الموضوع: الجدول اليومي في سويسرا

الحين بقولكم عن المرحله الثانيه وهي ستة ايام بانترلاكن تبداء بيوم الثلاثاء 1 اكتوبر

بالطريق وانا متجه لانترلاكن راح امر مصنع الجبن والشكولاته وقلعة غرير

وسكني بيكون بقرية غراندويلد
انا ودي امر لوزيرن واخذ جوله علي البحيرتين ثون والثانيه مدري وش اسمها
وابي اروح للاوشن سي والبلو سي
وابي اروح لشلالات الترومل باخ والجيس باخ والثالث مدري وس اسمه بس اخره باخ زيهم

وابي مطل الهارد كلم
وابجرب الطيران الشراعي
وكمان بروح لخانق نهر الار
وليس لي رغبه ملحه بزيارة اي من القمم الثلجيه
واذا لابد انصحوني بوحده ماتكون رحلتها طويله

وكمان ودي ازور مدينة بيرن


اما بالنسبه لشلالات الراين
انا محتار اخصص لها يوم ولا اخليها بالطريق وانا رايح لستراسبورغ اخر يوم


افيدوني بحيث تكون الرحله اليوميه لاماكن قريبه من بعضها ومتنوعه
وجزاكم الله خير

المشاركة الأصلية كتبت بواسطة محمد بن عمر
http://www.arabtravelersforum.com/tr...1/#post8074031

اول محطه هي ديفون الفرنسيه
ابتداءَ من السبت 28 سبتمبر
الوصول الساعه 2.50
وعلي ماستاجر السياره واروح اسوي التشك ان بالفندق يعني نقول 5 بالكثير خالصين
1 - وقتها وين نروح يمدي اروح لجنيف ولا اخليها بديفون بس

2- يوم الاحد ثاني يوم من الرحله حسب علمي بالصباح الباكر فيه سوق شعبي بديفون ولا انا غلطان
بعده وين اروح
انا ودي برحله بحريه ببحيرة ليمان وودي اروح لافيان وقرية ثانيه اسمها علي ماعتقد مجيف
وبعدها ويناروح لان اليوم بيكون يوم احد والاسواق اكيد مقفله

3- اليوم الثالث هو يوم اثنين
وناوي اروح فيه لمدينة آنسي والاوت لت اللي عندها وايش كمان

ممكن تخبروني وش اسوي بالثلاثه ايام هذي لو تكرمتو
.
.
مع ملاحظة اني ناوي اخلي زيارة مصنع الجبن والشكولاته بالطريق وانا رايح لانترلاكن

والله يوفقكم جميعاَ

وانتظروني بالمرحله الثانيه



.....
ماشاء اللة تخطيط ممتاز ولو انى افضل تقعد اكثر بديفون لان بجانبها مدن كثيرة جدا تستاهل
مثل جنيف - مونترو-انسى-ميجيف-شيمونيه-لوزان وغيرهم وتقلل من انترلاكن
..........
يا ريت لو تاجر السيارة من الانترنت قبل سفرك عشان ماتضيع وقت بالمطار

اول يوم يمديك حيل تروح جنيف وتقعد مثلا من الساعه 5 الى 11 بالليل مثلا ( المحلات تقفل الساعة 7 تقريبا لاكن المطاعم والقهاوى مفتوحه... صلاه المغرب 7:40 تقريبا )
........
ثانى يوم الاحد سوق الاحد بديفون وايد حلو للتمشى مثلا ساعتين وبعدين على الساعه 12 الظهر تروح لميجيف( تبعد حوالى ساعة ونص بالسيارة)تتمشى وتتغدى فيها وتقعد فيها للساعه 7 وممكن بالرجعه تمر بطريقك جنيف تتمشى على البحيرة ..... ((ما اشوف ايفيان تسوى بصراحه , مافيها شى زايد))
.....
يوم الاثنين أنسى وهى برأيي من احلى المدن وتستاهل يوم كامل
.....
اذا خصصت يوم رابع روح لوزان ومونترو ( بنفس الدرب المدينتين)
.......
بالطريق الى انترلاكن الافضل زيارة مصنعي الجبن والكاكاو

