الموضوع: الفيزا بلها واشرب مويتها اذا كنت غير مطابق للشروط

السلام عليكم ورحمة الله وبركاته ,,,


ياخوي وش تبيني اسوي !! معك خطاب سفاره ؟؟ (( لا ))

خلاص ياخي الفيزا بلها واشرب مويتها ,,,,,,,


هذا ما قاله ال شيخ لصديقي العزيز عبدالله عند مراجعته للوزارة ,,,,,


ياخواني انا اتكلم بهذا الموضوع والم والحسره والقهر لايزال يغلي في قلب عبدالله

عبدالله قصته قصه

فهو خريج ثانوية عامه قسم علمي بنسبه 81%


وكافح من السنه الماضيه حتى حصل على الضمان المالي ,,, ومن ثم القبول وفي وقت قريب اصدرت الفيزا له


وهو من الذين لا يحملون خطاب للسفاره ,,,



راجع عبدالله قبل اسابيع قليله الوزارة وقابل ال شيخ .......

قام ال شيخ وزفه

وقال ياخي ازعجتونا شف موقع الوزارة انت معك فيزا ؟؟ (( ايه ياطويل العمر معي فيزا بس ناقص قرار الابتعاث )))))))



نسبتك مو 85 (( لا يا طويل العمر انا نسبتي 81 )))

خلاص ياخوي لا تزعجنا مافي قرار ابتعاث :114:


قاله عبدالله طيب يا استاد ما اقدر انتظر الى البعثات القادمه؟؟

قال ياخوي جتنا توجيهات صارمه تمنع التساهل في مثل هذي الامور واتمنى انك تقدر الوضع ...

قال يعني الفيزا مالها اي داعي !!


قال لا اذا تبي تدرس على حسابك وتحول بعد سمستر ممكن نساعدك غيره لا لا لا

قال عبدالله طيب هل هذا القرار يشملني انا وحدي ولا يشمل جميع من تبقى عليها قرارت الابتعاث ؟؟

قال ال شيخ حتى اللي مابقى عليهم الا قرار الابتعاث ومو مطابقين للشروط راح يرفضوون ,,, وتعال بنفسك وشوف اذا شفت احد مشى مخالف للشروط انا مستعد اقدم اعتذار في موقع الوزارة لك !!!! واللحقك بالبعثه بعد وش تبي بس الله يخليك لا تزعجنا !!


(( مدري الاخ يستخف دمه ولا يستهبل ولا متتن بكت مضروب !! ))




والله العظيم يا شباب يوم قابلت ابو عباد اليوم ويقصلي السالفه شوي ويبكي !!





لا تحزن يا ابو عابد ... ما تدري وش يصير خلال شهر خل عزيمتك قووية ,, وتوكل على الله وباذن الله بيصدرون لك قرار الابتعاااث





وانت وعدتني تشوف موضوعي في العرب المسافرون وترد علي ...


يالله عاد نبيك ترد وتضحك وتستانس ترى الدنيا ما تسوى يابو عاااااااااااااااااااابد :24: :115:

مواضيع عشوائيه ممكن تكون تعجبك اخترناها لك:

• اريد ان اقدم كليه الطب
• ليدز ريدنج شيلفيد تغير تخصص معهد
• شهور لغه في الصيف بمنطقة ليدز
• سؤال وابي منكم الجواب
• استفسار
• اي جامعة تقبل ابدأ دراسة في الصيف
• الدراسة في الولايات المتحدة الأمريكية
• ما هي أفضل المعاهد الموجوده في لندن بسرعة لو سمحتم
• ممكن تعطوني إجابة
• ابغى مساعدة
• استفسار من فضلكم
• مونتريال ؟
• استفسار بخصوص الدراسة فى امريكا
• سؤال وجيه
• وش مصير الموظف
• دراسة الأبناء ؟
• تعبنا مع السفارة
• ســؤال فنـــي
• فرصة ابتعاث جديدة
• محتار وارجو الاجابة ولكم مني كل الشكر والعرفان

يارجال والله ماتدري وش الخيره فيه وانا اخوك ..


