الموضوع: دراسة الماستر في أمريكا

السلام عليكم جميعاً

صراحة أنا أفكر أدرس ماستر Mba في أمريكا الفترة الجاية إنشاء الله وعندي شوية استفسارات ودي أسدحها هنا لكل من عنده خلفية حول هذا الموضوع :

1- أولا هل فيه ابتعاث أصلاً لدراسة Mba ؟
2- بالنسبة لأختبار الجيمات ودي أسأل عن صعوبة الإختبار ؟ وعن طبيعته هل هو أسئلة حسابية فقط أو فيه أسئلة نصية ؟ وكذلك هل يسمح بادحال الحاسبة للإختبار ؟ وهل وقت الإختبار ضيق ؟ وأيضاً عن درجة القبول المتوسطة بالنسبة للإختبار ؟ ( يله هذي 5 في 1 ولا أطلق شامبو يسويها )
3- هل تطلب الجامعات اختبار توفل حتى ولو كنت دارس في جامعة لغتها الرسمية الإنجليزية ( البترول ) ؟
4- بشكل عام هل القبول صعب لهذا البرنامج ؟


وتحياتي القلبية للجميع وأتمنى لكم التوفيق ( خصوصاً اللي راح يرد علي )

مواضيع عشوائيه ممكن تكون تعجبك اخترناها لك:

• اخر موعد للسفر؟؟؟
• استفسار عن الدراسه بفلوريدا
• وبعد طوووووووووووول إنتظار
• معهــد جامعــة
• كيف تربح المليون انشالله
• الدورة الإلزامية
• صور من منطقة كفرسوسة بالشام مع صور للمولات الموجودة
• ممكن طلب يالطيبين ؟
• أستفسار عن فيزة الزوجة لأهل الخبره
• استفسارات عن ويمبلدون
• فزعتكم ياشباب الوقت مررررة ضيق
• ماهى خطوات استخراج التاشيره لى ولااولادى للسفر لامريكا للدراسه ؟
• في احد منكم اتقبل في البعثات المتميزة لجمهورية مصر ؟
• الدراسة في أمريكا وانفلونزا الخنازيرهل من مجيب؟؟
• ماهي المدن الشماليه التي تقع على الساحل وتصلح للدراسه
• اش افضل جامعة لدراسة التسويق
• استفسارين للخبراء
• عندي ضمان مالي
• هل معاهد معترف بها؟ حتى لو ما كانت تابعه لجامعه؟
• اكثر من موقع للبحث عن سكن في بريطانية لطلاب ارجو التثبيت للفائدة

اقدر اجيبك على شوي من اسئلتك..

الوزارة ماطرحت تخصص ماجستير ادارة الاعمال ..mba.. للأسف

ولكن لا تخاف فالعمليه سهله .. اطلع بتخصصك الحاصل عليه ..

أنا مثلا انوي دراسة ماستر ادارة اعمال ..ومافيه حل غير اني اطلع ماسجتير هندسة ميكانيكيه .. وبعد نهاية سنة اللغه .. يمديك تحول .. والعمليه ماهي معقده

الجامعات لاتشترط عليك توفل قبل المعهد .. بل بعد نهاية مدة اللغه .

شكرا

معقولة يا شباب ما أحد عنده معلومات تفيدنا في هذا الموضوع !!!

خصوصاً إن ماشاء الله حزب الماستر في المنتدى مكتسح الساحة حتى أني مستغرب ليش مانشوف مواضيع كثيرة تهمنا مثل الإختبارات والقبول لهذه الدرجة وغيرها من المسائل التي تختلف عن طبيعة طلاب البكالوريس؟؟

معقوووولة ما أحد عنده خلفيه حول هالمواضيع !!!!

خصوصاً أن شعب الماستر مكتسحين المنتدى الأيام هذه ؟؟

اهم شيء يكون معدلك الجامعي فوق3.75
والجيمات يقولون صعبه لكن ماادري عنها
ماتقدر تروح امريكا الا ان كانت بتخصص محاسبة والا قانون والا تجارة الكترونيه
ولا تقدر تخصص في غيرهم لان تخصصك اداري (علوم انسانيه) ماتقدر تروح لعلوم طبيعيه .


حاول تنشب في حلوق هالوزارة لاني انا ابتخرج السنه الجايه وناوي استقعد لهم زي الذبانه لجت في الوجه .

لين يحطون ادارة اعمال في امريكا


والله حرام

العذرة والسموحة يالربع ...

والله ما أدري كيف نظام هالمنتدى ، أدخل ولا ألقى ولا مداخلة في موضوعي فأكتب رد ثم أجي من بكره ولا ألقى الرد ولا أي مداخلة فاكتب رد جديد ...

عمومأ يعطيك العافية أخوي M9dy وهذا خيار بأفكر أفيه اذا ما نفع نظام النشبة خصوصاً إني دريت الحين ان فيه شباب مبتعثين على هالتخصص ...

أخوي زاحف تراني مثلك باتخرج السنة الجاية والله يعين ، خلنا على اتصال مادامنا في الهوا سوا ، أنا شايل هم أن الجامعات ماراح تقبل تناظر بخشتي اللين ما يجي وقت التخرج الرسمي واستلم الشهادة الرسمية وعاد بعدها أنزنق أراسل الجامعة وآخذ الضمان وأنشب في السفارة ....إلخ .



في شغلة ثانية ومهمة ياشباب واللي هي هل لازم تكون عندي خبرة عملية؟ ولا ممكن أدرعم على طول بعد البكالوريس ؟

هلا بخووي بالمستقبل

المنتدى ماادري وشلون مقلوب على بعضه
امس حاط خمس مشاركات في موضوع واحد كل مادخلت مالقيت ردي أقول واحد رد لين صاروا بعد يومين خمسة مشاركات .

المهم انت من اي جامعة انا بالكينق سعود ينفريستي (ماليه)

يامحاسن الصدف
شف عاد انا ناوي اكمل ماستر نظم معلومات

والا التخصص الي انا داخله مجبر اخاك لا بطر
ماعندنا في الجامعه الا تخصصين
تسويق (قلق ودكاتره نجسين) وماليه (الدكاتره روعه وتحس مابينهم الحقد على الطلبه)
عشان كذا تخصصت هالتخصص
وتحياتي السعيده لك
وعساني انا وانت ندرس بجامعه وحده
يوم اوديك بسيكلي للكلية ويوم نروح بسيكلك
ويوم تطبخ ويوم اطبخ انا
والكنس كل واحد يكنس غرفته

الله يعينك على نظم المعلومات .. والله يعيني على اختبار المالية يوم السبت :110: :110:

بس يخوك اترك عنك سالفة السياكل لا عادها الله وخلنا نتقاط ببورش ولا همر ولا موستنيق ..ولا تشيل هم البنزين بامد هوز من محطة الدريس إلى الكراج هناك:109:

وسالفة الطبخ صراحة أنا ( باشقل ) خدامتنا معاي ، لأن والله أحسن شيء أعرفه أطبخه هو البيض :109:


عموماً ربي يوفقك والله يصبرنا اللين تجي السنة الجاية ونتخرج ونفتك:24: