الموضوع: جدول مقترح ل ليالي في باريس

أخواني و اخواتي
اول زيارة لي لباريس مع العيال ف جزأتها 3 ليالي باريس و بعدين 3 ليالي في الماريوت فيلج يم دزني.
برنامجي لباريس كالتالي:

اليوم الأول الوصول عصرا": الباص المكشوف
اليوم الثاني: متحف اللوفر + هضبة المونامرت + تمشي في الشانز
اليوم الثالث: قصر فرساي + شوبنج
اليوم الرابع: الذهاب الى ديزني

السؤال: هل الجدول تحسونه شامل وكافي؟
جولة الباص اشكثر تاخذ وقت؟
اعرف ان في انواع من الباصات بس اذا بغيت اخذ الباص الي انزل منه حق برج ايفيل اي باص اخذ؟

مواضيع عشوائيه ممكن تكون تعجبك اخترناها لك:

• ۩ ‏رحلة الأحلام إلى بـلاد الشام أكـثـر من صورة ۩ ‏
• احتاج خطة لباريس في ليالي السفر قرب وماقدرت اسوي خطة
• دخول الأدويه للمطار
• ابي شرح مفصل لاني اول مرة ارجوكم ساعدوني ولاتتاخرون
• آنسي آسرة الالباب
• الخبراء في سكن فنادق ديزني
• ساعدوني فندق راريس سحب مبلغ من البطاقه قبل موعدها
• جمعكم الله في جناته
• ابي فنادق تسجيل دخولها يكون الصباح
• محتار بين فندقين في لا ديفانس
• احتاج مساعدتكم تكفون بخصوص تأشيرة الشنجن
• أحتآج المسآعدة
• استفسار بخصوص ديزني لاند باريس
• فندق في باريس وكم سوال كمان
• حساب تكاليف رحلتي الى باريس
• متحف اللوفــــر الفرنســــي
• إلى خبراء باريس ومن زارها ارجو الدخول للأستشاره فـ جدولي الله يجزاكم الخير
• الحلقة الاولى باريس نقطة توقف
• استفسار عن المناطق السياحية و رحلات القروبات للبنان
• إخواني نجدتكم جزاكم الله خير

متى وصولكم ؟!
حطي في بالك انه فرساي مقفل الاثنين واللوفر مقفل الثلاثاء

بالنسبه لمتحف اللوفر انا من وجهة نظري ما يستاهل دخوله لانه ما راح يفيدك بشي انا اشوف تكتفين بالتصوير عند بوابته بس الحديقه الي امامه تستاهل حلوووه وفيها نافوره كبيره في النص منظرها حلو

اجاابتك علي ام ريم. مهم جدا لتحديد اتاحه المواقع
الباص ساعتين وثلث بدون ما تنزلون اتوقع
كل الباصات توصل ايفل اذا قصدك حقت السباحي الحمراء او الخضراء

فيه موضوع مهم لمشرف الجزر الاخ f.h.a.d. بالقسم العام عن الباص السياحي

FANDA
وصولنا باريس الجمعه
يعني على حسب الجدول بتكون الزيارة السبت والأحد
جزيل الشكر أختي ع التنبيه

Turki Musa
فكرة والله اني ما أدخل خصوصا ان معي العيال, ف بناخذ بشورك و بنصور بس برع

أخوي فيصل
اي نعم قصدي كان الباص السياحي
كل الشكر على موضوع الباصات

شاكرة لكم جميعا, جزاكم الله كل الخير

فرساي مغلق الاثنين يعني لابد من تغيير الجدول
عطينا الاماكن اللي ترغبين بزيارتها بالضبط
الباص هل تبين بكل مكان تنزلين ام تكتفين بالباص داخل تتفرجين

