الموضوع: استفسارات ديزني وباريس

صباح الخير يا اعضاء اكثر منتدى متميز بالمعلومات وطريقه طرحه للتقارير 😊

عندي كذا استفسار عن ديزني🎡 وعن باريس🗼

نبدي بديزني :
اول استفسار : انشاءالله رحلتي من الكويت تاريخ 2014/12/20 اوصل باريس وبروح ديزني طبعا بالقطار لغايه 2014/12/25 بس متردده احجز بديزني نفسها فندق نيويورك او خارجها وحصلت نظام فلل واسعارهم حلوه بس موعارفه شلون اتواصل معاهم علشان اعرف اذا عندهم توصيل لديزني او لا وع التذاكر هذا اسمه
Adagio Access Marne La Vallée - Magny Le Hongre 7.1
واذا في احد جربه او لا

واذا حجزت فندق نيويورك داخل ديزني هل شامل تذاكر البارك مع الاستوديو او لا وهل اقدر اطلع من الفندق اروح الاوت لت ولا في ساعه معينه ويصكرون واذا في احد جربه ياريت يذكر الاسعار وتجربته للفندق علما احنا 2 كبار انا وزوجي وعيالي عشر سنوات وست سنوات وسنتين

الحين باريس :
اول شي : الفندق ليلحين ماحصلت شي او موعارفه حق فنادقهم بالاصح 😁 شنو القريب وشنو البعيد وانا وزوجي نحب المشي عادي وعيالي والصغير معانا العربانه بغيت فندق نظيف وسعره معقول من تاريخ 2014/12/25 لغايه 2015/1/1 واذا شقه فندقيه وايد احسن وفيها غساله ملابس بحكم معاي اطفال هذا الفندق

ثاني استفسار بخصوص الباص السياحي شفت كذا تقرير يتكلمون عن الاحمر بس محد ذكر الاصفر وشلون اسعاره وعن الي تدخلني اكثر معالم باريس نسيت اسمها 😊بس مو شامله برج ايفيل شلون احجزها وهل شامله الباص السياحي او لا

الثالث هل خلال فتره كريسمس وراس السنه عندهم تنزيلات نفس لندن وامريكا ولا لا

واخيرا اذا بحجز برج ايفل والغدى فيه او العشى لازم قبلها بجم يووم ومن وييين

ايييي والاهم هل بهالفتره باريس فيها ثلووج ولا لا من 12/20 لغايه بدايه شهر 1 او لا

وادري طولتها وااااايد بس شسوي اول مره بروووح والتخطيط والحجوزات علي انا ريلي يبي عالجاهز هههههههههه اخاف اختار شي ومايعجبه شيفكني من التحلطم وانا قبل كل سفره بشهووور اخطط واضبط علشان ما اكون ضايعه شنو بسوي ووين بروح

وشااااااكره لكم سعه صدوركم وطوله بالكم معاي ومع كل استفسار 🌺😊 من الموبايل

مواضيع عشوائيه ممكن تكون تعجبك اخترناها لك:

• رحلتي الي باريس والعوده من ميلانو
• جدول رحلة 10 ايام في فرنسا وهولندا
• مساعدتكم في تخطيط رحلة شهر العسل
• باريس اول مرة اسافر استفسارات عدة تحتاج الأجابة
• جدول ثلاث ايام في باريس
• استفسار بخصوص الفيزا فرنسا الي ايطاليا
• استفسار عن كوفي ينقل القنوات الرياضية
• خدمة البلاك بيري في اوروبا
• ما هو سعر تذكرة القطار من ستراسبورغ الى باريس
• رحلتي الاولى الى باريس
• احتاج مساعدتكم في خط سير رحلتي
• متجه الى فرنسا و اسئلة محتاجه نصيحتكم
• إستفسار بخصوص القيادة و الجو
• رحلتي الى باريس
• زيارتي الاولى الى باريس
• استخراج تاشيره
• احتاج مساعدتكم تكفون بخصوص تأشيرة الشنجن
• من ستراسبورغ الى يورب بارك
• ارجو المساعده
• امراتي محتاج فزعتكم

فندق ماجيك واكسبلور مجربات ويمدحونها الاعضاء لامانه

يعطيك الف الف عااااافيه اخوي فيصل ماقصرت انا كنت ناويه على اسطنبول بس بنتي دوختني تبي ديزني 😊 والبنت الوحيده لازم طلباتها اومر
وبدوخك معاي بالاستفسارات من الموبايل

