الموضوع: الشي المميز بالكويت مو موجود بالسعودية

السلام عليكم


كيفكم طيبين ..

بكرا بروح ازور الكويت ابغى الشي المميز بالكويت
يعني ما احصله عندنا بالسعودية ابدا

من ماركات من ملابس من اي شي

ابغى محل للجلابيات يكون حلو و مايكون غالي مره يعني ابي اخذ هدايا
و بعد حلو غالي عادي ابي اخذ للوالدة ..

رحت قبل امس و ماعرفت
اقولكم اللي الاماكن اللي زرتها
ابغى غيرها
رحت سوق المباركية
و ستي سنتر هو السالمية صح
و المارينا
و الافينيوز
و رحنا برج الكويت و كان فيه اصلاحات
تغدينا بفريج صويلح كان كويس بس زحممه
احد يرشح لي مطعم ثاني للغدا بكرا
قريت واحد بن يعقوب ايش رايكم فيه

شكرا لكم مقدما .. من الموبايل

مواضيع عشوائيه ممكن تكون تعجبك اخترناها لك:

• بووووووووم الكويت وين صاير؟؟؟؟
• مشروع شركة التجاره والاستثمار العقارى تجاره
• انا متواجد حاليا في شقق البودل اي خدمة
• يااهل الكويت الكرام سؤال عن دفتر التربيتك
• معلومات عن شقق نوفتيل
• الكويت عرض خاص للسعوديين خلال اجازة المدارس دك للفنادق نجوم و نجوم
• توني راد من الكويت
• خريطة الوصول الى سليل الجهراء
• اي اوتيل اختار ؟ بسرعه تكفون الوقت يمضي
• فيه محل شيكو بالكويت
• مسااااااعدة يااهل الكويت الحبيبة
• أسماء محلات ملابس للأولاد من عمر الى
• ترانزيت ساعة
• كم المشوار بالسيارة من شارع سالم إلى مسجد الدولة الكبير
• بسوي زفة بالكويت دلوني وين اروح
• مركز تنمية الطفل أستكشافي ترفيهي
• مساعدة من الامارات
• كيفية سفر الخادمات للامارات
• أسماء فنادق وشقق عائلية باالكويتمطلوب
• الجزيرة الأولى بين الناقلات الكويتية

وعليكم السلام
منوره الكويت
محلات الجلابيات مجمع الاوقاف ومجمعات منطقة الفروانيه أكيد بتعجبك
في معرض بمول 360 للجلابيات ومايوهات للصيف مفتوح امس لحد يوم الثلاثاء

المطاعم كثيره مثل كافيه بزه .... الستينات .....بيت ديكسون ..... زمان اول
وغيرها

في مطاعم وجلسات حلوووه على الشريط الساحلي من المهبوله الى الفحيحيل
مجمعات مطاعم جديده ومتنوعه وجلسات حلوووه وخاصه بالليل الجو احلى الحين

اما الماركات فأغلب المحلات للماركات موجوده بالخليج بس اشرايج بماركة كويتيه
وهي ماركة دير اند دير
تحصلينها في اولمبيا مول او الافنيوز وفيها لكل الاعمار

اما الحلويات اذا رحتي المباركيه اخذي من محلات الحلويات الرهش والدرابيل والقرص العقيلي

او تروحين لمحل هيل وزعفران في المطار والا منطقة الجابريه
حلويات كويتيه تصلح للهدايا

وحيااااج

انا امس جيت من الكويت والحمدالله كانت الزيارة جميلة. انا انصحك تروح مطعم ميس الغانم اكله حلو وجلساته حلوه.. واذا انت من عشاق التشيز كيك روح عند مطعم تشيز كيك فاكتوري في الافنيوز. من الموبايل

شكرا لكم
النور نوركم
في مول معين بالفروانية و الا كلها فيها جلابيات
انا ابغى تكون جاهزة

المعرض موجود فيه جلابيات جاهزة يعني مثل البازار

مول 360 وين مكانه او شارع شنو
عشان ابحث في النفقيشون عنه

ميس الغانم شنو نوع اكله و ايش طلبتم .. من الموبايل

نسيت اسالكم هذة المكان
اللي قلتولي عليها الفروانيه و المول
مفتوحين الصباح يعني حول 9 او 10 من الموبايل

مول 360 في منطقة الزهراء
مجمع مشهور أكيد بتلاقين له احداثيات

مولات الفروانيه بتحصلين جاهز فيها
والصبح يفتحون على الساعه 9،30 او عشر عادي

ميس الغانم اكل لبناني

في مطعم البلد لبناني حلو أكله وقعدته حلوه فوووق تشوفين الكويت كامل قي برج الوطنيه عند قصر دسمان اذا مو غلطانه
عندهم ريوق بوفيه وسعره ممتاز جداً
لا يفوتكم كافيه بزه و زواره جربتهم ريوق وروعه كان

بصراحة الكويت اهم مايميزها عن السعودية سوق المباركية والمقاهي الشعبيه واحس انها مميزه ، اما باقي الاماكن متشابهه فالاسواق جميعها تتشابه والماركات موجوده في كل دول العالم وليست حكر على دوله معينه، وعموماً الواحد اذا طلع من ديرته تتغير عليه الدنيا وهاذي ميزة السفر ، اهل الكويت اذا شافوا الخليجيين جايين عندهم يقولون وش شايفين في الكويت !!! ليش مايروحون دبي مثلاً !!
انا رحت الكويت واعجبني فيها سوق المباركيه وزحمة الناس فيه وكذلك المطاعم اللي بالسوق وكذلك المقاهي الشعبيه على البحر لانها مميزه عندي ، اما الاسواق مثل سوق شرق وغيرها لم اجد فيها فرق عن الاسواق عندنا بالسعودية. من الموبايل

حياك الله ببلدك الثاني..اذا كنت تبحث عن "الماركات" فأنصحك بـ زيارة مجمع "الحمراء مول" بـ منطقة شرق مجمع جديد و لكن كل محلاته ماركات و الأسعار الصراحة غالية لأنه كل المحلات ماركات راقية