الموضوع: يوم والفيزا ماطلعت مع أنهم موافقين

السلام عليكم،،

قدمت في 11 مايو ولله الحمد قالت لي الموظفة أنهم موافقين وخذت جوازي وقالت بعد 3 أسابيع وراح نرسله على فيديكس.

الآن لي 52 يوم ولاجاني.

أرسلت ايميل للسفارة وردوا قبل أسبوع وكتبوا تحت الاجراءات.

سفرتي يوم الأحد القادم الموافق 11 جولاي.

ماأدري في أحد صار له مثلي؟

تكفون اللي مر بتجربه زيها واللي عنده حل يعلمني

مواضيع عشوائيه ممكن تكون تعجبك اخترناها لك:

• الفزعه بليييييييز
• اين اسكن ف نيو جيرسى
• الجامعات الدينية الامريكية؟؟
• تأمين سيارة الاجار
• مهم وعاجل
• فقط للخبراء ما هي أفضل الفنادق في منتصف التايم سكوير ؟؟
• استفسار حول
• الي في لوس انجلوس و حاب يساعد يدخل
• هل صحيح المرور عن طريق لندن هيثرو يحتاج لتأشيرة بريطانية؟؟
• مساعدتكم أخواني سؤال مهم عن الفيزا
• تغيب عن المنتدى لمدة اسابيع
• كيفية استخراج الفيزا من الجزائر؟؟
• مقابلتي بعد يومين ارجو المساعدة
• ايجار سيارة وتسليمها في مكان آخر
• السلام عليكم وش افضل مكان في سان دييقو
• تذاكر السفر من السعوديه
• شهر كامل من غير رد
• مقابلتي بعد حوالي شهر وارغب بالتاكد من بعض الامور
• صور رائعة
• رخصة قيادتي هل تصلح للقيادة في أمريكا؟

الله يستر ..
انا قدمت 13 جون وللحين ماطلعت وسفرتي 20 جولاي
وحجوزات كثيرة مأجلتها لين تطلع الفيزا
مع اني كاتبه بالفورم ان سفرتي ب 1 جولاي

دورت رقم لهم بكلمهم ماحصلت احد يقدر يفيدنا ؟

واتوقع ايميل تحت الاجراءات الادارية يرسلونه تلقائي ماعندهم سالفه

كلموا فيديكس واسألوهم يمكن يعطونكم خبر

الله ييسر لكم ولنا

كل يوم أكلم فيديكس ولا صار شي.

نفس الشي دورت رقم لهم بكلمهم ماحصلت احد يقدر يفيدنا ؟

(رقم السفارة مخصصين الساعة 3-5 من السبت الى الاربعاء ولكن للأسف دايم مشغول)

اخوي اتصل على رقم فيديكس هذا 014633999
فيه واحد تأخر جوازه واتصل عليهم وحصله يقول فيه 200 جواز مادخلوها بالسستم للحين

إن شاءالله يطلع

ايميل السفارة

mailto:[email protected]

أشكر لكم تعاونكم ومساعدتكم .

وكل اللي كتبتوه مشكورين سويته، لكن لعل في الأمر خيرة ان شاء الله

الله سبحانه وتعالى يقول : ( وعسى أن تكرهوا شيئا وهو خير لكم )
تفاءل خير وإن شاء الله أمورك كلها تتيسر ... الله يوفقك ويسهل لك

أنا نفس حالتك

كانت مقابلتي في 8 مايو

و إلى الآن لم يصلني شيئ ...

مع أنهم موافقين على الفيزا

و كل ما أتصلت أو أرسلت إيميل

يأتيني الرد

تحت الإجراءات الإدارية


و سفري السبت القادم 10 يوليو

الله ييسر وصول الفيزا لي و لك و لجميع المنتظرين

الله يسهر لك أمورك .. وأمورنا ..


كلها تساهيل .. أيام وراها أيام ..


أنا مقدم لي أسبوعين وأنتظر جوازي مع أني أخر الأسبوع راح أسافر لدولة غير أمريكا ..


