الموضوع: طلب من أهل الكويت وصف الطريق لمنتجع هيلتون

السلام عليكم ورحمة الله وبركاته

ممكن لو سمحتوا تعطوني وصف الطريق لمنتجع هيلتون أو خريطة توضح الوصف

أنا جاي لزيارة الكويت بعد يومين من السعودية.

ولكم جزيل الشكر مقدما

مواضيع عشوائيه ممكن تكون تعجبك اخترناها لك:

• التجهيز لمولود
• الكويت برد بكره
• الطريق من حفر الباطن للكويتوالشغالة كيف النظام؟
• استفسار عن شاليه
• وين مطعم سلك اند سبايس ؟ رشح لنا مطعم صيني
• استفسار على سريع لدانة الخليج
• استفسار مهم الله يجزاكم خير
• اصحاب الخبرة بالكويت
• بخصوص المطاعم
• ماريناا ووييفز
• شقق فندقية جديدة بالسالمية وعرض مغري
• السموحة ،، استفسار عن شركات الاتصالات بالكويت
• لو تسمحوا
• شقق مفروشة بالفحيحيل
• الكويت بلدي ومايحتاج اسئل فيه لكن
• تطوير فندق إنتركونتيننتال جديد في الكويت
• إستفسارات من اماراتي بيوصل للكويت بعد يومين
• افضل شريحه للاتصال والنت
• هل احتاج الى فيزا للدخول الى دولة الكويت ؟؟؟؟
• فندق قريب من المباركيه

حياك الله وتشرفنا زيارتك

لكن انت جاي من الخفجي او حفر الباطن

اذا جاي من الخفجي ودخلت الكويت راح يكون خط سريع

كمل سيده لين يفترق الخط السريع واحد يكمل سيده اللي هو

طريق الملك فهد وواحد يمين الي هو طريق عبد الرحمن بن

سعود اخذ يمين معه وكمل سيده لين يجيك نادي على يمينك

وراح تشوف الملعب كمل سيده تقريبا 5 كيلو راح يجيك

جسر لا تصعده اخذ يمين راح تجيك اشاره مروريه اخذ

يمين وامش سيده اللحين متجه شرق و5 كيلو تقريبا

تجيك اشاره اخذها يمين وراح يكون الهيلتون على

يسارك اخذ فوق حدر وادخل المنتجع

وان شاء الله ان الوصف واضح واذا ضيعت اسأل

عن منطقة المنقف وامش على شارع البحر وبتشوفه

ان شاء الله

والله يسهل امرك

وعليكم السلام ورحمه الله وبركاته
اخوي راى ما قصر.. وما يمنع نعطيك وصف اخر
1- بعد خولك للكويت وسيرك باتجاه مدينه الكويت( ستشاهد جسر الملتقى) وهو اول جسر تقابله داخل الكويت اخذ قبل الجسر يمين
2- اكمل طريقك بكل يسر ان شاء الله .( حتي تشاهد اول منطقه سكنيه علي يمينك) وهي منطقه الفحيحيل
3- ستمر بـ نادي الفحيحيل ويكون علي يمينك..بعد النادي بـ 500 متر تقريبا سيكون هناك مدخل منطقه المنقف( وستلاحظ جسر مشاة) ادخل منه لمنطقه المنقف
4- اكمل طريقك بشكل مستقيم لا يمين ولا يسار ستمر بدوار الاول ثم الثاني..الى ان تصل لشارع البحر ادخل في الشارع واول لفه " فوق حدر علي يدك اليسار اخذها) بعدها بـ 300 تقريبا منتجع الهيلتون

شكرا جزيلا لكما (راي، adilalroh):24:

كفيتوا ووفيتوا:24:

وإنشاء الله راح تكون رحلة ممتعة ما دام بدايتها مع أهل الحب والخير من أهل الكويت كذا

بارك الله فيكم:101: