الموضوع: التمرـ القهوةـ الآكل الخ؟؟والتفتيش

السلام عليكم ورحمة الله وبركاته

الأخوة جميعاً

دعواتكم السفر يوم الخميس ان شاءالله مع الوالدة والأهل

السؤال لو تكرمتم ..

أنا شايل معي مجموعة من الأكل

تمر ــ رز ــ قهوة ــ اندومي ــ مكرونة ــ بهارات ــ قدر ضغط الخ...

مكثر شوي تعرفون معي الوالدة الله يخليها وبنصوم كم يوم هناك..يعني مكثرين التمر بزوود

1- كيف التفتيش والسماح بدخولها ؟؟

2- الأفضل اني احط الأكل كله مستقل أو أخليه بين العفش والملابس ؟؟

3- أنا حطيت الأكل في كرتون ولفيت علية 4 لصيقات [[ ابن امه يفتحه ]] خخخ

وش رايكم صج الي سويته أو غلط ؟؟

وبعدين أنا سمعت أنه لازم يكون مكتوب ع التمر تاريخ الصلاحية..صحيح الكلام ..؟؟


وشكررررررررررررراًاً للحميع

وللجميع الدعاء بسفر كله سلامة ووناسة

مواضيع عشوائيه ممكن تكون تعجبك اخترناها لك:

• اقرب معهد لجامعة ايسترن متشغانلاهنتو
• اعجبني هذا المطعم في لاس فيغاس
• المطارات الأميركية تفرض غرامات باهظة على «النسيان»
• ســؤال لــخــبــراااء أمــريــكــا
• السكن في نيو يورك
• فنادق ياهل الخبره لاهنتم
• سياره من امريكا
• ارجوكم افيدووني
• Impact ومفاجئات الولايات المتحدة لصيف 2007م
• لاب توب والبرامج اللي فيه والاي بود
• انا طالبة في امريكا واريد مساعدة
• السلام
• في حال حصولك على الفيزا ولم تسافر هل من الممكن ان تحصل عليها مجددا ام لا
• عملت المقابله وعندي بعض الاستفسارات
• طلب جدول لامريكا
• لمن اراد الترتيب مبكراً لإجازة الصيف القادم هـ م
• سؤال مهم للجميع دون إستثناء
• سؤال عن كهرباء امريكا
• ابي اطلع فيزا بريطانيا من امريكا
• استفسار نيويورك في الحج

صحيح ,,

التمر والاملات لازم يكون عليها تاريخ صلاحية ومغلفة تغليف حراري !!


بالتوفيق

على أي خطوط إنت يوم الخميس؟؟ يمكن نفس رحلتي

أنا القطرية الساعة 8:10 صباحا بإذن اللهـ

عادي شيل اللي تبي ... بس لا تحطه في كرتون عشان لو حطوه تحت السكرين و فتحوه كيف بتلصقه هناك ! الأفضل في هاند باغ أو شنطة صغيره مستقله ... و بعدين هم متفهمين لعادات العرب من تمر و قهوه و بهارات خاصة .. أهم شي عندهم يكون أي شي ناشف ...


أول مره اسمع بسالفة تاريخ الانتهاء !! ماصارت معنا من قبل مع اني اجيب بلاوي .. بس الحمدالله و الشكر

انه قبل 5 ايا وصلت مافتشوني بس كان وياي عديلي فتشوة بس الي خذوة منه المرتديلا والنقانق بس الباجي من المعلبات ماقالوله عنها شي بس ركز علا اللحومات

المشاركة الأصلية كتبت بواسطة impact
http://www.arabtravelersforum.com/tr...1/#post3996291

صحيح ,,

التمر والاملات لازم يكون عليها تاريخ صلاحية ومغلفة تغليف حراري !!


