الموضوع: أريد ازور الكويت في العيد مساعدتكم

السلام عليكم ورحمة الله وبركاته...

بصراحة انا جداً من المعجبين بهذا المنتدى. وكل مرة اريد اسافر او احد يسأل عن اماكن لابد من زيارة المنتدى وقرائت مشاركات الأخوة والأخوات...

يا أهل الكويت الطيبين . اريد مساعدتكم . حيث اني ناوي اجيكم بالعيد لمدة يومين إلى ثلاثة وممكن تزيد حسب الأجازة والميزانية:114: اوالاً كم ممكن تكلف الميزانية.

اريد بعد فندق ممتاز وسعره معقول ويكون في قريب او في شارع الخليج.

واذا ماكو كلافة خريطة للكويت واذا في امكانية وصف الطريق من منفذ الخفجي ليين شارع الخليج حيث اني اول مرة ازور الكويت وانا جاي لكم من المنطقة الشرقية. ان شاء الله. على فكره شرط الفندق يكون عوائل (أنا وزوجتي فقط بدون أطفال )...

وسلامتكم...

السفير........... :11oto:

مواضيع عشوائيه ممكن تكون تعجبك اخترناها لك:

• يوم الجمعـــــــــــــــــــــة
• استفسار بسيط
• ابي اخداثيات الافينيوز
• مقاهي عالبحر
• زيادة في حركة مطار الكويت الدولي خلال شهر يناير
• أحلى إسبوع في كويتنا الحبيبه
• نعل نجدية رجالية أكرمكم الله
• زيارة للكويت
• ترتيب جدول مميز من ناس مميزين
• صورة الأمير تجوب سماء البلاد في العيد الوطني المقبل هديه من أخوانا بالأمارات
• ابي شقق الكويت قريبة من الاسواق والمارينا
• الفيزا طالعه وابي برنامج متكامل للسفره تكفون
• للأسف يافندق النخيل
• عوزة صور لمنطقة السرة ؟؟؟؟؟
• استفسارينالبطاقه الذكيهادارة الفحص الفني
• بزور الكويت في شهر 7
• اسعار مميزه على الطيران السنغفوري من الكويت
• افضل منتجعات الكويت ؟
• رحلة سياحية للمدن السياحية
• فندق رمادا بلازا الرقعي

حياك الله اخوي بالكويت

وانشالله الاخوان والاخوات بالبوابه يساعدونك

أخوي السفير حياك الله بالكويت وإنشالله ما تكون أول زيارة ترى الكويت حلوة وراح تعجبك انشالله
بالنسبة للسكن لا تحاتي كل الفنادق يمكن إطلاق مصطلح فنادق عائلية (لأن الوضوع بالكويت يختلف بعض الدول الأخرى مثل دبي)
يعني لايوجد فندق به مشروبات روحية ولله الحمد أو ملاهي ليلية يعني إرقد وآمن
وبالنسبة للسكن لو تحدد ميزانيتك كان ممكن نوصفك فندق على السعر المطلوب لكن أحاول اقسم لك الفنادق حسب الآتي
1- فندق المارينا - أحدث فندق 5 نجوم سعره لليلة تقريبا 77 وهو على البحر وبالقرب من المارينا مول والمارينا كريسنت وباقي مجمعات السالمية الجميلة (الموقع ممتاز جدا)
2- جي دبليو ماريوت بالقرب من مجمع المثنى وملاصق لمجمع الصالحية أحد اغلى المجمعات بالكويت والشيراتون تقريبا هما نفس السعر77 (بالعاصمة)
3- راديسون ساس - البدع على البحر أذكر سابقا إن سعره في الهاي سيزون (أيام العيد وغيرها ) للغرفة الستاندر 63 دينار وما أتوقع إن هذا السعر تغير .
4- الهيلتون - الغرفة الستاندر 90 +15% خدمة ، والشاليهات والفلل اغلى .
5- موفيمبيك 5 نجوم وعلى البحر ولكن شوي بعيد عن السالمية يعني 20 أو 25 دقيقة عن السالمية وتقريبا 15 دقيقة عن العاصمة يميزه مكانه المعزول وحمام السباحة الجميل لكن اقرب مجمع له هو سوق شرق ويبعد تقريبا 15 ساعة .
الفنادق 4 نجوم (لكن كأنها 5 نجوم)
1- الكورت يارد(ماريوت) 45 دينار للغرفة ، ويميزه أن به مجمع الراية مجمع جميل به عدد من محلات الماركات العالمية للملابس والإكسسوارات وبعض ملابس الأطفال والعطور والكافيهات وعدد 3 مطاعم .بصراحة اللوبي جميل ومن أحلى لوبيات الفنادق بالكويت ز
2- الفور بوينتس(شيراتون) 45 دينارملاصق للشيراتون 5 نجوم ويقرب من مجمع الصالحية والمثنى تقريبا 4 دقائق بالسيارة (قريب جدا) الغرف جميلة لكن اللوبي صغير .
3- المريديان تاور ملاصق للفوربوينتس 50 دينار (جديد مصنف 5 نجوم ولكن بالتصنيف الأخير تم إدراجه ضمن 4 نجوم) الغرف جميلة وحديثه وديكوراتها روعة هادئ وحلو .
4- المريديان بنيد القار يطل على البحر وهو جميل به المطعم البحري المشهور _المرسى
وسبق أن تم عرض صور ومعلومات شافية ووافية عن هذين الفندقين
http://www.travel4arab.com/vb/showth...ED%CF%ED%C7%E4
أتصور هذه ابرز الفنادق انت اختار واحد منهم وأكيد الإخوان بالبوابة وإنا انشالله نستفسر لك عن كل التفاصيل عن الفندق المختار .
وبالنسبة للطريق بعد ما تخرج الجواز وتدخل الكويت بالسلامة في البداية تكون بطريق الملك فهد طبعا تاخذه سيده لمده وتشوف على يدك اليمين دخله لطريق عبد الرحمن بن سعود - الفحيحيل السريع وتمشي تقريبا مدة 50 دقيقة إلى أن تجد على يمينك قرية المسيلة ( العاب مائية) وبعدها تاخذ يمين تكون إنت ببداية البحر على يمينك إمش وراح تلاقي على اليمين فندق راديسون ساس ومنتجع النخيل ومنتجع شيك فلامنغو وعدد من المطاعم والكافيهات وبعدها تلقى دوار تاخذه سيدة ويكون أيضا البحر على يمينك وهني بداية شارع الخليج وأغلب الأماكن السياحية تلاقيها على الطريق من مجمعات ومطاعم (إذا وصلت هالمنطقة يكون مقابلك شارع سالم المبارك (مجمع ليلي غاليري والفنار والبستان وغيرها)
طولت عليك لكن انشالله تكون معلومات كافية:101: :24:

