الموضوع: الحصول على بعثة لمن لا تنطبق عليه الشروط ؟

السلام عليكم ورحمة الله وبركاته

من شروط الابتعاث كما تعلمون بأن يكون تخرجك من الثانوية العامة لم يمضي عليه أكثر من 3 سنوات

ولكن لو أن شخصاً مضى عليه أكثر من 3 سنوات ؟
أنا سمعت بأن حصولك على قبول من إحدى الجامعات الأمريكية كافي لقبول إبتعاثك من قبل الوزارة حتى لو لم تستوفي الشروط ، لأن أهم مرحلة عندهم هي أن يتم قبولك في أمريكا .. فهل هذا صحيح ؟

مواضيع عشوائيه ممكن تكون تعجبك اخترناها لك:

• الي من يريد الاستفسار عن شهاده الايلتس او التوفيل او نحن نجيب
• في احد منكم اتقبل في البعثات المتميزة لجمهورية مصر ؟
• هام للمشرف الطيب ملبورن
• يا ملبورن ، يا ميسون محمد تعبت والله تعبت ، أبغى مدينة ممتازة ومعهد ممتاز لمدة سنة
• القائمة الجديدة للجامعات المغلقه
• السكن مع عائلة امريكية مسلمة رأيك محل اهتمامنا
• بنت الصقوربليز ساعديني
• سؤال عن تخصصات التغذيه
• وش صار على إعلان الأسماء النهائية
• عاجل الآي تونتي مجهول الهوية
• تخصص علوم سياسية
• استفسار عن دراسة اللغة في سياتل او سان دييقو
• بخربها وبجازف بس يصير انووووو
• استفسار عن الدراسة في جامعة لندن
• أريد إجابة من فضلكم ضروووورى بارك الله فيكم
• السفارة اتصلت علي
• دراسة في ايرلندا
• افضل الولايات
• ارجو المساعده رايح للدراسه والسياحه
• محتار بين ولاية ايداهو و ولاية نبراسكا ارجو مساعدتي في الاختيار

وانا عندي نفس استفسار الاخ راكان
يا ليت الاخون اللي عندهم خبره يفيدونا

أهي شي أخواني القبول من أمريكا وتروح وتقدم خطاب على الوزير في الوزارة وراح يحوله الى الابتعاث وان شاء الله أسبوع في الكثير راح تاخذ خطاب السفارة وقرار الحاق في بعثه
انا اعرف واحد من الشباب سوى الطريقة والان هو في امريكا

مالك الى تدرس سنه على حسابك واذا كان مستواك ومعدلك حلو ضموك للبعثه

انا اشوف اذا فشلت المحاولات والطرق
فانا اتفق مع الاخ العزيز والغالي على قلبي الاخ مستر سعودي

المشاركة الأصلية كتبت بواسطة underline


عندك واسطه تمشي امورك لو انت متخرج لك عشر سنين




كلامك سليم مليون بالمائه ..والله العظيم هذا الي صاير .. واعرف ناس طالعين بواسطه بقوه

انا اكره الواسطه .. ولا اشجع عليها ابدا .. ولكن شكلي باسويها ... لان مافيه الا هالطريقه ..

الي يستاهلون البعثات ما طلعوو..واللي ما يستاهلونها طلعووو ..

طبعا انا ما اقصد الكل ... انا اقصد الراسبين الي رجعوو ... وما قدرو يكملون .. فعلا ما يستاهلونها


اخوي اندر لاين ... انا راح اشغل الواسطه ....واذا انقبلت .. اوعدك راح ادخلك معي .. وعد شرف

واذا تبي تجي برايفيت حياك.. عطني رقمك .. ونشوف الوضع ..

تحياتي

المشاركة الأصلية كتبت بواسطة Mr.sa


مالك الى تدرس سنه على حسابك واذا كان مستواك ومعدلك حلو ضموك للبعثه



كلمك صحيح يخوي .. ولكن انت عارف .. تكاليف الدراسه .. وترى مسئله انك تدرس سنتين على حسابك مو بسهله ... يعني سنه انجليزي .. تكلف فوق 60 الف ريال رسوم للمعهد ... والسنه الاولى من الجامعه يمكن تكلف اقل شي 70 الف رسوووم.. من غير الكتب..والتامين..والسكن ..,المعيشه .. .. الخ .. صعب كثير .. طيب لوكانت سنتين ؟؟؟

بالنسبه لي انا يمكن تكون سهله لان عندي لغه واقدر ادخل مباشره للتخصص واخلص 30 ساعه خلال سنه ... بس هل تتوقع انك راح تدخل بهالسهوله على حساب الملحق ؟؟ ما اتوقع .. لابد من مرمطه .. وقدامك شباب بالهبل يدرسون وجايبين معدلات كويسه .. يعني تبي تدرس على حسابك.. لازم يكون عندك مبلغ على الاقل يكفيك لسنتين او ثلاث سنوات دراسه هناك ..عشان لو ما انضميت للبعثه من اول سنه يكون عندك فرصه ثانيه وثالثه وما تضيع حياتك .....

يعني بكلا الحالتين ... واسطه x واسطه

.. طبعا الكلام هذا مو من راسي اجيبه ..بل من واقع فعلا .. وما احد يقدر ينكره ..
والي يعرف شباب هناك يسئلهم ويشوف بنفسه .. بس يمكن هالايام .. زبطت امورهم مع البعثات .. ولكن من يضمن امورك بعد سنه اوسنتين من الان ما يسكرونها . وبعدين ترجع حليمه لعادتها القديمه ..وتبتلش ؟؟

تحياتي

عزيزي Las Vegas
حاولت ارسلك خاص بس الظاهر لسى ماتفعلت عندي خدمة الرسائل الخاصه
بس لو ماعندك مانع تعطيني ايميلك عشان اضيفك عندي على الماسنجر يكون افضل
وشكرا

اخوي لاس فيجاس ..

