الموضوع: إخواني ما أفضل طريق بري للكويت من الرياض ؟

بسم الله الرحمن الرحيم

السلام عليكم ورحمة الله وبركاته

لم يسبق لي زيارة الحبيبة الكويت

أنوي زيارتها لقضاء إجازة العيد إن شاء الله

لكني محتار عن الطريق البري الأنسب

هل هو عن طريق الشرقية أم طريق الحفر ؟!

بارك الله فيكم

مواضيع عشوائيه ممكن تكون تعجبك اخترناها لك:

• بيت الكويت للاعمال الوطنيه
• عاجل جداً تكفون ياجماعة
• ما هو افضل وقت لزيارة الكويت؟؟؟
• ✗ ┋ تجــربتي مع كافيه بزه حكـآيــه بنت صغيــرونهـ ✗ ┋
• هلا فبراير يدعو الجمهور لوضع برنامج المهرجانساهم بافكارك
• بنات الكويتـ أبحث عن المساعدة الاسئلة بساحة الاستفسارات
• انا جآي سيآحة للكويت يوم الأحد وأبي مسآآعدهـ
• ساعدوني
• قريباً برج التحرير يفتح أبوابه للزوار
• هل الوقت مناسب نجي الكويت
• قسائم هدايا من طيران الجزيرة
• أين يوجد بوتيك شانيل في الكويت
• ₪ணжணжஇاسحورنا في مطعم فاكتوري الاسيوي و الحلى من حياكم இжணжண₪
• اعلان رائع لـــ
• استفسار عن الفندق الدولي في السالمية
• فلاي اكسبرينس
• احداثيات الكويت
• بوتيك ايف سان لوران ب
• هل فيه فندق في الرقعي اسمه الرقعي بالاس ؟
• ابغى استفسر عن حاجه

حياك الله اخوي مهند ورحله موفقه انشاء الله

مهند حبيبي انا بنسبه لي
افضل طريق الشرقيه الخط مافيه زحمه اما خط الحفر زحمه
ونت وهواك وحياك الله في الكويت

بالنسبة للخط يقولون الأفضل هو طريق الشرقية الدمام -أبو حدرية - الخفجي ..

وأنا يوم اروح كان فيه حفريات وتعديلات ..

ورحلة موفقة وسعيدة ..

السلام عليكم ورحمة الله

اخي مهند حياك الله بين ربعك واخوانك

ويالنسبه للطريق انا افضل

من الرياض الي جسر جوده

ومن جوده الي النعيريه 200 كيلو خط واحد رايح جاي

والافضل تقطعه في نهار لكثرت الابل

ومن النعيريه الي الخفجي ثم الكويت


او انك تكمل من الرياض مرورا بالدمام

الي الجبيل الي الخفجي الي الكويت ( اغلبه خط سريع )

لكن افضل الاول لانه مختصر وشرح

يهلا وغلا فيك اخوي ويمرحبابك والساعه المباركه يوم تنورنا


تطلع من الرياض تمشي تقريبا 250 كيلو وبعدا يجيلك جسر جوده تمسكه وعلي فكره هذا الخط بيكون لاين واحد يعني مو خط سريع وبعدها راح تصل للنعيريه ومن النعيريه راح تمشي بعد خط واحد تقريبا 30 كيلووبعدها راح تمسك خط السريع من النعيريه للخفجي ومن الخفجي للكويت


انابراي هذا احسن واقل زحمه واقرب


وانت لك حرية الاختيار


فمان الله

حياك الله اخوي مهند بالكويت

اخوي زي ماقالوا الاخوان الرياض -جودة -النعيرية -الخفجي -الكويت اناماشي من الرياض الساعة 7صباحا والساعة 1ظهرا داخل الكويت كنت امشي تقربيا 120 يعني مريح البال لكن 00000000000000000000000000000000لاتمشي في ذا الخط في الليل نصيحة كلة بعارين بغينا نروح فيه في احد المرات 0

والله فية طريق مختصر وخط واحد رايح وجاى ومافية زحمة .

أول ماتطلع من الرياض أسلك خط الدمام 25 كيلو وتمسك طريق رماح 80 كيلو وأدخل رماح وخذ طريق شوية 75 كيلو متر وواصل مسافة 70 كيلو تجيك قرية الرفيعة ومنها مسافة 80 كيلو الى قرية العليا .

ثم يجيك خط يمين وخط يسار ومقابلها محطة أسمها النجمة خلفه طريق معبد مسافة 27 كيلو متر يوصلك لطريق قاعدة الملك خالد بحفر الباطن وأنا كنت ماشي عليةقبل رمضان والعمال مستمرين بالعمل باقى مسافة 7 كيلو طريق ترابى . بعده يجيك طريق القاعدة يمين ويسار . خذ الأيمن الى طريق أبو حدرية الخفجى والكويت ومسافتة 24 كيلو متر ثم أتجة يسار الى الخفجي 45 كيلو متر ومن ثم الى دولة الكويت .

وش رايك على الفكرة المختصرة .

