الموضوع: تخطيط رحلتي

ععددنا 5 كبآر ...السياره والله مانقدرش نستأجر لاأن مافي احد راح يسوقها
طيب كم من باد هوفغستين الى ميونخ
؟!

اكتبيها ب الانجليزي من الموبايل

تفضل
Bad Hofgastein
Munich

من Bad Hofgastein الى ميونيخ 218 ك ساعتين ونص تقريباً


ومن كابرون الى bad hofgastein 41 ك بس اتوقع القطار ما يروحلها مو متاكد

شكراً لك...طيب ابي اسأل عن الخطوط الهندية انا دخلت بأشوف اسعرها قالي لازم الرمز التروجي مافهمت ايش يقصد !!

لا علم لدي
بالنسبه لفيينا الخطوط السعوديه دايركت
الهنديه ما اعرف شي عنها من الموبايل

طيب ممكن رقمهم !

في حال عدم وجود سيارة لايفضل ابدا السكن في بادهوقاستن ولا في كابرون
لذا يفضل السكن في زلامسي , لانها تتوفر بها باصات تذهب بك الي الاماكن السياحيه
وعلى حد ما قرات ان لايوجد معكم من يقود سيارة لذا لا داعي للمغامرة
السكن في السنتر بين زلامسي وميونخ افضل وآمن لكم

لاتوجد رحلات على الخطوط السعودية دايركت الي فيينا
وهناك الخطوط الالمانية تذهب مباشرة الي ميونخ

وعليكم حجز موعد لدى سفارة المانيا بعد العيد مباشرة للقيام باستخراج التاشيرة


ابومعن

fuchs apartments شقق و ليست فندق

ايه والله حلاتها بسياره بس عاد مو مقدور عليها وان شاء الله نستمتع بدونها
بس طيب احجز التذاكر قبل اخذ موعد عادي
او اخذ موعد بعدين احجز التذاكر
من كثر ما الامور ملخبطه براسي بدت تمل

يعني بكره اتجاهي للسفاره ولا اتجاهي للمكتب احجز

طيب اذا ماعليك امر شوف انا دخلت الموقع حق السفاره وسويت طلب موعد
وطلع لي الموعد في 7-9 ميلادي و 1- 11 بالهجري
واحنا سفرتنا في 7-10 اكتوبر
يكفي الوقت او لا
تكفون ردو علي اليوم عشان بعد مايروح الموعد ويتاخر
ادري ازعجتكم بالاسئلة بس مالي عون بعد الله غيركم

هذا الرابط الي شفته

مو راضي يحط الرابط يقول عدد مخالفاتك قليلة

http://www.bmeia.gv.at/ar/botschaft/...sterreich.html

ايها عرب المسافرون اين انتم
احتاج لكم وبشده

تكفون احد يرد علي والله صدعت وانا انتظر وعلى اعصابي
احجز الموعد او ماراح يمدي

قبل السفرة بشهر ان شاء الله كافية .. اهم شي احجزي على عددكم كل جواز .. ولازم تحضرون كلكم عشان البصمة .. الا اللي عمره 12 سنة وتحت مايحضر

جـوري تـوكلي على الله واحجزي الموعد بس عندك شهر كامل ماشاء الله يمديك تخططين وترتيبين آن شاء الله

بس شدي حيلك وحاولي ماتضيعين ولا يوم من الشهر الا وآنتي منجزهـ فيه شي


وآن شاء الله افيدك بمعلومآتي اكثر اذا رجعت من سفرتي باذن الله




ب التوفيق يــارب وربي ييسر آموركم و امورنــآ ..



موفقه حبوبه

انا زيك حتكون سفرتنا في شهر اكتوبر 3 اكتوبر ان شاءلله
والمره هذي ماراح نستاجر سياره لنفس سببك
بس مخططنا غير مخططكم لو انتو من جده
احجزو على التركيه اسعارها جيده
ولو ميزانيتكم كويسه احجزي على الامارتيه
حجزت عليها على خط سير
جده - فيينا - باريس -جده
5 اشخاص بالغين بي 15600 ريال
جربي كمان على الخطوط الالمانيا تنزل عروض حلوه
تقديري لك

جعلكم باالجنه يارب
بحجز اجل الموعد الحين ويارب خير
tab_elايه ان شاء الله يعني الحين احجز وانتظر اليوم ونروح كلنا

نوف بانتظارك واكيد راح احتاج لمعلوماتك وكل شي

جنون انثى لا انا من الرياض اليوم ان شاء الله بروح المكتب واشوف على الخطوط المصريه او التركيه

