الموضوع: استفسار عن دراسه اللغه

السلام عليكم

الي يقدر يفيدني حول موضوع دراسه اللغه في امريكا

بصراحه انا مقتنع و ناوي ادرس لغه لمده 3 شهور لين ال4 شهور مع اني اداوم لكن باخذ اجازه طويله شوي اغير فيها روتين الحياه الي انا فييه ف الي عنده فكره او خبره في هالموضوع يقدر يفيديني عن ولايه يوجد بها معهد

وعن التكلفه كم بتكون وبصراحه ناوي اشيل معاي زوجتي وولدي وااجر شقه

وماعندي مشكله عن الاسعار يعني مايهم لو يكون في ولايه كبيره او غاليه شوي مثل فلوريدا ولا ميامي وسمعت ان هالمدينتين فيها معاهد كثيره و الحياه فيها حلوه ف عندكم فكره عن معهد في هالمدينتين وعن اسعارهم ..!! وحتى لو رحنا بعيد صوب سان فرانسيسكو او كاليفورنيا مافي اي مشكله بعد

في الانتظار وجزاكم الله خير

مواضيع عشوائيه ممكن تكون تعجبك اخترناها لك:

• الدراسه في امريكا
• مطلوب جامعات بريطانية تبدأ الماستر في يناير أو كل ترم
• الى الاخ ملبورن وأهل الخبرة دراسة اللغة والماستر ؟
• أفضل مدينة للدراسة في امريكا
• سؤال عن معاهد في اكسفورد
• رأيي الشخصي بمعهد
• استفسار عن دبلوم المختبرات الطبية
• استفسار حول تعلم اللغه في ويمبلدون
• نداء الى كافة الأعضاء وأصحاب التجربة بذات عمنا ملبورن
• جامعه من يدرس فيها
• سؤال مهم
• عندي اسئلة عن دراسة اللغة؟؟بليزز ضروري
• طريقة لإكمال دراستي ؟
• ايهم افضل جامع وبست منستر او كولج اوف لندن؟
• ضروري جدا الرجاء المساعدة
• اماكن للدراسة فى لندن تقبل تدفع نصف الملبغ الان والباقى مع هناك
• طلب مساعدة عاجلة
• ليش ما فيه أحد وده يساعدني وينك أخي ملبورن
• قرار الابتعاث والاركاب
• الله يخليكم ساااعدووووووني

حياك الله اخي الكريم

بالنسبة للتسجيل فالمعاهد عن طريقك انت والامر ياخوي سهل وانا إن شاء الله معاك لنهاية الخط لاتحاتي

وشتبي في المكاتب وعوار الراس !!

المهم

السكن طال عمرك بيكون في شقة خاصة مب فندقية

لان الفندقية موجوده بس بتكون غاليه صراحة

http://www.oakwood.com/

http://www.execustay.com/

هذي مواقع للشقق الفندقية وصراحة من الاسعار غالية !!

http://www.corporatehousing.com/default.asp

هذا موقع يدورلك شقق فندقية

انت سلمك الله اذا نويت السكن تكون مراسل المعهد انك تبي كذا وكذا

يعني مثلا لو تبي تدرس في معهد اللغة اللي في مقاطعة اورنج كاونتي ( جنوب لوس انجلوس ) في مدينة ارفاين

تبعد ماتسجل ترسل للمعهد ان عندك عائلة وتبي سكن شقة او بيت

عاد هو بيتواصل معاك

وكل معهد عنده مكتب خاص لخدمة الطلاب يعني مايهمك امورك طيبة إن شاء الله

والمعهد رسومه نعم 1000 الف دولار بالشهر شاملة الدراسة والكتب ودخول معمل الكومبيوتر والنشاطات الخارجية والتأمين الصحي

بس يبقى عليك سروم اضافية هي تامين زوجتك المصون وولي عهدك

المعهد سلمك الله دوامه فل تايم يعني من 5 الى 6 ساعات يومياً

يعني السعر حلو على الوقت اللي بتدرسة وهذا 5 ايام فالاسبوع !!

والسيارة الحمدلله وافقتني على الاجار

واغلب الشركات عندها اجار شهري يعني ماتحاتي طال عمرك

والحسبة طلعتها لك مع السياره وكل شي قول 5000 خمس الاف دولار

فـ انت الحين تعملك دراسة الخيارات اللي قدامك وتختار المكان اللي تبيه

وترتب دوامك وعقبها تتوكل على وتراسل المعاهد

واحنا معاك مايهمك امورك طيبه اخوي

واسال اي شي تبيه

اخوك بومحمد

حياك الله اخي الكريم

بالنسبة للمعهد في لونغ بيتش شفت

ان دوامه 7 ساعات من 9 الى 4 العصر

http://www.ccpe.csulb.edu/ALI/programs.aspx?pID=7

بتلقى بوسط الصفحة جدول مبين اوقات الدوام الاسبوعي ومواعيد الحصص

وفيه شغلة مادري تعجب او تضايقك

وهو عنده نظام الترم اللي عادة تكون مدته 4 شهور

http://www.ccpe.csulb.edu/ALI/Schedule.aspx

اما بالنسبة للقبول

انت تتصل عليهم عن طريق التيلفون او ترسل لهم ايميل تستفسر عن القبول

وهم بيقولون ارسل لنا ارواق كذا وكذا

والرابط مبين فيه الرسوم للاترام .. وطبعا في مثلا للسكن بس هذا للي بيسكن في غرفة مشتركة في سكن الجامعة وعموما هذا مايناسبنا

وايضا بنفس الصفحة مبين سعر التأمين

وانت يوم تقدم على المعهد ويوافقون وكل شيء تمام .. تقول لهم انا عندي مرافقين .. مرتي وابني

بيرسلون لك القبول على هيئة ورقة اسمها I 20 عشان توديها للسفارة ومعاها ومسجل ان عندم مرافقين

لان فيزتك دراسية والزوجة والابن مرافقين

وطبعا بيكون معطينك قبلها اسعار التأمين اذا تامن عليهم واكيد الافضل يكون من هناك

ماعليك لاتحاتي

اما بالنسبة للسكن

صراحة انا ماعندي المعلومات الكافية عن الشقق المفروشة .. وعلى كلام احد الاخوان ان هالشقق اسعارها غاليه

يمكن توصل الى فوق 3000 دولار

فـنصيحتي لك لاتاخذ شيء قبل ماتوصل

لان امر وارد تحجز شيء ولما توصل مايعجبك

افضل واحسن طريقة هي انك تحجز في فندق من البلاد لمدة اسبوع

واحسن طريقة عشان السعر , الحجز عن طريق الانترنت

واول ماتوصل بالسلامه تروح للمعهد وتقابل المسؤول عن الطلبة الدوليين

في مكتب الطلبة الدوليين .. وتقولهم انا محتاج سكن .. وهم بيدلونك على اسماء العمارات وارقام هواتف المكاتب المسؤوله

كانت شركات تملك هالعمارات او مكاتب عقارية

وانت تشوف اللي يناسبك وتتوكل على وتحجز

وعشان تتأكد زيادة .. يوم تتصل على المعهد عشان تسجل قول لهم انا ابي شقة من كذا غرفة

بيقولونلك هم شتسوي

تحياتي

اخوي يعطيك العافية ابي استفسر منك على معهد اللينوي لأني جبت قبول منه وصراحة متخوف لأني فيه واحد حكالي انه في عرب كثر

سترينجر مااان ما قصرت معاااي و تعبتك وياي الغالي و اذا عندي اي استفسار بخصوص هالموضوع بتواصل معاك ..

كلك ذوووق ^^