الموضوع: القرية العالمية وماذا ممكن ان تشترو منها

القرية العالمية وما ادراكم ما القرية العالمية ,,,
قرية صغيره تحتوي على العديد من الفعاليات والمهرجانات الممتعة للاسره

اغلب الزوار يسئلون شو ممكن ان نسوي في القرية غير الالعاب
او شو نقدر نشتري من القريه
طبعاً مثل ما كلنا نعرف ان القريه تحتوي على 3 اقسام الالعاب و المطاعم وقسم القريات

الالعاب

ممتعة للغاية ومتنوعه

والمطاعم فيه عدد كبير جداً من مطاعم الفاست فود و المطاعم المصريه والهنديه و التركيه والصينيه والاكشاك اللي تقدم الوجبات الخفيفه و الشعبية


واللي يحب التسوق لا تفوته القريات

واللي احبه اكثر شي في القريه

القرية التايلانديه : ملابس , مساج
القريه الهنديه : الاكسسوارات الهنديه , القطع المطرزه (للفساتين) , الجلابيات الكشميريه , الشالات .
القرية المصريه : القطنيات للاطفال و جلابيات كرداسه .
القريه الكويتيه: محل الاواني المنزلية البلاستيكيه و المكياج (كرولاين وبن ناي )و محل العطور عندهم رهيب ومعروف من اول ما استوت القريه وهو يشارك فيها.
القريه الايرانيه : المكسرات والحلويات الايرانيه و الزعفران الايراني.
القرية الباكستانيه : الاقمشه و اغطية الاسره (عندهم روعه للاستعمال اليومي) و المناشف ,
القرية اليمنية : البهارات العربية
القرية المغربية: للجلابيات المغربية و الصابون المغربي
القريه الاردنيه : منتجات البحر الميت , منتجات الابان والزعتر والمكدوس
القرية السوريه : القطنيات السوريه.
القريه اللبنانيه: اكسسواراتهم رهيييييييبه والملابس والحلويات
القرية التركيه: الحلويات التركيه الرائعه
القريه الاماراتيه والسعوديه : العطورات والمخلطات العربية
القريه البحرينيه : منتجات البيت البحريني للاجبان رووعه
القريه الصينيه :اغطية اللحاف و تحف
هاذي اغلب القريات اللي احرص على الشراء منها,,,,,,

واتمنى من الاخوان اللي زارو القريه يخبرونا شو القريات اللي اشترو منها علشان ننقل الصوره بشكل اوضح للاخوان الزوار واللي مازارو القرية العالمية

مواضيع عشوائيه ممكن تكون تعجبك اخترناها لك:

• برنامج سياحي لبوظبي
• أنـــا وشعبـــي نحـــب المركـــز الأول
• منتجع في عجمان او الفجيره
• كيف أصل إلى مطعم اطلنطس ؟؟
• حنيني للبداوة والتخييم في عيون الصحراء
• اللي حجز قبل كذا من موقع البوكنج
• سؤال وارجو الرد عليه
• الى الأخوان في عرب لينك حجز فندق اتلنتيس
• تكفون ساعدونــي محتارة بين خيارين تصويت
• سها مينك ياعرب لينك
• بخصوص دبي ردو علي لو سمحتو
• شركة بريطانية تعتزم افتتاح ثلاثة فنادق في دبي وأبوظبي
• افضل وقت لنزهه
• سكاي دبي وفعاليات شهر رمضان
• مترو دبي يعمل على مدار الساعة في رأس السنة
• اهل الإمارات ودبي لاتبخلوا باالإجابه
• اجمل مارايت في دبي
• طالب فزعة اخوانا الاماراتيين ؟؟
• فندق كمبنسكي مول الامارات ما هِي الاسعار
• استفسار عاجل

المشاركة الأصلية كتبت بواسطة مشكلتي أحبك
http://www.arabtravelersforum.com/tr...8/#post4819108

والله قرية حبيتها وياليتها لى طول العام مفتوحة ..... مرسي ..



القرية تنحب الصراحه
بس حلاتها في انها تطل علينا كل سنه 3 اشهر
بصراحه ما انصح فيها طول السنه لانها مكشوفه وفي البر والجو في الصيف يكون حار
حلاتها في هالوقت

يسلمو على الموضوع المميز جدا
سؤالي / هل القرية بتكون مفتوحة خلال فبراير الحالي ؟؟
ومواعيد العمل بالضبط من كم إلى كم ؟ وأفضل وقت للزيارة لها
صباحا أو مساء مع العلم إني لحالي يعني مالي خص بألعاب الاطفال
وميرررررررسي ليكم

نعم مفتوحه خلال فبراير
العمل من 4 العصر الى 12 بالليل
زيارتها باي وقت حلوه انا اليوم كنت فيها صراحه روعه ولايفوتك القارب خذ جوله فيه 15 دقيقه وناسه

