الموضوع: جزيرة الأحلام و الرومانسية

السلام عليكم و رحمة الله و بركاته...
مدام إيبو جايه هلمرة مشمرة الذراع و مصغية جيدة للي بيجاوب أسئلتها بس بليييييييييييييييييييييز لا تردونها تراها العشر الأواخر بتدعي لكم من قلب....

مدام إيبو تبي باكج شهر عسل لأحدى الجزر "أو مجموعة جزر"الحالمة في هذه الأرض الجميلة ما يهم وين بتكون هلجزيرة قد ما يهم إن يكون فيها فنادق نظام فلل بمسبح خاص ما يكشف لأنها متحجبة.. يعني بإختصار أبي جزيرة تنطق بالرومانسية و قضاء يوم فيها عن 100 سنة " الله يرزقنا و إياكم الجنة"
ميزانية مدام إيبو 2000 دينار بحريني (20000 درهم\ريال) شامل التذاكر و السكن لها و لبعلها "إيبو"
مدام إيبو مستغنية عن التسوق في ما عدا شراء الهدايا التذكارية اللي تخص البلد إللي بتروحه " عاقلة البنت ما تبي تخسر إيبو"
وقت السفر 18-ديسمبر 2006 وياريت لو يستمر لين 8-1-2007 "حطوا فبالكم هلفترة Peek Seasonلأن فترة كريسماس و نيو يير" (الله يعين إيبو شكله بيدفع زيادة علميزانية)

و دمتم بود و سلامة و ناطرة ردودكم و خبراتكم فلا يبخلون علي

:surf :surf :surf :surf :surf :surf :surf :surf :surf :surf :surf :surf :surf :surf :surf

مواضيع عشوائيه ممكن تكون تعجبك اخترناها لك:

• جو المالديف في شهر مارس؟
• اختيار مكان شهر العسل
• رحلتي للمالديف وبعض الاحداث هناك
• المالديف هل تحتاج إلى تأشيرة
• الخطوط السعودية تسير رحلات إلى المالديف
• اختكم بحوره تطلب من خبرا ميريشوس الدخول فورا
• استفسار حجز المالديف لشخصين
• الكل يدلي بتجربته أسعار منتجعات المالديف
• أشخاص الى المالديف
• رحلتي الى موريشوس نوفمبر
• عاجل جدا سؤال عن فندقين بالمالديف واسئلة عن التنظيم ؟
• وش تنصحوني بشهر العسل وش رايكم جزر مالديف ثم ماليزيا
• استفسار من الاخوه وعلى رأسهم استادي ابو عزيز
• فندق ست نجوم موريشيوس
• أتمنى ردكم في أقرب وقت
• استفسار عن الخطوط الجويه الى المالديف
• جزر سيشل
• سؤال مهم جدا عن المالديف
• من الدوحة إلى مالي المالديف و الخطوط القطرية أرجو الإفادة
• كيف أجمع سيريلانكا وجزر المالديف في رحلة واحدة؟؟

من خلال مواضيع الاعضاء اقترح

مــــوريــــشـــــوس

و للاستزاده احيلك الى موضوع الاخ ابو عزيز

http://www.travel4arab.com/vb/showthread.php?t=48770

و كذلك موضوع الاخ فهد

http://www.travel4arab.com/vb/showthread.php?t=48274

بالبركة إن شاء الله

المكان موجود وتم تجريته وحسب مواصفتكم

لكن (But)

بدون أي كسر للخواطر والزعل لا سمح الله هناك مشكلتين صغيرتين


الميزانية المحددة غير كافية بالإطلاق

الوقت او الفترة اللي مختارينها هي أغلى موسم سياحة في الجزر بغض النظر وين..؟؟!!

في الأيام العادية توجد فيلل خاصة بمسبح في المالديف و موريشس تبدأ اسعار الوحدة السكنية لليلة الواحدة لشخصين مع وجبة الإفطار والعشاء ب 900 دولار

مثال

فندق الأوبري في موريشس

منتجع دينا روبين (بارادايس) - موريشس

وغيرها الكثير في المالديف أيضا

هذا السعر يتضاعف في موسم 26/12 وحتى 6/1 من كل سنة

الموسم المناسب هو شهر 10 و 11 والموسم الأرخص هو 6/7/8/9 من كل سنة
والموسم المتوسط هو 4/5 من كل سنة والفروقات فيه طفيفة الى حد ما لا تصل لفروقات راس السنة

فلو كان طلبك لباكج كامل لمدة 10 ايام في فيلا حاصة في المالديف او موريشس (شامل التذاكر طبعا)

راح تبدأ اسعار الباكج من 35 الى 50 الف ريال

اتمنى اكون أفدت

وتحياتي

أخوي أبو عزيز
أشكرك من أعماقي السحيقة و فعلا كلامك صح 100% و البيك سيزون صج مشكلة...
بس شرايك بجزر تايلاند؟؟ مثل شنجماي و كوزوماي و بوكيت؟؟
مو أرخص من المالديف و موريتشوس؟؟

همممممممممممم و ماذا عن بالي الأندنوسية؟؟

طيب لو غيرنا راينا
مانبي جزر
ما نبي فلل
بس نبي مكان مميز و رخيص يناسب ميزانيتنا
وين ممكن يكون يا ترى؟؟

طيب ليه ما تروحون على فيلكا ( أمزح ) ...