يعطيكم العافيه ولي رجعه اسالكم كيف خطة السير عشان احجز الفنادق

المشاركة الأصلية كتبت بواسطة tab_el
http://www.arabtravelersforum.com/tr...9/#post7963509

كن النك نيم تغير ههههه وش سالفتكم تنسون كلمة السر



ايه والله زهايمر خلها على ربك بس جننتنا اوربا والسهر عليها هههههههه

ابشركم تم بحمدالله حجز التذاكر
على الخطوط المصريه بسعر جميل
بس حصلت تغيرات في المواعيد وصارت من 8 اكتوبر الى 21 اكتوبر

وكنت مجهزه فنادقي وشققي عشان يحجزونها وكذا اهم شي صارو فنادقي

بس يوم خلصت التذاكر ورحت للمصري حق حجوزات الفنادق قالي تاخر الوقت تعالي بكره
قلت له اوكي انا شيكت من البوكينق وطلع لي اجمالي السعر 6.368غير شامل ضريبه الشخص للمدينه
قالي لا مش ممكن اكيد انك غلطانه او البوكينق لاعب عليك وماادري ايش هول بالموضوع شوي
فقالي تعالي بكره ونشوف

شكيت بنفسي انا ف بعطيكم اياها شيكو معي كلش جايز يمكن من هالسهر والتدوير انلحس مخي

في فيينا اسمه
vienna boutique selfcatering aparments
طلعت لي 3 ليالي 1.193.89

وكابرون 3 ليالي في
sonnenalm
طلعت لي بـ 1.765.96
وبعدين ليله وحده في فندق بين كبرون وزيلامسي اسمه
apartment waldhaus opitz
طلعت لي بـ 323.34

وباد هوفغاستين في
fuchs aparments
3 ليالي بـ 1.790.83

ميونخ في
hotel hallbergerhof
ليلتين بـ 1.293.38

طبعا كل بحثي كنت ابحث عن 5 اشخاص جمعتها وكذا وطلع السعر 6368
ف وش رايكم بالموضوع

ياليت احد يشيك معي اليوم لاني بروح له الظهر ان شاء الله حمااااس ذابحها

حاولي تكون محطات القطار قريب من السكن
ومحطة الباصات في كابرون
ما انصحك بسكن بين كابرون وزيلامسي
لان ما معاكم سياره من الموبايل

الحجز من بوكنق مره سهل
وصدقيني راح يطلعو في الفنادق عيوب عشان يخلوكي تحجزي من عندهم
اعتمدي على نفسك احسلك
بس ركزي على الاشيا الي قولتلك هيا في السكن
وبتوفيق ي رب من الموبايل

حبيبة قلبي والله شكرا على الرد
يارب اني توني بنام واشوف ردك ونقزت

طيب وش رايك بخطة السير هل هي مناسبه ولا اغير فيها شي
انا بعد ماارتحت له من يوم قال لالا البوكينق دا اكيد ملخبط
بس انا رايحه رايحه عشان اكمل لهم مبلغ التذاكر وبجلس اساله

ويارب من هنا لظهر اسمع اراء ونصايح من اهل الخبره

كلها زينة الا الثاني (sonnenalm) ماينفع

طيب لية ما تاخذون سيارة وتريحون نفسكم من هالدووووشة ماااراح تستمتعون بدون السياحة خذيها مني نصيحة

وفي نصيحة اخري دام ماعندكم سيارة خلكم في سنتر زيلامسي احسن وافضل قريب من الخدمات وايضا عن السنتر لازهقتو ولا شي تروحون السوق والكافيهات والمقاهي مع العالم لان هناك حركة وعند القوراب والبحيرة يصير توسعون صدركم

والله يوفقكم

اول مره اكتب وانا متششقه من الوناسه
اليوم الظهر رحت وكملت مبلغ التذاكر وجلست مع المصري اساله وكذا
وقبل مايشوف الفنادق والشقق الي معي يقول لاماينفعش انتي ماتعرفين اوروبا كيف فنادقهم صغيره
انا احجز لكم لانكم 5 على غرفتين قلت لا انا الي معي مكفيتنا وكبيره بعد موب صغيره على قولك 3 في 3
جاب لي العطش وانا صايمه

المهم قالي حطي زيلامسي قبل كابرون عشان القطار
وصارت كذا
يومين فينا
3 زيلامسي
4 كابرون
3 باد هوفاغستين
2ميونخ
نفس الفنادق الي قلتها لكم بس اضافه زيلامسي صار فندق apartment waldhaus opitz

