الموضوع: الطريق من سموكي ماونتن إلى واشنطن بليز المساعده

صباح الخير او مساء الخير يا أهل المنتدى
الحين أنا موجوده بأورلاندو وإن شاء اللة بعد يومين بروح نيويورك بالسياره وبصراحه حدي متوهقه بالطريق ومحتاره آخذ الطريق من أورلاندو إلى ميرتل بيتش (ليله ) ومن ثم واشنطن (ليله) ومن ثم نيويورك
أو اروح من أورلاندو إلى سموكي ماونتن(ليله) ومن ثم واشنطن (ليله) واخيرا نيويورك.
سموكي ماونتن ما أعرف عنها غير إنها جبل وطبيعة وودي امرها وابات فيها ليله واطلع منها المغرب بس الطريق إلى واشنطن بكون طويل وليل يعني وين أقدر أبات بالنص وهل الطريق سلس وحلو وإلا موحش وصعب
الرجاء الرد بسرعة للي يعرف بالطريق هذا ويفيدني بليز

مواضيع عشوائيه ممكن تكون تعجبك اخترناها لك:

• مسافر جديد للعمل ارجو الافادة
• ابي مسسسآعدتكم
• ما لا يسع المسافر جهله
• الترانزيت في لندن
• لكل واحد يبي يمشى وانجليزيتة ضعيفة؟؟؟؟
• تجاربكم لصيف م بأمريكا
• بسرعــــه الله يعافيكم
• عندي جنسية سعودية وبحرينية جوازين هل ممكن احمل الجوازين معي الى امريكا
• شلون اشحن سيارتي الى أمريكا؟
• سبع ايام في مدينة اورلاندو تقرير مصور
• ياناس تورطت بين كندا وبريطانيا من عنده الحل ؟؟
• سؤال عن الضريبه في امريكا
• الـــــفــــــيــــــزا الـــــدبــــلــــــــــــومـــــاســيــــــــــــ ــــة
• كيف أقدم موعد المقابلة
• اول مرة بلوس انجلوس تكفون الفزعة
• سؤال عن رياضة الرفدنق
• استفساراتي عن السكنالنافيقيترايجار السيارةرخصة القيادة
• تحذير
• مساعده عاجله بليز
• قبل اسبوع رديت من نيويورك و ما اختموا خروج على الجواز فهل تغير الوضع الحين ؟ Read

مرحبا اختي
اقدر افيدك بشغله اهي ان السموكي جميله جدا وتحتاج الى 3 ليلات,, انا زرتها من جهة كارولينا الشماليه

وانا زرتها ايضا من ولاية فلوريدا مثلك
حسب ماسمعت لكن ماجربت ان الطربق الباقي الى واشنطن من السموكي لايزيد عن ال700كيلو تقريبا تزيد او تنقص شويه
تحياتي

مرحبا بالاخت rosar
بالنسبة الى منطقة سموكي ماونتن فهي جميلة جدا والصراحة منطقة طبيعتها وايد خلابة ولازم تزورينها وتجلسين فيها على الاقل يومين او اكثر ولا تنسين تزورين منطقة موجودة على الجبل وايد وايد حلوة اسمها بيجن فورج وفي منطقة ثانية اسمها شروكي وهي منطقة هنود الحمر والصراحة انا زرتها اكثر من مرة وودي ارجع لها مرة ثانية واتمنى تقضين فيها اسعد الاوقات

السلام عليكم
مشكورين يا غالين على الردود والقرار إلي توصلناله اليوم هو ان احنا ان شاء اللة راح نمشي بكره الصبح من اورلاندو بإتجاه السموكي ماونتن ونبات فيها ليلتين ومنها نطلع على واشنطن نبات فيها ليله وبعدها نيويورك
بس بغيت أسأل عن اسم الشارع المتركزه فيه الفنادق لان بصراحه بقعد بفندق مو بكوخ يقولون وايد حشرات وموحش بالليل وبالنسبه للنشاطات شنو بتكون وهل بتكون عن طريق رحلات جماعيه وإلا بالسياره لوحدنا وشنو النقطه المهمة الي اتجه لها بمنطقة بيجن فورج ومنطقة شروكي
ويعطيكم العافية

Great smoky mountain
اسم المنطقه إلي كلها فنادق gatlinburg
اسم المنطقه الثانيه Pigeon Forge
أنا الحين في gatlinburg حلوه وايد وايد وساكنه بفندق Bearskin Lodge On The River
والحين ناويه أروع للجبل واللة يستر الجو مطر
على فكره إذا بتجي للمنطقة نصيحة لازم تطلع من فلوريدا الساعه 7 صباحا لان الطريق 12 ساعه تقريبا ويظلم عليك الوقت وبصراحه وايد مخيف بالليل لانه صعدت جبل وشاحنات ومافي كهرباء في بعض الاماكن والغيوم تغطي عليك يعني لازم الصبح بدري جدا وهذي نصيحة

rosar
يعطيك الف عافيه ماقصرتي
والحمد لله على سلامتكم
اي والله مغطه يبيلها صبح

السلام عليكم
اشلونك فلورايدي وحياك اللة ما سويت شي
بكره الصبح ان شاء اللة بمشي من سموكي ماونتن
بصراحه المنطقة حلوه للي يحب الجبال والمرتفعات لأن آنا بصراحه خوافه وكنت طول الطريق خايفه ونرفزت إلي معاي
عموما زرت منطقة شروكي (منطقة الهنود الحمر ) ماتسوى كلش مافيها شي إمسوين مثل قريه تراثيه يقولون لكم فيها تاريخ الهنود الحمر وتشوفون منتجاتهم
أما منطقة gatlinburg فهو جميل وونيس مثل زلمسي بفينا
عموما المنطقة فقط يومين لا اكثر واللة يسهل دربكم ودربنا بالنزول من الجبل):::

وعليكم السلام والرحمه
والله بخير الحمدلله وان شالله توصلون بالسلامه
وبالنسبه للمرتفعات من اللي مايحب المرتفعات والطبيعه
وبصراحه انا جيت المنطقه قبل العام تقريبا وجلست بكبينه فوق جبل اغلب الوقت وكانت تجربه حلوه بس ماحصلي ازور المناطق اللي ذكرتي بس حمستيني خصوصا gatlinburg شفت لها صور قوقل ايرث مررره روعه

وهدي صوره للكبينه

وهذي صوره وانا بالطريق لاعلى الجبل


تقبلي مني هالصور
وبالتوفيق ان شالله ،،

جبال جميله وهي من المحميات في امريكا صحيح امريكا قاره تجمع جميع انواع المناخ والتضاريس والتنوع البشري و الثقافي الله يسعدكم في رحلاتكم والسلام