خذي راحتك يا أختي


اقرأ تقارير والله انها المعلومه بكاملها

واي شيء براسك اسالي

والاخوات والاخوان ما يقصرون بعد

فندق نيويورك ممتاز وعند مدخل ديزني حتى كانو يروحونه مشي
اذا تحجزين من موقع ديزني يكون شامل التذاكر للبارك والاستوديو
بس سعره أغلى بوايد من الفنادق الي حوالين ديزني

باريس خلكم في لاديفانس تناسب العوائل

ايفل اذا بتصعدونه احس بتتجمدون من البرد حاسبو لهالنقطه

ثلوج ما أظن يكون اكثر شي بيناير وفبراير

يعطيج الف عااااافيه اختي ماقصرتي

انا ابي عيالي يثلجووووون ههههه 😂😂بس كاسر خاطري الصغير بو سنتين 😳 من الموبايل

في شهر 6 يبدا موسم الصيف عندهم يعني زحمة اجانب ..... بس ممكن اقترح عليك نهاية شهر ابريل او شهر 9 اتمنى لك التوفيق

يعطيك الف عاااافيه اخوووي مغرور نجد من الموبايل

ويشوف الاسعار شهر سبتمبر المشكله انها بدايه مدارس لاني جيكت على شهر 4 بعد تقريبا نفس الشي خل اغووووص بالاسعار وارد لكم 😂😁😊 من الموبايل

كلها يورو او اثنين يورو يعني مش ذات اهتمام
تدفع مع الحجز ابو بدونه حسب اللي يظهر لك بالحجز

يا جماااعه الويك اند باوروبا اي يوووم علشان اعرف احدد التواريخ حق ديزني علشان تكون ايام الاسبوووع من الموبايل

عندي استفسار ثاني بخصوص الغرف الي عدد الافراد 4 بالغين يصير احجزها لي انا وزوجي وعيالي 2 عمرهم 10 و6 وعندي رضيع هذا عادي وشلون اتواصل مع الفندق واطرش لهم ايميل بالاستفسارات ادري دوختكم معاي من الموبايل

يعطيج الف عااااافيه قلبي تسلمين خل اضبط الجدول لاني يوم الروحه والرده ما احسبه ضمن مده السفر من الموبايل

اختي نصيحه مني اخذي فندق الماريوت اللي قريب من ديزني لانه نظام فلل طابقين و كل فيلا فيها غرفتين و صاله كبيره و مطبخ يعني بتستفيدين لان معاك صغار و غير انه اشوفه اهدا و ارخص بوايد من فندق نيويورك و بالفندق في باص كل نص ساعه يودي دزني و يرد من دزني ، و غير انه اشوف شهر 12 برد حيل على الصغار انا رحت اخر 5 اول 6 كان برد جنه شتا الكويت ففكري من هالناحيه . و بالشتا الشمس تغيب مبجر يعني ما تستمتعون باليوم من الموبايل

فدييييتج ام دلوووول على مشاركتج وغيرت وقت السفره علشان ولدي الصفير مايتحمل صدره يتنق بسرعه خليتها من 9/28 لغايه 10/1 وشرايكم بالفنادق هذي :
Dream castle
Magic circus hotel
حق خمس ليالي وشامل الافطار 278 كويتي
وحصلت باريس 3ليالي novotel paris مع الريوق 309
والذاكر عالتركيه روحه ورده مع ترانزيت ساعه ونص ب 700 اثنين بالغين واثنين اطفال ورضيع
وتذاكر ديزني 3 ايام حق 2 كبار و2 اطفال ب538 يورو 205 كويتي

و big bus + رحله بالنهر طلع 2 كبار 2 اطفال 102 يورو 40 كويتي

شرايكم بالاسعار وعالجدول في باريس ما ضبطته ليلحين وانا مو من النوع الي احب متاحف وجذي ولا عيالي ىلا زوجي 😂 عايله بس تدور اكشن ومغامرات 😁 من جذي مابروح اللوفر من الموبايل

شدعوه اسبووووعولا احد دخل ولا علق ولا عطانا رايه بالاسعار والفنادق افاااااا من الموبايل

تسلمين اختي fanda اخترت الدريم كاستل والتذاكر يومين البارك ويوم للاستوديو بس شلون احجز بمطعم ميكي حق العيد ميلاد اذا عندج فكره من الموبايل

الي اعرفه من موقع ديزني الرسمي تقدرين تحجزين
شوفي اذا في ايميل ممكن تراسلينهم عليه
شوفي بعد مع فندقكم دريم كاسل راسليهم اذا يقدرون يحجزون لج

الفنادق ترتب للاشياء هذي