الموضوع: الاخت بنت الصقور والاخوان المفجر واسد بن ربيعة والشباب الحلوين فزعتكم تكفون

قبل كل شي احب اشكر كل واحد بالمنتدى الرائع، واقول الله يعطيكم العافيه وعساكم عالقوى
باذن الله وبتوفيقه راح يرسلني الجهة التي اعمل بها للدراسة بالولايات المتحد الامريكية.
راح تكون الفترة الاولى من الدراسة مخصصة لدراسة اللغه الانجليزية باحد الجامعات المعترف بها لدى وزارة التعليم العالي والملحقية الثقافية، المدة راح تكون أربع إلى خمس اشهر. لغتي الانقليزية كويسة وماشي حالها،اختبرت توفل هنا بالسعوديه وجبت 480 درجه.
بعد هالشرح البسيط عندي اسئلة ويا ليت الاخوان بالمنتدى وبالاخص الي عندهم خبره سابقه مثل الاخت بنت الصقور والاخوان المفجر واسد بن ربيعة ولا يهون الباقين يفيدوني فيها واكون شاكر لكم
1- ما هي افضل جامعه مشهود لها باعطاء برامج للغة الانجليزية لغير الناطفين بها، وكذلك توفر السكن مع عوائل جيده اقدر من خلالها ان اقوي لغتي الانجليزية وامارسها. وهل في الفترة هذي التوفيق باختيار الولاية مهم لدراسة اللغة،يعني ما يكون فيها عرب واجد،والشعب يكون ودود وحبوب ياخذ ويعطي معاك. بصراحه نبشت بالانترنت ابي موقع يعطيني rank للمعاهد بس ما لقيت.
2- ما اكذب عليكم بان الولايه مهمه بالنسبة لي،انا راح اجلس فترة طويلة علشان كذا ابي مدن تكون المعيشه فيها مش غاليه وبنفس الوقت ما تكون مملة تطفش منها. وهل مدينة san diego غالية ،وهل الامن فيها لك عليه.

اتمنى من كل الاخوان يقول رايه بالموضوع سواء من تجربه شخصيه مر بها او سمع فيها،وراح نستفيد منها جميعا

بصراحه احس عندي اسئله كثيررررررررررره ،وضايع ما ادري وش اسوي
اتمنى انكم ما تقصرون معاي،وانكم تستحملوني شوي
مشكورين :101:

مواضيع عشوائيه ممكن تكون تعجبك اخترناها لك:

• هل احتاج فيزا ترنزيت
• الفيزا و الجواز المنتهي
• منو جرب هالشركة لتأجير السيارات ؟؟؟
• خطوط لوفتهانزا وش صاااااير ؟؟
• استفسار عن الاجهزه الالكترونيه و الكهربائية هل تشتغل في امريكا ؟
• خبراااااااااااء امريكاااااا بلييييييز هليب مي
• سؤال رقم
• نيو أورليانز
• ابي اخذ رأيكم في رحله علاج
• يهمني رايكم في خطوط الطيران
• طيران من أورلاندوا الى مدينة بوفالو شلالات نياجرا
• استخراج فيزا زيارة لطفل ارجو المساعدة
• استفسار عن دينزني لاند كاليفورنيا ؟؟
• الفيزا من السفارة الامريكية بالكويت
• صيدلى مصرى
• استفسار يا أهل المنتدى الله يخليكم
• اليوم كانت مقابلتي في السفاره
• نداء ل بخصوص أ ل
• مدينه هيوستن
• اسفسار عن المسافة بين مدينة رالي وواشنطن العاصمة

Salam. I advise you to go to either Arizona or Florida. It is cheap there. Weather is nice. Like Saudi weather. Plus, there are lots of fun things you can do there. Dont go to california. it's very epxensive. You need at least $2000 to make there if you 're married. Apply to Arizona State University at Tempe, Arizona. Or to Florida state University at Tallahassee, florida or University of Colorado, Denver.or University of South Florida, Tampa. there was a very good english school at my school, University of Missouri, but i dont know if you wanna go there.

