الموضوع: جمعت أسامي الأماكن الي ابي اروح لها بس شوفوها وزيدوني أذا فيه زياده

السلام عليكم00
يامرحبا بأهل الكويت أخوانا

انا والأهل قررنا نزور الكويت بعد اسبوعين يعني بعد العيد

كسياحه ونزور أخوانا الكويتيين

أنا جمعت بعض المعلومات عن الأماكن الجميله
في الكويت والمجمعات وماأدري اذا هي كفايه او لأ

قلت أنزلها لكم وتشوفونها واذا في اماكن حلوه ماكتبتهاحسافه اجي ولاأشوفها
خصوصا أني ماأتوقع اني اقدر اجي للكويت مره ثانيه

وهذي اسامي الأماكن الي جمعتها

طبعا زياره أبراج الكويت
حديقه الاكوابارك المائيه_قريه المسيله المائيه(أيهم أفضل لاني لاأريد الذهاب لهم جميعا واحده تكفي)
المدينه الترفيهيه _حديقه الشعب(ايهم افضل لأن جميعهم مدن ترفيهيه ووقتي لايسمح با الذهاب لهم جميعا)
النافوره الموسيقيه
الجزيره الخضراء
المركز العلمي
المارينا مول
سوق المباركيه
سوق شرق
((-الصالحيه-مجمع الرايه -الفنار- الكوت -سوق الشاطىء
الثريا-مجمع المهلب-البستان-سنتر بوينت-ليلى جاليري))اريد السؤال اي المجمعات هذي أكبر وافضل الرجاء
ترتيبها با الأولويه الأفضل فا الأفضل
ولكم جزيل الشكر:106:

مواضيع عشوائيه ممكن تكون تعجبك اخترناها لك:

• سوق الفقع يا أهل الكويت الطيبين
• يا أهل الكويت ردوا علي هو أنا أنكبت ولا لا
• رايحه للكويت باااااكر وابي مساعده
• الغابة الصغيرة سكرت ولا غيروا مكانها
• وين اروووح
• فنادق
• رهومــــا في الكويت
• شروط تأجير السيارة ؟
• الضباب الكثيف يشل حركة الملاحه الجوية بالكويت
• مساعده في سكن يااهل الكويت
• استفسار يابناء درة الخليج الغالية
• اسرع رحله في الحياه
• السلام عليكم
• بنات الكويت لووسمحتوا
• اريد شقق عائلية في الكويت
• ياريت حد من الاخوه او الاخوات بالمنتدي يطمني
• فندق سفير البستكي تغير إسمه إلى فندق البستكي إنترناشيونال
• استفسار
• شقق بودل محتاج تشجيعكم
• القرقاعون من الكويت ؟؟؟

هلا اختي سوبر وزه
حياكم الله بالكويت
الاكوابارك والمسيله الحين امسكره انشالله شهر 5 او 6 تفتح
المدينه الترفيهيه اكبر من حديقه الشعب ويوم الاثنين للنساء
المركز العلمي

ضروري تزورونه

ترتيب المجمعات
بدايه بالافضل :
1-المارينا مول (مجمع كبير في كل شي)
2-سوق شرق (تقريبا نفس المارينا)
3-الكوت (مجمع يستاهل زيارته)
4-الصالحيه والرايه (بوتيكات للماركات)
5-المهلب
6-الفنار والبستان وليلى جاليري كلهم بشارع سالم المبارك بالسالميه
7-سنتر بوينت
8-سوق الشاطئ ويين ؟ (بصراحه ماعندي فكره عنه)
ولاتنسووون سوق المباركيه السوق التراثي بالكويت

واي خدمه ثانيه احنا حاضرين ؟:106:[/quote]

السلام عليكم و رحمة اللة


هل لديكم أطفال و كم عدد الأيام التي ستقضونها بالكويت حتي يسهل ترتيب الأماكن المناسبة. و كل الشكر للأخت روان بنت الكويت علي مشاركاتها الطيبة و اجاباتها علي الأخوة السائلين.

مشكوووره أختي روان

على المعلومات وزين قلتيلي على الأكوابارك والمسيله انهم مسكرين 00 لأن قهرر نروح ونوصل وتكون مسكره 00مشكووره 00
وسؤالي هل يوجد أماكن اخرى تستاهل الزياره ؟
وسمعت عن منطقه أسمها الصفاة مدري أذا هي فيه وتستاهل الزياره او لأ
وساحه التزلج الي فيه وينها وأيش اسمها وهل هي كبيره ؟
ومعليش كثرت اسئله

00000000000000000 000000000000000000000
ومشكووره لك يأخي الوطن 00 وفيه أطفال بعمر ثمان سنوات وأصغر لاكن الأغلبيه كبار وماراح نطول في الكويت يمكن اربعه ايام بس00

بالفعل تحتاج زيارة الي مجمع الكوت في منطقة الفحيحيل ويوجد هناك الكثير من الاسواث والمجمعات مثل مجمع اجيال والعنود والسنتر بوينت والبازار وكويت ماجيك وهذه صور من الكوت



