الموضوع: السفارة الفرنسية

السلام عليكم

اشلونكم عساكم بخير والله يعطيكم العافية

قصتنا قصة مع السفارة الفرنسية بالكويت

عبينا الابليكشن وعطيناهم الصور والفندق اللي حجزناه والتأمين

لحد ما سألنا الموظف شنهي وسيلة النقل اللي بنروح فيها لباريس

قلنا لهم عن طريق لندن بالقطار

عاد قالو الا نسوي فيزا لندن و نحجز القطار من اهني

فردونا

ورحنا سوينا فيزا لندن وحجزنا القطار من اهني بسعر خيالي غالي حييييل عن طريق احد السفريات

وناطرين موعدنا

بس المصيبة الحين ان السفارة مو قاعدة تسوي فيزا حق اللي بيسافرون بحجة ان الاوراق ناقصة او في غلط بالابليكشن ومن هذا القبيل

وبصراحة احنا خايفين من هالسوالف ان ما يسون لنا فيزا واحنا حاجزين فندق غالي هذا غير القطارات

فما ادري شنو نسوي معاهم يعني مو بنك كل شوي نحط مبالغ عليهم

وغير جذي هالقرار الا نسوي الفيزا من اول دولة من دول الشينغن

فماهو الحل !!؟

مواضيع عشوائيه ممكن تكون تعجبك اخترناها لك:

• محتار
• حددت عدة اماكن وعندي ايام كيف اقسم هالأماكن عالـ ايام بأقل توفير ووقت ؟
• التخطيط لشهر العسل
• مسافر الي باريس و لندن هل يكفي 40 الف ريال
• رحلتي العائلية الى سوريا
• مساعدة في ترتيب جدولي العائلي
• الاماكن السياحية سفري بعد شهر ان شاءالله للتحديث
• رحلتي الى باريس- اغسطس 2014 (صور وفيديو)
• سواق عربي في فرنسا والنمسا
• تكفون يالربع ضروري احتاج مساعدتكم
• استفسااااارات مهمة
• اول مره أسافر ان الله كتب فرنسا احتاج مساعدة
• خبراء باريس بليز ردو علي
• استفسار بخصوص الفنادق
• ابي مساعداكم برحلتي الاولى لفرنسا
• بسافر إلى فرنسا
• أستفسار
• سيارة مع سائق في باريس اسرع وقت ممكن
• استفسار عن طريقه التنقل بالقطار وجدل للسفره
• بروح باريس ومو عارفة شي ساعدوني جزاكم الله خير

وعليكم السلام ورحمه الله وبركاته
كيف سعر غالي
فيه عروض كثيره اتذكرها علي اليوروستار بين لندن وباريس

لو تعقدت قولوا لهم ما نبي نروح لندن وروحوا اي مكتب يسوي لكم حجز علي اي طيران بدون ما تدفعون فلوسه وخير يا طير يعني بيروح يدقق علي الطيران احسها مره صعبه
اصلا ما عمري دفعت ريال واحد سواء سكن او تذكره كلها من بوكينق او مكتب طيران للطيران ولا ادفع اقوله بمر عليك بعد 4 ايام

المشاركة الأصلية كتبت بواسطة oceanus
http://www.arabtravelersforum.com/tr...9/#post7852129

السلام عليكم

ما حدث امر طبيعي جداااا

وانا مر علي هذا الامر ..

السفارة الفرنسية تطلب تكت وصول مؤكد لفرنسا

وكان دخولي لفرنسا عن طريق القطار

فالطريقة انك تقطع تكت مؤكد للقطار من لندن الى باريس

وتعمل التاشيرة البريطانية


وعند التقديم على السفاره الفرنسية

ترفق صورة من فيزا بريطانيا وتكت القطار

وبالتوفيق

اي هذا اللي سوينا عقب ما ردونا بس الحين قامو ما يقولون الاوراق ناقصة لا قامو ياخذون الفلوس وعقب يقولون الاوراق ناقصة!

المشاركة الأصلية كتبت بواسطة فــيـصـل
http://www.arabtravelersforum.com/tr...9/#post7852463

وعليكم السلام ورحمه الله وبركاته
كيف سعر غالي
فيه عروض كثيره اتذكرها علي اليوروستار بين لندن وباريس

لو تعقدت قولوا لهم ما نبي نروح لندن وروحوا اي مكتب يسوي لكم حجز علي اي طيران بدون ما تدفعون فلوسه وخير يا طير يعني بيروح يدقق علي الطيران احسها مره صعبه
اصلا ما عمري دفعت ريال واحد سواء سكن او تذكره كلها من بوكينق او مكتب طيران للطيران ولا ادفع اقوله بمر عليك بعد 4 ايام



احنا حجزناه عن طريق سفاريات مو عالنت لان ما نعرف الطريقة فخذت السفاريات منا مبلغ 80 دينار عالشخص الواحد واحنا اسم علينا 8 اشخاص المبلغ اللي انقط مو شوية واحنا ندري ان اهناك بندفع اقل بوايد المشكلة المكاتب السياحية اللي بلندن اشلون تودي المسافرين رحلة لباريس !!

اهوا صاحب السفاريات اقترح علينا اقتراح ان يحجز لتا طيران وهمي بس خفنا من التدقيق خاصة ان وايد ناس قاعدين يردونهم

الافضل الحجز من بلدك تكت مؤكد ...