اخوي بالنسبة لاريزونا صحيح ممكن يكون فيها برامج لغة حلوة وقوية لكن الديرة مو حلوة وايضا بالنسبة لكاليفورنيا ماانصح فيها لانها غالية صحيح الديرة حلووة لكن غالية وعندك ولايات ثانية مناسبة وتكون رخيصة نوعا ما

عالعموم الموقع هذا بيفيدك تحصل فيه كل برامج اللغة في اي ولاية تختارها وانصحك تاخذ البرنامج في كولج او جامعة

http://www.eslgold.com/site.jsp?sk=u...schools_usa_WA
اما بالنسبة للولايات مااقدر احدد لك ولاية معينة







العائله: احرص ان تكون العائلة امريكية الاصل وليسو مجنسين لانها تفرق الكثير وبعدين لا تطول اقعد عندهم شهرين ثلاثه وبعدين انقل لسكن الجامعه لان الجو الجامعي روعه للغايه وفرصة الاختلاط والمزيد من المعرفه تكون اكبر او سكن خارجي مع زميل.




بالتوفيق ان شاء الله

الاخوان KH_LEED وحمبص والمفجر ما قصرتو والله يعطيكم العافية على تعاونكم وعلى نصايحكم والله يجعلها في موازين حسناتكم.

اخوي KH_LEED مشكور على نصيحتك ، اولا اسمحلي اني احط ايميلك في my contacts ، لاني احس انك متعاون ورجال والنعم فيه،
اخوي اسمحلي ببعض الاستفسارات
1 الجامعة الي ذكرتها Arizona State unv. Tempe موجوده ضمن القائمة الي وفرها لي العمل،بالاضافة الى :
University of Arizona / Tucson
Northern Arizona University / Flagstaff
وش رايك في الجامعتين هذي ،على العموم معاهد اللغة الي ذكرتها الملحقية في ولاية اريزونا هي
university of Arizona at Tucson
هل مدينة Tucson حلوه ،لان الاخ المفجر يقول اريزونا دير ه مو حلوه ،وش رايك حبيب قلبي

2 ذكرت اخوي فلوريد ،ما اختلف معاك انها رخيصة وولاية حلوه ،بس هل العرب فيها واجد،مثلك عارف الواحد علشان يتعلم اللغة لازم يبعد عن العرب ،والنقطه الثانيه الأعاصير وش اخبارها هناك
الجامعات الموجوده بولاية فلوريدا عندي بالقائمة هي:
FLORIDA ATLANTIC UNIVERSITY / BOCA RATON
FLORIDA STATE UNIVERSITY / TALLAHASSEE
UNIVERSITY OF CENTRAL FLORIDA / ORLANDO
UNIVERSITY OF FLORIDA / GAINESVILLE
UNIVERSITY OF SOUTH FLORIDA / TAMPA
UNIVERSITY OF MIAMI / CORAL GABLES
FLORIDA INSTTITUTE OF TECH / MELBOURNE
UNIVERSITY OF NORTH FLORIDA / JACKSONVILLE
وش رايك فيها ،وهل الجامعتين الي ذكرتها افضلهم ولا فيها عرب واجد؟ او انك تشوف ان العرب ما يمثل عائق في تعلم اللغة