والله شغل الواسطات هو الشغل المضبوط والمضمون ..

لكن اولاً اعتمد على الله ودبر واسطه ..

لاتعتمد على الواسطه اعتماد كلي ..

ادعي ان اللي يمشي امورك ييسرها ..

وياخوي اذا تقدر تدفنا معك بواستطك ياليت ..

لان حقيقه الوضع مره ميؤووس منه ..



وبالتوفيق للجميع ..

حتى لو مشت امورك في الوزاره اعتقد انها راح تسببلك اشكال في السفاره لانه لاحظت انهم مدققين على السؤال ايش سويت من يوم تخرجت للحين

وبالتوفيق للجميع

المشاركة الأصلية كتبت بواسطة underline


عزيزي Las Vegas
حاولت ارسلك خاص بس الظاهر لسى ماتفعلت عندي خدمة الرسائل الخاصه
بس لو ماعندك مانع تعطيني ايميلك عشان اضيفك عندي على الماسنجر يكون افضل
وشكرا




انا ادري لو حطيت الاميل راح تحذفه الاداره ..لانه ممنوع ... ولكن سوال للاداره : شالحل عشان نتواصل حنا والشباب المتواجدين بالمنتدى اذا الخاص معطل من قبلكم ؟؟؟ تحياتي لكم.. وهذا ايميلي [email protected]
ياليت تكتب لي اسم المنتدى اذا اضفتني
@@ @@ @@ @@
MR.STING : والله يخوي اني اكره الواسطه . ولا اواطنها بعيشه الله ..وانا ضد هالشي..وربي يشهد على كلامي .
وترى ما دمر حياتي الا مسئله النزاهه والمثاليه والانضباطيه بالحياه ...وش لقينا منها ؟؟ ولا شي
الظاهر انّا راح نتخلا عن هالمثاليه ... ورطتنا ودمرت حياتنا ...والله يشباب لوتدرون كم نسبتي .. غير تصفقوني على راسي . خلوها على ربكم.. انتم بس ادعو لنا..
والله اني اذكر ايام الدراسه والحاله الي انا فيها الحين . وشوي وانفجر من القهر . .. بس الواحد ينقهر .. ويموت قهر اكثر اذا شاف احد يطلع وهو ما يستاهل .
الدكتور مهدي الي يطلع في برنامج شباب في شباب : الي يجي على قناه الرأي اخر اليل ( برنامج تدور مواضيعه وقضاياه حول الشباب ..وحول دراستهم ..ومستقبلهم .... ويجي الساعه الواحده ليلا .. والثانيه عشر ظهرا ..... تفكروو بالوقت .. !! لا ويقول نامو عندكم دراسه .. السهر يدمر الصحه .. والعقل ...ونسي ان برنامجه الساعه وحده باليل .. صار الوالد والوالده الله يحفظهم يستمعون للبرنامج .. واذا جاء الصبح ..طاحو فينا نصايح .. انواع التطبيق هههههههههههه فديتهم .. والله شي عجيب ....
يا دكتور مهدي غير الوقت حق برنامجك .. حطه بوقت يستفيدون منه الشباب ...
ماعلينا ..يقول الكتور مهدي باحدى حلقات البرنامج :
: وصلني سوال من احد المشاهدين يقول فيه : انا احد الطلبه المتميزيين .. وحاصل على نسبه 97 .. وكنت اتمنى ادخل مجال الطب .. ولكن للاسف .. فوجأت برفضي ..وقبول عدد من ابناء الدكاتره مع العلم بدناءه مستوياتهم الدراسيه .. والسبب كما تعلمون واضح ,,ولا يحتاج للشرح ..( قالها بلسانه امام المشاهدين )
هل تعلمون ماذا كان رد الدكتور مهدي ؟؟
كنت اتوقع يقول حسبنا لله ونعم الوكيل . . او شي من هالقبيل .. او ينكر هذا العمل ..
ولكن للاسف تدرون وش قال ؟؟
قال ليش ما حطيت لك هدف ثاني غير الطب ... حبكت يعني الا على الطب .. :112: طيب فيه مجالات ثانيه غيره ...
وانا اقول : طيب يا دكتور مهدي .. السوال الي سالته للشاب هذا ... ليش ما تسئله لابناء الدكاتره الي داخلين بالواسطه .. وهم ليسو بكفؤ لدراسه الطب ..!!
ليش ما طلبت منهم الاتجاه الى مجالات اخرى غير الطب ... ولا حبكت على الطب هم بعد ..
فعلا شي غريب ... دكتور ويصدر منك هالسوال..وبطريقه بشعه ...!! ليش
الله كريم
^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^
الاخ او الاخت ( لويزيانا روستن ) تحياتي لكم..

سوال السفاره بخصوص وشسويت من تخرجت للحين .. مو بعائق ..وكثير طلعت لهم الفيز وهم موظفين .. انسي هالموضوع ..بروووف من العمل وتنتهي الامور ... انشاء الله ما يعيق .. اهم شي صدور قرار الابتعاث .. فقط ..
تحياتي لكم

شكرا لكم على الموضوع