الموضوع: يالله سويسرا من حلاتها تحييير استفسارات رحلتي تحديث

مرحبا




قريت كثير عن سويسرا وشفت صورها فاتنه بكل تفاصيلها
حددت الاماكن اللي شدتني
لكن ماعرف شلون ووين اقدر اوصل لها
وهل كلهم قريبين من بعض
ابي جدول مرتب لسويسرا لشخصين
بقضي فيها 5 ايام


رحلتي بتكون
( باريس - سويسرا - ايطاليا )
5 ايام لكل دولة
وعندي يومين زياده مادري وين اوزعهم في سويسرا او ايطاليا ؟؟




الاماكن اللي ابيها :


انترلاكن
هايدي لاند
إنسي
قرية Beatenberg اقدر اسكن فيها كم يوم ؟


مو عارفه وين اسكن ووين اروح
او شلون اوصل لهايدي لاند وانسي وبيتنبيرغ؟؟


احسكم تقولون هذي يبيلها صاروخ او مكوك فضائي
ماعليه تحملوني بس زوجي معتمد علي انسق كل شي
وانا ضعت من كميه المعلومات والاماكن
+


فنادق مقترحة الله يجزاكم خير

مواضيع عشوائيه ممكن تكون تعجبك اخترناها لك:

• ساعدوني في السفر الى باريسجنيفانترلاكنزيلامسي
• احتاج أهل الخبره المسافات تعبتني ؟
• رحلتي الاسبوع القادم
• إالى عشاق الساعات السويسرية أرجو المساعدة
• تباً أنا الآن في سويسرا استفسار لبعض المواقف التي مرت علي
• استفسار عن السوس باس
• هـل تستحق انترلاكن ليالي ؟؟
• رحلتي لسويسراا اول مره تكفون شوروا علي بنهايه اكتوبر
• اول زياره لــ اوروبا وبالاخص سويســــــرا
• رآيكم يهمني أحبتي
• ارجو المساعدة منكم يا اهل الخبره
• استفسار عاجل بخصوص الهاف كارد
• اشاوركم وودي بمساعدتكم
• الجمع بين استئجار سيارة وشراء السويس باس
• لقيت عرض خرااااافي لفندق فخم في انترلاكن و اخر في فيينا الرجاء المساعدة
• خبراء الخطوط البرية الاوربية رايكم
• اسبوع في سويسرا اين؟
• بكره انا رايح لوسان ابي خبرتكم
• سويسرا و هايدي وأنا
• رحلة شهر عسل بشهر اتمنى مشاركتكم الرأي

قرية بيتنبرغ جنب انترلاكن السكن في واحدة منها تكفي
اليومين الزياده خليها في سويسرا
قرية هايدي في ماينفلد
انسي في الريف الفرنسي بالقرب من جنيف
ما ذكرتي وسيلة التنقل سيارة او قطار + خط الرحلة


يعني مثلا
باريس 5ايام
الانتقال لجنيف بالقطار
جنيف استئجار سيارة
يومين ومنها تزورين انسي
انترلاكن او بيتنبرغ اللي يعجبك 3 ايام
قرية هايدي يوم
لوغانو مدينة سويسرية على الحدود الايطالية يوم ومنها تسلم السيارة
ميلانو بالقطار ومنها زيارة بالندقية بالقطار ايضا خمس ايام


او بالقطار من لوغانو الى البندقية يومين
ثم الى ميلانو بالقطار ثلاثة ايام
هذا المخطط اذا كان الوصول الى باريس والذهاب من ميلانو

تنصحوني ارجع امدد رحلتي يومين ل 24 اوغست واستفيد منهم

بعد بحث وتحري من 3 العصر مسكره علي نفسي



عطوني رايكم




12 اوغست ( جنيف - ديفون ) : الوصول لجنيف اسكن بقريه ديفون ارخص و ازور بهاليوم انسي وارجع لديفون
13 اوغست ( انترلاكن ) : انترلاكن ابي ترشحون لي قريه اسكن فيها ( kandersterg or Grindelald or Beatberg )
14 اوغست ( انترلاكن )

: قمة يونيفرا او اي قمه غيرها ( اشوف الناس تروح لها بس مادري شنو فيها مميز )