بالتوفيق



تغليف حراري ..؟؟؟؟

وشلون عاد هذي نسويها

::عاااادي التمر اذا بتاخذ اللي بالكيلو هذا مغلف عمره ما يحتاج بس انتبه لتاريخ على شان ما يصير اشكال مع العلم انو ممكن يمررونه مدون ذاللك بس اذا كل شي على شكله اللي شريته به خلاص راح يكون على كل شي تاريخ
مع العلم اني راح انصحك بعدم اخذ الرز راح يزيد عليك وهنا فيه رز اشكال وانوووواع
وانت راجع لك الاختيااار بس اي ولايه انت .......
لان في اغلب الولايات بقالات عربيه كبيره وافيها بس اهم شي القهوه والتمر ....
والبهارات اذا انتم لكم ذوق معين ...لانوفيه هنا بعد بهارات ....

أنتم متأكدين نيتكم أمريكـــا ......؟!!؟!
الصراحه إما الديار اللي أروح لها مو أمريكا ولا ولاياتها أو أنا داخل صفحه غير صفخة أمريكا .. ولا تستعجبون لو أنا قلت لكم طالعت فوق أتأكد من الإحتمال الثــــاني .....!!!

إخوي للمعلوميه أمريكا تكب نصف إنتاج الرز بالبحر لأجل لايطيح سعره وأنت تقول رز وأندومي وسكر ,... عساك مانسيت الحليب السائل والكبريت !!

ماأدري ولو عنك علم مندي لو إشتهيته تحصله بنيويورك ......؟

وحتى الكييفـــه لو حبوا شاي عــــدني بالحليب يحصلونه ......

والله أنا أستعجب هل السر تخفيض بتكاليف الرحله أو المسألة أذواق معينه ؟؟

عموما تحملني ومنك العذر ... مجرد نقاش وقد أكون تماديت لكنه نوع من التعجب من مشاركتك ... وبكل إمتنان اتقبل ردك مهما كان ..... ودمت بود

ممكن تسووها عند محلات القهوة والبهارات الكبرى !!

بالتوفيق

المشاركة الأصلية كتبت بواسطة رحال عازب
http://www.arabtravelersforum.com/tr...0/#post3997820


أنتم متأكدين نيتكم أمريكـــا ......؟!!؟!
الصراحه إما الديار اللي أروح لها مو أمريكا ولا ولاياتها أو أنا داخل صفحه غير صفخة أمريكا .. ولا تستعجبون لو أنا قلت لكم طالعت فوق أتأكد من الإحتمال الثــــاني .....!!!

إخوي للمعلوميه أمريكا تكب نصف إنتاج الرز بالبحر لأجل لايطيح سعره وأنت تقول رز وأندومي وسكر ,... عساك مانسيت الحليب السائل والكبريت !!

ماأدري ولو عنك علم مندي لو إشتهيته تحصله بنيويورك ......؟

وحتى الكييفـــه لو حبوا شاي عــــدني بالحليب يحصلونه ......

والله أنا أستعجب هل السر تخفيض بتكاليف الرحله أو المسألة أذواق معينه ؟؟

عموما تحملني ومنك العذر ... مجرد نقاش وقد أكون تماديت لكنه نوع من التعجب من مشاركتك ... وبكل إمتنان اتقبل ردك مهما كان ..... ودمت بود






خخخخخخخخخخ أبد لك ألف عذر

بس حنا أربعة أشخاص كل واحد له 46 كيلو وزن يعني 46×4 =184 كيلو للجميع

ومدة الإقامة شهرين

ومعنا الوالدة الله يخليها كبيرة بالسن

وبتصوم رمضان هناك إن شاء الله

يعني لازم معك أقل شئ كونتينر تمر ويكون سكري وإلا تراها ما اقدعت !!!

أما القهوة فخذ معك خيشتين وإذا ماشالتها قهوة نية وحمستها هناك وإلا تراها ما تقهوت