وكل تأخيره فيها خيره ..


الله يكتب اللي فيه الخير

الله يعينكم,,, وييسر أموركم,,,

الله يعيين و ييسر . .
بالفعل، أمور الالحتاق بالبعثة زادت صرامة و حدة . .
خذوها منّي . . طارت الطيور بأرزاقها و اللي ما يطابق الشروط راح يرفض طلبه، لأن هناك كم هائل من المتقدمين و قلة في المقاعد.
الحمد لله على كل حال . . لقد ظفرت بمقعد في الدقائق الأخيرة.
كان الله في عون الجميع

طيب وشلون يعني ما لي أمل أنقبل؟؟؟؟؟؟؟؟
لأني مطابق و مش مطابق للشروط كييييييييييييف؟؟؟
أنا أقولكم اذا هي على نسبة الثانوية فنسبتي دااااااااااجه على الاخر لكن على كلام موقع الوزارة يقول "في حالة وجود دبلوم من أحد الجامعات و الكليات السعودية يجب أن يكون المعدل 3 من 5"
وأنا عندي دبلوم لغة انجليزية بمعدل 4.6 و لله الحمد هل معناة هذا أنهم ما راح يلتفتون لنسبة الثانوية أو معناة أني انقعها و اشرب ميتها ؟؟؟
أرجووووووووووووووكم أفيدوني
وشكرا

الله يستر ياجماعة الخير
والله ورحنا في خرايطها

وش اللي بلها واشرب ميتها هذا اسلوب مسؤول في وزاره اسمها التعليم العـــــالي !!؟؟

حسبي الله ونعم الوكيل فيهم

طيب اذا كان مو مستوفي الشروط على قولتهم كيف اصدر له ضمان مالي؟!!

يالله ماتدري يمكن خيره له سبحان الله (( وعسى ان تكرهوا شيئا وهو خير لكم ))

الله يعين الجميع
تحياتي

لا حول ولا قوة الا بالله

الله يكون بعونه

لكن لو انا منها اقسم بالله اداوم عندهم كل يوم

مايظر بدال ما انام في البيت انام عندهم

لا تياس

انا أمس كنت هناك بالتعليم العالي ودخلت على العثمان

وقال لي انسا وخذ البنسة

وانا عندي خطاب السفارة ومعدلي في الكلية فوق 3 بكثير
طيب والجديدة يمدي
قال 4000 بعثة 3500 دراسات عليا و 500 بكالوريوس
وفيها تقديم حسب الأولية في المعدل وسنة التخرج وبعد كذا مقابلة شخصية وبعد شهرين النتائج

بس اللي مزعجني اني ما سالته السؤال هذا
كنت با قول له : ليه تعطيني ظمان مالي وخطاب سفارة إذا البعثة ماهي مظمونة ؟؟؟

بس عاد راحت


والحمدلله على كل حال وإن الله كاتب لي البعثة بتجيني وإذا ماهي مكتوبة لي فالله يعوظني خير منها
لي ولغيري

طيب ياشبااااب
انا نسبتي 90 ولله الحمد بس القدرات 67 وبعيدو ان شاء الله بعد اسبوعين
بس لو ماجبت النسبه المطلوبه 70 هل راح امشي لان نسبتي 90 ياعالم

والله مايدري وش الخيره فيه ( الخيره في اللي اختاره ربك )
الله يجبره في هالمصيبه ويخلفه خيراً منها.
========
اللهم ارزقنا البعثه يارب
:::::::
تحياتي

والله مدري انا تنطبق علي الشروط او لا !!
الله يسهل ويوفق اخونا عبدالله

طيب واللي نسبته 94 والقياس 73 ,ضيعــــــــــــــــــــــــــــــــــــــــــــــ ــــــــــــــــت سنــــــــــــــــــــــــــــــــــــــــــــــــ ــــــــــه , ياعالم ياهووووووووووووووووووووووووووووووووووووووووووووووو وووووووة رحت فيها.

