الموضوع: افيدوني الله يجزاكم الجنة

السلام عليكمانا اول مره بسافر لاوروبا وابيكم تشيرون علي الله يجزاكم الجنة


احنا 6 اشخاص وطفل
مبدئيا ناوين تكون الرحله من اسبوعين ونص الى ثلاث اسابيع
ودنا نروح لسويسرا والمانيا والنمسا وفرنسا
لسى ماحجزت شيء !
ناويه احجز التذاكر على الخطوط السعودية على جنيف روحه ورجعه وش رايكم ؟
وهل لو مثلا بروح من الرياض الى جنيف بعدين الرجعه من برلين الى الرياض او العكس بيكون افضل من ان الرحله بنفس الخط ؟وهل احتاج الي مكتب الخطوط لهذي الشغله او اقدر من موقعهم ؟
وابيكم تقولون لي الدول بالترتيب يعني لو مثلا بوصل جنيف ايش الدول الي اروح لها بعد سويسرا
خط سير الرحلة يعني
والله يجزاكم الجنة ووالديكم

مواضيع عشوائيه ممكن تكون تعجبك اخترناها لك:

• معلومات شاملة لشركة ليبارا وطريقة استخراجها بسويسرا
• أيهمـا أفضل استئجار سيارة أو استخدام السويس باس ؟
• سويسرا في اغسطس
• بغيت أشاوركم في منطقة لوكباد القريبة من انترلاكن
• الرجاء مساعدتي في تنظيم جدول سياحي لشخصين
• أحتاج من أهل الخبرة مساعدة
• تكفون ياشباب أبي رأيكم
• لوقانو لمدة يوم واحد واحتاج لخبرتكم
• سؤال عن بحيرة الدموع
• استرجاع قيمة الضريبة التاكس فري
• مساعدة في استاجار سيارة
• كم المسافة من انترلاكن الي ديزني لاند
• أرجو المساعدة أستخرجت فيزا من السفارة الإيطالية ووجهتي لسويسرا
• شهر عسل بايطاليا وسويسرا
• ياليت تساعدوني جد مو عارفه وش اسسوي
• الى الجميع للاهميه
• استئجار سيارة من الجزء الفرنسي وتسليمها ميلانو
• مساعده ابي اوصل انترلاكن من ميلان
• رحلة شهر عسل ( ارجو الافادة جزاكم الله خير)
• ترتيب رحلة صيفية عائلية الى انتر لكن

عليكم السلام
سويسرا والنمسا والمانيا وفرنسا
افضل خط سير لو بالخطوط السعوديه
الرياض جنيف
باريس الرياض
اوفر سعر
دايركت
البدايه سويسرا ثم النمسا ثم المانيا ثم فرنسا
او سويسرا ثم النمسا ثم المانيا ثم فرنسا
والافضل تحديد المسار بعد تاكيد الحجز او تاكيد ايش الدول اللي ناوين تزورونها
مثلا ماودكم تزورون باريس بفرنسا ودكم مثلا بالريف او الدول المجاوره لسويسرا فيحختلف المسار
ياليت توضوحون ايش الدول اللي تبون تزورونها
،،،،،،،
اذا ضروري زيارة برلين فافضل خط سير
الرياض باريس
برلين الرياض ترانزيت مرورا بميلانو على الخطوط السعوديه وطبعا المشغل يختلف من برلين الى ميلانو بتنسيق الخطوط السعوديه
ويسير المخطط فرنسا سويسرا جزء من المانيا النمسا المانيا
،،،،،،
بما انكم بالعرب المسافرون ماتحتاجون لمكتب الخطوط ان شاء الله
واذا ماتعرفون لطريقة الحجز لاكثر من محطه بنشرح لكم شرح كامل وافي من الموبايل

مومشكلة نقدر نستغني عن المانيا اذا فيها صعوبه بخط السير او كثره الترانزيت فرنسا ودنا نروح للارياف ولباريس بعد
بس مشكله مطار فرنسا حذروني ناس منه وقالوا لاتقربونه !
لو مثلا بروح وبرجع من جنيف وب استبعد المانيا
ايش ترتيب الدول المقترح زيارتها ؟