تسلم اخوي عزيز
تخطيطك عجبني وراح امشي عليه ان شاء الله
بالنسبه للوزان انا مريتها قبل سنتين وجلست بها يومين كامله مريت كل معالمها وماودي ازورها ثانيه
اذا فيه شيء ستاهل اني اجلس عشان او ازيد يوم عشان اروحله خبرني
لان حجوزتاتي قابله للتعديل
والف شكر لك وانظر تعليقك علي امرحله الثانيه

اخواني بالنسبه لمدينة بازل
انا لم اقراء عنها اي شيء ولم اجد لهااي تقرير
وودي اقضي فيها نهار كامل
وش تنصحوني
اروح لها من انترلاكن وارجع بنفس اليوم ولا ايش
وهل يوجد تقرير عنها

اخوي عزيز بالنسبه للسياره
انا تعمدت استاجرها من هناك وليس من النت
لان رخصتي السعوديه منتهي من عدة سنين وقديمه جدا وصورتي بها مختلفه
ولا استطيع اجددها بسبب حبيبنا ساهر

واملك رخصه دوليه حديثه
وراح ابحث بالمكاتب مباشره عند وصولي عن اجار من خلال رخصتي الدوليه وبطاقة الفيزا الراجحي المسبقة الدفع اللي معي

و اذا ما رضوا الا بالاجازة السعودية !؟
....
اذا كنت زاير لوزان من قبل فمالها داعى
...
بالنسبة لانترلاكن والمناطق القريبة منها فخبرتي فيها متواضعه ( قعدت فيها بس 3 ليالى هذا الصيف - انترلاكن جدا صغيرة واحس انها ماتستاهل اكثر من 4 ليالى )

الله يعطيك العافيه وماقصرت
وننتظر راي الخبراء بانترلاكن

من يفيدن بترتيب الجدول

بالنسبة لجدول انترلاكن
مقترحي للجدول اليومي كالتالي

اليوم الاول وهو يوم الوصول لجرينوالد بعد زيارة مصنع الشوكلاته والجبن وقلعة جريير
اليوم الثاني ,, زيارة قمة جزنغفرو لانها قريبة عليكم وتطلعون لها من محطة جرينوالد وممكن تزورون قبلها زحليقة pfingstegg
وهي في جرينوالد
اليوم الثالث ,, زيارة مطل الهاردر كلم ثم بحيرة الاوشن سي وبعدها بحيرة البلو سي
اليوم الرابع ,, شلال جيس باخ ثم شلال ريخن باخ ثم خوانق الار
اليوم الخامس,, زيارة لوزيرن والتلفريك المكشوف
اليوم السادس,, شلال تروميل باخ ومطل الهومفلو وممكن تستبدلون مطل الهوم فلو بالطيران الشراعي

شلال الراين ممكن تزورونه بعد مغادرة انترلاكن بالطريق الى بادن بادن ومن بعده تزورون بحيرة تيتسي
ثم مدينة فرايبورج ,, بالنسبة لمدينة بازل من وجهة نظري ما فيها شي يستحق الزيارة سوى حديقة الحيوانات
ومن رأيي تلغونها من مخططكم

بالنسبة للاماكن وترتيب الايام فممكن تغيرونهم على حسب ما يناسبكم

وبالتوفيق

الله يعطيكالف عافيه اخوي
بس بالنسبه لترتيب ازيارات داخل اليوم الواحد هل هي قريبه من بعضها

وثانيا بحيرة تيستي هل تستحق الزياره انا ماعرف عنها شيء صراحه

معظم الاماكن قريبة على بعض في الترتيب اللي وضعته وعلى نفس المسار
ما عدا اليوم الثالث لان مطل الهاردر كلم قريب على انترلاكن والاوشن سي والبلوسي يبعدن عن انترلاكن 44 كم

