الموضوع: طلب وإستفسار عن مدينة الجمال سويسرا

اسعد الله ايامكم بكل خير ورضا

الحمدلله قررنا السفر الى سويسرا


20 اوغست الذهاب
4سبتمبر العوده


14 يوم من غير احتساب يوم الوصول ويوم العوده


محطة الوصول جينيف


الوالد والوالده قررووا على هذي المدن وطالبين نصيحتكم واذا عندكم اراء افضل يا اهل الخبره


جنيف محطة الوصول ومنها على
مونترو يومان
كندرستيج 4 ايام
انترلاكن 4 ايام
قراندوايلد يومان
جنيف يومان +يوم الرجوع(3 ايام)


يعني خط سير الرحله السويسريه بيكون


جنيف ــ}مونتروــ}كندرستيج ــ}انترلاكن ــ}قراندوايلدــ}جنيف




وهذا قرار مبدئي فـــ الله يسعدكم في الدنيا والاخره


اذا عندكم اقتراحات او تعديللات ماعندي اي مشكله




الله يكتب لنا ولكم كل خير ويبلغني واياكم شهر رمضان الفضيل

مواضيع عشوائيه ممكن تكون تعجبك اخترناها لك:

• متى يبدأ الخريف في سويسرا ؟
• جنيف تقرير رحلتي مارس
• خط سير لمدة يوم ارجو الافادة
• أفضل وسيلة مواصلات من مطار ميلانو الى لوقانو
• إلى خبراء وزوار سويسرا استفسار للسكن
• كم المسافة من انترلاكن الي ديزني لاند
• الى خبراء انترلاكن ماهو افضل فندق او فندق
• سويسرا حلم يتحقق
• ارجو المساعدة
• شهر العسل 7 ايام في جنيف اتمنى مساعدتكم..
• يااهل الخبره ارجو المساعده
• ساعدوني الله يجزاكم خير
• شقة رائعة قريبة من انترلاكن
• محتاره جدا بين سويسرا وبين كروز افيدوني
• ميزانية يومين في انترلاكن
• وما زال البحث مستمرا
• سويسرا
• مساعده تكفون يااهل الخبره ؟
• السويس هاف فير لوغانو
• ارجو المساعدة رحلتي صيف

آناااا آآآسفه جدا ما آنتبهت للقسم اللي كتبت فيه المفروض آحط بقسم الآستفسارات آعذروني اتمنى ينحذف الموضوع بالقسم ذا وبرجع آكتبه في قسم الآستفسارات

ولا يهمك

تم النقل الى قسم الاستفسارات
http://www.arabtravelersforum.com/travelarab118/

تحياتي

الله يعطيك العافيه اخوي قايد عنادك .. من الموبايل

خرينديلفالد و كاندرستيج وانترلاكن متقاربة من بعض
ممكن تلغون السكن بوسط انترلاكن وتخلون كامل الفترة بخرينديلفالد مثلا ويومين باكاندرستيج
والرأي لكم
وبالنسبة لجنيف يكون السكن بديفون او تواري افضل بكثير من جنيف

يعطيكم العافيييييه

الله يعطيكم العافيه للحين فيه تغيير بالخطط مو قاعدين نستقر ع شي انترلاكن تطلع ع اكثر من مدينه مثل كاندرستيج وقراند وايلد ولوسرين وبيرن وكلها المسافات بينها متقاربه

وبرضوا جنيف بينها وبين ديفون شي بسيط

وقررنا اضافه باريس وشيمونيه


وللحين الوضع مستتب على جنيف نقطه وصول بعدها نطلع باريس 3ايام ونرجع جنيف او ديفون ناخذ فيها 4 ايام لها واللي مجاورها وبعدها انترلاكن وماجاورها 6ايام ويوم العوده يكون في جنيف


هل كذا تمام او لا كل شخص وده بشي والعايله متلخبطه شكل اخرتنا بنكنسل السفره الله يكتب لنا كل خير من الموبايل

عندي استفسار بعد هل هو ضروري نستخرج الشنغن من السفاره السويسريه لانها الاكثر اقامه ولا نقدر نطلعها من الفرنسيه ؟؟؟ من الموبايل

المشاركة الأصلية كتبت بواسطة جنتي ابوي وامي
http://www.arabtravelersforum.com/tr...1/#post8269161

عندي استفسار بعد هل هو ضروري نستخرج الشنغن من السفاره السويسريه لانها الاكثر اقامه ولا نقدر نطلعها من الفرنسيه ؟؟؟ من الموبايل



جميع ما يتعلق باستفسارات الشنقن تجدونه في هذا الموضوع
وبالإمكان وضع استفساركم فيه مباشرة بنفس الموضوع
http://www.arabtravelersforum.com/travel889672/

المشاركة الأصلية كتبت بواسطة جنتي ابوي وامي
http://www.arabtravelersforum.com/tr...3/#post8268913

الله يعطيكم العافيه للحين فيه تغيير بالخطط مو قاعدين نستقر ع شي انترلاكن تطلع ع اكثر من مدينه مثل كاندرستيج وقراند وايلد ولوسرين وبيرن وكلها المسافات بينها متقاربه

