الموضوع: خط سير بحاجه لخبراء امريكا

[center]بعد لفه في المنتدى وتصفح اكثر من موضوع واخرها موضوع اخوي امريكي دوادوامي

فكرت ان خط سيري يكون كذا

نيويورك 5 ايام

اورلاندو 6ايام

لاس فيغاس 3 ايام

سان فرنسيسكو 3ايام

لوس انجلوس 3ايام

[font="times new roman"][size="5"][color="darkslategray"] [center]هاواي 3 ايام

مواضيع عشوائيه ممكن تكون تعجبك اخترناها لك:

• هل أطلب جوازي القديم ؟ أفيدونا بارك الله فيكم
• الى العزيز امباكتمساعده
• من يبي موعدي في جون؟ باقي له اقل من يوم
• تكفون طلب صور لاوماها بنراسكا
• اخذ الحذر من بعض المواقع الامريكية
• ارجوكم المساعده يااهل الخبره
• شيكو معايا على شنطه السفاره ومحتوياتها
• محسوبكم بـ يشد بس يبي ياخذ رايكم
• نصحية لجميع المسافرين على الطيران الداخليالاميريكان ايرلاين وغيره
• اسئلة عن سانت لويس السكن والمعيشه والجامعات
• بليييييز مساعدة اريد صور ل ولاية نيو جيرسي مدينه تكنك
• ماهي الأطعمة والأدوات المسموح بدخولها لأمريكا
• تأشيره مع تعليقه
• ابي مشورتكم
• سؤالي هل تعبتوا من هذي الملاحظة من السفارة للذين لديهم اوراق زرقاء وصفراء
• اخذت الموعد ودفعت وش اسوي بعده؟
• ارجو المساعده بخصوص الجواز
• ماتوقعت تعبئه الفيزا كذا
• يا أهل وخبراء امريكا
• أرجوكم ساعدوني يا أهل الخبرة عن اميركا والاقامة فيها سؤال هام ؟؟؟

السلام عليكم ..
كل منطقة بأمريكا لحالها دولة وماتقدر تفرها بيومين ثلاثة .. إلا فيغاس يومين كثيرة.
طلعات متفرقة:
أنا طلعت أورلاندو 7 أيام قبل سنة.
نيويورك 3 أيام قبل سنتين وشوي.
لوس أنجلوس 6 أيام قبل 3 شهور.
...
وسائل التنقل من الشرق للغرب أكييييييييد بالطائرة ..
لكن من لوس أنجلوس لفيغاس مثلاً بسيارة.
عندي جدول مجهز لك لرحلتي للوس أنجلوس قبل كم شهر .. إن شاء الله أنزله هاليومين .. -- ثاني مشاركة لي ومتحمس.
...
نصيحة .. هاواي 3 أيام أحسها شوي .. وبالعربي .. هاواي يبي لها رواااااااقه ..
...
سان فرانسسيكو .. كلاااسك عالآخر .. لكنها غالية ..
...
بتروح أورلاندو .. لازم تاخذ بنتك .. = ديزني هناااااااااااك ..

السكن في أورلاندو .. لما رحت لها السنة الماضية .. حجزت الطيران والسكن والتكت لدزني ..
سكنت داخل ديزني (سكن ديزني)
تركب باص من المطار .. وتروج للسكن .. وتجيك الشنط للبيت بعد كم ساعة (ويمكن قبلك)
كل يوم فيه باصات تطلع من الصباح لأي بارك تبي .. يعني باص ورا باص وكل واحد مخصص يروح للبارك المخصص.
الباص مجاني( من فيمة السكن). السكن نظيف لكن قديم شوي ..
ماتحتاج سيارة طول ما أنت تروح دزني كل يوم .. واليوم اللي ماتبي تطلع دزني .. اطلع استأجر سيارة لمدة يوم ..
في أمريكا .. ومن تجربة ===== انسى التكاااااااااسي .
شخصياً .. استأجر سيارة طول اليوم بـ 50 ولا تاكسي مشوار بـ 20 ..
..