توني بعطيه الفيزا واتوكل على الله واحجز بس ماهان لي قلت برجع لك بالليل لازم اسال اهلي في عرب المسافرون..
ف هاه وش رايكم !!!!مضبوط موب بعدين تحسفوني
ووللعلم ماراح نقدر نوفر سياره لان الوالد الله يحفظه ماله بسواقه
بس قالي احتمال من بادهوفاغستين مايودي لميونخ
راح ترجعين زيلامسي بعدين قطار ميونخ !!! هل الكلام صحيح

وبسالكم عن شي ثاني سالته عن التاشيره قال نسويها لكم الشخص ب 800 لان برا راح تكون لكم ب 790 احنا بناخذ عموله 100
وش رايكم بالسعر وهل صحيح لو انا سويتها بطلع 790

امسكو بيدي واشبعوني معلومات

لا وش 790 .. حدها بــ 500 ريال اذا قدمتوا بنفسكم ..والشقق الاخيرة حليوه وماهي بعيدة

اكيد ب 500 !
طيب انا حصلت فندق ثاني بزيلامسي اغلى شوي بس لان يعطون البطاقه المخفضه ف ودي احول عليها
سوالي هل في اكتوبر راح استفيد منها او مثل ماسمعت راح تكون اغلب الاماكن مغلقه لان يكون وقت الشتاء عندهم

بالنسبه للبطاقه, في وقت سفرتي في اكتوبر
كان من 15 اكتوبر بعض النشاطات تسكر بس موووكلها.. مثلا القمه الثلجيه موجوده طبعا والزحليقه وشلالات كريميل وو

وانا وصلت لكابرون في 16 اكتوبر إلى 22 لذلك ما استفدت منها مع ان الشقه اللي سكنت فيها يوفرون البطاقه..

يعطيك العافيه ي الغالي كفيت وفيت
بيض الله وجهك
كرف وبس ههههههههههه الا قل كاني مسوله عن الدنيا كلها
اجل انت 24 انا 23 عشان كذا صايره متشتته اكثر
والله هو سهل وكذا بس احس بخوف نوعا ما
ماودي اغلط بشي ابي كل شي تمام وعلى سنقة عشرة
طيب يعني كيف الحين الغي كابرون ولا ايش اسوي
اهلي معجبهم سكن حق كابرون ف عشان كذا ماالغيتها
ف يعني الحين وش رايك كيف اخلي الخطه
ترا توني بلبس عبايتي اروح للمكتب احجز على كلامي اول
بس شفت كلامك قلت اجلسي يابنت استني الخطه الاكيده ههههههه

كم يبي لي من مشاركه واصير ارسل خاص

ابشركم حجزت موعد تو للسفاره عن طريق النت في 8-9 الساعه 9 صباحا
هذي ثاني خطوه اسويها بعد التذاكر

الحمدالله

اين انتم اريد مشورتكم بخصوص خطة السير عشان ابي افتك من الفنادق اليوم!!

في الهوا سوا
انا من عمري 20 وكل السفرات عليا من الى
فعادي جداااا

بخصوص فندق زيلامسي ما انصحك فيه
البطاقه تكون مفعله في اكتوبر لين 15 اكتوبر وبعدها خلاص اصلا تتوقف من الفنادق
انتي شوفي الفتره الي بتكوني في زيلامسي فيها قبل او بعد 15 اكتوبر
وعلى الاساس هذا احجزي

المشاركة الأصلية كتبت بواسطة جنونـ انثى
http://www.arabtravelersforum.com/tr...3/#post7968273

في الهوا سوا
انا من عمري 20 وكل السفرات عليا من الى
فعادي جداااا

بخصوص فندق زيلامسي ما انصحك فيه
البطاقه تكون مفعله في اكتوبر لين 15 اكتوبر وبعدها خلاص اصلا تتوقف من الفنادق
انتي شوفي الفتره الي بتكوني في زيلامسي فيها قبل او بعد 15 اكتوبر
وعلى الاساس هذا احجزي

هههههههه ي حياتي لا انا ااول مره امسك لهم شي
بالعاده اختي هي الي تسوي .. بس لانها اول سفره اوربيه وهي حلمي ف انا الي تحمست لها
ايه انا حاطه زيلامسي قبل 15 اكتوبر يعني راح استفيد منها ان شاء الله
تسلمين لي قميل

المشاركة الأصلية كتبت بواسطة tab_el
http://www.arabtravelersforum.com/tr...3/#post7968523

وشلون خط السير الآن .. الغيتو كابرون صح ؟



لا ماالغيته حطيت قبله زبلامسي بس
لحظه بكتبه من جديد

يومين فينا
3 زيلامسي
4 كابرون
3 بادهو فغاستين
2 ميونخ

هاه كيف اعتمد او فيه مشاكل

انبح حلقها وهي تقول هاه زين ولا فيه مشاكل

ايه صح لحد يقول اذا معكم سياره
((((( ماراح يكون معنا سياره ))))))))))))))))

عشان كذا علقو واقترحو على اساس مافي سيارة

دربكم خضر .. بس كابرون مافيه قطار للمعلومية يعني باص من زيلامسي ..

