الموضوع: السفر للكويت لمدة ايام

السلام عليكم ورحمة الله وبركاته
كيف الحال يا اخوان وكل عام وانتم بخير
ارغب بالسفر للكويت بتاريخ 14-08-2013 ولمدة خمس ايام ان شاء المولى
العدد:انا وزوجتي وطفل رضيع
السفر ان شاء الله يكون برا وعندي الاسئلة التالية:
اقرب طريق للسالمية عن طريق الرقعي ؟او الخفجي؟ وكم تبعد المسافه عن المنفذ للسالمية؟
كيف هي الاجواء الان بالكويت ؟
فيه فعاليات ؟وهل بدات الدوامات بالكويت؟
كيف هي الاسعار هل لازالت مرتفعه بسبب اجازة العيد؟
بالنسبة للسياره لازم تأمين ؟
اقدر اعبر الحدود بزوجتي والطفل الرضيع باستخدام كارت العائلة؟
واخيرا ابي جدول سياحي منكم لمدينة السالمية على مدى خمس ايام وسكن سعره متوسط؟

ملاحظة:لا يشترط الاجابه على جميع الاسئلة جاوب بما تجود به نفسك من الموبايل

مواضيع عشوائيه ممكن تكون تعجبك اخترناها لك:

• طلب شقق فندقيه في الكويت
• ايام الخصومات الرائعه من طيران الجزيرة
• ابي معهد
• وين مكان مطعم البلد في الكويت
• ريوقنا في المطعم اللبناني السوليدير
• أرض الاطفال
• طالبه فزعتكم حبايب قلبي ابي عرووووووووض سفر لكيب تاون
• أخواني أريد استديو جيد لتحميض الصور
• « » مزيج الأصالة والحداثة يختار أرابيلا لافتتاح أول فرع له في الكويت
• خط المجمعة استفسار
• استفسار لو سمحتـــــــــو
• مهم جدا لكل سعودي راح الكويت
• ماهي أيام الاجازة الاسبوعية الويكاند وطريقة شراء سيارة في الكويت
• استفسار ساذهب في مارس قوانزوا السكن المحلات بخبرتكم
• إحداثيات طريق الكويت رماح
• طلوب اسم طبيب لعلاج الأورام بالرأس لطفلة
• لو سمحتوا
• نصايحكم للمسافرون للكويت في فبراير ان شاء الله
• الإرشاد إلى أهم الأماكن،،، الفزعة يأهل الكويت
• الكويت تشارك في «مدريد» لتعزيز السياحة

للرفع للرفع من الموبايل

حياك الله اخوي بونايف
بالنسبه للسؤال الاول مااعرف اجابته كامله بس اعرف من حدود نويصيب الكويت اللي اهي من بعد حدود الخفجي لي السالميه ساعه
السؤال الثاني المفروض تكون عارف الجو بدول الخليج للحزه طبعا حر وصيف بس بالليل زين تقدر تقعد فيه بره
السياره اعتقد اتأمنها من عند الحدود مو متأكده من اجابتي
المسرحيات شغاله واعتقد اخر العروض نهايه هالاسبوع - لا بعد بس دوامات الوزارات والشركات اما المدارس عطله
اتوقع بتكون الاسعار اشوي نازله يعني اكيد بتفرق عن عطله العيد
تعبرون الحدود بالبطاقه المدنيه اليديده اللي فيها chip
وهذا جدول سياحي طب وتخير من الايام والاماكن واذا تبي شي زايد واي استفسار حاضرين
http://www.arabtravelersforum.com/travel487746/

التأمين من الحدود طبعا
بطاقة العايله ما نعرفها احنا
بس البطاقه المدنيه الجديده اللي فيها شيب هي الصالحه
ولكل شخص بطاقاته يعني الطفل لازم له بطاقه هذا اللي نعرفه

واما بطاقة العايله ماندري عنها
بسأل لك وان شاءالله يردون لي خبر قبل سفرتك

بالنسبه للمنفذ الخفجي الاقرب للسالميه

اخي ابو نايف سألت لك عن كرت العائله يقولون ما يصير طبعا لانه غير ممغنطولكن ممكن بالجوازات واضافة الطفل ...وممكن المرور بعد بالهوية الوطنيه للام والاب والاطفال لا ..... اذا بتجيب طفل لازم تجيب جواز امه اللي يكون مضاف له اسم الطفل وسلامتكم

ابرار وتوبليرون
الف شكر على المعلومات القيمة وان شاء الله اليوم المغرب ماشي.
الله يسهل الامور من الموبايل

حياك الله ويسهل عليكم

السلام عليكم
آسف على المداخلة , لكن
ناوي أزور الكويت الاسبوع الجاي عبر ( منفذ الرقعي )
و حاجز كل شئ من أكثر من شهرين ..
بس .. شكلها بتكون فيه مشكلة بخصوص ( الطفل ) نفس استفسار صاحب الموضوع
ياليت أحد يأكد لنا الخبر , حرام تضيع علينا الرحلة ( نبي نحتفل باليوم الوطني السعودي بالكويت )

يمكن يوم استفسرتوا عن ( كرت العائلة ) يقصدون القديمة
واللي هي ( مثل الصك ) ورقة فقط ..
لكن اللي معي .. كرت العائلة الجديد


أتمنى أحصل أحد يفيدني بأسرع وقت ., و يا حبذا لو أحد يتواصل مع صاحب الموضوع برساله خاصة
يطلب منه يراجع الموضوع يجاوب على الاستفسار , لأنه جرّب الوضع
( لأني ما أقدر ارسل رساله خاصة )


و آسف مرهـ أخرى

المشاركة الأصلية كتبت بواسطة ALiTaaLy
http://www.arabtravelersforum.com/tr...1/#post8065421

السلام عليكم
آسف على المداخلة , لكن
ناوي أزور الكويت الاسبوع الجاي عبر ( منفذ الرقعي )
و حاجز كل شئ من أكثر من شهرين ..
بس .. شكلها بتكون فيه مشكلة بخصوص ( الطفل ) نفس استفسار صاحب الموضوع
ياليت أحد يأكد لنا الخبر , حرام تضيع علينا الرحلة ( نبي نحتفل باليوم الوطني السعودي بالكويت )

يمكن يوم استفسرتوا عن ( كرت العائلة ) يقصدون القديمة
واللي هي ( مثل الصك ) ورقة فقط ..
لكن اللي معي .. كرت العائلة الجديد


أتمنى أحصل أحد يفيدني بأسرع وقت ., و يا حبذا لو أحد يتواصل مع صاحب الموضوع برساله خاصة
يطلب منه يراجع الموضوع يجاوب على الاستفسار , لأنه جرّب الوضع
( لأني ما أقدر ارسل رساله خاصة )


و آسف مرهـ أخرى



ارسلت للاخ ابو نايف وان شاءالله يرد علينا

بس حبيت ابلغك ان اللي اعطاني المعلومات اللي فوق
شخص سعودي دخل الكويت قبل شهرين وهذه اجابته فوق لك انا راده على ابو نايف
واذا عندك وقت ضيف الابن الى جواز الام واحمله معاك لازم صوره اعتقد للطفل
ويعطيك العافيه

^

لك كل الشكر على تجاوبك ,
المشكلة ان اقرب فرع للجوازات يستخرج لك جواز ( يبعد 200 كم ) !!
لعّلها خيرهـ , و تجي بوقت أفضل ان شاءالله الزيارة للكويت



/