الموضوع: بليز ابي مساعده من خبرا امريكا وخاصه امبكت بخطتي من اورلاندو الى نيويورك بالسياره

السلام عليكم
انا مسافره امريكا ان شالله 1/7 والرجعه 6/8 من مطار نيويورك
2/7 بروح اورلاندو عن طريق طيران داخلي روحه فقط
بنقعد في اورلاندو 25 يوم يعني الى تاريخ 27/7
بعدين واهو المهم بنرجع بالسياره حق نيويورك علشان نقعد فيها 4 او 5 ايام بس باقي المده يمكن ننزل واشنطن (مع اني ما اشوف احد يمدحها) وسمعت عن فيلادلفيا وهرشي و بيتسبرغ بنسيلفانيا حلوه على قولتهم زلامسي امريكا
وودنا بافلو حق شلالات نياغرا


المطلوب منكم لوسمحتوا وتكرمتوا:
1- تحديد المدن الحلوه في خط الرجعه من اورلاندو الى نيويورك؟ وكم يوم تستاهل القعده فيها؟
(وشرايكم بالمدن اللي ذكرتها والنياغرا تسوى العنوه؟)

2-ذكر اسامي فنادق او شقق فندقيه حلوه ومناااااااسب سعرها واااااااامنه (احنا 10 حريم ووطفلتين و رجال واحد)
(اتمنى بنيويورك بالتايمز سكوير واورلاندو بالانترناشيونال درايف)

3- لاتضحكون عليلاني حدي اخاف من الظلمه ومفاجاتها فودي اعرفها من الحين علشان ما اضايق اللي معاي واحترم نفسي وما ادخل


مشكورين خلونا نشوف الردود وبعدين ازيد الاسئله

مواضيع عشوائيه ممكن تكون تعجبك اخترناها لك:

• استفسااار بسييييييط
• استشارة خبراء امرريكا او فلوريدا
• استفسار عن اقرب مدينة سياحة من لاس فايغس
• رود تريب يشمل الجزئين الشرقي والاوسط الأمريكي
• برنامج للأيفون يحسبلك البغشيش من غير لا تتعب نفسك
• حاجه غريبه حصلت وانا بحدد معاد المقابله
• وصلت امريكا ومتوووووورط بفيزتي السياحية معرف كيف تحويلهاياليييت الاخوان يساعدوني
• قائمة بأفضل مستشفيات أمريكا
• ياشباب محتاج مساعدة تكفوون ضروري
• هل التامين الصحي للشركات الموجودة في السعودية يقبل بها في الولايات المتحدة
• يا اهل امريكا افيدوني ماعليكم امر بليززز
• ميامي ,, وهل تنصحون بالساوث بيتش
• استفســار عن ولايـة اورقن
• بخصوص اللاب توب و البرامج و البيانات الغير أصلية
• طلللللللب الله يجزاكم الخير
• سان فرنسيسكو
• عطوني الورقة الصفرة من اكتوبر اقدر اكمل الاجراءات
• الفزعه يا ربعي وهلي في تامبا فلوريدا
• استخراج فيزا زيارة لطفل ارجو المساعدة
• إرفاق الصورة في

اشدعوه ولا رد!!!!!!!!! مع انه وايد دشوا الموضوع ؟!!!!
الله يخليكم بسرعه ردوا علي لان في شغلات وايد فبالي مترتبه على اساس خطة السير

مدة الرحلة تزيد عن 20 ساعة بسيارة عادية الحجم , وكما اشرتي عددكم 10 حريم وطفلتين ورجال , الرحلة سوف تكون جداجدا متعبة ومرهقة بالنسبة لكم