رحنا فيها.:110: :110: :110:

قال الوداع
عطيك العافيه
وان شاء الله بعيد الاختبار

لا حولا ولا قوة الا بالله

مالك لاالصبر ياابني

المشاركة الأصلية كتبت بواسطة muhammd


طيب واللي نسبته 94 والقياس 73 ,ضيعــــــــــــــــــــــــــــــــــــــــــــــ ــــــــــــــــت سنــــــــــــــــــــــــــــــــــــــــــــــــ ــــــــــه , ياعالم ياهووووووووووووووووووووووووووووووووووووووووووووووو وووووووة رحت فيها.
رحنا فيها.:110: :110: :110:



:24: انت ماشئ صح والشروط طابقه عليك ميه ميه ولاتقلق انشاء الله

وبخصوص اختبار القدرات ترا التسجل حقه وقف يوم الاربعاء الي راح

والي يبي يسجل لزم يكون تسجيل متاخر ياخذون زياده 50 ريال

وقبل لاتدفع يشوفون فيه مقاعد ولالا

وكذالك اختبار القدرات بيكون في جامعه الملك سعود والأمام والاداره

اخوي مستر

كيف اسجل متاخر ؟؟ اذا تعرف الله لا يهينك تزونا بمعلومات

يعني اودع في البنك ولا كيف طريقة التسجيل المتاخر؟


شكرا

السلام عليكم

الله يكتب الي فيه الخير وانا يا شبااب رحت للوزارة وبصراحة تعاملهم كانت جدا متاز وبتفهم وعقلانيه والاجابة على اي سؤال مع العلم بالزحمة وانا ما اذكر اشخاص بذاتهم والا اخصص ولكن الي شفته انهم جدا ممتازين في التعامل على العموم انا قاعد افكر وناسي هل اذا كنت متخرج من الكلية يطلبون شهادة الثانوية او شهادة الكلية بس والف شكر يا شبااب .

والله يوفق الجميع يا رب

المشاركة الأصلية كتبت بواسطة قال الوداع


اخوي مستر
كيف اسجل متاخر ؟؟ اذا تعرف الله لا يهينك تزونا بمعلومات
يعني اودع في البنك ولا كيف طريقة التسجيل المتاخر؟
شكرا




تسجل متأخر زي ماسجلت انا تروح لمقر اختبار القياس وياخذون اسمك واذا كان فيه مكان شاغر يدخلونك وتدفع 50 ريال رسوم تأخير غير 100 ريال رسوم اشتراك وانا انصحك تجي في اول الاختبارات يمكن مايكون فيه فرصة وتشوف اختبار ثاني بمكان ثاني يعني لاتفوت اي فرصة كل اختبارات القياس حضر عندهم لين يدخلونك غالبا تكون المقاعد كاملة وبالتوفيق

المشاركة الأصلية كتبت بواسطة azizoo


طيب وشلون يعني ما لي أمل أنقبل؟؟؟؟؟؟؟؟
لأني مطابق و مش مطابق للشروط كييييييييييييف؟؟؟
أنا أقولكم اذا هي على نسبة الثانوية فنسبتي دااااااااااجه على الاخر لكن على كلام موقع الوزارة يقول "في حالة وجود دبلوم من أحد الجامعات و الكليات السعودية يجب أن يكون المعدل 3 من 5"
وأنا عندي دبلوم لغة انجليزية بمعدل 4.6 و لله الحمد هل معناة هذا أنهم ما راح يلتفتون لنسبة الثانوية أو معناة أني انقعها و اشرب ميتها ؟؟؟
أرجووووووووووووووكم أفيدوني
وشكرا



نفس السؤال يا شباب الله يخليكم أفيدونا:110:
و سؤال ثاني اذا نسبة الثانوية تعبانة و درجة اختبار القدرات 82 هل تعوض نسبة الثانوية
اذا في احد عنده دبلوم و قدم على البعثات يا ليت يفدنا و يعطيكم الف عافية