شكرا اخوي ك ا

ترتيبك حلو لكن في بعض المدن حاطي فيها ايام زياده خليها كذه وانته والي يريحك
نيويورك3 ايام
اورلاندو 5 ايام
لاس فيقاس 3 ايام
سان فرانسسكو يومين
لوس انجلوس 6 ايام
(لوس انجلوس قسمها شمال وجنوب 3ايام في الشمال و3 ايام في الجنوب )
والصراحه هاواي مره حلوه

اما عن المصروووووف

نيويورك لا تأجر سيارة لأن البلد مره زحمه واستخدم التاكسي او الباصات
اما المدن الباقيه فتحتاج سيارة لأنها ارخص من التكاسي والسواقه في امريكا مره متعه
اما المصروف اليومي يعتمد عليكم وعلى صرفكم


nemoor1

تسلم اخوي احمد

بتوكل على الله وبضبط الرحله زي ماتفضلت

الحين باقي الفنادق المجربه من الاعضاء في كل الولايات المذكوره

نيويورك 3 ايام

اورلاندو 8 ايام

لاس فيغاس 3 ايام

لوس انجلوس 8 ايام

[font="times new roman"][size="5"][color="darkslategray"][center]هاواي 3 ايام

هلا والله اخوي وليد تسلم على المعلومات وخاصه المصروف اليومي افدتني كثير

انا ضبطت الحين هذا الجدول وفيه اخترت فندقين يتم المفاضله بينهم او تبديلهم حسب رأيك الكريم ورأي الاخوان
ياليت تشوف الصوره وتفيدني بلي تشوفه انسب خاصه اني ودي اوفر اكثر بقيمة السكن لو في فنادق مناسبه

بالنسبه للبنت عمرها صغير و قررنا ماناخذها والله يجزاك خير

اتمنى الاقي تجاوب من الخبراء حتى انهي موضوع الفنادق لانه هو الاهم

طبعا اشكر الاخت ام يوسف والاخ امباكت لاني استفدت من ارائهم القديمه بخصوص الفنادق

المشاركة الأصلية كتبت بواسطة الكولورادوي
http://www.arabtravelersforum.com/tr...6/#post4075506

السلام عليكم ..
كل منطقة بأمريكا لحالها دولة وماتقدر تفرها بيومين ثلاثة .. ..

نفس الكلام اللي اقوله... أقل من إسبع بأي ولايه ماله أي طعم... خلاف إن كثرة التنقل تفسد عليك الرحله من ذهاب للطار وإنتظار الإقلاع وصعود الطائرة ونزول... والذهاب للفندق... كله وقت يطوفك دون غاية سوى التنقل الكثير... وبالاخر اللي جنيته تعب ومشقه وعدم إستمتاع بالمناطق اللي مريتها.. خلاف لو حبيت تكرر زيارتك للمكان الي جيته مرة ومرتين ... وثـــلاث تكون صعبه عليك

تسلم اخوي رحال على متابعتك

طيب دامك تقول اسبوع خل نقول مثلا نخفف من الولايات وتقتصر على
نيويورك 4 ليالي

ومنها الى سان فرانسيكو ليلتين

ومنها الى لاسف فيغاس 6 ليالي وهنا تأجير سياره الى نهاية الرحله

ومنها الى لو انجليس 8 ليالي بين البيتش وبفرلي هيلز

واعتقد لوس انجلس بتغنيني عن اورلاندو على ذمة المشرف امباكت

والعوده الى نيويورك ومنه الى الرياض

يعني الطيران الداخلي بيكون من نيويورك الى سان فرانسيكو

ومن سان فرانسيسكو الى لاس فيغاس

والعوده من لوس انجليس الى نييورك

يعني ثلاث تذاكر

اذا تشوفها اوكي بتوكل على الله وببدا الحجز

لاتحرمني من ارائك القيمه

أخي الكريم ..
شي مهم .. لازم تفكر فيه ..
الرحلات الدولية تسمح بعدد 2 شنط مجانية (الوزن تقريباً 23 كغ).
الرحلات الداخلية تسمح بعدد 1 شنطة (أتوقع) والسعر 15 دولار على أغلب الخطوط.
فانتبه لهذا الشي عند التحرك من الشرق للغرب.
.
شخصياً.. لا أهتم بالفنادق كثيراً بس تكون أوكي (جيدة) .. لأنها للنوم فقط.
.
موفق أخي الكريم.

هلا اخوي الكلورداوي وانا زيك مايهمني بالفندق الا نظافته فقط

اخوي رحال اتعبتك معليه
دامك تقول ولايتين اجل نيويورك ولوس انجليس مع ان ودي ازور فرانسيسكو وفيغاس
لكن بمشي علي شورك وهداية الله
تسلم لي وبانتظارك
*

اخوي رحال
بالنسبه للمصاريف اليوميه سويت جدول مبدئي للمصاريف المتوقعه واتمنى منك تعديله اذا وقتك يسمح
الفطور في الفندق
الغدا بيكون عصرا وجبه سريعه وسعر الوجبه حسب ماقريت سته دولار يعني 23 ريال في اثنين = 46 ريال
46*18= 828
المشروبات مثل الماء دولار ونص ونقول اربع قوارير باليوم = 23 ريال

