الموضوع: سؤال بخصوص منطقة الفنطاس

مرحبا
سؤالي هو هل الطريق من الفنطاس الى السالميه سالك؟ يعني سريع بدون اشارات وازدحام لاني ناوي اسكن هناك اجازة عيد الاضحى المبارك.
وماهو الطريق الاقرب للفنطاس من الخفجي النويصيب او الرقعي السالمي من الموبايل

مواضيع عشوائيه ممكن تكون تعجبك اخترناها لك:

• نبي رأيكم
• تقرير عن مـولات الكويت
• محل ماركة فيراري
• أول فندق اقتصادى لرجال الأعمال في الكويت إيبيس السالمية
• ۔ حلويات شاكر من عدستي ۔
• ممكن رائكم
• هل تصلح الكويت لتكون مركزا ماليا وتجاريا ؟
• استفسار عن افضل سفريات ؟ وارخص تذكرة الى ميونخ ؟
• شقة مفروشة لمدة شهور
• شقق في بنيد القار
• اماكن ترفيهية
• الى كويتي مع التحيه
• للباحثات عن
• شارع مبارك الكبير
• سؤال ضرووري جدا لخبراء بيع سياراتقطع غيار
• ابراج الكويت اوائل الابراج في الوطن العربي
• انطباعات رحلة مابعد العيد للكويت بعين السائح
• مطعم مغل محل السالميه عاجل
• بودل الكويت
• «الوطنية» تضيف المزيد من الرحلات تلبية للطلب المرتفع في عيدي «الوطني والتحرير»

الطريق من الفنطاس للسالمية مو سريع
وفيه اشارات وفيه بتحصل زحمة وخاصه ايام العمل
واوقات الذروة
واذا بتسكن بالعيد اعتقد ماراح تكون زحمة لان اغلب الناس مسافره
وهو وقت اجازه
اما الطريق الاقرب للفنطاس هو طريق النويصيب
بخط الفحيحيل السريع
وتنور الكويت بزيارتكم

مشكور اخوي ولكن هل يوجد طريق سريع يودي للكويت من الفنطاس ،لاني كنت العام الماضي جاي من الخفجي للكويت والطريق ماشالله سريع مافيه اشارات على مااعتقد من الموبايل

السلام عليكم ورحمة الله وبركاته /
ماهي افضل الاماكن التي تستحق الزيارة في عيد الاضحى المبارك؟ وهل في الكويت فعاليات واحتفالات خلال هذه الفتره ؟ من الموبايل

السلام عليكم اخ صهينو

في اماكن كثيرة تستحق الزيارة منها المجمعات مثل الافنيو ,مجمع 360 , سوق شرق ,المارينا .... الخ

وعندك ابراج لكويت و سوق لمباركية و يوم البحار وحديقة الحيوان و منتزه الشعب ولكويت فيها الكثير من المطاعم العربية و العالمية

اما بخصوص الفعاليات اذا قرب العيد تصفح الجرايد الكويتة في النت وشوف الفعاليات و المسرحيات انا عن نفسي اشوف واول يوم اوصل لكويت اروح احجز المسرحية الاتعجبني و الاخوان بعد ما راح يقصرون معاك راح يذكرون لك اماكن اخرى



تحياتي ام البنات العسل

اقرا موضوع الانشطه والفعاليات وبتحصل كل شي فيه ان شاءالله

اتحصله في بوابه الكويت العامه

جدول سياحي



http://www.arabtravelersforum.com/travel487746/



الانشطه



http://www.arabtravelersforum.com/travel893365-9/



وفي موضوع عن المطاعم تقدرون تختارون اللي تبون

جزاكم الله خير جميعاً من الموبايل

مافي اشارات يا اخوي اطلاقا من الحدود الكويتيه للفنطاس ماعدا اشاره وحده تحت جسر الفنطاس نفسه

تدخل الكويت وتكمل في طريقك لين ما تشوف ع اليمين مكتوب طريق 245 اعتقد وهم يجيك طريق 240 ما عليك منهم بس لما تشوفهم انتبه بعدهم راح يجيك مكان نسميه شبكه الخطين
الطريق الرئيسي يصير طريقين رئيسيين
انت خذ الي ع اليمين لا تكمل سيده .. طريق الفحيحيل السريع


وبطريقك لا تلف ولا تغير اتجاهك
بتمر ع المناطق ع اليمين وع اليسار لين ما تجي الفنطاس على يمينك وتدخل لها من الجسر التابع لها
اسفل الجسر بعدين يمين


الطريق من الفنطاس ما يتعدى 15 دقيقه بالسياره ويمكن اقل ولكن بالزحمه ممكن يوصل لساعه الى ساعه ونص بالعيد ويمكن اكثر


نصيحتي لك علشان تقلل الزحمه اطلع من الفنطاس لخط الفحيحيل السريع وكمل سيده لين ما يجيك ع اليمين الدائري الخامس


ادخله ولف يمين باتجاه اللوحه مكتوب عليها السالميه وبس


اما اذا تبي تتمشى ع البحر وعادي عندك الزحمه ادخل جسر المسيله من تحته واخذ يمين وعيش الجو


بس لاحظ ان الكويت بالوضع الطبيعي الزحمه خانقه وبالعيد عادي جدا تقضي يومك كله وانت بالزحمه


اقسم بالله مرات اخذ لعيالي بطانيات واكل وماي بسبب الزحمه


عادي جدا ام العيال تطبخ ع الطبلون والعيال يذاكرون ع التنده واتعرف ع ربع جديدين واخطط مستقبلي بالزحمه


الكويت جميله جدا بس العيب بالزحمه ونصيحتي لك


اذا سكن لا تسكن بالمناطق الداخليه اولا اغلى وثانيا دائما زحمه


ابحث عن السكن في المناطق العاشره ارخص والزحمه طبيعيه


اخر نصيحه : قوقل ماب لا تستغني عنه لانك لو لفيت التفافه بزحمه العيد خطأ ثق بالله تتعب على ما تعدل مسارك


ملاحظات : الاقرب للفنطاس هي الخفجي طبعا
اهل المنطقه العاشره يتغدون بالخفجي لانها قريبه جدا
واهل الخفجي يحجزون طيران من مطار الكويت لانه قريب منهم


اي شي انا حاضر وانا اخوك لا تتردد بشي
تبي ادليك على ارخص الفنادق الاقتصاديه او تبي تستفسر عن شي تحت امرك