وأخاف آجل السفره من شان الفيزا ،،


يارب تعجل لنا بجوازاتنا ..


تصدق حتى التذكرة لأمريكا ما قصيتها .. كل شوي أجلها


ما قلت لنا نوع فيزتك .. سياحية - دراسة - علاج .. ماذا ؟؟



يارب توفقناااا جميعاً ..

السلام عليكم
بشرونا يالي جوازاتكم ما بعد طلعن ان استجد جديد عليكم
بالتوفيق

الله ييسر امرك وتطلع فيزتك وفيز كل اللي تاخرو
اخواني صارلهم 40 يوم ولاحس ولاخبر وكل ماكلمنا قالو تحت الاجراء والسفره الاسبوع الجاي
وحنا البنات من ثاني يوم طلعت بس للحين ماحسينا بفرحتها لاني بس احاتي اخواني والحجوزات
ياااااااااارب تسهلها وتطلع اليوم قبل بكرا
طمنا وش صار معك

إلى هذه اللحظة لم يجد جديد


الله ييسر لي و لجميع المتأخرين

دمتم بود

الله يسهل أموركم وامورنا ويكتب لنا مافيه الخيرة.

للاحاطه فيزتي اللي طالبها "سياحة"

الحال من بعضه ياخوي ..
ماعندي شغله إلا أأجل الحجوزات و أمدد
ومزعج فيدكس بإتصالاتي

طيب خلونا نتفائل فيه أحد مر بوضعنا وجاته بعد 50 يوم ؟

اخوكم من 11ابريل مقابلة والسفر يوم السبت القادم 10 july ولاحس ولا خبر والله هل السفارة غريبة جدا
اذا الشغلة تعقد اعطونا خبر وارض الله واسعة لكن ماهي بالطريقة هذا
لا رد علي التلفون ولا الايميل يعني شغلة ماهي معقولة
الغريب ان التعامل ممتاز جدا اثاء المقابلة ولكن اتوقع المشكلة من الاشخاص الغير الامريكان داخل السفارة وكذلك الفيدكس وممكن بعض الاوقات فيها محسوبيات في اولويات انهاء الفيزا
ابعطيكم سالفتي قبل شهر سحبت جوازي بسبب رحلة عمل وجلس تقريبا اسبوعين مع هل الاخوان العرب ارسل ومارسل وفي الاخير رحت للسفارة بنفسي واتصل عليهم من عند الباب ويقول الجواز ارسل من يوميين و الفيدكس الا بالسفارة يقول مارسل وان عند الفيدكس الا بالسفارة الا الفلبييني يماطل شاب سعودي عشان يطلع جوازة ورجعت السفارة اقولهم فيدكس ما استلموا شى وان سفري بكرة ولم اجد اي تفاهم
في الاخير حصلت موظف طالع من السفارة وشرحت له قصتي واعطيتة رقم الجواز رجع وسحب الجواز بدون سند او اي وثيقة واعطيني ايه وان مستغرب هذا سفارة امريكية والا بنغلاديشية.

من 1-6 ولا حس ولا خبر
والرحلة في 10-7
الله ييسر امرنا وامر جميع المتعثرين ....

هل فيه رقم لفيدكس إلي في السفارة ؟؟؟؟

57 يوم ونحن بالانتظار
حسبي الله ونعم الوكيل

60 يوم انتظار ، وبذلك تم تأجيل السفرة

الحمد لله بعد 68 يوم من الانتظار طلعت الفيزا وعقبال البقية

مبرووووووووووووووووووووووووووووووووووووووووووووووو وووووووووووووك
عقبالنا ان شاء الله

مبرووك وعقبالنا إن شاءالله

-
صراحة جاني خوف من كلامكم
انا بروح الرياض بعد 6 ايام ان شاء الله
وحاط مدة تقريبا 40 يوم بس في ناس وصلت الـ60 يوم :|
تنصحوني ألغي السفره واحول لبلد ثانية ؟