الموضوع: من باريس إلى فرانكفورت مسار رحلة

السلام عليكم ورحمة الله وبركاته

أنا أبي مشورتكم بمسار الرحلة،،

الوصول باريس ( 5 اوقست ) والعودة من فرانكفورت (21 اوقست )، الحمد لله شرينا التذاكر. باقي أرتب مسار الرحلة عشان الفنادق.

مبدئياً:

1- باريس 3 ليالي ( 5-8 أوقست )
2- ريف حول جنيف ( ديفون - شامونيه - انسي ) 6 ليالي ( 8-14 اوقست ). المسافة من باريس للريف 550 كم
3- انترلاكن 3 ليالي ( 14-17 اوقست ). المسافة من الريف لانترلاكن 250 كم.
4- رست الألمانية ليلتين ( 17-19 اوقست ). المسافة من انترلاكن لرست 250 كم.
5- فرانكفورت ليلتين ( 19-21) من رست لفرانكفورت 250 كم.

لكن عندي سؤال ، هل مسار الرحلة متعب؟ لان حنا عددنا كبير، 9 أشخاص 7 كبار و 2 أطفال.
إذا كان المسار متعب، فياليت تقترحون البديل. من الموبايل

مواضيع عشوائيه ممكن تكون تعجبك اخترناها لك:

• استفسار عن فرنسا في يناير
• مطلوب افضل شريحه هاتف نقال مع الإنترنت في فرنسا؟
• جدول رحلتي الى ديزني خلال اجازة الحج لمدة عشر أيام بالصور
• رحلتي لمدة أيام إلى الريفيرا الفرنسي
• يومين في فرنسا أسوأ يومين بحياتي
• استفسار ضروري
• الطقس في اكتوبر
• اضافة وجهة جديدة للمخطط
• بخصوص تأجير السيارت في فرنسا
• باص او ميترو
• استفسار بخصوص فيزا فرنسا
• القطار من مطار شارل ديغول وتخطيط ايام
• لاتردوني في انتظاركم
• استفسار عن فندق في باريس
• بافليون اوبرا في احد سكن فيه قبل كذا وايش رايكم
• باريس في فبراير
• مساعدة في السكن لو تكرمتم عاجل
• الطريق من باريس الى انترلاكن مباشره
• مساعدة في محطات المترو
• عاجل استفسار انا في فرنسا الان

باريس لجنيف 3 ساعات ونص يعني الاقامه في جنيف والتجول بالريف الفرنسي والعوده لجنيف اريح لكم خصوصا انه قريب ورحتكم ورجعتكم بالسياره انترلكن تبعد عن جنيف ساعتين ونص تقريبا والعوده من جنيف كذا اريح واحلا مسار استمتعو بالمدن وبالريف خصوصا ان المسافات قريبه لاتتجاوز 3 ساعات ابعد نقطه لكن رست وفرانكفورت صحيح المسافات قريبه لكن هل تقدرون ؟ يعني التنقلات كثيره جدا ،والعدد كبير !!!لكن لو فيكم حيل مايخالف التخطيط مبدئيا كويس انا شخصيا ما احب التنقلات الكثيره ابدا لانه تعب وشيل وحط شناط والواحد بيطلع يرتاح

يمكن الاغلب ما يحب التنقل الكثير
صحيح الطبيعه افضل من العواصم
لكن اذا بتروح لديزني ياليت تزيدها يوم من الايام المخصصه لديفون
ويوم ايضا يضاف الي انترلاكن او رست

لندنية تسلمين عالرد،،

المسافة من باريس لجنيف فوق ال 500 كلم، من قوقل مابز.

الذهاب والعودة ، باريس فرانكفورت.. غيرهم عادي يتغيرون لكن ذولي لا.

صادقة التنقلات متعبة ، عشان كذا أنا كتبت هالموضوع. شرايك لو شلنا رست؟ وصارت من انترلاكن لفرانكفورت.. حتى عدد الأيام يزيد بانترلاكن. لكن ودنا بمدينة الألعاب الي برست، محتار والله.

أخوي فيصل ، معك حق التنقلات متعبة..

لا ما راح نروح ديزني، بدالها ودنا نروح ل Europa Park الي ب Rust. المشكلة خلاص حجزت التذاكر، ف المواعيد ومدن الذهاب والعودة ثابتين.


بشكل عام، عندي خيارين الحين، نحذف رست لكن المسافة بتكون أطول من انترلاكن إلى فرانكفورت ولا راح نروح لمدينة الألعاب. الخيار الثاني، نروح رست، لكن عدد الفنادق الي بننزل فيها أكثر.

إذا في اقتراح آخر ، لا تبخلون علينا.. من الموبايل

ليش عدد الفنادق اكثر برست

لا أخوي فيصل، اقصد لو ما وحنا لرست بيصير مجموع الفنادق الي بننزل فيها 4 ، باريس، جنيف، انترلاكن، فرانكفورت. لكن لو رحنا رست بيصيرون 5 فنادق .

عددنا كبير وعدد الفنادق بيفرق معنا. من الموبايل

اها
خلو شناطك قليله وربكم يعين
المشكله هي العوده من فرانكفورت صراحه ولكن اهم شيء تنبسطو

الله يسلمك، المشكلة اننا فينا ناس كبار وصغار،، 80 سنة و سنتين.. من الموبايل

لا تفوتك رست .. روعه .. ولكن حاولو ان يكون الوصول لها
في غير الاجازة

الطريق من باريس الى ديفون ممتاز .. في حدود 500 كم

قبل الوصول لديفون توجد عقبه خفيفة انتبهوا منها ..

المسافه بالقطار من باريس لجنيف 3 ساعات ونص لاربع ساعات بالقطار انترلكن جميله جدا فيها نشاطات صيفيه رائعه ورست جميله بعد والله حيرتنا معك هههههههه لازم ترتبها صح والاهم ماتتعبون لان معكم كبار وصغار

اعمار 80 الله يطول باعمارهم واطفال اتمني انكم تقللون التشيك ان او تقللون كثر التنقل بالفنادق
بالاخير اللديره 500 كيلو او 400 وناسه كل شيء يفتح النفس حتي محطاتهم

والله حيرتوني زيادة يا جماعة.. لازم احذف رست او انترلاكن, لكن مدري وش احذف.
هل انترلاكن و الريف الي حول جنيف متشابه؟

انترلكن لاتحذفها نصيحه لانها روعى وفيها نشاطات كثيره

استخيري ربك
صح انترلاكن رووووووووعه لكن احسبي الطريق ذهاب وعوده
ترا الدعوه فيها كبار سن واطفال

يعطيكم العافية، قررت اكنسل رست وازيد بدالها ليلة بباريس وليلة بانترلاكن..

لكن عندي سؤال،،

قاعد أدور شقق بالريف الي حول جنيف، لقيت شقق مناسبة بشامونيه. هل المكان مناسب؟ تمشيتنا بتكون جنيف ، شامونيه ، انسي ، ايفيان والقرى الي حولها. هل يبكون مكان شامونيه غير مناسب للأماكن الي بنزورها؟ من الموبايل

شامونيه سمعت فيها عقبه
تاسكنو بغير شامونيه ديفون انسي ايفيان منترو
مره سكنا قريب جنيف بسعر مره رخيص