شكراااااااااااااااا
طيب ومن كابرون لبادهوفغاستين كيف
ومن بادهوفغاستين لميونخ كيف

من كابرون ترجعون على زيلامسي بالباص وتركبون القطار لــ باد هوف قاستين .. ومنها على ميونخ

وبعد ابيك تقولي كيف راح انتقل منهم يعني وش الي باص وش قطار وش تاكسي
والبطاقه الي بحصلها في فندق زيلامسي العائله كلها تستفيد منها ولا بس شخص واحد

ماادري معاد شيكت

من زيلامسي تاخذون باص رقمة 660 هو يوديكم كابرون

والقطارات تقدرون تقصون التذاكر من هنا .. اما من النت ولا من بعض المكاتب . بالرياض فيه الزومان اخبر

اوكي يعني كذا بكابرون معاد عندي مشكله فيها زي ماتقولون

هو للي ما معاه سيارة .. السكن في زيلامسي افضل له .. لانكم حتى لو اخذتم باص لكابرون يبيلكم تاكسي عشان يوديكم الشقة

السيارة تعطيك خيارات اكثر لانك تروح وين ماتبي ... بالنقل العام باصات وقطارات خياراتك اقل .. والتكاسي غاليه في اوروبا .. اتمنى وصلت الفكرة

يآناس ييييييييييييياقميلن ممممممممممممممممممممممممممممممافيي
((سسسسسسسسسسسيـارة))
يعني بلييييزززززز الي بيساعدني
يساعدني ويخططط معااي على انوووو مايوجد سسسياره

يب هذا سعره

المشاركة الأصلية كتبت بواسطة جوري عبدااله
http://www.arabtravelersforum.com/tr...1/#post7969531

يآناس ييييييييييييياقميلن ممممممممممممممممممممممممممممممافيي
((سسسسسسسسسسسيـارة))
يعني بلييييزززززز الي بيساعدني
يساعدني ويخططط معااي على انوووو مايوجد سسسياره





ادري مامعكم سياره هههههه
انا بس اعلمك ليش الاعضاء يقولون لك السيارة احسن .. فقط

انصحك بي السكن في هذي لشقق في زيلامسي
روعه وقريبه من السنتر


http://www.booking.com/hotel/at/appa...ml?aid=1329869

المشاركة الأصلية كتبت بواسطة tab_el
http://www.arabtravelersforum.com/tr...3/#post7970923

ادري مامعكم سياره هههههه
انا بس اعلمك ليش الاعضاء يقولون لك السيارة احسن .. فقط



هههههه لاوالله انا فاهمه بس هذي اختي شكلها درعمت وماقرت الردود السابقة :$
شكرا

المشاركة الأصلية كتبت بواسطة جنونـ انثى
http://www.arabtravelersforum.com/tr...9/#post7970959

انصحك بي السكن في هذي لشقق في زيلامسي
روعه وقريبه من السنتر


http://www.booking.com/hotel/at/appa...ml?aid=1329869



ايه مشيكه عليه جميل حاطته بالحسبان
حاطه براسي كم واحد للحين مااستقريت
انتي كيف وش فنادقكم الباقيه !!

المشاركة الأصلية كتبت بواسطة جوري عبدااله
http://www.arabtravelersforum.com/tr...5/#post7971485

كويس بس قلت اسال لاني ابو مريم قال ان الشخص بحدود ال 85 وهذا طلع تقريبا بحدود 106
يعطيك العافيه

شركات التأمين واجد والتعاونية من اغلاهن ان ماخاب ظني .. بس 100 ريال سعر معقول


ماشاء الله اليوزر قطه هههههههههههههه

طيب شركات مثل ايش !!!
هههههههه ايه تقريبا اذا انشغلت اخليها تستسلم تشوف من رد

طيب اعجبني هذا الفندق كيف احجز فيه ل 6 اشخاص وهم بس حاطين للاجنحة انها شخصين

اجنحتهم كبيره يعني ينفع لو احجز جناحين ونصير 3 هنا و3 هنا ولا ماراح ينفع !!!!

Hilton Vienna Danube - هيلتون فيينا دانوب

يصير اطلبو سرير اضافي لكل جناح