الموضوع: وصولي باريس الخميس الجاي

مساكم الله بالخير
وش الأخبار إن شاء الله طيبين؟؟

والله إني محتار وشلون أبتدي أحس الوضع متلخبط عندي شوي

أخوكم أول مره يطلع برا عشان كذا حاس انه متوهق..

طبعا مسافر مع المدام و وصولنا باريس الساعه خمسه ونص الفجر..

أدري الوقت مره بدري بس مابووه غير هالرحله و أعطيت الفندق خبر قال أجيهم نحط الشناط عندهم

و نرجع بعدين...

المهم يا طويلين العمر أنا بأقعد بباريس لين يوم الاثنين و بأمشي ألمانيا يعني كلها 4 أيام..

طيب الحين لما أوصل المطار وين أروح وكيف أخلص أموري..بصراحه شايل هم اللغه كثير..

غير كذا ودي تساعدوني في ترتيب الأيام...يعني أول يوم أوصله وين أروح و ثاني يوم و كذا.. بس أبي اللي جنب

بعض يكونو في يوم واحد..الفندق اللي أنا مستأجره بالشانز و أقرب محطه له اسمها سانت فيليب الظاهر..

عاد المترو هذا سالفته سالفه مدري كيف يستخدمونه...

المهم اني طلبتكم خشو معي خطوه بخطوه وانا باخذ لي ورقه و قلم و أرتب معكم الجدول

بإنتظاركم

مواضيع عشوائيه ممكن تكون تعجبك اخترناها لك:

• مطاعـم متـرو عنـاوين اسواق حدائق اسـماء محـطات
• العيد مع تارجيت
• الارياف الفرنسية ياأهل الخبرة لاهنتم
• الجو في نهاية شهر اكتوبر
• رحلتي بعد ايام وعندي سؤالين صغنونين
• قرية ريفية بين بلجيكا وفرنسا
• جدولي لمدة ليالي في باريس وبعض الإستفسارات
• الرجاء المساعده في تخطيطي لسفرتي
• دورة باريس
• طلب استشارة في قطار فرنسا
• استفسار بخصوص الفيزا
• ممكن مساعدة برتيب مخططي
• تاشيرة شنغنن فرنسا ترانزيت فى هولندا
• رايكم في الفندق هذا
• استفسار عن مسجد في باريس
• جدول رحلتي القادمه
• الحدائق الطبيعية والملاهي في باريس
• تجربتكم لهذا الفندق؟
• تأشيرة الشنغن
• استفسارات لاول رحله باريسيه

هلا ابو تركي
لاتخاف ولا تشيل هم
اعتبر نفسك نازل مطار جدة والا اي مدينة
ابد اول مابتنزل من الطيارة حتروح مع اللى نازلين الين يجيك الجوازات يختمو لك وبكذا حيجيك خروج للستلام الشنط
بتلاقيها واضحة والمسافرين اللى معك حيكونو معك للصالة اللى بتستلم شنطك فيها يعني مافية مشكلة لحد الان
اول ماتاخذ شنطك
اطلع للبوابة وبتلاقي التكاسي
اركب واحد للفندق وخل عنوانة معك وبيوصلك لاتخاف
اهم شي لايزود عليك بالسعر لان اكثر شي بيكون 100يورو بما انك بتوصل بالفجر
حاول معه الى 70 واذا وصلك ممتاز اركب ولاتتردد

الفندق رح سلمهم شنطك
وارتاح عندهم باللوبي لحد ماتجي الساعة 8صباحا
واتجة للشانز افطر في لادورية وتقهو
وبتلاقي كوشكات صغيرة
فيها تذاكر الباص الاحمر السياحي
خذ تذكرتين لك وللمدام
وابد من 9 بتشوف الباص من الشانز لة وقفة قرب ماريوت وعند قوس النصر
اعطهم التذاكر وهم بيلفون بك
على معالم باريس
المكان اللى يعجبك انزل فية تمش واذا طفشت ارجع اركب مع اي باص تلاقية احمر
وروح مكان ثاني يعني يوقفون بنقاط محددة انزل وارجع نفس النقطة
بكذا تلف باريس
الى وقت استلام الفندق
ارجع نام الى العصر
ورح تغد وارجع شوف الباص ورح لفلف معة
الى الساعة 7 بتوقيتهم بالليل
وارجع
ومن بكرة نفس الطريقة لو حاب التذكرة ليومين سعرها لشخصين 48 يورو

الميترو سهل لاتشيل همة لي رجعة لك والاخوان مابيقصرو

http://www.arabtravelersforum.com/travel694189/
هالجدول حلو بيفيدك

الله يطمن قلبك و يريح بالك يا أبو طلال و بيض الله وجهك
أختي لندنيه بارك الله فيك وما قصرتي...

يعني الحين أسجل عندي أول يوم لفلفه بالباص الأحمر لين ما أكتشف المدينه..

طيب وشلون أعرف أن الباص راجع الشانز عشان أرجع الفندق؟؟!!!