^
^

ألف ألف شكر

شكرا لك اختي

لكن هل فيه عروض للالعاب النارية في القرية العالمية

ومتى تبدأ

مشكورة أختنا بنت زايد على التقرير

يعطيك العافيه اختي وان شاءالله ازورها عن قريب

يسلمو على الموضوع المميز جدا

يعطيكم العافيه


بس هل يوجد رسوم للدخول " تذاكر " ؟؟

اذا كان يوجد كم سعر التذكرة ؟؟ " للصغار و الكبار " ان وجد

يسسسسسسسلمو

جزاك الله خير

هلا اخواني
في المهرجان فيه عروض الالعاب الناريه
وفيه رسوم بسيطه للدخول 10 دراهم

الله يعطيك ألف عافية

تفتح في شهر مارس او لا ؟

المشاركة الأصلية كتبت بواسطة أحلى شموسة
http://www.arabtravelersforum.com/tr...8/#post4831188

تفتح في شهر مارس او لا ؟



لا اختي
القريه بتسكر مع اخر يوم للمهرجان بتاريخ 20-فبراير

طيب وين موقعها القريه هذي

المشاركة الأصلية كتبت بواسطة FINDY
http://www.arabtravelersforum.com/tr...4/#post4831584

طيب وين موقعها القريه هذي



اي تاكسي في دبي يقدر يوصلك للقريه

ولكن موقعها في منطقة دبي لاند على شارع الامارات وهذا الموقع

في شهر مارس مغلقه نهائيا يعني ابدا مو مفتوحه ؟؟؟؟

يخساااااااااره

المشاركة الأصلية كتبت بواسطة أحلى شموسة
http://www.arabtravelersforum.com/tr...4/#post4840144

في شهر مارس مغلقه نهائيا يعني ابدا مو مفتوحه ؟؟؟؟

يخساااااااااره



نعم اختي مغلقة نهائياً

لانها تفتح من 20 نوفمير لين 20 فبراير يعني 3 اشهر في السنه فقط

المشاركة الأصلية كتبت بواسطة طالب رضا ربي
http://www.arabtravelersforum.com/tr...6/#post4835736

اختي
انا جاي يوم الاثنين لدبي

ممكن اعرف مكان القرية



حياك الله اخوي

نزلت موقع القريه في ردودي فوق

الوصول لدبي بمشيئة الرحمن ظهر الخميس17 فبراير
سؤالي / الجمعة بتكون القرية شغالة أم مقفلة ؟؟
عذرا بس اول مرة ازور دبي

المشاركة الأصلية كتبت بواسطة heho81
http://www.arabtravelersforum.com/tr...2/#post4842262

الوصول لدبي بمشيئة الرحمن ظهر الخميس17 فبراير

سؤالي / الجمعة بتكون القرية شغالة أم مقفلة ؟؟
عذرا بس اول مرة ازور دبي

هلا اختي
حياكم الله في الامارات
ان شاء الله بتكون مفتوحه من العصر الين الساعه 1 ص اتوقع

السلام عليكم

اليوم رجعت من دبي مع العائلة وهناك بعض الملاحظات :
المووقع : من السيتي سنتر الى القرية بالتكسي يكلف 50 درهم من غير زحمة السيارات اذا كان زحمة الله يعين بتدفع 100 درهم او اكثر لانه يحسب انتظار اذا نزلت وكانت البوابة بعيدة فيه توصيل بالدراجات هوائية مثل اللي بالهند 10 دراهم للشخص
الاوقات: انصح وبشدة الذهاب مبكرا والخروج مبكرا لانه زحمة شديدة على التكاسي وانت وحظك لاتروحون نهاية الاسبوع لانه الهنود يدخلون بخشمك تصدقون موقفين الممر من اجل شاي كرك ( شاي حليب ) تقول مقطوعين منه
الاسعار : غالية لقيت نفس البضاعة بسوق الكرامة والمنال بسعر اقل
ملاحظة مهمة هناك اكثر من بوابة للتذاكر وافضل واقل زحمة المقابة للشارع العام وليس عند موقف التاكسي فيه 10 نوافذ
التقييم : بالنسبة لي صفر بالنسبة للمدام شي عجيب مع اني ماطولت فيها لاني جاي يوم الجمعة وزحمة غير طبيعية اضطريت امشي مبكر عشان التكسي ؟؟؟

القريه الاماراتيه
فيه ركن لمصمم اماراتي ناسيه اسمه يسوي تي شيرتات تجنننن

المشاركة الأصلية كتبت بواسطة مخيطر
http://www.arabtravelersforum.com/tr...6/#post4845426