وايه للاسف مااعرف احجزلاكثر من محطه بموقع الخطوط




الله يجزاك الفردوس قد مافرحت بشوفه ردك وسرعه استجابتك ولايحرمك من الي تتمنى ياااارب

ما قصر مشرفنا ابو نورة جزاه الله خير
وبانتظار موضوعه الجديد

مقترحي لكم الوصول ميونخ والمغادرة باريس ومطار باريس ممتاز ولا فيه شي
البداية زيلامسي 5 ايام - انترلاكن 5 ايام - جنيف والريف الفرنسي 4 او 5 ايام - باريس 4 ايام

المسافات بتكون طويلة خصوصا من زبلامسي الى انترلاكن 6 ساعات تقريبا

وممكن مقترح ثاني اذا الغيتوا زيلامسي

الوصول جنيف و المغادرة باريس او جنيف

البداية جنيف والريف الفرنسي 4 ايام - انترلاكن 6 ايام - ستراسبورج او رست 3 ايام - 4 ايام باريس
واذا كان الرجوع جنيف اخر يوم يكون فيها
والسيارة تستأجرونها من جنيف الجانب الفرنسي وترجعونها في ستراسبورج الفرنسية

وبالتوفيق

خلاص دامكم انتم الخبراء تقولون عن مطار باريس كذا ريحتوني
وبحجز الرياض جنيف
باريس الرياض
وبنزور سويسرا والنمسا وفرنسا
لكن في شخص نصحني بميلانو يقول تبعد 150 كم عن جنيف وانها جميلة بالتسوق ايش رايكم ؟ ! احطها ضمن الخطة او لا ؟

وانتظر موضوعك عن الحجز بفارغ الصبر

الله يسعدكم يارب وماراح انساكم من دعواتي من الموبايل

ميلان حلوة للتسوق
والمسافة من جنيف الى ميلان 318 كم
والافضل اذا بتزورونها تسكنون فيها يومين على الاقل

طيب ممكن تعطيني خطه سير لو بدّخل ميلان كيف بتكون ؟الوصول لجنيف والرجعه من باريس

ممكن يكون خط السير
جنيف 3 - ميلان 3 - انترلاكن 5 - رست او ستراسبورج يومين او ثلاثة - باريس3

تستأجرون سيارة من مطار جنيف القسم الفرنسي وتسلمونها ستراسبورج الفرنسية ومنها بالقطار الى باريس
او تسلمون السيارة اول ما توصلون باريس وهو اوفر واريح لكم لانكم عايلة وعددكم ما شاء الله كبير

وممكن تزيدون او تقللون في عدد الايام مثل ما يناسبكم

الله يجزاك خيير ع الرد
طيب عندي اسئله
اذا سلمنا السياره قبل باريس او اول ماندخلها كيف بنتنقل هناك ؟

هل ممكن ندخل زليمسي ظمن الخطه والا بتكون التنقلات صعبه ؟ من الموبايل

الانتقال في باريس بالمترو والباصات والقطار
لان في باريس صعب الانتقال بالسيارة

واذا بتدخلوون زيلامسي في المخطط الافضل يكون وصولكم ميونخ والمغادرة باريس
والغاء رست او جنيف او انكم تزيدون عدد الايام

طيب زيلامسي مره متحمسين لها وودنا نروح لها ونبي انترلاكن وميلان وش نسوي :'( ؟
مو مشكله اذا الطريق متعب ، المانيا مافي دايركت ع الخطوط السعوديه فا صعب شوي نروح ع ميونخ
ادري تعبتك وازعجتك الله يوفقك يااارب من الموبايل