وهذة بعض التجارب لعدد من المسافرين لنفس خط السير

http://away.com/itinerary/united-sta...rip-usa-7.html

http://www.fodors.com/community/unit...ew-orleans.cfm

http://incredibledad.com/vacation-re...ip-to-florida/

http://www.associatedcontent.com/art...da.html?cat=16

http://www.ehow.com/how_2090749_driv...e-florida.html

http://www.city-data.com/forum/new-y...ice-route.html

تحياتي , , ,

مشكور اخ وليد وااااااايد على الرد
بس انا ماراح ارجع من اورلاندو دايركت الى نيويورك ابي امر باكثر من مدينه علشان اتمتع بكذا منظر ومنها اقلل المسافات وهذا كان سؤالي (تحديد المدن الحلوه في خط الرجعه من اورلاندو الى نيويورك؟ وكم يوم تستاهل القعده فيها؟)
وهاذي المدن اللي سمعت عنها حلوه وممكن امر عليها بالرجعه حق نيويورك [ واشنطن (مع اني ما اشوف احد يمدحها) وسمعت عن فيلادلفيا وهرشي و بيتسبرغ بنسيلفانيا حلوه على قولتهم زلامسي امريكا
وودنا بافلو حق شلالات نياغرا]واذا سامع عن مدن احلى بهالدرب قولي لو سمحت
شكرا مره ثانيه

السلام عليكم
ان شاء اللة احنا رايحين يوم 1/7 وراح تكون رحلتنا لوس انجلوس - لاس فيغاس-ميامي - اورلاندو-نيويورك
ومن راح نستخدم السيارة والطيارة ومن اورلاندو ولغاية نيويورك سيارة لأن الطريق ممتع وسهل جدا وهذا على حسب كلام الناس واصدقاء زوجي الخبراء بس انتوا ححدو بالضبط المناطق الي بتقعدون فيها بالطريق والمناطق الي راح تمرون عليها مرور الكرام والمناطق الي انتي ذكرتيها حلوه بس ححدي كل منطقه كم بتقعدين فيها عشان الوقت وخط سير الرحلة
وحافظكم اللة حبيبتي.

مشكوره روزر على الرد
انا موعارفه المناطق اللي ذاكرتها اصلا بس الناس امدحوها
فودي احد منكم اللي يعرف هالمناطق يحدد انها تستاهل العنوه ولا لا؟وكم يوم تستاهل نقعد فيها؟
واذا سامعين عن مناطق احلى بنفس الطريق علموني ياها علشان احدد الرحله عدل

وينك اخوي امباكت مارديت علي!!!!!!!!!!!!

انا مع اخي وليد

الطريق بيكون متعب لكم اذا رحتوا بالسياترة ,,

الا اذا خذتوه على 3 مراحل ترتاحوا اول ما يضلم الوقت في اي فندق على الطريق

وبعدها في واشنطن

ومنها الى نيويورك ,,

اتمنى لكم التوفيق

نــاوي خط أجل ..؟؟
والله أخبر اني قلت لواحد خط حلو وفكره جهنميه وين يوقف ووين يستأجر .. بس وين مدري ..!!

اصبر علي عندي اختبار بكرة الظهر واردلك بعدها على روقان .. بالتوفيق..!!

الصباح الطويل لاتنساني الله يخليك
اكيد ناطرتك لان بصراحه محد فادني للحين باسالتي
انا ابي احد يذكرلي مناطق حلوه ممكن امر فيها بطريق رجعتي الى نيويورك والاخوان الله يهديهم بس يقولون لي الطريق طويل ومتعب؟ انا عارفه انه طويل ومتعب علشان كذا ابيكم تساعدوني بذكر مناطق حلوه على نفس الخط نريح فيها ونجزا الطريق شوي علشان مانتعب ونمل
وودي تعطيني رايك بالمدن اللي ذكرتها بسؤالي وش رايك فيها؟ انا ما اعرفها بس قريت بمنتديات ناس مدحوهم
وشكرا اخو ناطرتك والله يوفقك بامتحانك انشالله

هذي الاسئله للتذكير
1- تحديد المدن الحلوه في خط الرجعه من اورلاندو الى نيويورك؟ وكم يوم تستاهل القعده فيها؟
(وشرايكم بالمدن اللي ذكرتها "فيلادلفيا وهرشي و بيتسبرغ بنسيلفانيا حلوه على قولتهم زلامسي امريكا
وودنا بافلو حق شلالات نياغرا"والنياغرا تسوى العنوه؟)