3 الجامعات الي ذكرتها هل كلها تمتاز بالقوه في برامج اللغة الانجليزية، او انها تجمع بين برنامج اللغة وجمال المدينة ورخصها
على العموم اذا الجامعات قوية بتعليم اللغه ما يهمني اذا هي غاليه او مو حلوه اهم شي استفيد،
لاني استغرب ذكرك لجامعة كلورادو بدنفر ،الي اعرفه ان مدينة Denver غالية ،واغلى من مدينة لوس انجلس
4 ذكرت اخوي جامعه university of Missouri ،بصراحه اكثر من واحد نصحني بولاية Missouri بس أي جامعه تقصد ،هل الموجودة بمدينة saint louis او Columbia او rolla ، وهل درست بمعهد اللغة الخاص بها ، وهل توفر اقامة لدى عوائل امريكية.
5 حبيب قلبي وش رايك بولاية تاكسس واوهايو واوريقن وفرجينيا وميشقان وبنسلفينيا هل فيها جامعات قوية لتعلم اللغة،وهل الولايات حلوه ،
اخوي هل انت اللحين بامريكا ،وهل مريت بنفس التجربه ،ياليت تعطيني نصايح تشوف انها مهمة اثناء تعلم اللغة
معذرة اخوي على الاطالة،عارف اني شوي غثيتك بكثر الاسئله بس استحملني
[line]
اخوي حبمبص
مشكور حبيب قلبي على ردك ونصائحك ،وبالعكس ما في أي تعدي على احد،والاسماء الي انا ذكرتها نتيجة تصفح سريع للمنتدى،فلقيت الاخت بنت الصقور والاخ المفجر لهم مشاركات كثيره وقلت يمكن استفيد منهم،بس ما يمنع اخوي اننا نستفيد منكم ومن الاخوان الاخرين، مره ثانيه ما قصرت وعساك عالقوى
اخوي مدينة SANTA BARBARA فيها جامعه قوية وهي:
UNIVERSITY OF CALIFORNIA
بس المشكلة ان المعيشة في المدينة شوي غالية ولى لا؟
باين اخوي ان لك خبره مع العوائل،يا ليت تقول لنا تجربتك،وهل سكن الجامعه جيد لممارسة اللغة مع اهلها وليس مع واحد ليس من الناطقين باللغة الانجليزية يعني مثل طقتي
[line]
اخوي المفجر
مشكور حبيب قلبي على الموقع بس سؤال الله يخليك
برامج ESL الي تكون باللون الاصفر هل معناته انه الافضل

عارف اني طولتها حبتين، ويا ليت الكل يدلو بدلوه بالمواضيع الي طرحتها
تحياتي للجميع

شكرا جزيلا اخوي وبالتوفيق

بالنسبه للعوائل اكرر واقول لازم تكون امريكية الاصل وهي افضل خيار في بداية الوصول الين تعرف الديره مضبوط وتعرف خباياها بعدين تسوي اللي انت تبي..
ويفضل اذا كان عندهم ولد او بنت في سنك ... وبعدين اذا تبي تمسك خرزتهم يعني يصيرون خاتم في اصبعك التزم بالتعليمات بحذافيرها وخاصة في الاشياء اللي توفر عليهم مثل الماء والكهرباء .. بالاضافه الى بعض الهدايا الرمزيه اذا رحت مدن ثانيه في الويك اند
اما بالنسبه لخبرتي فكان معنا واحد من الشباب ساكن مع عايله مكسيكية الاصل (صحيح ان انقليزيتهم ممتازه) ولكن مع مرور الوقت ابو الشباب صار تقل الهنود اللي عندنا يعني كلمتين انقليزي وكلمه اسباني وضاع بالطوشه اضافة الى الثقافه الامريكيه الاصليه اللي تفقدها اذا ما سكنت مع عايله اصليه.

سكن الجامعه ياتي في المرحله الثانيه وفيه تعيش احلى ايام العمر لان الجو مختلف لانك بتختلط بامريكان وغيرهم ويكون هدفكم واحد وبعدين ماتبلش يعني اذا صرت فاضي تلقى انواع البارتيز واذا صرت تبي تذاكر تلقى الف واحد تذاكر معه هذا غير الرحلات الجماعيه ووو

المرحله الثالثه وهي بعد ما تمل من السكن الجامعي (عادة بين سنه وسنتين) تروح تسكن في شقه برا وخلاص تعيش وضعك الطبيعي

آسف على الاطاله و قد لك

الاخ حبمبص
مشكوره يا الغالي على تفاعلك وردودك وما قصرت
تحياتي لك

اخوي خالد
بصراحه كلمات الثناء قليله بحقك،كفيت ووفيت

من جد ما قصرت يا الغالي،وجزاك الله الف خير والله يوفقك دنيا واخره
اخوي ترا مالي غنى عنك ،راح اغثك بعدين بالاسئلة :101:
ترى ايميلك لحقت عليه واخذته قبل ما ينحذف
تحياتي لك وبالتوفيق