الموضوع: افيدوني عن المقابلة في الرياض

السلام عليكم ورحمة الله وبركاته

كيفكم ان شاء الله بصحه وعافيه

انا الله يسلمكم ناوي اسافر امريكا ولاية كنتاكي مدينة لكسنجتون

عندي دوره مدتها شهر ونص بعد عيد الفطر ان شاء الله

وعبيت ابلكيشن D160

وسددت رسوم التأشيرة

واليوم وقبل شوي اخذت موعد وطلع لي موعد بعد ثلاثة ايام



يعني اوراقي كامله وجاهز بس اللي ابي اعرفه وش اللي يصير في المقابله ووشو بتكون اسئلتهم

وهل فيه تعقيد

والدول اللي سافرت لها
الصين
ماليزيا
مصر
الكويت
بريطانيا
البحرين
الامارات
اليمن

مدري وش وضعها عند الامريكان

والشي الثاني اللي ابي استفسر عنه موقع السفاره
اعرف مدخل السفارات اللي على الدائري عند نقطة التفتيش وبعدها الدوار الأول
وبعدها وين اروح

وثالث شي وشكلي كثرت عليكم
وش يفضل البس
ثوب وشماغ ولا بنطلون

ويعطيكم العافيه

مواضيع عشوائيه ممكن تكون تعجبك اخترناها لك:

• أخيرا وبعد يوم من الإنتظار
• كيف واحد يدرس ويشتغل في وقت واحد في امريكا؟
• تكففووووووووووووووووووووووووون ردو
• هل توجد بعثة جديدة قادمة للدراسة في أمريكا ؟
• طلب استشارة و ترتيب جدول
• رجااااااااااء ساعدونى
• للمسافرين لشيكاغو
• بنت الصقور وخبرا امريكا لو سمحتو
• مساعدتي لسفر الى امريكا
• سؤال عن الاكل في امريكا حلال ام حرام الفاست فود
• هل امريكا امنة وشعبها ودود لعرب ؟
• استفسارات من مسافر جديد
• عندي حساب في بنك أمريكي ؟؟؟؟؟؟
• لدي فيزا سارية و أريد استخراج فيز لزوجتي و أولادي هل انا مطالب بنفس المطاليب؟
• نهر الثعبان
• لدي عدة أسئلة في النماذج؟؟؟
• للأهمية القصوى الاي تونتي من معهد اللغة
• استئجار سياره في الولايات المتحده الامريكيه
• لوس أنجلوس مدينة أنهايم
• استفسار لوس انجلوس

أول شي طقققققق الجنز .. لاتلبس ثوب .. رايح لليمن وتلبس ثوووب بعد .. بالنسبة للدول مافي مشكلة لكن اليمن ؟؟؟ مدري والله عنها لكن ان شالله خير ...
راح يسئلونك لو انت طالب متى دخلت الجامعة وبأي مستوى .. ولو انت موظف وين تشتغل وين رايح ؟عند مين ؟ هل سافرت قبل امريكا ..؟؟ ليه رحت اليمن ..؟ ليه اخترت امريكا تاخذ دورة فيها بالذات ..؟ لازم تتطايق الابليشكن جميع الاجوبة يلي في المقابله .. أهم شي خلي اخر همك الفيزا ولاتبين لهم انك مهتم ومرتبك زي ماتجي تجي وراح تجي ان شالله ..

اذا دخلت السفارات روح للدوار يلي عند ساحة كندي .. ومن الدوار رووح يمين تلقى مواقف يسارك وقف فيها هناك السفاره
دوار ساحة كندي الظاهر ثالث دوار ..

بالتوفيق لي ولك

الله يعطيك العافيه الصباح الطويل

والله اني متخوف شوي من هالمقابله من كثر ما اسمع عنها

ويازين مقابلة البريطانيين ولا سؤال سألوني

قالوا لي هات اوراقك واقلب وجهك واذا جهزت اتصلنا عليك

قلت للهندي اسألني ليه مسافر ووين سافرت قبل كذا قال كل شي مكتوب في اوراقك ليش اتعب نفسي اسألك
انقلع وبيجيك جوازك بعد يومين والتأشيره مطبوعه عليه

ابشر طال عمرك

اتوكل على الله والامور ان شاء الله سهاله والاسئله عاديه وروتينيه اما بخصوص اللبس فهذا الشي راجع لك

ومااعتقد يفرق معاهم الشكل ونوعية اللبس اما عن اليمن ان شاء الله مايسألوا عنها انا مسألوني عن

سفري لسوريا .

لآتشيل همها ولا شي
مقابلة عاااااادية ولا فيها اي تعقيد
بيسألك كم سؤال بسيط مثل ما ذكر http://www.arabtravelersforum.com/user318342/
وبعدين بيعطيك ورقة تعطيها للفيديكس
((وفيه فلبيني ظريف في الفيدكس اذا شفته,, اسطره.. بالله))
وعادي الوضع سهالات يعني لاتشيل هم

هلا والله اخوي

اول شئ ماشاءالله لقيت موعد قريب .. تستاهل والله

وبالنسبه للمقابله انا كانت مقابلتي 26 جون يعني قبلك بـ 3 ايام قسم بالله ما توقعت الامور سهله كذا

وان شاءالله تمشي امورك زي ما تبي

واذ تبي تفاصيل مقابلتي هذا الرابط

http://www.arabtravelersforum.com/travel399095/

و اي استفسار تفضل انا موجود

وشكرا