موريشوس & المالديف & سيشل

( من ) أفضل جزر الشرقيه والجنوبيه

لكن العائق هو التوقيت ..... !

سلام عليكم ..
يامدام ايبوووو انا بنفس وضعك... زواجي 20 ديسمبر وابي اسافر لكن كل العالم ثلج ولافي مكان دافي الا استراليا ولكنها غالية التكاليف وميزانيتنا انا والعريس ماتسمح لانها تقريبا بنفس ميزانيتك...
نبي نسافر ع الاقل اسبوعين... تكفين قولي لي ان لقيتي دولة او جزيرة مناسبة وحلوة ..
وانتو ياأهل الخييييييييييييييير ساعدونا......... والمصيبة ان زوجي ماعنده لغة وانا عندي بس مولدرجة اني أدبر روحي بالسفر لحالي لاني متعودة اسافر مع ابوي واخواني عندهم لغة واعتمد عليهم.....
ساعدووووني بليز ماباقي وقت ولازم نحجز ونرتب وضعنا وانا محتاسة... :110:

مدام ايبو&عنقليزي تيتشر

http://www.travel4arab.com/vb/showthread.php?t=44148

شوفوا هالموضوع ميزانتيهم 20 الف ورحلتهم حلوة ماشاء الله

اتمنى تفيدكم

ودعواتكم لي ..

احبي ابارك للاخت العزيزة ايبو علي الزواج وبالرفاه والبنين
وعسي ربنا يوفقك في بكج حلو ولكن المشكله في التوقيت المححد للسفره يصادف زيزن ولكن اخي التوقيت الي مابعد الاسبوع الاول من يناير يكون افضل وارخص

تسلمين ياقلب طفلة ... جزيرة موريشيوس جات في بالي وقريت عنها كثير بالمنتدى بس ماادري كيف جوها وقت سفرنا .. فرق يومين بس بيني وبين مدام ايبو.. زواجنا باخر ديسمبر فما اادري كيف يكون الجو بارد والا وسط والا دافي... هنا المشكلة بتوقيتنا... ياليت احد يفيدني

المشاركة الأصلية كتبت بواسطة قلب طفله


مدام ايبو&عنقليزي تيتشر
http://www.travel4arab.com/vb/showthread.php?t=44148
شوفوا هالموضوع ميزانتيهم 20 الف ورحلتهم حلوة ماشاء الله
اتمنى تفيدكم
ودعواتكم لي ..



مشكورة يا خويتي بس هذه الرحلة على ما يبدو لي كانت فلصيف مو في الPeek Season و إحنه للأسف الشدييييييييييييييييييييد زواجنا بيكون في الكريسماس مع النيو يير يعني غلاء في غلاء ... بس ما يضر شكلنا بنخلي شهر العسل إسبوع عسل... شرايج؟؟؟:114:

المشاركة الأصلية كتبت بواسطة الرصاصي


طيب ليه ما تروحون على فيلكا ( أمزح ) ...
موريشوس & المالديف & سيشل
( من ) أفضل جزر الشرقيه والجنوبيه
لكن العائق هو التوقيت ..... !




فعلا العائق هو الوقت:110: :110: :110: ...فهل من بديل أخي الرصاصي؟؟؟؟؟

شوفي خيتووووو

انتي لو مصمصه على جزيرة سوي اللي يناسبك

وخليها لو اسبوع

كل الاعضاء يقولون يكفي 7 ايام وترى اكثر ملل

انا عن نفسي مستحيل اظل 10 ايام بجزيرة ملل

الخيال غير الواقع

خليها اسبوع وبعدها انزلي على دبي اربع او خمس ايام

بكذا تكملين 12 يوم تقريبآ..

وصدقيني لو استانتسي فيهم زين كانك مسافره شهرين

لو هالتخطيط مو مناسبك ممكن تغيرين وجهتك

لاي دولة ثانيه ومو شرط تروحين جزيره

خبرينا وش قررتي والله يوفقك..

والكلام موجه لك &عنقليزي تيتشر..