المدينة الترفيهية

العفو اخوي الوطن انا ماسويت الا الواجب


واي خدمه احنا حاااضريين ؟

المشاركة الأصلية كتبت بواسطة سوبر وزه


مشكوووره أختي روان
على المعلومات وزين قلتيلي على الأكوابارك والمسيله انهم مسكرين 00 لأن قهرر نروح ونوصل وتكون مسكره 00مشكووره 00
وسؤالي هل يوجد أماكن اخرى تستاهل الزياره ؟
وسمعت عن منطقه أسمها الصفاة مدري أذا هي فيه وتستاهل الزياره او لأ
وساحه التزلج الي فيه وينها وأيش اسمها وهل هي كبيره ؟
ومعليش كثرت اسئله
00000000000000000 000000000000000000000
ومشكووره لك يأخي الوطن 00 وفيه أطفال بعمر ثمان سنوات وأصغر لاكن الأغلبيه كبار وماراح نطول في الكويت يمكن اربعه ايام بس00



العفو اختي سوبر ورزه

قصدج صفاة الغانم

وصالة التزلج فيها صالتين للتزلج الكبيره والصغيره مكانها بالقرب من النافوره الموسيقيه

واي خدمه احنا حااضرين ؟

السلام عليكم...

اولا مرحبا فيك في دولة الكويت بلدك الثاني...

ثانيا:-

النافورة الموسيقية + الجزيرة الخضراء هي اماكن تمارس فيها المشي فقط من وجهة نظري ولكن بها مطاعم لكنها ليست بوجهات مميزة.!!!
أنصحك بـ إلغاءها من جدولك...لانه سيكلف عليك الكثير من الوقت و بدون مقابل.!

اماكن الترفيه...
صراحة تتفوق المدينة الترفيهية على حديقة الشعب...!

المجمعات...
1-المارينا مول(شارع الخليج-السالمية).
2-سوق شرق(شارع الخليج-مدينة الكويت).
3- مجمع الكوت(الفحيحيل-الواجهة البحرية).
4-مجمعات شارع سالم المبارك بالسالمية(أدخل اللي ترتاحله و يحتوي على اغلب اللي ذكرتهم مثل الفنار،ليلى،جاليرا،البستان،بلازا و كذلك المارينا يطل على هالشارع).
5-سنتر بوينت(يوجد في الشويخ"ألرئيسي"،مدينة الكويت،حولي،الفحيحيل امام الكوت مباشرة،السالمية شارع سالم المبارك).
6-سوق المباركية(طبعا احد المعالم التراثية و هو ترفيهي جدا فيه كل شي).
7- الصالحية و الراية مجمعان راقيان للماركات العالمية(في مدينة الكويت).

الحدائق المائية...
الصراحة الأثنين حلويين...
يمكن المسيلة تكون أخف بالزحمة و أجوائها ألطف...و كذلك الأكوابارك جميلة و اكبر حجما تقريبا.

المركز العلمي...من أهم المعالم لدينا و يقع في شارع الخليج العربي،بالقرب من المارينا مول في السالمية.
حيث يمكنك مشاهده جميع الحيوانات "برية،بحرية،برمائية" في الأحواض الزجاجية + سينما آي ماكس".

تحياتي.

حلووووووووووه الكويت


تحياتي لشعبها العزيز على قلبي

السلام عليكم و رحمة اللة




من الأفضل أن تكون تنقلاتكم لكل يوم لأماكن قريبة من بعض حتي لا تضيعون وقتكم بالزحمة.
و بالرابط التالي تجدين جدول لأربع أيام وكل يوم تكون المواقع قريبة من بعض. و فية عدد من المشاركات من الأخوة و أنطباع الأخ السائل.
http://www.travel4arab.com/vb/showthread.php?t=69005


أيضا بأمكانك مشاهد أو تنزيل خرائط المواقع بالرابط
http://www.travel4arab.com/vb/showthread.php?t=91134

الاخوان ماتركوا مجال انعلق كفوا ووفوا والله يعطيهم العافية
وحياك الله ببلدك الثاني

مشكووورين وماقصرتو يا الأخوان

بغيت أسئل كم تبعد السالميه عن الكويت

بدون الزحمه 10 دقايق

ومع الزحمه 20 الى 30 دقيقه

حياج الله في الكويت والاخوان والاخوات ماقصرو الله يعطيهم العافيه

ما قصروا اخواني

معلومااااااااااات رائعة

يعطيكم العافية ماقصرتوا000

مشكوورين ماقصروو

أعتقد أن وقت زيارة الكويت في شهر نوفمبر قرار سليم 100% لأن الجو هناك أكثر من رائع وكل ما تأخرت إلى منتصف نوفمبر تكون أحسن مع تمنياتي لك بسفرة سعيد في الكويت . هناك مطعم يقدم جميع الوجبات وهو أكثر من راقي في الأكل والسعر وهو مطعم مركز سلطان أعتقد أمام حديقة الشعب وأحسن وقت تروحين وقت الأفطار إلى الساعة الحادي عشره صباحا وسعر الفرد 2.500 دينار كويتي أي 30 ريال وهو أحسن وجبة أفطار منوعة بأقل الأسعار . بالنسبة لي أنا كل يوم مطيح الفطور هناك وسفره سعيده .

بالتوفيق ما قصروا الشباب