحك الله سنك يا ابا مريم .




=====




هلا والله اختي


ما شاء الله تبارك الرحمن ..المفروض نشوفك هنا معانا في البوابة الحمراء




طيب ..ما دام الحلوين الصغار موجودين في الرحلة ..فممكن نعرف الهدف من الزيارة ..هل هي للاطفال ..والا استجمامية واستكشاف مناطق جديدة .




ممكن ارشح لكم السكن في شمال زيورخ ..لوجود تنوع من الانشطة المناسبة للاطفال .


وزيرمات تكون زيارتها عن طريق زيورخ بالقطار .




http://www.arabtravelersforum.com/travel571386-2/






والسؤال المهم ..هل راح تكون تنقلاتك بالسيارة ولا بالقطار ؟


وكم يوم راح تجلسون في سويسرا .






http://www.arabtravelersforum.com/travel750029/

رائد ابو مريم



شسوي احترت لاني سكنت في كذا منطقه وانترلاكن مره كنا ناوين نسكنها في شهر 4 جيناها كان حر موت فطسه وشمس واكتشفت ان ولافندق مكيف قلت لا مستحيل انا ماستحمل الحر ولااستحمل انام في الحر طلعنا منها ورحنا لوزيرن المكيف مهم جدا جدا حتى في عز الشتا اذا سافرنا نفتح الدريشه تصير غرفتنا قالب ثلج

شكرا لمرورك وتعليقك اللطيف

ميدوووو

خخخخ والله ودي اكون معاكم في البوابه الحمرا واحلى شي في هالحياه انك تساعد بس مشكلتي نسايه وغير كذا مب مثلكم مشاءالله عليكم انتو تعرفون تفاصيل كل مكان انا اتجول بعيوووني واتامل واستمتع اكثر واطلع اماكن من المنتدى وين انروح مخليه التفاصيل الدقيقه وكل هالامور اللي تعور الراس على زوجي الله يحفظه لي يارب اتكاليه بس اكيد اذا شي اعرفه احب اني افيد غيري

والرحله لنا ولهم مره ملاهي والعاب لهم ومره طبيعه واستجمام لنا ماعرف اشلون بيكون الوضع لان اول مره بيسافرون معانا متعودين الجو لنا بروحنا ان شاءالله اتكون احلى سفره وياهم

سويسرا اتوقع بنقعد فيها 5 ايام وبتكون البدايه من برلين والرجعه ان شاءالله من زيورخ بنطير طيران داخلي من بريلن وعقب بتكون تنقلاتنا بالسياره والايام اللي في الوسط للحين ماخططنا وين مخلينها على الله

وشكرا من القلب على الرابط المفيد

وشمال زيورخ وين بالضبط وهل طبيعتها حلوه ؟ خاطري اشوف زيرمات وويجن ماقد شفتهم اتذكر من زيورخ رحنا جنوب كنه مش متذكره بالضبط اتلوع الكبد ماكنك بسويسرا قلت لزوجي لاااا مب شي عقب غيرنا الوجهه منطقه قريبه من زوغ اذا ماخاب ظني رحنا منطقه رهيبه نسيت اسمها مكان مرتفع قريه وحتى في مطعم لبناني في فندق استغربنا ان في هالمكان مطعم لبناني حتى هو يقولنا انتو اشلون دليتو هالمكان بس كانت تجربه حلوووووه

ابي شي جديد بليز جد محتاره

كل الاماكن زرتوها ما شاء الله

ممكن تسكنون مرة ثانية في انترلاكن
او تسكنون في كرانس مونتانا ولو اني اشك انكم زرتوها لانه فيها مطعم لبناني في فندق
اذا مازرتوها ممكن تسكنون فيه كم يوم ومنها تزورون زيرمات وحديقة العاب هابي لاند
وللعلم كرانس مونتانا مرتفعه وطريقها جبلي

المكان اللي رحتوه على مرتفع وفيه مطعم لبناني ..مطلوب حيا او ميتا .







طيب ...يعني انتم راح تجون سويسرا من جهة المانيا يعني من الشمال ..ومعاكم سيارة ..وبتقعدون فيها خمسة ايام ..والعودة من زيورخ ان شاء الله .
ان شاء الله اكون فهمت صح .




(مدري هل اليوروب بارك في مخططكم ولا لأ ؟)




على فكرة ..وينجن قريبة من انترلكن ..لكن لا توصلها السيارات ..وممكن زيارتها من انترلكن .




زيرمات جميلة ..وبالقرب منها ايضا ساس في .


http://www.aboaziz.net/blog/?p=242


http://www.aboaziz.net/blog/?p=1278






http://www.crans-montana.ch/ete/en/ خيار جميل مثل ما تفضل اخوي ابو احمد ..وايضا عندكم http://www.leukerbad.ch/en/ قريبة منها .




اذا كان السكن المزود بجهاز تكييف ..لابد منه ..ممكن تعيدو تجربة مونترو مرة ثانية .
بحيث تكون الانشطة مختلفة ..وتكون هي نفسها نقطة انطلاق للانشطة القريبة منها .
لمدة ثلاثة ايام.
يوم الوصول ويوم في زيرمات ويوم للأنشطة المناسبة للاطفال القريبة من مونترو (حديقة حيوان سيرفيون - الليبرينث بارك -http://www.swissvapeur.ch - مصنع الشوكولاتة نستله - http://www.aquaparc.ch ...الخ)




واليومين الاخيرة تكون في زيورخ ..وزيارة الانشطة القريبة منها .
متحف الدينوصورات - حديقة حيوان زيورخ - http://www.technorama.ch/en/ -https://www.google.com/url?sa=t&rct=...=0CAwQ8xooBjAA - متحف الحياة المائية في كونستانس - جزيرة الورود بالقرب من كونستانس - شلالات الراين ..الخ






يوجد خيارات جميلة في شرق سويسرا ...خور وسانت موريتز وأروسا ..ممكن تكون مناسبة لكم


http://www.arabtravelersforum.com/tr...6/#post8104236




وفي انتظاركم.

مقدام

الف شكر لك وعلى الاماكن اللي قلتها تم حفظها واللي فيها مطعم لبناني صج ناسينها مانتذكر اسمها بس نتذكر انها قريبه من زوغ

ميدوووو


خخخخخخ والله ناسيه المكان مااتذكر الا انه قريب من زوغ حتى سالت زوجي قال ناسيه

وحفظت عندي كل الاسما اللي ذكرتها بس احنا يمكن المحطه الثانيه انخلينها غريبوبل الفرنسيه مادري اذا قد سمعتوا عنها او لا ان شاءالله تطلع حلوه والمخطط الثالث مكان قريب اليورب بارك اكيد نبي الملاهي علشان اليهال يستانسون


ويارب تطلع سفره حلوه


الف شكر لكم