بالبداية أحب أشكر كل عضو بهالمنتدى شاركنا معلومه أو تقرير أو حتى صورة ... لأنه بدون مبالغه كنت أحس إني سافرت وأنا في بيتي ههههههه .... الله لا يضيع تعبكم ويكتب لكم الأجر .
إذا ربي أراد وكتب راح أزور باريس لأول مره بحياتي حددنا التاريخ بيكون الخامس من شوال الموافق الثامن من اغسطس إن شاءالله لمدة 10 أيام أنا وزوجي و طفلين أعمارهم 3 و 6
رصدنا ميزانية 30000 ريال للطيران والسكن هل تكفي ؟؟؟ غير المصروف اليومي و التسووق .
مع إني لا أشترط أن يكون السكن فخم الأولويه للنظافه والموقع والخدمات المجاوره مثل محطة ميترو وسوبر ماركت او كوفي شوب...
البرنامج مبدئياً ///
3 ليالي أو 4 في باريس
ليلتين في مكان ريفي او مثل الريف يكون فيه طبيعه او بحيرات مكان هدوء للاسترخاء
3 ليالي ديزني لاند
وبس ^~^
أبغى تساعدوني بخبرتكم اذا ممكن عندي بعض الاستفسارات ....
1- اللي عنده فكره عن الجو بشهر اغسطس اللي هو 8 ميلادي ياليت يفيدني ضروري لان معي اطفال يهمني هالسؤال .
2- أبغى ترشحون لي فندق او شقق فندقيه في باريس تكون نظيفه واهم شي الموقع قريبه من محطة مترو وهل حي اللاديفانس افضل ؟
وشغله ثانيه لما كنت اقرأ شروط الفنادق عندهم بخصوص الاطفال الاستضافه مجانية لمن هم دون السنتين واولادي اكبر فما الحل ؟؟؟
3- وش تنصحوني بخصوص المكان الريفي او شبه الريفي أهم شي مكان أخضر وبحيرات اذا امكن وهدووووء ؟؟؟
4- بخصوص التسووق من باريس غير بوتيكات الماركات العالميه و الجاليري لافييت أبغى محلات لا تفووت و مميزه هناك حتى لو صغيره .او محلات ما توجد الا هناك .. والهدايا والتذكارات وين افضل مكان لها ... وبالنسبه لمحل رالف لورين بولو و غوتشي للاطفال وين مكانهم بالضبط
5- بخصوص ديزني لاند وين افضل مكان للسكن ...؟ في ديزني نفسها او برى شوي وكم يبعد الاوت ليت عنها
والاوت ليت كيف ادمجه مع برنامجنا ال3 ليالي في ديزني ؟؟
المترو ما قصروا اعضاء المنتدى الله يجزاهم خير على الخريطه باللغه العربيه مع انها مسويه لي ربكه بس مو مشكله في وقت نذاكرها ونحفظها قبل نروح هههههههههه والمطاعم والكافيهات لقيت كم تقرير ماشاءالله مفصلين فيها كل شي ..
انتظر آرائكم واضافاتكم لا عدمناكم واللي عنده معلومه و لو صغيره لا يبخل علينا فيها وأي تعديل او اقتراحات على برنامج رحلتنا تسعدنا بكل تأكيد ...
دمتم بحفظ الرحمن من الموبايلمواضيع عشوائيه ممكن تكون تعجبك اخترناها لك:
- احتاج مساعده عاجله
- سكن في باريس لـ يومين برج إيفل ديزني لاند
- اول مرة اسافر لباريس
- استفسار عن شاموني و ستراسبورغ
- مساعدة في استئجار سيارة بأوروبا دوختنا هالسيارة
- سفرتي الى اوروبا
- الطيران الاقتصادي الي فرنسا
- جدول ل يوم بليز
- تقريري عن باريس الساحره
- استفسار تكفون
- جديدة في المنتدى وعندي استفسار ارجوا المساعده
- السكن في اوروبا
- استفسار
- مساعدة الله يجزاكم خيرررأرجو التكرم والدخوول
- رحلتي لمدة أيام إلى الريفيرا الفرنسي
- لو سمحتم وين مطعم المهراجا وكيف اوصل له
- ليش تطلع علي هذي العبارة
- اتمنى الافاده عن افضل فندق نجوم
- رحلتي الى باريس الجميلة
- شهر العسل في فرنسا وانترلاكن فزعتكم يالخبراء
رد مع اقتباس
المشاركة الأصلية كتبت بواسطة فــيـصـل
المفضلات