طيب وش رايك بهذا المخطط؟؟

جنيف~انترلاكن~كابرون~ستراسبورج~باريس

اذا ماعندكم مشكلة بالمسافات الطويلة
فتوكلوا على الله ومخططكم جيد

وللعلم طبيعة زيلامسي مشابهة لانترلاكن وزيارة وحدة منهم تكفي من وجهة نظري

الله يسععدك ياارب

طيب قلنا من ستراسبورج الى باريس بالقطار من وين احجز التذاكر ؟


ومتى احجز السياره علما بان سفرتنا ب8-6-2014
وايش افضل موقع احجز فيه ؟ وايش نوع السياره الي اختارها دامنا 7 اشخاص ؟

تذاكر القطار ممكن تحجزونها من موقع القطارات الاوروبي
http://www.raileurope.com/index.html

والسيارة تحجزونها يوم الوصول والافضل من مطار جنيف القسم الفرنسي لانكم بتسلمونها فرنسا
والافضل تحجزونها من موقع الشركة نفسها مثل شركة سكست او اليورب كار
وهذي بعض التقارير اللي ممكن تفيدكم
http://www.arabtravelersforum.com/travel264006/
http://www.arabtravelersforum.com/travel626306/
http://www.arabtravelersforum.com/travel566146/

ونوع السيارة يجب ان تختاورا سيارة كبيرة فان عشان تشيلكم وتشيل الشنط
مثل سيارة مرسيدس فيانو او فولكس واجن ملتي فان او نفس حجمهم
والافضل ماتكون عندكم شنط كثيرة

وهذا رابط عن اجار السيارة عن طريق بيجو واسعارهم حلوة وممكن تاخذون سيارة كبيرة
http://www.arabtravelersforum.com/travel260482/

يعطيك العافيه ياااارب والله لايحرمك من الي تتمنى ياارب

حجزت الذهاب الى جنيف بتاريخ 8-6-2014
والعودة من مطار باريس ب 25-6-2014
طيب وش رايك بترتيب الايام لسفره
جنيف3ايام ~انترلاكن 4 ايام ~كابرون4 ايام ~ستراسبورج2 ~ باريس 4 ايام

هل تعتقد جدولنا فيه امكانيه ندخل ميلان ؟ عشان التسوق لو يومين مو مشكله
وهل احجز السيارة من الآن افضل ؟؟

اوكي خلاص ماراح ندّخل ميلان الله يسعدك يااارب

وببدا الآن بحجز الفنادق




والفضل يعود بعد الله لك في ترتيب سفرتنا وماانسى بعد ابو نوره كان له الفضل بطريقة الحجز

وماراح انساكم من دعواتي


واذا احتجت شيء ان شاء الله بجي واسالكم

دخلت بوكينق ادور فنادق ب انترلاكن بس احترت كثييييير وفي اشياء مافيها الغاء الحجز المجاني ايش رايكم بهذا الفندق ؟؟
hotel beausite
(ما اقدر احط رابط عشان عدد مشاركاتي)
صراحه مافهمت سياستهم ب الالغاء هل بياخذون مني شيء لو الغيت او لاء ؟


واذا ماينفع رشحولي اماكن اقامه ب انترلاكن تكون الالغاء مجاني


والله يجزاكم الخير

احد يرد علي تكفووون ابي احجز الفنادق واخلص الله يسعدددكم

طيب وش رايكم بالشقق الي تقع في غريندلوالد هل تنفع لسكن وهل هي آمنه ؟؟!

فرق نص السعر من الفنادق الي ب انترلاكن !!

بختار لكم الشقق ورشحولي الافضل من حيث الموقع (يعني مايكون طريقها صعب ووعر وبين جبال ) والخدمات وسياسة الالغاء


Apartment Bärgrose DG - GriwaRent AG
http://www.booking.com/hotel/ch/apar...D1&aid=1329869


Apartment Brunnen - GriwaRent AG
http://www.booking.com/hotel/ch/apar...D1&aid=1329869
Chalet Casa Rose - GriwaRent AG
http://www.booking.com/hotel/ch/chal...D1&aid=1329869