15 اوغست ( انترلاكن )

: اروح لهايدي لاند يوم كامل وارجع لانترلاكن

16 اوغست ( انترلاكن )

: مادري

17 اوغست ( لوقانو ) : لوقانو اكحل عيني وامشي منها لميلان وافضل اوصل لميلان الصبح عشان استغل يومي


مو عارفه وين اروح ساعدوني ماحجزت فندق انطر ارسى على المدن والقرى بليز بليز

السلام عليكم ورحمة الله وبركاته:

بالنسبة للمخطط ما شاء الله ممتاز ..وباقي عليكم الانشطة بس ..وهذه بسيطة .


عدد الايام ان شاء الله كافي .




من 8 اغسطس الى 22 ...14 يوم مقسمة كالتالي على حسب حجوزات الفنادق :


باريس من 8 الى 12
أنسي من 12 الى 13
انترلكن من 13 الى 18
ميلان من 18 الى 22




باريس اربعة
انسي يوم واحد
انترلكن خمسة ايام
ميلان اربعة
14 يوم بالتمام والكمال .




اذا كان ودكم أنسي ..فالافضل انكم تسكنون فيها بدلا عن ديفون ..وتعتبر مثل ديفون رخيصة نوعا ما .




السيارة تستأجرونها من محطة قطار جنيف ..وتسلمونها في لوقانو ..ومن لوقانو الى ميلانو بالقطار .
وبذلك تتفادون استلام وتسليم السيارة في دول مختلفة .








نجي لأنشطة انترلكن :


اليوم الاول 13
تزورون مصنع الجبن والشوكولاتة وجبل ميلسون ثم الوصول الى انترلكن .




بالنسبة للسكن ..جريندلوالد او لوتربرونن او بيتنبيرج او برينز او ثون او إيشي وغيرها من القرى القريبة من انترلكن .
كاندرشتج تعتبر نوعا ما بعيدة شوي




اليوم الثاني :14
زيارة شلال التروميل باخ + قمة اوروبا الينفيرواخ من محطة قطار لوتربرونن .




اليوم الثالث :15
بحيرة الاوشنسي والزحليقة + بحيرة البلاوسيه .




اليوم الرابع :16
زيارة شلال الجسباخ + خوانق نهر الار .




اليوم الخامس :17
زيارة مطل الهاردر كلم + كهوف ساينت بيتس الملحية .




===
في يوم 18


الخروج من انترلكن ..والمرور على التلفريك المكشوف ثم الوصول الى لوقانو ..وتسليم السيارة والذهاب بالقطار الى ميلان .




==========




وفي انتظار ردكم .

هلا اختي وقت سفرتي ان شاء الله قريب من وقت سفرتك
في انترلاكن عندك مصنع الشوكولاتة نستله ومصنع الجبن في الطريق بين جنيف وانترلاكن
البحيرة الزرقاء
شلالات ترويل باخ وريخن باخ

ولوقانو فيها سويسرا المصغرة

يعطيكم العافيه ع تعاونكم




اخوي ميدو


ممكن بس توضح لي المسافات بين
جنيف - اينسي
انسي - انترلاكن ( القرى القريبه )
انترلاكن - لوقانو


لان افكر اجر سياره لتنقلاتنا بسويسرا و بتكون اول مره


وبالجدول اللي ذكرته ما ادرجت هايدي لاند ودي اروح لها شلون وجم تبعد




انسي يوم
انترلاكن اقدر اخليها اربع ايام عشان ما اضغط نفسي بايطاليا
لوقانو باليوم الخامس بس امرها نسلم السياره ونطلع ميلان بالقطار ( خطتي تمام ومتي مواعيد رحلات القطار لميلان ؟ )




صاروا 6 بسويسرا
4 باريس
4 ايطاليا


او تنصحني اطلع لميلان من انترلاكن من غير ما امر لوقانو ؟؟


لاني ابي 4 ايام كامله ب ايطاليا (يوم 22 اوغست الاقلاع 11 الصبح ما راح اقدر استغل هاليوم )

المشاركة الأصلية كتبت بواسطة مسافرة و بس
http://www.arabtravelersforum.com/tr...1/#post8220151

