الموضوع: من كان إلى باريس بالسيارة وبعض الإستفسارات

السلام عليكم ورحمه الله وبركاته

أشكر كل من ساعدني في المعلومات حول سفرتي لفرنسا في مواضيعي السابقة , فعلا إستفدت منكم جزاكم الله خير وكل القائمين على المنتدى ..

الحمدلله حجزت وفييزت وأخذت فكرة عامة عن المناطق اللي بروحلها وأغلب المعلومات كانت نصية ولذلك أنا متخوف قليلا من الواقع لأنها أول سفرة لي خارج الخليج ..
إن شاء الله موعد سفرتنا (شخصين أنا وصاحبي) تاريخ 21/8/2013

على الإماراتية حجزنا من شهر إثنين تقريبا بـ260 دينار كويتي
والرجوع 1/9/2013
كويت - دبي ترانزيت ساعه - نيس - باريس - كويت

وجدولنا ضيق لأننا طلبة وبيكون عندنا دوام وهي أول مرة فبتكون تجربة مانبي نخاطر ونطول أكثر من عشر أيام ..

بنطب بنيس 3 أيام
3 أيام في كان
( وموضوعي اللي كاتب عنه وبسأل عنه هو :
ثالث يوم في كان راح نطلع ( بالسيارة المؤجرة ونروح لباريس وهي رحلة قرابة 990 كيلومتر )
وبعدها بنقعد في باريس 3 أيام


ثم نرجع الكويت إن شاء الله
..
باريس ماودنا نطول فيها وأساس سفرتنا بيكون الريفرا الفرنسية 6 أيام ويوم رحلة السيارة الألف كيلو اللي ودنا نشوف فيها الريف الفرنسي والمناطق اللي مايروحون لها عرب كثير بنمر عليها مرور الكرام فقط ونصور ..
كنا نقدر ناخذ قطار أو طيران داخلي لكننا شباب فينا طاقة ونحب نجرب أشياء جديدة =)
*
أسئلتي :
1) صاحب مكتب يوروركار في مطار الكويت قالنا ضرائب الطريق من كان إلى باريس مشمولة سعر التأجير اللي هو 90 دينار لمدةالسبع الأيام الأولى , فهل هذا الكلام صحيح ؟ هل راح ندفع شي أخر في الطريق ؟
2) الطريق بيكون عشر ساعات تقريبا بدون توقف , راح نحتاج وقت إضافي عشان نوقف للأكل مرتين ممكن . فشنو أبرز المناطق (اللي ماتتطوف) مثل مايقولون, بين كان وباريس
على طريق a7 - a6 المقترح علي من قوقل ماب

3) محطات البانزين , هل الديزل مكلف (السيارة غالبا بتكون قولف ديزل) ؟

4) وإذا فيه نصائح اخرى ممكن تفيدوني فيها جزاكم الله خير =)






--

مواضيع عشوائيه ممكن تكون تعجبك اخترناها لك:

• ارجو المساعده رجاء
• با غ يس و نيس تحت الدراسة و التدريس يا آخوان
• شهر العسل بَ فرنسا نصايحكم
• كمية الشنط في القطار في باريس
• استفسار لرحله 3 ايام بباريس
• استفسار صغنن
• الحلقة الثالثة والأخيرة زيارتي القصيرة لحلب الشهباء اكتوبر
• بسافر لحالي مع اطفالي ساعدوني
• استفسارات
• رحلتي الاولى لباريس مطلوب جدول سياحي من فضلكم يشمل بروكسيل و هولندا و باريس
• ساااعدوني ف المخطط لأوربا
• استفسار بخصوص التنقل بالسياره واستفسار عن التاكس فري
• ارجوكم تجاوبونى
• ياريت تساعدوني ابي جدول حلو ومرتب حق فرنسا
• ديفون ماذا افعل هناك
• لو سمحتو
• تخطيط رحلتي لأوروبا
• استفسارات فرنسيه اسبانيةة
• احتاج مساعدة لتخطيط رحلة الى مدن فرنسا باريس ومدن اخرى
• ديزني لاند وباريس

سفرة سعيدة اخوي

بالنسبة لضرائب الطريق فيه بوابات على الطرق السريعه تاخذ كرت اول ماتدخل الطريق واي مخرج عليه بوابة تدفع فيها مبلغ على حسب المسافة اللي قطعتها بالطريق


تقريبا 1000 كيلو بتدفع عليها 20 يورو


والمحطات اكيد متوفرة على كل الطرق السريعه وفيها كل ماتحتاجه من اكل وتموين وراحه


وسعر الللتر بنزين تقريبا يورو ونصف يعني سيارتك القولف تعبيها فل ب 70 يورو تقريبا


والديزل ارخص تقريبا ب15% من سعر البنزين


تحياتي

مشكورين ماقصرتوا ..



طيب والمناطق اللي راح أمر عليها وين احسن مكانين أوقف فيهم


بحاول اوقف ساعه في منطقتين على الطريق عشان مايكون دربنا كلها نسوق وبس




فيه على دربنا ديجون وليون اكبر منطقتين بس ماادري اذا فيه افضل منهم للتوقف

لإيه تقرير لراعي امريكا عن ليون يثني عليها
فيه مدينه اخرها يذكرها مشرفنا باريس وبس طبيعه اكثر واحلي ناسي اسمها والمشكله قوقل ماب ما يشتغل عندي

شكرا لك

إن حصلنا وقت كافي إن شا لله راح نمر على ليون وبنكتفي في منطقة وحدة

مشكور اخوي على المعلومه توني انتبه للرد اليوم

احنا مسافرين بعد باجر ان شالله والحمدلله ااني لحقت وقريت الرد !


بس ماحصلت هذا الطريق فقوقل ماب من وين اطلع له ؟ من كان الى باريس خط واحد ؟

https://maps.google.com/maps?saddr=%...mra=ls&t=m&z=6

هو يقول الطريق رقم 7

شكرا لك زيلمساوي

العفو يامديرناا

حدي ابها شكرا لك