الموضوع: اريد اسواق حلوة وغربيه و اسعارها معقوله

السلام عليكم


الى اهل الكويت و للى عنده خبرة فى الكويت



انا بحثت فى المنتدى عن الاسواق لكن اغلها غااااااااااااااااليه
مو بلوزة حلو ب 1500 ريال واجد الصراحه

وانا اللى عرفه انفى الكويت اشياء و ملابس حلوة وغربيه و رخيصه


وين القاها هاذى


اللى يعرف بليز يسرع علينا بالجواب وشكرررررررررررررررررررررررررا

مواضيع عشوائيه ممكن تكون تعجبك اخترناها لك:

• صوراحترافيه جميلة للكويت حديثة
• بلادي الغاليه
• منتجع سليل الجهراء السياحي تحت الإنشاء
• اين يوجد الجامع الكبير في الكويت وماهي الشقق او الفنادق القريبه منه
• سؤال للكويتات الذربات أبي رقم كوافيرة تجي البيت شغلها عددددل
• الخطوط الجويه الكويتيهضرورى
• طلب مساعدة
• احداثيات لأهم المواقع السياحية بالكويت
• قريبا في الكويت ولا نستغني عنكم
• هل احتاج الى فيزا للدخول الى دولة الكويت ؟؟؟؟
• استفسار العروض السياحيه للخطوط الكويتيه
• ابي رقم شقق بودل لانهم غيروه وابي برنامج ل ايام
• وش رايكم
• استفسار عن المحلات التجاريه افيدونا يا اهل الكويت ؟
• كيف دراهم عندنا وعندكم
• أعياد الكويت
• ابغى تأجير غرفه ثاني في الكويت
• محتار ياجماعة دريم ان او سارا بلازا
• استفسارات بخصوص السياحه في الكويت
• الضباب الكثيف يشل حركة الملاحه الجوية بالكويت

اذا تبحثين عن ملابس بنفس مستوى الغالي...

1-مجمع العدساني في منطقة حولي ... يوجد به ملابس مختلفة و بأسعار ممتازة...

2-المخازن الكبرى في مدينة الكويت...ايضا به ملابس و بأسعار مناسبة...

ملاحظة : هذه المجمعات ليست بماركات عالمية لكنها توفر ملابس ممتازة و مسيارة لملابس وقتنا هذا.

تحياتي.

مثل ماذكر الأخ ضاري ويوجد أيضا مجمع العثمان ومجمع الأيوب وسندس ومجمع النقرة الشمالي والجنوبي(وهي مجمعات بمنطقة حولي وبها محلات متنوعة مختصة بالملابس النسائية ذات مستوى جيد جدا وباسعار معقولة)

كل مايخص المرأه في هذا الرابط

http://travel4arab.com/vb/showpost.p...9&postcount=14

مجمع النقرة الشمالي
مجمع النقرة الجنوبي
مجمع الايوب

اهلين حبيبتي تنورين الكويت والله : )
*الاسواق الغاليه:
الرايه والصالحيه وفلةمودا
*الاسواق المتوسطه :
عندج سوق شرق وعندج المرينا والفنار والبستان و مريم وليلى جلري وجلاريا 2000 والكوت(هذا اجدد مجمع بالكويت)
*الاسواق الرخيصه :
مجمع النقرة السمالي وبعد الجنوبي و العربيد والعربيد بلازا والعدساني والايوب

وانصحج اتروحين المعارض اللي مثل بيت السلام وديفا وكريزما هذولي صراحه اتلاقين عندهم اشياء غريبه وحلوه

انا بصراحة كان ودي اخدمج ... لكن ما اعرف بملابس الحريم عدل !!!
على كل حال ... الكويت ما تضيع ... كلّش كلّش ... سألي أي وحده تشوفينها بالطريج .. وسأليها ...
وماراح يقصرون أهل الكويت ... ان شاالله ... وبالتوفيق ...

مشكورة إختي Q8aya على مشاركتج بس أحب أوضح أن أحدث المجمعات بالكويت هي :
1- البحر سنتر بحولي
2- مجمع دار العوضي (بالديرة العاصمة)
3- المنشر بالفحيحيل (لم يفتتح بالكامل)
وشكرا

مشكـــــــــــــــــــــــــــــــــــــــــــــــ ــــــــــــــــــــــورين على العموم

هالايام بالكويت في وايد معارض ..

عندج بيت كاريزما و بيت ديفا (بجانب المستشفى الاميري - شرق)
بيت بدره و بيت ديما (بجانب الكنيسه الانجلييه الوطنيه - تقريبا على البحر)

--------------------------------------------------------------------------

هالايام اغلب المحلات Sale
فما راح تلقين شي جديد !

عندج الصالحية و الرايه فيهم اشياء حلوة و غاليه..
مجمع العثمان و المهلب بعد في اشياء حلوة و متوسطه السعر

في مجمعات يدد مثل ما قال فهد :
مثل البحر سنتر بحولي و دار العوضي بالديره

عندج المجمعات الباقيين : الفنار , سوق شرق , مارينا , الكوت , زهره , مريم
شاهه , منيره , بيروت , بلازا السالميه و بلازا حولي , جاليريا 2000 , كويت ماجيك
و
بس

أخواني وخواتي
بالنسبة للمعارض اللي ذكرتوها إذا كانت مؤقته يعني لفترة وتنتهي
متى راح يكون آخر موعد لها ؟؟؟

تكفون ردوا علي

تحياتي.

المشاركة الأصلية كتبت بواسطة سحابه


أخواني وخواتي
بالنسبة للمعارض اللي ذكرتوها إذا كانت مؤقته يعني لفترة وتنتهي
متى راح يكون آخر موعد لها ؟؟؟
تكفون ردوا علي
تحياتي.




اغلب التوقيت لها يكون قبل المواسم بكم يوم مثل

رمضان والعيدين ودخلت فصل الشتاء وفصل الصيف


والحين باقي 20 يوم على رمضان اظن انهم بلشووووووووووووووووووو