الموضوع: هل هذه مشكلة تستاهل اجل السفر ام لا؟

السلام عليكم ..

والله احس صرت متوتر من السفر اكثر من الزواج نفسه ...
مشكلتي ..بعد ما صار كل شي تمام قمت ابي اتاكد من حجز السيارة عن طريق رنتل كار ..
وقلتلهم بطاقتي مسبقة الدفع الراجحي ..قالي للأسف غير مقبولة ..
حاولت من هنا وهناك للأسف وماطلعت بفايدة ..البنوك قفلت وسفر بعد العيد مباشرة ..


الحل ..
المشكلة ما مالقيت اسعار زينه عند الشركات الباقية ..


مثل يورب كار وسكست ..


لكن لقيت طلبي متوفر عند بدجت ..بس ماادري كيف وضعهم مع فيزا الراجحي ..


يقبولنها او لا ..






شي اخر ترتيب السفر كله ووكان ع السيارة ..


لكن بعد الي صار ..


ابي اسالكم كيف السفر بدون سيارة ..يعني ع القطارات ..


ينفع او لا
او اجل السفر الى وقت لاحق ..




المشكلة ماقد خطر ببالي موضوع القطارات ..وما عندي معلومات وافيه عنه ..




وكييف بيكون السفر لو كان التنقل عبر القطار ..؟

مواضيع عشوائيه ممكن تكون تعجبك اخترناها لك:

• ابي ازور سويسرا ساعدوني
• أبيها أوربية بتكونون ويانا ؟
• جنيف انترلاكنباريس مساعدتكم في الفنادق
• سفري بعد اسبوع ما العمل؟
• السلام عليكم - استفسارات
• سويسرا رحلة أبريل تُشاهد في أبريل جنون الصور
• السلام عليكم ورحمة الله وبركاته
• سويسرا اول مرة ؟
• إستفسار عن شرائح الإتصال
• استفسار مهم عن مطار جنيف
• مساعدتكم في تخطيط رحلتي صيف
• ممكن اماكن السكن في انترلاكن
• الفــــــزعه يالمطـــــــــــــــــــانــيـــــــــــخ
• هل حجز النت لاستئجار السياره من اليورب كار مضمون
• من لوتربرونن الررراااااائعة مباااشرة ، احتاج مساعدتكم
• أول رحلةة لأوروباا ولا استطيع التقرير
• استفسار بخصوص مطار جنيف
• لوزيرن ام انترلكن والسويس باس
• خلاص رتبت البرنامج وانتظر تاكيدكم
• ارجو منكم مساعدتي خصوصا الاخ العزيز ابو عزيز او خبراء سويسرا

وعليكم السلام
السفر بالسيارة أفضل وأمتع
شوف بعض مواضيع الاعضاء قامو باستئجار السيارة ببطاقة مسبقة الدفع

اخي العزيز ليست مشكلة بإذن الله البطاقة اذا كانت بارزة الاحرف و الاسم نفس الجواز وصلاحية البطاقة فعاله

اذا ما لغيت حجزك في رنتل كار خلك عليه


قصتي في حجز السيارة

ذهبت الى بنك الراجحي واستخرجت فيزا مسبقة الدفع وراتبي على بنك اخر ولكن كان لدي حساب في مصرف الراجحي وبعدها بغيت احجز سيارة واطالع في الموقع يقول يجب ان تكون البطاقة بارزة الاحرف وغير مسبقة الدفع قلت الحين مشكله ورجعت للبنك مرة اخرى قلتله البطاقة هذي ما يقبلونها لانها مسبقة الدفع قالي هذي بطاقة فيزا واذا كانت فيها رصيد ما احد يدري عنها انها مسبقة الدفع وقال هذي مثل العاديه قلت له متأكد لا توهقني قال ابد امش والله يسير امورك وفعلا خرجت من عنده وانا خايف لان رحلتي كلها معتمدة ع السيارة المهم شحنتها بمبلغ قيمة ايجار السيارة 2800 وزودت عليها عشان التامين يسوون بلوك عليها الظاهر اني زودتها وحطيت فيها يمكن 6000 ريال مع قيمة حجز السيارة وفعلا وصلت مطار ميونخ وكملت باقي الحجز واخذو البطاقة وسوو بلوك ع مبلغ 225 يورو تقريبا
هذي قصتي مع بطاقة مسبقة الدفع وشركة يورب كار

نقاط مهمه يجب توفرها في البطاقه

1- بارزة الاحرف
2- جديده اقصد تاريخها
3- مبلغ الحجز
4- زود عليها مبلغ اكبر قد ما تقدر واذا كانت رحلتك كلها عليها حط فيها ما تستطيع
5- عدم اخبارهم انها تسوق
6- نفس اسم الجواز

تحيااتي لك وهذي تجربتي في مطار ميونخ مع شركة يورب كار الحجز كان عن طريق رنتل كار ،،،،،،،

اخوي السياره ليست مشكله كبيره بل بالعكس قد يكون التنقل بالقطارات ممتع اكثر خصوصا انكم شخصين شباب وليس معكم اطفال ولا عفش كثير ولكن اهم شيء هو اختيار السكن المناسب بحيث يكون في مناطق ليست ريفيه صعب الوصول اليها لذلك يجب ان يكون لديك خطه بديله وهي القطارات بحيث تقراء عنها وتعرف كيف يتم التنقل بواسطتها واذا لم تستطع استلام السياره تقص لك السويس باس وتعتمد على القطارات والباصات مع تمناياتي لك بزواج مبارك وحياة سعيده ورحله سهله وممتعه

حبيبي اذ بطاقتك بارزة الاحرف والارقام توكل علي الله وادعس ماحد درا عنك
الاشكالية في البطائق الغير بارزه مثل الاهلي ماستر كارد الجديده


اناقبل اسبوع كنت في جولة اروبية النمسا سويسرا المانيا استاجرت السياره من يورب كار من مطار ميونيخ حطيت مبلغ اكثر من قيمة الايجار وقبل السفربليلة سحبوا مني مبلغ التأ مين لاني طلبت تجهيز العقد مسبقا ويوم وصلت اعطيته البطاقة اخذها هي والرخصة لمطابقة البيانات وسلملي المفتاح ومايدري هي بطاقة مسبقة الدفع او فيزا عادية