المشاركة الأصلية كتبت بواسطة عنقليزي تيتشر


تسلمين ياقلب طفلة ... جزيرة موريشيوس جات في بالي وقريت عنها كثير بالمنتدى بس ماادري كيف جوها وقت سفرنا .. فرق يومين بس بيني وبين مدام ايبو.. زواجنا باخر ديسمبر فما اادري كيف يكون الجو بارد والا وسط والا دافي... هنا المشكلة بتوقيتنا... ياليت احد يفيدني



للأسف يا مدرسة العنقريزي موريشوس حارة فديسمبر و يناير و درجات الحرارة تتراوح ما بين 24 و 31 و تختلف طبعا من منطقة إلى أخرى بس هي في هذه الحدود ... أنا بصراحة أستخسر البراد إللي عندنا أهده و أروح ديرة غالية و حارة و إحنه ما نصدق يصير الجو حلو بهلفترة من السنه....

الله يعين:surf

عنقريزي أبلة دشي هلمواقع تفيدج عن موريشوس

http://www.mauritius.com/
http://www.mauritius.net/
http://www.ocean-villas.com/

يـــــــــــااااامدااااااااااااام ايبوووووووو ,,, شكل الفرج باذن الله بس وانا اختج لازم نلحق او مانلحق ع الحجوزات ,,, انا غثيت الاولي والتالي من كثر مااحوس واخيرا شكلي وصلت للحل السليم ,, استراليا وبس والباقي خس,,, موعد زواجتنا مايناسبها الا هناك وبميزانيتنا العشرين الف ريال نعيش ع الاقل اسبوعين ومرة وحدة بالعمر وشوفي الرابط ,,, http://www.travel4arab.com/vb/showthread.php?t=91289

وقولي لي وش بتسوين اول باول وانا بعد بعلمك بكل شي خطوة خطوة

المشاركة الأصلية كتبت بواسطة مشاري-q8


احبي ابارك للاخت العزيزة ايبو علي الزواج وبالرفاه والبنين
وعسي ربنا يوفقك في بكج حلو ولكن المشكله في التوقيت المححد للسفره يصادف زيزن ولكن اخي التوقيت الي مابعد الاسبوع الاول من يناير يكون افضل وارخص



أخوي مشاري
سوري على تأخري في الرد...
كل عام و إنت بخيرو الله يبارك فييك و عقبال العزابية
كلامك ييه بوقته لأن فعلا راح نأجل السفر إلى ما بعد الأسبوع الأول من يناير لأن سبحان الله إجازة زوجي أخروها غصبا عنه و هذي الخيرة لنا و الله بيسر إن شاء الله..
تسلم علرد

المشاركة الأصلية كتبت بواسطة عنقليزي تيتشر


يـــــــــــااااامدااااااااااااام ايبوووووووو ,,, شكل الفرج باذن الله بس وانا اختج لازم نلحق او مانلحق ع الحجوزات ,,, انا غثيت الاولي والتالي من كثر مااحوس واخيرا شكلي وصلت للحل السليم ,, استراليا وبس والباقي خس,,, موعد زواجتنا مايناسبها الا هناك وبميزانيتنا العشرين الف ريال نعيش ع الاقل اسبوعين ومرة وحدة بالعمر وشوفي الرابط ,,, http://www.travel4arab.com/vb/showthread.php?t=91289
وقولي لي وش بتسوين اول باول وانا بعد بعلمك بكل شي خطوة خطوة



أولا كل عام و إنتي بخير و عسى أيامج كلها سعيدة..
ثانيا:
مقترحج وااااااااااااااااااااايد حلوووووووووووو بس للأسف إيبو مو راضي فيه أنا كنت حاطة ببالي أستراليا بدون منازع بس الله يهداه يقول لي بعيدة ومادري شنو و حتى النزاعات:11ight: و المناورات و المناقشات باءت معاه بالفشل:108: !!!!!!!!!!!!!!!!

الله يعين

انا ببتلش مثلكم بعد 6 أشهر ان الله وفق
لكن راح استفيد من تجاربكم

المشاركة الأصلية كتبت بواسطة عجلان


الله يعين
انا ببتلش مثلكم بعد 6 أشهر ان الله وفق
لكن راح استفيد من تجاربكم



ما هي بلشة ولا شي يا عجلان ... هذي اللحظات من أحلى لحظات العمر فإستمتع بها بحذافيرها و حتى لو تخللتها مصاعب و مطبات مادية...... و بعد 6 أشهر موسم ممتاز و رخيييييييص في معظم بلاد العالم :24: و الجو بيكون ربيع :24: فطب و تخير من هلبلاد الحلوة في الدنيا:surf ....
الله الموفق :surf

طيب مافكرتو بجنوب افريقيا دولة جنه الله بأرضة وجوها بيكون حلو بتوقيت زواجكم
جربي سوي سيرش عنها بالمنتدى اتوقع بتعجبكم

جنوب أفريقيا يا أختي سعودية حلوة بس ينقصها الأمان و الأماكن اللي فيها قليلة .... بلمقابل تايلند رخيصة و أمان .... جنوب أفريقيا بنخليها إذا فبالنا نروح سفرة مغامرات و بنروح و إحنه مقويين قلبنا ....