السلام عليكم

اليوم رجعت من دبي مع العائلة وهناك بعض الملاحظات :
المووقع : من السيتي سنتر الى القرية بالتكسي يكلف 50 درهم من غير زحمة السيارات اذا كان زحمة الله يعين بتدفع 100 درهم او اكثر لانه يحسب انتظار اذا نزلت وكانت البوابة بعيدة فيه توصيل بالدراجات هوائية مثل اللي بالهند 10 دراهم للشخص
الاوقات: انصح وبشدة الذهاب مبكرا والخروج مبكرا لانه زحمة شديدة على التكاسي وانت وحظك لاتروحون نهاية الاسبوع لانه الهنود يدخلون بخشمك تصدقون موقفين الممر من اجل شاي كرك ( شاي حليب ) تقول مقطوعين منه
الاسعار : غالية لقيت نفس البضاعة بسوق الكرامة والمنال بسعر اقل
ملاحظة مهمة هناك اكثر من بوابة للتذاكر وافضل واقل زحمة المقابة للشارع العام وليس عند موقف التاكسي فيه 10 نوافذ
التقييم : بالنسبة لي صفر بالنسبة للمدام شي عجيب مع اني ماطولت فيها لاني جاي يوم الجمعة وزحمة غير طبيعية اضطريت امشي مبكر عشان التكسي ؟؟؟



هلا اخوي

اولاً لولا اختلاف الأذواق لبارت السلع
يمكن انته ما عيبتك لان زحمه بس صدقني لو يتها في وقت ثاني بتغير رايك

وثانياً المسافه بين الستي في ديره لين القرية العالميه في دبي لاند تعرف كم الوقت ؟؟ تقريباً اكثر من النص ساعه ..
وبعدين يا اخوي تقولون زحمة هنود ترا اجازتهم يوم الجمعه وهم مساكين يبون يتونسون مثل الكل

والبضاعه مب كلها موجوده في السوق لان اغلبها مشاريع صغيره وفي البيوت

سلمت يداك و جزاك الله خيراً، فالسؤال يكثر عنها.

يعطيك الف عافية زرتها العام الماضي وكانت جميله جدا
والله يسعدكم شعب الامارات

ياخيتي انا ذكرت الملاحظات للتوضيح اكبر غلط اني رحت يوم الجمعة ومثل ماقلتي فيه شغلات حلوه غير موجودة بالسوق ولكن لم نستطيع الوصول اليها بسبب الزحمة

هلا بالجميع ..

رحلتي ان شاء الله الخميس 17 فبراير وكنت بروح القرية الجمعة
بس شكلي بخليها السبت خايف تقفل وماراح لها هههه

هل القرية مفتوحه بشهر ابريل 4

المشاركة الأصلية كتبت بواسطة أبو جوانا
http://www.arabtravelersforum.com/tr...8/#post4853818

هل القرية مفتوحه بشهر ابريل 4

لا

تقفل في 20 فبرابر

المشاركة الأصلية كتبت بواسطة بنت الشيخ زايد
http://www.arabtravelersforum.com/tr...6/#post4841326

نعم اختي مغلقة نهائياً

لانها تفتح من 20 نوفمير لين 20 فبراير يعني 3 اشهر في السنه فقط






لاااااااااااااااااااا

مو من صجج !!


عاد حاجزه لدبي تاريخ 25 وطاقة تذكره عشانها : (

اختي من خلال بحثي فالمنتديات , تبين لي انها تسكر في 28/2 مب تاريخ 20

إنتي متأكده من مصادرج ؟

المشاركة الأصلية كتبت بواسطة بنت-الكويت
http://www.arabtravelersforum.com/tr...2/#post4858622

اختي من خلال بحثي فالمنتديات , تبين لي انها تسكر في 28/2 مب تاريخ 20

إنتي متأكده من مصادرج ؟



اسفه اختي ما انتبهت لردي اللي فوق صح بتسكر 28
لان المهرجان يخلص 20

بس الله يخليج القريه اخر الايام مب شي حلاة القرية اول ما تفتح

شو الفعاليات اللي فالقريه ؟؟؟؟؟؟؟؟؟؟

تهبل القرية العالمية حتى لو ماتشترين يكفي التمشي فيها يرد الروح هههه

مشكورة اختي

وكنت بقولج انها 28 /2 تسكر لاني متأكدة وكل يوم ادور حجز مناسب لنا

شو الفعاليات اللي فالقريه ؟؟؟؟؟؟؟؟

الله يعطيج العافيه
بالنسبة لي مابي اتسوق بس هل فيه فعاليات؟ ووين مواقعها؟؟
افكر ازورها بكره الاربعاء

مشكورين على ردودكم
طبعاً لكل قريه فعاليات خاصة بدولتها
وايد فعاليات في القريه مب وحده ولا ثنتين

أقدر أروح لها بالمترو؟

المشاركة الأصلية كتبت بواسطة زهرة التوليب
http://www.arabtravelersforum.com/tr...8/#post4888108

أقدر أروح لها بالمترو؟



مافي محطة مترو قريبه منها
تقدرين تروحين بالتاكسي

شكرا لك على الموضوع المفيد

المشاركة الأصلية كتبت بواسطة bufahad
http://www.arabtravelersforum.com/tr...6/#post4890856

شكرا لك على الموضوع المفيد



العفو
مشكور على الرد

للأسف انا بوصل لدبي في 28 فبراير " اخر يوم بتكون زحمه ولا شلون بيكون الوضع ؟!!

شكرا عى هذا التقرير بارك الله فيك
تحياتي