بحيرة تيتسي تستحق الزيارة من وجهة نظري والطريق لها جميل وفيها تقدرون تستأجرون القوارب
وهذا تقرير بيفيدكم عنها
http://www.arabtravelersforum.com/travel710447-2/

طيب بالنسبه لقرية انتركيرشن
ومدينة بيرن
ودي اعرف احداثيات الشارع الرئيسي ببيرن واماكن التسوق بها
وكذلك سمعت عن متحف صغير خاص وهو بيت العالم انشتاين
وقريب من النهر احد يعرف احداثياته

طيب بحيرة تيستي كم تبعد عن شلال الراين
وكم عن انترلاكن
وهل اخصص لها يوم هي وشلال الراين اتوجه لها من انترلاكن وارجع اخر النهار ولا لا

قرية انتركريشن مكانها بعد خوانق الار وممكن تمر عليها بعد زيارة الخوانق بس ما فيها شي سوى قرية صغيرة
سكن فيها بعض الاعضاء في الفترة الاخيرة وتبعد عن المدخل الغربي للخوانق حوالي 6كم

احداثيات مواقف السيارات في بيرن n 46° 56.945 e 7° 27.181
وهذي الاحداثيات قريبة من وسط المدينة وشارع التسوق

وبحيرة تيتسي تبعد عن شلالات الراين حوالي 70 كم والوقت ساعه
وتبعد شلالات الراين عن انترلاكن 174 كم والوقت ساعتين

والافضل زيارتها هي وشلالات الراين عند مغادرة انترلاكن وانتوا متوجهين الى بادن بادن

ومن الصعب زيارتها من انترلاكن والرجوع في نفس اليوم لانها بعيد

بيت اينشتاين موجود في وسط بيرن وقريب على احداثيات المواقف اللي وضعتها لك
وعنوان البيت Kramgasse 49
3000 Bern

ومفتوح من الساعه 10 الى الساعه 5 العصر
وهذا رابط بيفيدك عنه
http://www.bern.com/en/city-of-bern/.../einstein-home

وبالتوفيق

الله يعطيك العافيه اخوي مقدام
طيب ممكن احداثيات بحيرت تيتسي
هي تقع بالشمال عن شلاالات الراين ولا جنوب

وش يوجد ببيرن ممكن ازوره
حديقة حيوان او حديقه او مطل او اي شيء
وهل اسواقها ومحلاتها حلوه ورخيصه ولا لا

الله يعافيك اخي محمد

بحيرة تيتسي تقع شمال شلالات الراين وشمال سويسرا وهي على نفس طريقكم
الى بادن بادن اذا سلكتوا طريق الغابات السوداء
واحداثياتها n 47° 54.123 e 8° 9.077

بيرن فيها حديقة حيوانات صغيرة اسمها Tierpark Dählhölzli
واحداثياتها n 46° 56.038 e 7° 26.875

المحلات في بيرن حلوة لكن التسوق فيها مش رخيص حالها حال باقي مدن سويسرا
وفيه مركز تسوق (مول) قريب على بيرن اسمه ويست سايد
وهذا تقرير للخبير ابوعزيز جزاه الله خير بيفيدكم عنه
http://www.aboaziz.net/blog/?p=166

وبالتوفيق

جزاك الله الف خير
الله يوفقك

فيه احد يعرف احداثيات الاوتلت اللي بالقرب من ستراسبورغ

اقرب اوت لت لتراسبورج هو OUTLETCITY METZINGEN
اللي بالقرب من مدينة شتوتجارت

واحداثياتهN48 32.156 E9 16.791
وفيه الكثري من الماركات العالمية مثل ارماني - اسكادا - بربري - بوس - بوجنر - بالي- برادا
بولو رالف لورين- وغيرها الكثير ,,
http://www.outletcity.com/en/metzingen/

ويفتح يوميا من الساعه 10 صباحا الى الساعه 8 مساءا ماعدا الاحد يكون مغلق

ويبعد عن ستراسبورج 181 كم والوقت ساعتين تقريبا