اصحاب الخبره ياليت يشرفوني

**ahmed2** · 02-03-2015, 07:22 PM

السلام عليكم ..
اولا : نحمدا الله كثيرا ونفاخر بكم , وجزاكم الله خير على تيسير امورنا واختصار المسافات علينا .
ثانياً : ولله الحمد والمنه راح يكون شهر اكتوبر الجاي زواجي بتاريخ 10-10 , وعندي رغبه ملحه يكون شهر العسل بين باريس وانترلاكن او باريس وزلامسي , دخلت موقعكم المميز واستفدت كثير من التقارير بس ماني قادر اقص التذاكر بسبب خوفي من الاجواء هناك , وجلست اقارن بينها وبين ماليزيا وللحين متردد , ياليت الاخوان يساعدوني بخبرتهم , خايف يروح شهر العسل بالفندق مريض

مواضيع عشوائيه ممكن تكون تعجبك اخترناها لك:

**ahmed1** · 02-03-2015, 07:22 PM

وعليكم السلام
ووفقكم الله
سافرت أول اكتوبر وكنت في انترلاكن وكان الجو رااااائع

**ahmed1** · 02-03-2015, 07:22 PM

شكراً اخوي فيصل والباريسي على مروركم العطر

بس حبيت استفسر عن الجو يعني بيكون برد حيل وطريقة التنقل بالقطار بين باريس وانترلاكن بتكون طويله ؟

**alifun** · 02-03-2015, 07:22 PM

الجو جميل بكون بارد بس مو الي يعيق الحركه
ولا تحاتي جوهم ما يمرض
رحت مع عيالي والحراره ما تعدت 6 درجات والحمد لله مثل ما رحنا ردينا بدون مرض

**ahmed3** · 02-03-2015, 07:22 PM

الله يتمم لك ع خير
كنسل النمسا .. وخلك ع باريس وسويسرا
خط السير المناسب : باريس - جنيف- الريف الفرنسي وارشح لك بحيره انسي- انترلكن - جنيف والعوده للوطن
او
اذا خاطرك بالنمسا :
خل خط سيرك : فيينا - سالزبورع - زيلامسي- ميونخ - وبالطيران باريس والعوده للوطن
اختار واحد من هالخطين والله ييسر امورك

**ahmed1** · 02-03-2015, 07:22 PM

شكراً اخوي فهد الله يطمنك ..
كل الشكر اختي لندنيه واعجبني خط السير الاول وهو اللي راح اتبعه ان شاءالله بس ياليت تشرحيلي اكثر يعني التنقل بينهم اشلون راح يكون بالطيران ولا بالقطار ؟
الله لا يحرمك الاجر

**ahmedali** · 02-03-2015, 07:22 PM

اذا عجبك خط السير الاول من باريس لجنيف بالقطار 4 ساعات تقريبا ومننيف للريف الفرنسي قريب جدا نص ساعه لبحيره انسي ممكن تستأجر سياره وتستمع بالريف وتروح شيموني وديفون وبعدها ترجع لجنيف وبرضو بالقطار لانترلكن وناس تروح لها بالسياره وتستمتع بالتجول بين القرى والطبيعه والبحيرات
والعوده خلها من جنيف في تقارير كثيره لازم تطلع عليها