السلام عليكم . انا صارلي موقف امس في دبي اكواريوم وحبيت انبهكم فيه والموقف هو: امس عالمغرب كنت رايحة دبي مول مع العيال وحبوا انهم يدخلون الاكواريوم وافقت ودخلنا لان كان عندي كتيب الانترتينر وكنا اربعة ودفعنا عن شخصين والمبلغ طلع ب100 درهم. المهم بعد ما دخلنا طبعا اغلب الاحواض مكتوب عليها ممنوع اللمس وممنوع اطعام السمك وممنوع ادخال اليد وطبعا بعد ماخلصنا من الطابق الاول رحنا للطابق الثاني واللي كان فيه مثل صناديق زجاجية مغلقة وفيها بعض من الزواحف والعناكب والثعابين والضفادع واللي اتوقع ان اغلبها سام . المهم اللي صار اني كنت قاعدة اصور وفجأة سمعت صوت شي ولما صديت شفت ان الزجاج من احد هالصناديق طاح وكشف عن الضفدع اللي موجود وطبعا الكل كان في حالة فزع بس ربنا ستر وما طلع الضفدع واللي اتوقع انه سام وطبعا الكل طلع من المكان ونزل للطابق السفلي وانا رحت لاحد الموظفين وبلغته باللي حصل ان ولدي كان حاط ايده ومتسند وقاعد يتأمل بالضفدع وفجأة طاحت الزجاجة واللي اتوقع انها مش محكمة الغلق واللي المفروض انها تكون مسكرة عدل تجنبا لهذي الاشياء طبعا ملخص الكلام هني تخيلوا لو ان الجامة اللي كان فيها الثعبان هي اللي طاحت او اللي فيها العنكبوت السام جان شو اللي بيصير . فأنا حبيت انبهكم للي صار معاي علشان ما يصير مع غيري انتبهوا لا تلمسون الزجاج ولا تتسندون عليه والله شاهد اني ما ابغي غير اني انبهكم واسمحولي.مواضيع عشوائيه ممكن تكون تعجبك اخترناها لك:
- استفسارات بسيط ممكن اجوبه
- ودي اسافر بعطلة الحج وودي الاقي فندق فخم بس ما يخرب ميزانيتي
- شوكرن دبي ولي الفخر بأني عربي وجار لدار زايد سجل شكرك
- ما رأيكم بالسكن في الشارقة
- أسعار الفنادق في دبي
- دبي تكتسي حلّة رمضانية ابتهاجاً بالشهر الكريم
- تحذير ۔ شقق توليب كريك ۔
- بغيت فلل خمس نجوم مع مسبح خاص
- ممكن برنامج مرتب حسب قرب الامــاكن ؟؟
- إستفسااااااااااااااااار
- من يعرف عن هذي الشقق جزيتم خيرا
- شلون أحسب الخدمة والضرائب
- افضل الاماكن السياحية في دولة الامارات
- مساعده للذهاب لدبي
- مشكلتي التي بحاجة لحل
- تجارة الجملة
- حاليا في دبي م
- الشيخ محمد بن زايد يجلس على الرصيف بجانب طفلة تأخر عنها والدها صورة
- مدينة دبي للاعلام معلومات وخرائط
- انطلاق مهرجان صّيف في أبوظبي
رد مع اقتباس
المشاركة الأصلية كتبت بواسطة المالديف حلمي
المفضلات