2-ذكر اسامي فنادق او شقق فندقيه حلوه ومناااااااسب سعرها واااااااامنه (احنا 10 حريم ووطفلتين و رجال واحد)
(اتمنى بنيويورك بالتايمز سكوير واورلاندو بالانترناشيونال درايف)


وشكككككككككككككككككرا مقدما

اورلاندو كثير عليها 25 يوم الاذا ناوين تروحون تامبا وميامي وبالنسبه للسكن انصحك بشقق اوفر وافضل واريح لكم كعائله، وياكثرها حول السي ورلد وصراحة انا اللي قاعد افكر فيه عددكم تقريبا 13 شخص، سياره وحده ما تكفيكم واورلاندو بدون سياره ما تقدرون تسوون شي

عموما خط الرجعه انا اقترح انه يكون كالتالي:
اورلاندو - سموكي ماونتن - هرشي - نيويورك واذا بغيتي شي ارسلي لي على الخاص لاني ما اشيك الموقع باستمرار، انا وزوجتي ساكنين جنب اورلاندو والخط من نيويورك لاورلاندو قطعناه بالسياره ولا ست مرات كل مره من طريق مختلف

مشكووووور بو فيصل ما قصرة واكيد برجعلك اذا احتجت شي
بس السياره خذناها خلاص حق 12 شخص
وتامبا بمرها لان ابي بوشقاردن بس ما ادري شفيها غير هالحديقه؟
سموكي ماوتن قالوا حلوه بس يقولون مشهوره بالدبب السود وخفنا بصراحه
وهرشي واحد قال ماتسوى بس مصنع حلاو
وانا ودي فبيتسبيرغ بنسلفانيا

انا رحلتى ان شاءالله على هيوستن ودى اروح لاورلاندو ايش تنصحونى بالسياره او الطياره

المشاركة الأصلية كتبت بواسطة anaaa_haifa
http://www.arabtravelersforum.com/tr...7/#post3940027

انا رحلتى ان شاءالله على هيوستن ودى اروح لاورلاندو ايش تنصحونى بالسياره او الطياره



شوف يا أخوي إذا أنت من محبي السواقة على الطرق الطويلة ما فيه مانع , و السواقة في امريكا تعتبر متعة و ممكن توقف متى ما تبغي و تبات في أحد الموتيلات و تواصل رحلتك
اتمنى لك رحلة موفقة , و بالسلامة ان شاء الله

عندى استفسار لو سمحتو بالطريق بالسياره من هيوستن الى اورلاندو ايش الاماكن الحلوة اللى ممكن امر عليها واوقف فيها تكفووون ابي رد سريع

نعم اخوي عندك في منتصف الطريق مدينة حلوة و كبيرة في ولاية لويزيانا و هي مدينة نيو اورليانز , ممكن تتوقف فيها أكثر من يوم ثم تواصل رحلتك بالسلامة

شكرااا كثير اخوى ومااحد عنده اقتراحات ثانيه

اخوي بس حبيت اعرف المده من اورلاندو الى نيو اورليانز و منها الى نيويورك ماعليكم امر

المسافة ما بين نيواورلينز و اورلاندو بالسيارة مش اقل من 600 مايل و المدة يمكن تسع ساعات
اما من نيواورليانز الى نيويورك فبعيدة جدا بالطائرة حوالي ثلاث ساعات

انزين والمده من اورلاندو الى نيويورك بالطائرة كم ساعه ؟ لو سمحت

المشاركة الأصلية كتبت بواسطة bj.f
http://www.arabtravelersforum.com/tr...7/#post3953517

انزين والمده من اورلاندو الى نيويورك بالطائرة كم ساعه ؟ لو سمحت




ساعتين ونصف !!

بالتوفيق