وبرضوا جنيف بينها وبين ديفون شي بسيط

وقررنا اضافه باريس وشيمونيه


وللحين الوضع مستتب على جنيف نقطه وصول بعدها نطلع باريس 3ايام ونرجع جنيف او ديفون ناخذ فيها 4 ايام لها واللي مجاورها وبعدها انترلاكن وماجاورها 6ايام ويوم العوده يكون في جنيف


هل كذا تمام او لا كل شخص وده بشي والعايله متلخبطه شكل اخرتنا بنكنسل السفره الله يكتب لنا كل خير من الموبايل



اذا ما حجزتوا
أو تقدرون تغيرون حجزكم
يكون الوصول باريس
وبعد باريس تطلعون جنيف او انترلاكن
ومن جنيف ترجعون لديرتكم
تعب وملل وغلط يكون الوصول جنيف وتطلعون باريس وبعدين ترجعون جنيف
والمفروض يسير مخططكم كالتالي
الوصول باريس
ومن باريس الى انترلاكن
ومن انترلاكن الى جنيف ويفضل السكن بديفون او تواري او لوزان
هذا الافضل من وجهة نظري والخيار لكم

والله للاسف تم الحجز يابو نوره ولاظنيت عاد نقدر نغير يله خيره من ربي

صار المخطط جنيف وصول وناخذ فيها يوم راحه ونطلع ع باريس 3 ايام وبعدها ديفون اربع ايام (شاموني - انسي - ليون-ايفيان-مونترو){ـــباقي بيتم تنسيقها
ومن ديفون على قراند وايلد 6 ايام(انترلاكن - كاندرستيج - قريه ثن - زيورخ - لوزرين - zug) { ------ باقي مارسينا ع وشو اللي بنزورهم بالضبط

وبعدها نرجع جنيف ناخذ لنا يوم فيها مع يوم العوده


وسيلة التنقل سياره ..

السلام عليكم ورحمة الله وبركاته


عندي كم استفسار الله لايهينكم
(سويسرا)


1- مبلغ الكاش هل مسموح لي مبلغ معين اخذه المطار او لا/؟؟
2- لازم احول لعملتهم او عادي احول لـ دولار؟؟


3-سمعت كثير عن بطايق مدري ستيكرز عشان السياره وحنا بسويسرا وماعرفت وش هي وكيف ناخذها؟؟


4-كيف بيكون الجو في سويسرا نهاية اوغست وبدايه سبتمبر؟؟




5-انا بسكن في قرينوايلد 6 ايام وش تنصحوني فيه وين اروح حولها
فكرت في انترلاكن وكندر ستيج وزيورخ
وهل thun
&
zug


تستاهل العنوه؟؟؟


6- الانترت شي مهم بالنسبه لي ذاك الوقت عشان جداول الجامعه ايش تنصحوني فيه احتاج نت قوي وسريع ويساعدني ؟؟




ادري طولتها وزودتها بس اعذروني ماعندي الا انتوا وادري مابتقصرون


الرجاء عدم كتابة كل استفسار بموضوع مستقل
تم الدمج
# أبو نورة #

بنجور
ماعندك مشكلة لمبلغ الكاش وانصحك بعدم حمل مبالغ كبيرة في اوروبا

ممكن تستخدم بطاقة الصراف وقت ماينقص عليك الكاش

العملة المستخدمة في سويسرا هي الفرنك السويسري وليس اليورو

اليورو مقبول لكن بسعر صرف جدا عالي

اليورو ممكن تستخدمه في الاراضي الفرنسية مثل انسي وديفون وشامونيه وايفيان

فلابد ان تعرف وتحدد موقعك علشان تستخدم العملة الصحيحة

الدولار يفضل صرفه من البنك او شركات الصرافة ويفضل صرفه من المطار وقت الوصول

محتاج اعرف معلومات اكثر عن رحلتكم مثل مطار الوصول واتلمغادرة عددكم والسكن وين بالضبط اسم المكان

اذا معكم سيارة مستلمة من سويسرا فبيكون الفانيات او الرود تاكس ستيكر ملصق عليها

اذا لا فممكن تشترونه من اي محطة وقود او من نقاط الحدود

الاجواء في نهاية اغسطس ممتازة جدا مو بارد ولا حار يعني معتدل

في الجبال محتاج كنزة او جاكيت في المساء وخرينديلفالد عموما مرتفعة وجاية في وادي بين الجبال والجو فيها ابرد شوي من باقي مدن سويسرا

النت افضل شيء ان تشتري شريحة من شركة السويس كوم ب 20 فرنك من مكتب السويس كوم الموجود في انترلاكن مثلا وتطلب في وقتها الاشتراك بباقة الناتل بي

NATEL Easy BeFree

استخدام مفتوح انترنت 4 فرنك لليوم
اتصال مفتوح داخل سويسرا لجميع الشبكات 3 فرنك لليوم
رسائل نصية غير محدودة لليوم 1 فرنك





بالنسبة للاماكن الجميلة اللي تستاهل العنوة ممكن تتطلع عليها من هنا


http://www.arabtravelersforum.com/travel108099/

بالاضافة الى

كابريو

تتلس