هلا اختي وقت سفرتي ان شاء الله قريب من وقت سفرتك
في انترلاكن عندك مصنع الشوكولاتة نستله ومصنع الجبن في الطريق بين جنيف وانترلاكن
البحيرة الزرقاء
شلالات ترويل باخ وريخن باخ

ولوقانو فيها سويسرا المصغرة

ح نتلائي انشالله
زين نبهتوني ان انترلاكن فيها مصنع شوكولا
حسبالي بس واحد بقرى جنيف


حجزتي الفنادق ولا للحين لاني للان ماحجزت :\

هايدي تبعد عن انترلكن تقريبا ساعتين ونصف ..


وانا من رأيي انكم تمرون عليها وانتم رايحين من انترلكن الى لوقانو .




الطريق من انترلكن الى ميلان لازم تمرون على لوقانو.


هذا رابط يوضح بعض المسافات


http://www.arabtravelersforum.com/travel887206/




وممكن تستعملون خرائط قوقل لتحديد الاتجاهات بين المدن .
: http://www.arabtravelersforum.com/travel545100/






مواعيد القطار من لوقانو الى ميلان ..تلقونها في موقع القطارات السويسرية .


وهذا موضوع بيفيدكم :
http://www.arabtravelersforum.com/tr...b=user_related




وبالتوفيق

يعطيك العافيه ميدو ما قصرت

المشاركة الأصلية كتبت بواسطة Amani_al
http://www.arabtravelersforum.com/tr...2/#post8220272

ح نتلائي انشالله
زين نبهتوني ان انترلاكن فيها مصنع شوكولا
حسبالي بس واحد بقرى جنيف


حجزتي الفنادق ولا للحين لاني للان ماحجزت :\



إن شاء الله اشوفك
لا للحين جالسة ارتب الاماكن الي راح اجلس فيها وبعدين انتقل للسكن
والله التخطيط للسفر ممتع ومتعب بنفس الوقت ههههه

مرحبا


قريت التقارير وحتى الاستفسارات وكل ما اختار فندق يطلع محجوز


رحلتي من 12 اوغست
ل 17 اوغست


ابي فندق ريفي قريب من انترلاكن واهم شي عندي شرفه واطلاله حلوه وريوق






سعره بحدود ال 3 و 4 الالاف لخمس ليالي
اذا امكن تساعدوني

الفتره اللي انتم فيها زحمه
فيه عندك مصفيات بحث في بوكينج اختاري شقق وأكواخ وبيوت عطلات
ستظهر لك تلك المنازل الرائعه
وليس شرطا في انترلاكن
فأنا مثلا سكنت في ايستوالد وحمدت ربي مليون مره على الطبيعه والمناظر الرائعه من الشرفه
كانت مطله على بحيرة برينز وانترلاكن 10 كم
تذكري دائما ابتعدي عن انترلاكن واسكني حولها
بحيرة ثون او برينز ستجدين فيها سكن فقط أبحثي
في بوكينج بأستخدام مصفيات البحث وقطر البحث للمسافه خلوه 15 كم عن انترلاكن

بالتوفيق للجميع

اخوي وليد



احد معارفي اقترح علي اسكن في مونترو طوال الخمس ليالي
وبالسياره اروح زيارات ل انسي وانترلاكن والمدن اللي حوالي مونترو
ومتردده امشي على جدوله خصوصا اني ماشفت اي تقارير عن مونترو وقليل يروحون لها

هذه ضريبة الحجوزات المتأخرة
دائما التخطيط المبكر للرحلة يغنيك عن مثل هذه المواقف
عموما فيه فنادق كثير بانترلاكن والقرى الي حولها
وراح تلاقين إن شاء الله فندق كويس

شكرا لمروركم

بعد البحث هذا اللي طلع معاي
شرايكم اي واحد ترشحون






http://www.booking.com/hotel/ch/caba...ml?aid=1329869


هذا كوخ ريفي
http://www.booking.com/hotel/ch/b-br...ml?aid=1329869


http://www.booking.com/hotel/ch/stau...ml?aid=1329869


http://www.booking.com/hotel/ch/blue...ml?aid=1329869

عجبني كابانا

السلام عليكم

باذن الله رحلتي
في 8 اوغست لباريس - سويسرا - ايطاليا


اذا امكن اخواني تساعدوني في استفسارات بسيطه




خط الرحلة :
انا بطلع من باريس ل جنيف بالقطار
استأجر سيارة من جنيف
واطلع لأنسي ابات فيها ليله
وعقبها لانترلاكن 5 ايام
واطلع لوقانو باليوم الاخير
اسلم السياره في لوقانو واطلع بالقطار لميلان


