أنا موجودة الآن في دبي لأنه متعودة كل سنة أقضي هذي الأيام في دبي وبالفعل زحمة زحمة بطريقة ماأحد يقدر يتخيلها لكن والله والله وناسه ما ودك ترجع ديرتك . الله يعمرها بلد ويزيد عزها عز كمان وكمان قولوا آمين .
طيب اختي قهوه واحد بيقعد 4 ايام وش الاماكن ترشحينها له
مولات - مطاعم-كافيهات-اماكن عروض-اماكن سهره-
انا جيت دبي عدة مرات لكن ودي اعرف المزيد الله يعافيك
أنا عشان برنامجي يكون ناجح لازم أصحى بدري يعني تقريباً الساعة 9 صباحاً أكون صاحية أنزل أفطر وبعد كذا أطلع وأحاول أقسم وقتي على فترتين بشرط إني أرجع الفندق على الساعة 1 أو 2 الظهر وأرتاح ( بمعنى أنام ) ساعتين وطوالي أقوم أطلع ، وشوف أنا دايماً أجلس في دبي أقل شي 8 أيام وأكثر شي أسبوعين عشان كذا أشوف إن 4 أيام مرة قليلة على دبي لكن راح أرتب لك جدول على أربعة أيام بحيث إني أجع لك أفضل وأجمل الأماكن إلي تزورها حتى لو كان الجدول مضغوط شوي لازم تتحمل .
أنا موجودة الآن في دبي لأنه متعودة كل سنة أقضي هذي الأيام في دبي وبالفعل زحمة زحمة بطريقة ماأحد يقدر يتخيلها لكن والله والله وناسه ما ودك ترجع ديرتك . الله يعمرها بلد ويزيد عزها عز كمان وكمان قولوا آمين .
انا اكتب لك من دبي اما هي فل فعلا فل بس والله انها فله ما تتفوت روعه ياحبي لها بس ما ودي ارجع توكل على الله وتعال بتحصل سكن بالراحه ممكن تنسق من مكاتب السياحه عندك اكيد بتحصل والله الطياره اللي جينا عليها فيها اماكن كثير فاضيه
شموخ مسافر معليش آسفة على التأخير الجدول راح يكون كالآتي :
اليوم الأول / الإستيقاظ مبكراً والإفطار ثم التوجه إلى أطلنطس رائع جدأ والتنزه فيه ودخول الأكواريوم والمكوث فيه لمدة 3 ساعات ويمكن تناول القهوة أو بعض المشروبات والوجبات الخفيفة وبعد ذلك التوجه للفندق للراحة ثم بعد ذلك الذهاب إلى مول الإمارات وقضاء باقي اليوم هناك وتناول وجبة الغداء وأمامك خيارات غير منتهية من المطاعم والكفيهات وخاصة كافيهات دبي حاول قد ما فيك إنك تمر على أغلبها ولا تنسى تذوق المفن بالتفاح شي راااااااااااااااااااااائع وبعدين أدخل سكي دبي صدقني ياخذك الوقت فيه وما تحس من جماله وبعد الخروج عندك عدة خيارات ممكن تتمشى في المول وتتعشى وتدخل السينما أو ممكن تتوجه مباشرة للمارينا وورك ( الممشى ) وتكمل سهرتك هناك بس لازم تكون لابس ثقيل لأن الجو في الليل على البحر شو بارد وعلى فكرة هناك عندك مطاعم عالمية وشرقية وشامية ووجبات سريعة وكافيهات رائعة ( عد وأغلط ) وكمل سهرتك في تلك الأجواء الرائعة وكذا يكون أنتهى اليوم الأول .
اليوم الثاني / الفترة الأولى : التوجه إلى سوق الجميرة بيتش سوق تراثي رائع فقط للتمشية فيه ثم أخذ جولة بالقارب في أجواء رائعة والمرور بأفخم فندقين في دبي والمرور لمشاهدة برج العرب ثم بعد ذلك الجلوس في أحد المقاهي هناك لتناول فنجان قهوة ثم التوجه بعد ذلك للفندق .
الفترة الثانية : الذهاب إلى رحلة سفاري الصحراء ( التطعيس ) ولازم تحجز لها قبل بيوم عن طريق أي شركة سياحية عن طريق الإستعلامات قيمتها 200 درهم . تمر عليك السيارة في الفندق الساعة 4 عصرأً ومعاك مجموعة ركاب ويروحوا فيك للصحراء وهاتك ياتطعيس وركوب الدبابات والجمال والتزلج على الرمال وبعد ما يخلصوا من التطعيس يروحوا على مخيم رائع تجلسوا فيه وسهرة حلوة وبوفيه عشاء مفتوح يجنن وبعد كذا ترجع للفندق إذا كنت تعبان ريح في الفندق وإذا كان فيك حيل روح أسهر في المارينا أو واحد من المولات في السينما وبكذا أنتهى اليوم الثاني .
اليوم الثالث / الفترة الأولى : الذهاب إلى مول بن بطوطة والتنقل فيه مابين أركانه ( الركن التونسي والركن المصري ..................) وبعد كذا حاول تتغدى فيه في واحد من المطعمين إلي لو فوتهم معناها ما ذقت لذة الأكل في دبي ، المطعم الأول مطعم حاتم للمأكولات الإيرانية رااااااااااااااااااااااائع لا تفوت المشاوي حقته والسلطة المشكلة ، والمطعم الثاني مطعم هندي يجنن لاصق فيه نسيت إسمه ممكن إسمه القصر أو صدف والله ناسي إسمه ويوم الجمعة والسبت والأحد عنده بوفيه مفتوح يجنن أظن بـــ 40 ريال وبعده تحلي عندهم بآيس كريم مرة لذيذ وبعد الغداء ممكن تروح للفندق تريح شوي .
الفترة الثانية / الذهاب للقرية العالمية تفتح الساعة 4 العصر وتقفل الساعة 12 في الليل رائعة لا يفوتك المساج الموجود في الركن التايلندي وحاول إنك تحضر الفلكلور لكل دولة عند بوابة كل دولة وطبعاً أحلى فلكلور فلكلور الركن السعودي راااااااااائع وفي ملاهي مرة حلوة ومطاعم متنوعة كثيرة وبعد ما تخلص أرجع الفندق صدقني حتوصل الساعة 1 تقريباً وإنت ميت من التعب خذ لك دش وعلى طول نومة .
اليوم الرابع والأخير / الفترة الأولى: التوجه إلى مول تايم سكوير والتنزه فيه قليلاً ثم دخول المقهى الثلجي وطبعاً أقصى حد يخلوك فيه هو 45 دقيقة وإذا خلصت بدري ممكن تروح الممشى تجلس لك ساعه في أي كافي وتتمشى على البحر وعندي ملاحظة مهمة جداً جداً جداً ترى الممشى عفواً ما إسمه مارينا ووك لأ أنا لخبطت إسمه الصحيح جي بي آر ( جميرا بيتش رزدنيس) وبعد ما تخلص روح للفندق ريح .
الفترة الثانية : الذهاب إلى منطقة برج خليفة وعندك عدة أنشطة هناك أرتبها لك بالترتيب :
1) الصعود لبرج خليفة ولازم تكون حاجز له منقبل وأفضل حجز يكون عن طريق النت
رد مع اقتباس
المشاركة الأصلية كتبت بواسطة بن كارترايت
المشاركة الأصلية كتبت بواسطة قهوة حلوة
الله يعنيني عليهم 
اه اه اه ياعرب لينك ياعمر والله لكم واحشه 
المشاركة الأصلية كتبت بواسطة مهندس ملي بملي
المفضلات