انه بعد من رأيي تلغون اللوفر لانه ممل للأطفال واكتفوا بفرساي ممتع خصوصا التمشي في حدائقه وحول البحيره
لا تنسون يكون معاكم رخصه سياقه عشان تقدرون تتاجرون سياره الجولف الصغيره وتمشون فيها في الحديقة
اذا راح تخلين فرساي الأحد بدل الاثنين يعني يوم ويك اند وزحمه زحمه لازم تكونون متواجدين من وقت قبل لا يفتح
ساعه كم راح يكون وصولكم وبأي شهر السفره ؟!
لانه اذا وصلتون باريس العصر وعلى بال ما تروحون الفندق تنزلون العفش تريحون وتطلعون مره ثانيه ما بقى شي من اليوم خصوصا اذا رحلتكم في الشتا لانه النهار قصير والباص للساعه 7 أظن بس

السفر ان شاء الله في شهر ابريل
نطير 11 ابريل (يوم الجمعه) الفجر نوصل 1:30 الظهر
ضافيت يوم لباريس يعني صارت 4 ليالي بدل 3
يعني الجدول كالتالي:
اليوم الأول الجمعه من العصر: الباص المكشوف
اليوم الثاني السبت: متحف اللوفر + هضبة المونامرت + تمشي في الشانز
اليوم الثالث الأحد: قصر فرساي + شوبنج
اليوم الرابع الأثنين: ما عرف شنو اسوي، عطوني اقتراحاتكم
اليوم الرابع الثلثاء: التوجه الي ديزني

فيصل: الأماكن الي ذكرتها في الجدول هي الي ابي ازورها, بس اذا عندك أماكن غير تستحق الزيارة قولي عنها لو سمحت
بلنسبة للباص مب ضرروي انزل كل محل لأن الي قريته ان صعب احصل باص يوديني المزار الي بعده و احنا عددنا كبير تقريبا 12 ف ففكرنا نلف بالباص بس ننزل ايفل, والا اش رايك؟

fanda
ايصيير رخصة سوق بحرينية لو لازم دولية؟

فيصل
جزاك الله كل الخير ع ترتيب البرنامج
في ايفل في
انا قلت اني بانزله/ باروحله/ بازوره في اول يوم من وصولنا عن طريق الباص السياحي
سؤالي: ميدان كونكورد شنو فيه؟
حديقه لوكسمبورغ... ينراح لها مشي من ساحة ترايكادور؟ و شنو فيها الحديقة؟

كل الشكر

كونكورد حديقه وخلفه القارب المائي
بجانبه المسله المصريه

مشي اممممممممم علي حسب لياقتكم
هنا المسافه
https://maps.google.com/maps?saddr=C...a=ltm&t=m&z=14

استغل قرب المسافات والمعالم من بعض
مثلا الشانز يتفرع منه شارع بين لويفيتون ومقهى الفوكيت اسمه جورج سانك امشي اخره الافينومنتين شارع الماركات
ايفل وساحاته والنهر والرحله النهريه وجسر الاقفال
اللوفر جنبه كونكورد وحديقه تويلري مشي جنب بعض
التسوق في الاوبرا وغاليري لافييت
الهضبه والكنيسه والحي اللاتيني في وقت واحد
المهم قسم وقتك فترتين عشان تستمتع

مشكورز لندنيه ما قصرتي
فعلا انا احب اجمع الأماكن الي يم بعض في وقت واحد
وفرتي علي وايد اسئله
جزاج الله كل الخير

ولو وبالخدمه

اش صار عالفيزا ؟!

فيصل
اي باريس باس

FANDA
بانتحر عطونا بس 6 شهور
يمكن لان اول مره اقدم
بس حدي متحطمة
ان شاء الله يقطونها عن البحرينين خل تبرد حرة الست اشهر

يمكن جوازكم قرب ينتهي غريبه 6 اشهر


الباس لو تبين تزورين كل الاماكن انصحك فيه جربي فيه موقع حلو يقدم تذاكر وعروض بتذكر واعطيك الرابط