ملاحظة ::: أنــتـــبــــة فى السير ليلا .

الله يحييكم ويبارك فيكم وتسلمون جميعاً

ما حببني بزيارة الكويت إلا طيب أهلها

عيال عمنا وماهي غريبه عليكم

بيض الله وجيهكم في الدنيا والآخرة

لكن يا شباب جسر جودة هذا ما أخبره على طريق الشرقية !!

هل فيه لوحة مكتوب جودة ولا كيف أعرفه ؟

وهل فيه لوحات توضح طريق النعيرية والخفجي ؟!

على فكرة السفرة عائلية أنا والمدام الله يحفظها

توجد لوحة بعد 250 كم من الرياض تبين طريق جودة صراحة الطريق جيد لكن من النعيرية الى المفرق المؤدي الى الطريق الجديد المودي الى الخفجي وطوله 30كم نصيحة اربط الحزام وتمسك بالدركسيون زين وسكر الفتحة ان كنت فاتحها :109: امزح بس المسافة هذي لك عليها شوي يعني حفر وجفر بس عادي تحمل كلها ربع ساعة 0:11ight:

الله لا يهينك أخوي تفتيش جعلك سالم ما قصرت

اخوي مهند من يوم تدش طريق جوده خلك ماشي سيدا علي طول 190 كيلو بس دير بالك من المطبات خلك مركز عدل:109: :109:

ونهاية طريق جوده فى دوار هذا بدايه النعيريه اخذ الدوار يمين وكمل سيدا لا يمين ولا يسار تطلع من النعيريه طريق تقريبا 30 كيلون وخلك مصحصح للطريق ونهايه الطريق يصادفك طريق اجباري يا يمين اهوا اللى يوديك للشرقيه ولا يسار يوديك للكويت ويخلي الخفجي علي ايديك الييمين ولا تمر علي الخفجي يوصلك للحدود ولما تدش الكويت يصادفك خط سريع بعد خلك سيدا تقريبا 120 كيلو يصادفك دوار وهني تكون بالعاصمه


وبالسلامه والله يستر عليك من الطريق


فمان الله

مشكورين يا شباب الله يجزاكم خير ويجعلكم من عتقاءه في هذا الشهر الفضيل

الطريق واضح إن شاء الله لكن مشكلتي حتى الآن في السكن لم أجد لها حل

المشاركة الأصلية كتبت بواسطة مهند96


مشكورين يا شباب الله يجزاكم خير ويجعلكم من عتقاءه في هذا الشهر الفضيل
الطريق واضح إن شاء الله لكن مشكلتي حتى الآن في السكن لم أجد لها حل




أذا رحت عن طريق جودة فية شقق كثيرة فى النعيرية والخفجى ... لاتنقل هم ب 200 الى 300 ريال لليوم الواحد .

السلام عليكم ورحمة الله وبركاته

مجرد سؤال إخواني الأعزاء كم كيلو من الرياض للكويت على نفس الطريق اللي تقولون عليه اللي هو الرياض - جودة - النعيرية - الخفجي - الكويت.
طيب وممكن تقوللي الرجعه من الكويت إشلون برضوه وتسلمون لكم كلم إخواني الأعزاء.:101: :106:

انصحك يا اخوي ان تجرب طريق الرياض - القصيم 128كلم مخرج المجمعه ثم الى حفر الباطن منفذ الرقعي ثم داخل الكويت 110 كلم حتى مدينة الكويت

المشاركة الأصلية كتبت بواسطة خالد بن خالد


انصحك يا اخوي ان تجرب طريق الرياض - القصيم 128كلم مخرج المجمعه ثم الى حفر الباطن منفذ الرقعي ثم داخل الكويت 110 كلم حتى مدينة الكويت





أخوي خالد طيب الخط واحد رايح جاي وإلا خطين كبااااااااااااار والله يعطيك العافية

المشاركة الأصلية كتبت بواسطة خالد بن خالد


انصحك يا اخوي ان تجرب طريق الرياض - القصيم 128كلم مخرج المجمعه ثم الى حفر الباطن منفذ الرقعي ثم داخل الكويت 110 كلم حتى مدينة الكويت




هذا أفضل طريق والأقرب :24:

انا كويتى وكنت مقيم بالرياض لغرض الدراسه لمدة 4سنين وانهيناه والحمد لله بنجاح وانا اسافر من الرياض للكويت او العكس معدل 3 مرات بالشهر يعنى حفظت الطريق وانا مغمض جربت كل الطرق وبعد كل تلك السنين من السفر ثبت ان افضل طريق من الرياض للكويت هو طريق الرياض جوده النعيريه ثم الكويت أذا كنت بالنهار طبعا لكن اذا كنت مسافر بالليل فأفضل طريق هو الرياض الدمام ابو حدريه ثم الكويت

الله يحفظك انتبة للرادرات السرعة
في التأني السلامة وفي العجلة الندامة

جوده النعيريه الخفجي الكويت سهل جدا
يعني الطريق كله وانت مريح تجيبه بـ 6 الى 5 ساعات
وانت بالحدود