الموضوع: نادي السالمية

السلام عليكم ورحمة الله وبركاته
عيدكم مبارك وعساكم من عواده يا أهل الكويت
ودي استفسر منكم ياهل الكويت عن نادي السالمية وين موقعه بالتفصيل الممل وإذا أمكن رقم تلفونه وهل فندق الهوليدي إن قريب منه وماهي أقرب الفنادق له غير الهوليدي إن ؟
ولكم كل الشكر



أخي المرتاح

اتمنى وضع الاسئلة في ساحة الاستفسارات في أعلى البوابة
تم نقل سؤالك الى ساحة الاستفسارات

مواضيع عشوائيه ممكن تكون تعجبك اخترناها لك:

• سحابة الرياض بتزور سماء الكويت بس محتاجه مساعدتكم
• استفســار للآهميــه
• طيران الخليج؟؟؟
• الكويت عينها على السياحة
• فندق بالكويت
• استفسار
• أهلا بالصيف مع يوفوريا
• النوري للشقق
• الجاكيت في الكويت
• سي شيل وبعض الشاليهات مطلوب المساعده
• برج الحمراء
• صور زيارتي ل هوم سنتر اللي في سنتر بوينت حصررررررررررررررررررررررررررررررررريا
• نبي رأيكم
• مطلوب برنامج
• اذا امكن عروض الفنادق حق هالصيف
• فنادق الكويت اغلى من فنادق دبي وتركيا
• شيراتون الكويت في صور
• لو سمحتوا برنامج لخمس ايام في الكويت ؟؟
• استفسار عن الطرق الرئيسية في الكويت
• يومين فالكويت اقتراحاتكم

السلام عليكم و رحمة الله و بركاته...

نادي السالمية الرياضي...



شوف أخوي اذا كنت ياي من شارع البلاجات و البحر على يمينك...راح تأتيك اشارة مرور.
و طبعا فندق هوليدي ان راح يكون مقابلك بعد الإشارة مباشرة.


المهم/ الإشارة تاخذها يسار و تكمل للأمام راح تلقى النادي على يسارك.

أو إذا كنت قادم من شارع الخليج العربي و البحر على يسارك راح يكون الفندق على يمينك تماما و تاخذ الإشارة يمين و تكمل للأمام و راح تلقى النادي كذلك على يسارك...

[line]

الهوليدي ان - السالمية...
تلفون : 4732100

موقع إلكتروني : http://www.ichotelsgroup.com/h/d/hi/1/en/hd/kwime
فندق حديث...شارع الخليج العربي...من فئة ال5نجوم.

[line]

يعتبر الهوليدي ان اقرب الفنادق إلى النادي...
كما توجد شقق مفروشة بجانب النادي أجهلها...!!!

تحياتي.

السلام عليكم و رحمة اللة



يمكن هل الخريطة تنفعك بس غير متأكد من موقع الفندق بالضبط لاكن قريب من المنطقة المشارة بالسهم.

أخوي المشرف
معليش المعذرة ماشفت ساحة الاستفسارات الخاصة بسبب وجودها أعلى الصفحة
آسف وماراح أعود لها مرة ثانية :24:

الأخوان Dhari + الوطن

بيض الله وجوهكم على الاهتمام والرد والله ماقصرتم بس ياليت الوصف من مدخل السعودية وانا ماسك طريق الملك فهد وإذا أمكن رقم النادي أو رقم الاستعلامات ( البدالة ) في الكويت

والله يعطيكم مليار عافية

حياك الله في الكويت

ورقم البداله 101

بس ان شاء الله يردون عليك

الله يحييك وبيت مكة يوديك ياراي ومشكور على رقم البدالة
وأنا عارف ان مشكلة البدالة وعدم ردهم مشكلة عالمية في كل دول العالم

السلام عليكم و رحمة اللة



Name Al-Salmiya Sports Club.
Telephone 5755051/2


موقع نادي السالمية
http://www.alsalmiyaclub.com/

بيض الله وجهك دنيا وآخرة أخوي الوطن ونخدمك بالأفراح إن شاء الله :smile105:

اخوي المرتاح عندك بعد البداله 808080

تقدر تدز لهم مسج على المكان اللي تبي

تسلمين أختي روان

المرتـــأح : حبيبي الوطن عطاك الخريطه واضحه حيــــل : .... والنادي واضح ما يبيله
أدلالاله . ياما لعب بهالملعب راحت أيام الشباب هالحين للوتقولي اللعب 10 * 10 أموت .
&&& صوت المطــر &&&

الخريطة واضحة ياصوت المطر للي خابر الديرة وعايش فيها ولاعب في ملعب السالمية بس اللي مثلي جاي من برا الخريطة شبه غامضة عليه

عموما ً الوطن ماقصر الله يبيض وجهه وبقية الأخوان والأخوات والملعب خلاص عرفته وجيته وحضرت فيه المباراة اللي أبي ورجعت مستانس ولله الحمد

حياك الله ياصوت المطر

^^^^^^^^^

اتوقع مباراة السالمية × الإتفاق 3-3 ؟؟؟؟؟



و الوعد 20-11-2006


و حياك الله اخوي في بلدك الكويت...

تحياتي.

8
8
8
هي بعينها ياضاري الذيب

وحنا على الوعد إن شاء الله والفوز اتفاقي بإذن الواحـــد الأحـــد

وإذا بتجي تحضرها وتشرفنا بالدمام أنت أو أي واحد من الأخوان الساعة المباركة وعين لكم فراش والثانية لحاف

بس تعالوا ولاتشيلون هم شي

تسلم عزيزي...

ماتقصر...!

تحياتي.