السلام عليكم ورحمه الله
منتجع اننتارا ينقسم إلى 3 منتجعات على 3 جزر واللي هي
1- Anantara Veli
2- Anantara Dhigu
3- Anantara Naladhu
كل منتجع في جزيرة و هالجزر قريبه من بعض بحيث تقدر تتنقل من بينهن مشي إلا Anantara Dhigu تروح لها بالقارب أما بالنسبة Anantara Naladhu اللي ساكن فيها بس يسمح لهم يدخلونها ، و يقدرون يتنقلون للجزر الثانيه ، أما اللي ساكنين في الجزر الثانيه مايقدرون يدخلونها لأنه فيها خصوصية أكثر . .
.............................
عن تجربتي في البدايه كنت حاجزه في Anantara Veli بس بعدين غيرنا الحجز لـ Anantara Naladhu
تعتبر Anantara Veli الجزيرة الأولى
وفيها أكثر من نوع من الغرف (غرف مع مسبح خاص و غرف من دون مسبح و غيره)
و فيها تقريبن 3 مطاعم (مطعم للإفطار + مطعم للسي فود + مطعم اعتقد جاينيزي)
…………………………..
Anantara Dhigu هي الجزيرة الثانيه
وتعتبر الأكبر من بينهن فيها أكثر من نوع للغرف
في غرف ع البحر وفي غرف في وسط الجزيرة
و بالنسبة للمطاعم فيها تقريبن 3 مطاعم متنوعه
وبالنسبة للبوفيه يكون كل يوم متنوع ( مثلن يوم يكون سي فود ، ولا تايلندي ، ولا ايطالي و غيره )
...............................
Anantara Naladhu هي الجزيرة الثالثه
اللي فيها ( فله + مسبح خاص + دريسنق روم + بلكونه + حمام كبيير + شاور خارجي )
وفيها مطعم واحد و إذا ماعجبك تقدر تروح للجزر الثانيه وتجرب المطاعم اللي عندهم
يعني هالجزيرة فيها خصوصية أكثر من الباقي
...............................
بالنسبة للاسعار تختلف مابين كل غرفة و الثانيه
بتكون اسعار الغرف في (Veli + Dhigu) اقل من اسعار الفلل اللي في (Anantara Nalaghu)
من رايي انك انت تشوف شو الانسب لك ، وشو تحب يكون شكل الغرفه هل مع مسبح أو من دون
لانه بالنهاية تقدر تنتقل من بين الجزيرتين ، في حال ما عيبك المطعم في هالجزيرة تروح للجزيرة الثانيه
و أغلب المنتجعات في المالديف يتعاملون بالدولار
يعني تقريبا يحجزون عنك مبلغ 800 دولار كضمان
=)
أن شاء الله بحاول احط صور عن بعض الغرف اللي زرتها
وشكرا
رد مع اقتباس
المفضلات