عليكم السلام ورحمة الله وبركاته
انصحك تطلعين على تقارير الاعضاء في البوابة السويسريه وبوابه النسما فيه تقارير كثيره تستفيدين منها انشاءالله
بالنسبه لي انا اشوفها صعبه (جدة - جنيف) ذهاب وعودة وتبين تروحين كابرون المسافات بعيده بالسياره من جنيف لكابرون تقريبا 700 كيلومتر
ولو قلتي راح نرتب الجدول بحيث يكون متسلسل للاماكن (جنيف-انترلاكن-بيرتساو-كابرون) طيب راح تكون العوده من كابرون لجنيف !! راح تقعون بنفس المشكله مشوار بعيد جدا ومرهق ومتعب بالسياره
انا من رايي الوصول جنيف والعوده من ميونخ او العكس
ميونخ بعد عن كابرون تقريبا 170 كيلومتر تقدرون تنزلون بميونخ يوم او يومين او تاخذون السياره وتروحون كابرون
بعدين ترتبون الاماكن بالتسلسل كابرون - بيرتساو-انترلاكن-جنيف- من جنيف تقدرين تروحين انسي يوم وترجعين قريبه
الشي الثاني تقدرون تختارون منطقة بين بيرتساو وانترلاكن تستريحون فيها ليله مثل قريه بادراقاز القريبه من قرية هايدي بحيث تزورون قريه هايدي بما انها بطريقكم
والعوده من جنيف بدل ماترجعون كل هالمسافه
شوفي تقريري وانشاءالله تستفيدين منه
رحلتي كانت وصول فينا والعوده من زيورخ سويسرا يعني تقريبا مثل مخطط رحلتكم
تحياتي
رد مع اقتباس
المفضلات