استفساراتي :


( تذاكر القطار + حجز السيارة )


1- اول شي مواقع القطارات كثرت علي ومو عارفه من وين احجز بالضبط
بس دخلت هالموقع http://www.raileurope.com/
وحصلت هالرحله لشخصين من باريس لجنيف
وبتأكد منكم قبل احجزها اذا تمام او لا
وهل اقدر اطبعها وخلاص ولا لازم اجراء ثاني




http://postimage.org/







2- السيارة من وين استأجرها من محطة جنيف او من النت
وقريت ان فيه مكاتب بالرياض
مادري تقترحون علي شنو حسب تجاربكم






3- اي الافضل اسلم السياره في انترلاكن واطلع بالقطار لميلان؟
او اسلمها في لوقانو واطلع بالقطار لميلان ؟




4- حجز تذاكر القطار من سويسرا لميلان بيكون عن طريق نفس الموقع هذا او موقع مختلف
http://www.raileurope.com/






اعتذر اخواني عن الاطاله او اذا ثقلت عليكم

1- موقع القطارات الاوروبي هو افضل موقع تقدر تحجز عن طريقه رحلة من باريس الى جنيف
والسعر اللي لقيتوه ممتاز ,, وممكن ايضا تحجزون التذاكر من محطة القطار في باريس قبل السفر بيوم

2- السيارة الافضل ستستأجرونها من النت بحيث الاستلام يكون في وسط جنيف

3- الافضل من وجهة نظري تسلمون السيارة في لوجانو ومنها بالقطار الى ميلان

4- حجز القطار من لوجانو الى ميلان ممكن عن طريق نفس الموقع وهو موقع القطارات الاوروبي
او ممكن تحجزون عن طريق موقع القطارات السويسري http://www.sbb.ch/en/home.html

مرحبامبارك عليكم اللي باقي من الشهر




اخواني انا حجزت تذكرة باريس لجنيف من هالموقع
http://www.raileurope-gcc.com/


وطلبت print at home وفعلا ارسلولي التذاكر بصيغه ملف PDF ع الايميل


مادري اذا جذي الامور تمام وانا بالسليم
واذا وصلت المحطه لازم اروح للكشك ولا اعتمد فقط ع التذاكر اللي بطبعها من بيتي




--


الشغله الثانيه قطار لوقانو - ميلان حاولت احجز من نفس الموقع وماحصلت خيار طباعه
الخيار الوحيد انه يرسلونها لعنواني الحالي


ف مو عارفه شلون احجز تذكره لوقانو لميلان


مع العلم اني بكون جايه الي لوقانو من انترلاكن وبسلم السياره واطلع بالقطار بنفس اليوم

الافضل ان تشتري تذكرة لوقانو ميلان عند وصولك سويسرا او من انترلاكن لانك حتي لو اشتريتيها عن طريق النت لا بد وان تمري علي مكتبهم لاستلامها من الموبايل

ممتاز يعني اقدر اشتري تذكره (لوقانو- ميلان) من محطه القطار في جنيف او انترلاكن

...




انزين بخصوص التذكره اللي بصيغه pdf اطبعها وخلاص
ولا لازم امر كشك التذاكر في محطة باريس !!

لو تم الحجز عن طريق موقع القطارات السويسرية ..ما تحتاجون تروحون لمكتب وتطبعون التذكرة مرة ثانية ::


http://www.arabtravelersforum.com/tr...b=user_related




لأن عليها كود ..ويتم الكشف عليه بواسطة الموظف المسؤول في القطار .






وبالتوفيق

حجزت من هالموقعhttp://www.raileurope-gcc.com/


وفعلا جيكت عالتذاكر و طلع موجود عليها كوود




شكرا لك ميدو