ثاني يوم بيكون الجمعه..تنصحوني أروح دزني لاند؟؟ لأني سمعت إنها زحمه بالسبت والأحد و المشكله اني باطلع من باريس يوم الإثنين..وشو الأفضل بنظركم؟

كمان اللي راح من باريس من قريب يعلمني كيف وضع النقاب هناك.. لأن زوجتي ما ودها تشيله؟؟

و مشكورين مره ثانيه

وينكم

الباص في عده لغات ويشرح لك وين رايح وين راح يوقف
ديزني لاند بالويك اند زحمه جدا لكن انت منحد روح لها ماعندك الا هاليومين
النقاب في باريس عليه تحفظ والله والمطار ممنوع

انت مشيت او لسه يا غالي

شكلو بباغي :004:

هلا بكم والله...معليش تعبتكم معي
لا ما وصلت باغيس ههههه ... مو قايل لكم وصولي هالخميس ان شاء الله

الحين خلاص قلت الخميس بأخذ لفه بالباص الاحمر اتعرف عالمعالم والليل اتمشى بالشانز

الجمعه باطلع دزني لاند بس هي تفتح الساعه كم؟؟ لانه السبت والاحد ويك اند وبتكون زحمه..وهل يمديني أمر ع الأوت لت ولا لا؟

السبت و الاحد قسموها لي

والتذاكر اشتريها من هنا من النت حق ايفل و دزمي ولا من وين

كمان المترو اخذ حق كم يوم؟؟

و شكرا

ابوتركي لاتشيل هم باريس واضحه قدامك
انا طقتني الوساوس وقتها لدرجه كنت بهون جاني شعور اني اخلي اهلي يروحون لحالهم وانا اقعد
الله لايوريك
المطار اسهل منه مافيه بتنزل مع الركاب هذا الامر سهل بعد مايشوفون جوازك تطلع
وضعهم اوكي ولايخوفون ترا ولايسألونك الا يرحبون فيك
عقب تلف يسار تاخذ شناطك وتطلع يمين
تلاقي ناس وش كثرهم يقولون لك تاكسي
يانك تتبع اللوحات الى محل التاكسي
او تاخذ اي واحد منهم انا بصراحه خذيت واحد منهم وطلع وش حليله
مايحتاج لغه وريه عنوان الفندق وبيوديك لانزلت للفندق ياتحط الشناط عنده
او يصلح لك تشيك ان بعضهم مايخالفون

الباص الاحمر ماتحتاجه انت بالشانز كل شي حولك
فوق تشوف قوس النصر وتحت تشوف المسله
ووراها اللوفر ويمينها تطالع تشوف ايفل يمديك تمشي له كلها ربع ساعه
ويسار تلاقي الاوبرا والله الديره واضحه جدا
المترو انصحك ببرنامج نزله بالايفون والله ياني خفت من المترو وقعدت اصيييح واحلف ماركبه
ويوم عرفت له وانا بباريس ومخمخت عليه صار لعبه نتسابق عليه تقل داخلين العاب
اسم البرنامج metro
ايقونته ازرق وابيض
لادخلته عندك فروم وتوو
فروم اكتب المحطه اللي انت واقف عندها تلاقي اسمها
تو اكتب المحطه اللي بتروح لها
ويعلمك المحطات اللي بتوقف عندها كلهاا او اللي بتمر عندها
انتبه لهالشي ضروووري
انت بمحطه بير حكيم عند ايفل وبتروح لايسبلاند مثلااا
اكتب فروم بير حكيم
تو اسبيلاند
شف تحت مكتوب دايركشين وتحتها تشينج
حلوو دايركشن هذا المكان اللي بتوقف عنده لانزلت تحت للمترو طالع باللوحه اللي فوق تلاقي تشارلز دي قول
هنا المكان اللي تركب منه عشان تمر بالمحطات اللي توصلك للنهايه

اذا مافهمت علي احاول اشرح لك

المهم نصيحه الباص الاحمر لاتركبه لانك بتبرد وتمرض لاسمح الله وتخرب رحلتك

موفق وتساهيل ان شاء الله

نورتي نورا

ماقصرتي نورا

فيصل منور بوجودك اخووي عاد يوم شفت اسمك طقتني النفاضه نسيت التقرير خخخخ
احس اني بتكفخ عاد تراي عجازه والله كل يوم اقول بدخل وانزل تقرير واتعيجز افتح الكام وانزل الصور :/

--
لندنيه وشدعوه ترا لولا الله ثم لولالكم ماعرفت شي الله لايخليني منكم
عاد تدرين احب هالقسم احس بحنيين له غصب لادخلت المنتدى ادرعم له

سهالات يا اختي
يكفي تواجدك

حيا الله نورا
و حيا الله فيصل

و حيا الله لندنيه

والله ما قصرتو معي و ريحتوني كثير..

انا حملت البرنامج اختي نورا بس ما عرفت له صراحه

طيب حق المترو من وين اشتريها واخذها كم يوم

وكنت باستاجر طياره وانا طالع من باريس واروح لبادن بس هونت باروح بالقطار

محطة القطارات وينها فيه..و احجز من هنا ولا من هناك

و شكرا

قصدي استأجر سياره اما طياره والله لو اني الوليد

نورا ولو واجبنا
ابو تركي هههههههههههههه سياره استاجر

كاش طق لك طياره دلع عمرك يا رجال لا تكنز الفلوس بس

اوقطار اذا ما تحب القياده
براسك سواقه شوف من باريس الي ستراسبورغ ساعتين بالقطاراعتقد ضعف المسافه
البرنامج سهل استخدامه بشوف لك طريقه له

https://itunes.apple.com/ae/app/metr...297404959?mt=8


http://www.arabtravelersforum.com/travel590306/


http://www.arabtravelersforum.com/travel491918/