Apartment Jungfrau Lodge

http://www.booking.com/hotel/ch/apar...D1&aid=1329869



ربي يسعدكم ويسخر لكم اللي تتمنون

وهذا رابط الفندق الي ب انترلاكن الي سالتكم عنه ياليت تفيدوني واكون شاكره لكم


http://www.booking.com/hotel/ch/beau...X2&aid=1329869

قرية جرينوالد هادية وامنة واغلب السياح يسكنون فيها لتوفر الشقق
باسعار اقل من انترلاكن
وتبعد عن انترلاكن حوالي 20 كم وطريقها مش جبلي

وارشح لكم اول شقتين لانهم اكبر بالمساحة وشكلهم احلى
خصوصا الشقة الاولى اكبر بالمساحة واطلالته حلوة

والفندق اللي في انترلاكن لازم تاخذون غرفتين فيه وسعره غالي
واذا حجزتوه ما تقدرون الغاء الحجز وبيتم سحب الفلوس على طول

الله يسعدك يااااارب

خلاص اجل بحجز الشقه الاولى لكن هل اقدر الغي الحجز بالشقه والا بياخذوا مبلغ ؟؟

شروط الالغاء في الشقة الاولى

في حال لغيتوا الحجز قبل الوصول 43 يوم من تاريخ الحجز تدفعون 10 بالمية من السعر الاجمالي
واذا لغيتوا الحجز قبل 28 يوم تدفعون 50 بالمية
واقل من 28 يوم تدفعون المبلغ كامل

طيب لو بلغي قبل 43 يوم بياخذون شيء ؟

قيمة تنظيف الغرفه حول الفين ريال !! هل هذا شيء عادي ؟ من الموبايل

الغاء قبل 43 يوم يخصمون 10 بالمية

وسعر التنظيف غالي
ولكن معطم الشقق تقريبا لها نفس سعر التنظيف
ومن وجهة نظري اجمالي السعر بعد اضافة سعر التنظيف لازال مناسب
نظرا لشقة من 4 غرف ونظيفة واطلالتها حلوة

مهما قلت ماراح اوفيك حقك وماراح انساك من دعوااااتي
شورك وهداية الله


طيب جنيف وين تقترح علي اسكن فيها ؟ في احد يقول بالقرى الي جمبها ارخص وافضل انت وش رايك ؟


راح اجلس فيها من 8-6-2014 الى 11-6-2014

القرى الفرنسية تمتاز بتوفر الشقق ورخصها عن جنيف وايضا هدوئها

وممكن تسكنون في ديفون او فرنيه
وفي القرى الفرنسية صعب تلاقون شقة تناسب عددكم وممكن تحصلون شقة بغرفتين نوم ل 6 اشخاص
والطفل مجانا عند استخدام سرير الاطفال واعتقد سرير الاطفال عليه رسوم
وممكن تاخذون شقتين في نفس الفندق

وهذي بعض الخيارات اللي لقيتها وشوفوا اللي يناسبكم منها
http://www.booking.com/hotel/fr/le-c...ml?aid=1329869
http://www.booking.com/hotel/fr/resi...ml?aid=1329869
http://www.booking.com/hotel/fr/ibis...ml?aid=1329869
http://www.booking.com/hotel/fr/odal...ml?aid=1329869
http://www.booking.com/hotel/fr/cita...ml?aid=1329869
http://www.booking.com/hotel/fr/resi...ml?aid=1329869
http://www.booking.com/hotel/fr/home...ml?aid=1329869

http://www.booking.com/hotel/fr/resi...ml?aid=1329869

http://www.booking.com/hotel/fr/adag...ml?aid=1329869

وبالتوفيق

خلاص اخترت السكن في فيرني فولتر

واخرت هذا الفندق وش رايك ؟
http://www.booking.com/hotel/fr/odal...ml?aid=1329869




والله يعطيك الف الف عااافيه يااارب

اختيار جيد والانترنت فيه مجانا والمواقف بعد مجانية
ومكانه قريب من جنيف والمطار

وش رايك ب اختيار الفنادق ؟

http://www.arabtravelersforum.com/travel897017/