الموضوع: القانون في مدينة العين الاماراتيه

مساء الوردات يا الغوالي كيف حالكم عساكم طيبين ..


اخواني واخواتي هل تنصحوني بالدراسة في مدينه العين ..؟؟

ادرس القانون بالكالريوس ...

وهل فيها اختلاف كبير عن الدراسة في الجامعات السعودية ..

بما انني فتاه .. سكون بمفردي هناك

احب مدينه العين الاماراتيه ولاجل كذا فكرت فيها من بين كل الديار ..

لكن ابي استفسر اكثر كم تبعد بالطيارة عن الرياض .؟؟ كم ساعة

وكم المسافه بين الرياض والعين في الامارات بالكيلو .؟؟ ؟؟


شاكره لكم تعاونكم وشكرا لك من مر هنا ولم تسمح له الفرصه بالرد

وشكرا مقدما لكل من حمل نفسه عناء الرد والفائدة ..

دمتم في حفظ الرحمن ..

مواضيع عشوائيه ممكن تكون تعجبك اخترناها لك:

• دليلك الشامل لل
• قاموس جامعة كامبريدج لتعليم الانجليزية
• اسئله واريد جوااااااااب
• استفسار عن دراسة اللغة داخل وخارج السعودية ؟
• اللغة الاسبانية
• المنصورة دقهلية
• تعلم نطق الكلمات لتسع لغات بالصورة والصوت والترجمة
• عبارات انتبه عند سماعها
• هدية الاماراتي لمحبي تعلم لغة البشتو
• موقع ممتاز لتعليم الانجليزية بالصوت والكتابة
• شباب طلب؟؟؟
• دعوه للمشاركه بأفضل الكتب لتعلم اللغة الانجليزية
• اللغه الفارسيه وتحولاتها
• احتاج الى برنامج عربي اوردو
• تدشين جامعة السوربون بأبوظبي أكتوبر المقبل
• تعلم الاسبانية صوت وصورة مع الشرح
• أريد أسطوانات تعلم اللغة الإنجليزية
• أريد أسطوانات تعلم اللغة الإنجليزية
• × الكلمة وضدها
• معهد في السعودية لتعليم اللغه الروسيه

مرحبا أختي الكريمة...العين هي مقر جامعة الامارات الرئيسي وكذلك توجد بها جامعات أخرى مثل جامعة العين وجامعة أبوظبي...والدراسة فيها لا أعتقد أنها تختلف كثيرا عن جامعات السعودية...ولكونك فتاة فأنا أرشح لك العين كأفضل مدينة في الامارات مازالت تحتفظ بتقاليدها ومحافظتها...والمسافة بالطائرة (عن طريق مطار أبوظبي) ساعة ونصف...لأن مطار العين خبري به لبعض الرحلات الآسيوية والعربية...ولا أدري عن الخليجية....أما المسافة بالسيارة...الطريق القديم (عن طريق الهفوف 1000كم أما الجديد عن طريق الخرج أعتقد أنه 750 فقط والله أعلم...

مرحبا فيج اختي فالعين وعندنا وايد يدرسون من دول الخليج وبالنسبه لستفسارج ,, بتاخذين 8 ساعات لو رحتي مع طريق حرض
و 10 ساعات لو رحتي مع طريق الدمام لحد علمي ,,,, واي سؤال عن العين ترانا فالخدمة

الدراسة بالعين حلوة ورايقة وهادية
بس انا عندي رأي
دامك بترسين وبتسافرين ليش ما تشوفين دراسة بجامعة الشارقة.
اعتقد خيارات الدراسة هناك اكثر
ما ادري عن القانون ولك التخصصات متنوعة وأكثر...

يااااااااربي يعيطكم ألف عافيه .. ما خاب ظني فيكم يا اهل العين طول عمركم طيبين واخلاقكم عاليه ..

ولا هنت ياراعي اسفار واحمد العين وخالد .. عسى الله يحميكم من كل شر يارب ..

وشكرا على المعلومات الطيبه .. تدرون انكم شجعتوني اكثر واكثر على هذه الخطوة ..

أما بالنسبه لأقتراحك اخوي للدراسه في الشارقه على العين والراس لكن انا احب مدينه العين

وابيها مهما كانت ..كنت اتمنى احصل هنا صور لمدينه العين ههههه مع ان عندي ملف كامل لها

الله يسعدكم دنيا وآخره ..

الله يوفقج بدراستج انشاءالله ...

شكرا لك ولدعواتك الطيبة .. ما تقصر


:24:

هلا اختي رووح

الدراسه في مدينة العين مب صعبه ولا شي بالعكس الجامعه كلها بنات وفيه سكن داخلي للبنات وكل شي تمام التمام وبالنسبه للدكاتره فيها وهالاشياء بصراحه ما اعرف
ونفس الشي جامعة الشارجه ,,,, خخخخ انا بكالوريوس تخصص جامعة الشارقه اعرفهم عدل مدل
الجامعه اجدد عن جامعة الامارات ولكن الدراسه اعتقد متشابهه ولكن جامعة الشارقه خاصه ومصاريفها اعتقد زادت هالسنه لاني انا تخرجت منها من سنتين وسمعت من وحده كانت بتسجل ان المصاريف زادت ولكنها جامعة محافضة وقوانينها صدق قوانين لصالحه للطلاب ,,, وكنت اعرف وايد بنات سعوديات وخليجيات درسو معايه وكانو تقريباً مثل العائله يعني لا تضنين حتى لو درستي في العين انج بتكونين غريبه بالعكس بتحسين من اول مره تشوفين البنات انج تعرفينهم
ونصيحه اختي قبل لا تقررين سيري شوفي الجامعتين بعينج وصلي استخاره وعقب قرري

الله يجزاك الجنة يالغالية






وكانو تقريباً مثل العائله يعني لا تضنين حتى لو درستي في العين انج بتكونين غريبه بالعكس بتحسين من اول مره تشوفين البنات انج تعرفينهم



ما يحتاج تعلميني في بنات العين .. والامارات بشكل عام ..

طيبة وكرم واخلاق .. ربي يحفظهم إن شاء الله ويسعدك انتي دنيا واخرة

ااختي ماادري هذا قرارك بس السعوديه فيها اكثر من 25 جامعه حكوميه واهليه
واذا بحكوميه راح تاخذين مكافأة بدل الغربه خاصة انك بنت
بالتوفيق

اختي الله يوفقك وين ماتروحين ..بس دامك تبي تدفعين مصاريف دراسيه . ومشاكل الغربه اذا انتي لوحدك ....انصحك بجامعه دار العلوم بالرياض ..صحيح الخليج كلهم اهل لنا ..لكن بين اهلك افضل
اضافه الي ان جامعه العلووم قسم القانون لديها ثلاثة اقسام الجنائي والتجاري والعام ...
بالتوفييق للجميييع ..

شكرا ع النصيحة يا فهد واوعدك اني اخذها في عين الاعتبار