والله أعلم بعد وعساها تعتبر نفسها صامت

وحكاية الرز حكاية ثانية

غير ابو كاس ما يمخمخ الراس .. خآآآصة إذا كان نثري ..لا يفوتك

والإندومي وخر عن طريقة

معنا اختي 16 سنة

وانت عارف والله لو تحط لها ذبيحة راسها في واشنطن واللية في لو س انجلوس

ما يملأ عينها إلا الإندومي ولازم كاري دجاج

وإلا قسم بالله إن تقلب الرحلة علينا إضراب عن الأكل

وبعدين الأمريكان مو ناقصهم على طول يتهمونا بالعنف ضد الأطفال

ومثلك داري ....؟؟؟؟؟

ومع ذلك لك مني وعد إني أطيح نصف الطلبية بالمطار أقول ضاعت الشناط

وش رايك ..؟؟؟

الا ما ودك تخاوينا

ترى باقي مكان بالعفش..؟؟؟

هههه هههه هههه

حسب خبرتي البسيطة اصعب شى في الجمارك اليمون الناشف الاسود ماهم متفهمينه والبهارات الامريكان مايعترفون بها في اطعمتهم الباقي اذا كان عليه تاريخ ومغلف يمشونه تصدقون اني اربط انا والمدام كل انواع الطبخ معنا في السفر الله يعينا على الجمارك الاندومي علي الرغم من عدم تقبلي لرائحته خذناه مكره اخاك لابطل شكل الشباب متعودين عليه يقولون سريع التحضير وشهي والمكسرات التمر بانواعه شي هدايا وشي للاستخدام الرز القائمه طويله لكن نصيحتي حقين الطبخ والوزن ماعندهم مشكله ياخذون احتياجاتهم من هنا يمكن يدخل واحد من الطلاب ويقول كل شي في امريكا نقوله نحن متعودين على اغذيه معينه ا وما نبغي شي ينقص علينا اتمنى للجميع رحله سعيدة مع تحياتي

التمر إذا كمية كبيرة ..

يجب تحط عليه تاريخ صلاحية مجرد استكر علشان ما يقدرون يتكلمون أو يكبونه بالزبالة كما حصل مع أحد الأعضاء ..


أنا أرسلت لأخوي في أمريكا بالشحن تمر أشكال و ألوان 45 كيلو .. كلها في تاريخ صلاحية استكر أنا حطيته ..


كلها مكنوز مغلفه طبعاً وعليها تاريخ أما السكري كان في علب شفافة بدون تغليف .. وحطيت استكر تاريخ صلاحيه وإنتهاء ..


ما تكلموا ولا قالوا شيء لان فيه تاريخ .. القهوهـ يفضل أن لا تطحنها ،، وتكون مغلفهـ بكيس وفيه استكر صلاحية ..


الله يهديك أخوي ،،

شايل رز وبهارات و مكرونة واندومي وقدر ضغط !!!!! ..


بإمريكا لو تدخل السوبر ماركت راح تلاقي كل شيء ..


أنصحك تشيل التمر والقهوهـ لانه أهم شيء والباقين ما يحتاج يضيق عليكم وزيادة عفش ..


والخيار راجع لكم ..




الأوراق إلى يوزعونها في الطيارة فيه ورقة أتوقع إذا كنت تحمل مأكولات أو حاجة زي كذااا .. (تأكد 90٪ فيه )



وأتمنى لكم رحلة سعيدة ،،



دعواتكم أنا بإنتظار الفيزا علشان أبلحق رمضان هناااااك




.



.

زي ما قالوا اللي في السطح...و بحكم اطلاعي مع العلم اني مارحت

الرز موجود ... بسمتي و و و و
الاندومي ... انواع مشابهه له . خصوصا ان الامريكان يحبون فكره الاكل السريع او شغل الميكرويف.
القهوه و الهيل ... خذهم حب و الله يلوم اللي يلومك.
التمر ... حتى اذا بروح من السعوديه الى الامارات يصير فيه تدقيق على التاريخ ... فا انتبه انه مكتوب و بالميلادي ... او لصقها انت.

كل شي موجود هناك و اذا تبي ادخل على ذبيحة دوت كوم و شوف البقالات اللي عندهم منتجات حلال ...

عادي وضعك خذ الي تبي بس اهتم من تاريخ الانتاج والانتهاء لو تحطة انت بعض المحلات والبقالات ماعندها مشكلة تحط لك ستيكر ،الرز فية في السامز بسمتي بس الصراحة مو زي ابو كاس ابدا ...لكن الاندومي في المحلات الصينية موجود نفس الي في السعودية ومكتوب بالعربي بعد..