23*18 =414

العشاء اي شي من البقاله خفيف ولنفرض سندوتش جبنه للاثنين مثلا ب 5 دولار = 19 ريال

19* 18 = 337
مصاريف التاكسي مارح استخدمه كل يوم ولذلك وضعت متوسط سعري 50 ريال باليوم ممكن تزيد وممكن تنقص
50*18= 900

مصاريف التذاكر للالعاب والاماكن السياحيه
مدري كم لكن نقول ثلاث الاف ريال وعليك التعديل اذا ممكن اذا ممكن تصير اقل

مصاريف تأجير السياره لو بروح لاس فيغاس مثلا
مدري كم لكن نقول الف وميتين لمدة اربع ليالي مع البنزين وعليك التعديل الله لايهينك

مصاريف تذاكر داخليه
من نيويورك الى لوس انجلوس ذهاب وعوده نفرض 1500 ريال

مصاريف طواري 200 ريال لكل يوم 200*18 = 3600

المجموع الكلي

11279
واجد شكلي بروح اندونيسيا خلاص هههههههههههههه

اتمنى اتمنى اخوي رحال او الاخوه الخبراء مراجعة الجدول والتعديل عليه اذا امكن التوفير من المصاريف

علماً باني هنا اتغدا في العمل اي سنتدوش جبنه او تونه والعشا فواكه او اي شي موجود بالثلاجه
يعني ممكن اقتصد اكثر بالاكل والشرب لانه اخر همي وايضا مدينة الالعاب لاتستهويني كثيرا يعني يمكن اتفرج بس مالعب وزوجتي مثلي

بسهل عليك الموضوع للتعديل عليه

الغداء
46*18= 828 ريال

المشروبات بين الوجبات
23*18 =414 ريال

العشاء
19* 18 = 337 ريال

التاكسي
50*18= 900 ريال


تذاكر دخول
3000 ريال

تاجير سياره لاربع ايام
1200 ريال

تذاكر داخليه
1500 ريال


طواريء
3600 ريال

المجموع الكلي

11279

معليش كثرت بالطلبات
لكن التخطيط السليم طريق لانجاح السفره ولاني جربت هالتخطيط في ماليزيا مشت الامور بالملي وبامتياز وعدت للبلاد محملا بزوائد المال

هلا اخوي رحال وتسلم على الرد المفصل
بالنسبه للطيران انا ودي اروح على الخطوط السعوديه لاني مجربها في ماليزيا وكانت مريحه وتكلقتها
sar 6,924.00خط رحلتك حلو لكن شكلي برجع على الخطه الاولى وبخفف بالايام بخليها اسبوعين واذا على الشبع كذا والا كذا مارح اشبع

اللي يهمني الحين هو المصاريف اليوميه اللي ذكرتها بردي فوق هل هي صحيحه ؟
نصحني احد الاصدقاء باخذ معلبات لتوفير قيمة الاكل لكن مدري هل تمر بالمطار والا لا

وبالنسبه للتنقلات بين لوس انجلوس ولاس فيغاس عزمت استخدم الباص وسألت عن سعره قالو بحدود 500 ريال للشخصين
طبعا مارح استأجر سياره

المشاركة الأصلية كتبت بواسطة asc
http://www.arabtravelersforum.com/tr...0/#post4087090

هلا اخوي رحال وتسلم على الرد المفصل
بالنسبه للطيران انا ودي اروح على الخطوط السعوديه لاني مجربها في ماليزيا وكانت مريحه وتكلقتها
sar 6,924.00خط رحلتك حلو لكن شكلي برجع على الخطه

أنا أعطيك حجز أرخص من حجزك حدود 2000 ريال.. واأنت رافض.... أجل لاتفاوض بباقي الإحتياجات وإقبل بها كما هي... لان الي يفرق معك فيها فقط نسبة 10 إلى 100 دولار في حد أقصى.... وطالما الــ2000 ماهمتك ماظنتي تفاصل على رقم بالأحاد أو العشرات أو حتى المئــــات

لا بالعكس همتني وودي اوفر لكن هل الهولنديه بتغنيني عن الخطوط السعوديه من نواحي الراحه والدايركت ووسائل الترفيه بالطائره
اذا كل هذا متوفر اجل بمشي على كلامك
انتظر ردك

أنا ماعندي جديد كل اللي عندي سجلته لك... وماأظن بجعبتي جديد... إعذرني لو هنا وتوقفت

على راحتك اخوي
مشكور وماقصرت