اخي السفير 77 حياك الله بين اهلك واخوانك وهذي الخريطه اللي طلبتها وكل المعلومات عن دوله الكويت وهي للامانه من تقارير المبدع الاستاذ الوطن

ماعليك امر ادخل على هذا العنوان
http://www.travel4arab.com/vb/showthread.php?t=40418

أنا أنصحك بدبليو ماريوت لأنه جديد أخذناه 480ريال في نهاية الصيف الماضي
عيبه الوحيد أنه بجانب المحطه الرئيسيه للنقل فتلاقي العماله مثل النمل لكن أطلع في غير أوقات الذروه
الكويت السينما ماعليها أقبال مثل دول الخليج
أهل الكويت الغالبيه يعتمدون حجاب الرأس واللبس عادي بنطلون جينز -تنوره ونادرا ماتلاقي العبايه
يعني بتكونون مميزين
أسعار المطاعم عندهم أغلى مثال الوجبه في مطعم تشيلز في الكويت أغلى من السعوديه ب15ريال
لكن المطاعم عندهم مميزه ببناياتها ومليانه بالزبائن
أحلى المطاعم -ميس الغانم-برج الحمام-مطعم هندي بسوق الفنار-تشيلز-عموما المطاعم كلها راقيه
بالنسبه للقياده داخل البلد ماهي سهله شوارعهم بدون أسماء وتدخل من شارع وتطلع منه وأنت ماتدري لأن غالبية الشوارع ماهي سيده لكن أهل الكويت متعاونين نسأل واللي يسأل مايتوه
لكن يومين وبعدين صرنا نعرف كل الديره
عموما كل الأماكن السياحيه والأسواق والمطاعم على شارع الخليج
اللبس عندهم بعض المحلات أرخص من عندنا
أشتريت من محل في سوق شرق بلوزه طويله أو بدله بلهجة الكويت ب550ريال ولقيتها في السيركون ب1300ريال :114:
أتمنى لكم رحله سعيده

شكراً للجميع ... ولي عودة لاحقاً

الأخوان كفوا و وفوا...

و هذا رابط ممكن يفيدك...
http://www.travel4arab.com/vb/showpo...21&postcount=3

تحياتي

ياهلا فيك اخوي وحياك الله ببلدك الثانية الكويت
بالنسبة للفنادق واااااااااايد بالكويت وانا انصحك بالمارينا او الكورت يارد او الهوليدي ان وعندك ايضا سفير البستكي وبالنهاية الاختيار لك بالنسبة للسينما انصحك انك تحجز للفلم اللي تبيه من وقت يعني اذا الفلم بليل تحجز له الصبح لان السينما وااااااايد زحمة وخصوصا بالعيد .
اذا بتقعد ثلاثة ايام او اربعة الميزانية اللي تحتاجها اتوقع من 300 الى 350 وانتوا وعاد على حسب مصرفكم؟
وحياكم الله واي استفسار احنا بالخدمة نعين ونعاون